ރައީސް އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ކޮންގަރެސްގައި ސަލާމްކުރައްވަނީ. -- ފޮޓޯ ފަޔާޒު މޫސާ | މިހާރު
21 އޯގަސްޓް 2022 - 23:38
8 comments
މިއަދު ނިންމާލި އެމްޑީޕީގެ ކޮންގްރެސް ކާމިޔާބު ކަމަށާއި ޕާޓީގެ އެއްބައިވަންތަކަން ކުރިއަށް ވުރެ އިތުރުވެފައިވާ ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.
މިދިޔަ ހުކުރު ދުވަހު ފެށި އެމްޑީޕީގެ ކޮންގްރެސް 2022 މިރޭ ނިންމާލުމާ އެކު ރައީސް ކުރެއްވި ޓްވީޓުގައި ވިދާޅުވީ އެ ކޮންގްރެސްގައި އެކި މަޝްވަރާތައް ކުރެވި އެއް އަމާޒަކަށް މަސައްކަތްކުރެވުނު ކަމަށެވެ.
"އަންނަ އަހަރުގެ ރިޔާސީ އިންތިހާބާ ކުރިމަތިލާއިރު ޕާޓީގެ އަމާޒަށް ވާސިލްވުމުގައި ކުރިއަށްވުރެ ވެސް ވަރުގަދަ އަޒުމެއްގައި މިހާރު އޮތީ ކުރިއަށްވުރެ ވެސް އެއްބައިވަންތަންކޮށް،" ރައީސްގެ ޓްވީޓްގައިވެ އެވެ.
ކޮންގްރެސް ފެށި އިރު ޕާޓީގެ ރައީސް މުހައްމަދު ނަޝީދު ރާއްޖޭގެ ވެރިކަމުގެ ނިޒާމު ބަރުލަމާނީ އަށް ބަދަލުކުރުމުގެ މަސައްކަތުގައި ހުށަހެޅުއްވި ގަރާރާ މެދު އޮތީ ވަރަށް ބޮޑަށް ހިޔާލު ތަފާތުވެފަ އެވެ. މި ހިޔާލް ތަފާތުވުން މަޖިލީހުގެ ރައީސް ނަޝީދުގެ ފެކްޝަނާއި ރައީސް އިބްރާހިމް މުހައްމަދު ސޯލިހްގެ ފެކްޝަނާ މެދު ވަރަށް ބޮޑު ނުތަނަވަސްކަން ބޮޑުވި ނަމަވެސް މިއަދު ކޮންގްރެސް ނިންމާލީ ގަރާރާ މެދު އިތުރަށް މަޝްވަރާކުރުމަށް ދެ ރައީސުން އެއްބަސްވެވަޑައިގަތުމަށްފަހު އެވެ.
Congratulations to @MDPSecretariat for a very successful #MDPCongress2022 where we were able to engage in dialogue and find common purpose.
— Ibrahim Mohamed Solih (@ibusolih) August 21, 2022
We are more united and determined than ever in our mission as we face next year’s Presidential Elections!
ރާއްޖޭގެ އެކި ކަންކޮޅުތަކުން 1200 އަށް ވުރެ ގިނަ މެމްބަރުން ބައިވެރިވި ކޮންގްރެސް ނިންމަވާލައްވަމުން ރައީސް ވިދާޅުވީ ސިޔާސީ ލީޑަރުންގެ ގޮތުގައި ތިބޭ އިރު އެކި ކަންކަން ބޭނުންވާނެ ކަމަށާއި ނަމަވެސް ހުރިހާ ކަމެއް އެއްކިބާކޮށް ޕާޓީއާ އެކު ކުރިޔަށް ދާން ތިބިކަން މިއަދު ކޮންގްރެސް އިން ހާމަވެގެން ދިޔަ ކަމަށެވެ.
"މިތަނުގައި އަޅުގަނޑުމެން ހަރަކާތްތެރިވަމުން ދިޔަ އިރު ވެސް ޓެންޝަން އަޅުގަނޑުމެންގެ ތެރޭގައި އޮތް. މިއަދު ކޮންގްރެސް ނިމިގެން މި ދަނީ އަޅުގަނޑު ގަބޫލުކުރާ ގޮތުގައި ފުރިހަމަ މެޗުއާ ޕާޓީއެއްގެ ގޮތުގައި،" ރައީސް ވިދާޅުވި އެވެ.
އެމްޑީޕީގެ ވިސްނުން ދެން ބަހައްޓަންވީ ރިޔާސީ އިންތިހާބަށް ކަމަށާއި އެކަތިގަނޑެއް ގޮތުގައި ތިބެ ވާދަވެރިން މި އިންތިހާބުން ބަލި ކުރުމަށް އެއް އަޒުމެއްގައި މަސައްކަތް ކުރަން ޖެހޭ ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެޓްލް
22 August 2022
އަންނި އެންމެ ރަނގަޅަށް ދަންނަނީ އިބޫ. އަންނި އަކީ މޮޅު އެކްޓިވިސްޓެއް ބަޓް ވެރިކަން ކުރަން ސޮރީއޭ ބުނެވޭނީ.
އޭރީޒް
22 August 2022
މީ ކަނޑައެޅިގެން ބޮޑު ދޮގެއް. 2023 ގަ އެމްޑީޕީ ގެ ރިޔާސީ ކެންޑިޑޭޓް އަކީ މިހާރުގެ ރައީސުލް ޖުމްހޫރިއްޔާ ކަމަށް ވެއްޖިއްޔާ އެމްޑީޕީ އަށް ވޯޓު ނުދޭނެ އެތައްބަޔަކު ޕާޓީގަ އެބަތިބި. އެއީ އެމްޑީޕީއަށް ވެރިކަން ނުލިބުނަސް ސިޔާސީ މަގާމެއް ނުވަތަ މާލީ ފައިދާއެއްވެސް ގެއްލޭނެ ބައެއްވެސް ނޫން.
ޖަލަން
22 August 2022
ހަމަ ގައިމުވެެސް ޕީޕީއެމް އަކަށް ނުދޭނަން ވޯޓެއް.
ރަދީފު ބިން ރަފައިދާ
22 August 2022
މަތިމަތިން ކޮންމެއެއްޗެއް ދެއްކިޔަސް އަޑީގާ އޮތީ ފީ. ދެން އެމްޑީޕީއަށް އޮތީ ފީހޮވުން.
ނުހަނ
22 August 2022
އަމަލީ ގޮތުން ދެ ރައީސުން ވެސް ތިކަން ދައްކަވާނެ ކަމަށް އުއްމީދުގަ ތިބިން. ކުރިއަށް ވުރެ އެއްބައިވަންތަ މިއަދު ދެއްކި ރީތި މިސާލާއި އެކު. ނަމަވެސް ސިޔާސީ ގޮތުން ތިޔަ އެއްބަސްވި އެއްބަސްވުންތަކަށް ބާރު އޮތް ފަރާތުން ނަމޫނާ ދައްކަންވާނެ 2018ގައި ވީ ގޮތް ނުހަދަ.
ކުޑޭ
22 August 2022
ކަލްޓް ލީޑަރަށް އެހެން ގޮތެއް ނެތިއްޔޭ، އެހެން ނޫނީ މަރިޔަނބު ގެއްލި ކަތިވަޅި ގެއްލި ކޮށި ދަނޑުވެސް ގެއްލެނީ
ފައިހު
22 August 2022
ތީ ހަމަ ތަފާތު ރައީސް އެއް. މަޑުމައިތިރި ކަމާއެކު ތިޔަ ގެންދަވަނީ ޕާޓީއާއި ރާއްޖެ އޮމާން ކަމާއެކު އަމާން ކުރައްވަމުން. އުނދަގުލުގަވެސް އެންމެން ގޮވައިގެން އުޅެވޭނެ ލީޑަރަކު ތިޔަ ނޫނީ ނުދެކެން.
ރަދީފު ބިން ރަފައިދާ
21 August 2022
އެކަމަކު އަދިވެސް ހަދާންކުރާތި ފޯނު ގެއްލުނަސް ފޮޓޯ އެބައޮތް. އެއްބައިވަންތަކަން ބިނާވަނީ އެފޮޓޯގެ ރައްކާތެރިކަމާ ގުޅިފާއޮތުންވެސް އެކަށީގެންވޭ.