ޚަބަރު / ކަރެކްޝަނަލް ސާވިސް

ޖަލު އޮފިސަރުން ވެސް ބޮޑީ ވޯން ކެމެރާ ބޭނުންކުރަން ފަށައިފި

ޖަލު އޮފިސަރެއްގެ ޔުނީފޯމުގައި ބޮޑީ ވޯން ކެމެރާ ހަރުކޮށްފައި -- ފޮޓޯ: ކަރެކްޝަނަލް ސާވިސް

އިފްރާޒް އަލީ، މިހާރު

24 އޯގަސްޓް 2022 - 10:36

2 comments

ޖަލުގައި ފްރޮންޓްލައިންގައި ހަރަކާތްތެރިވާ ޖަލު އޮފިސަރުންނަށް ބޮޑީ ވޯން ކެމެރާ ބޭނުންކުރަން އިއްޔެ ފަށައިފި އެވެ.

ކަރެކްޝަނަލް ސާވިސް އިން ނެރުނު ނޫސްބަޔާނެއްގައި ބުނީ ޖަލު ތެރޭގައި އީއެސްޖީ އޮފިސަރުން ހިންގާ އޮޕަރޭޝަންތަކުގައި ވެސް ބޮޑީ ވޯން ކެމެރާ ބޭނުންކުރާނެ ކަމަށެވެ.

އެ އިދާރާ އިން ބުނީ ބޮޑީ ވޯން ކެމެރާ މެދުވެރިކޮށް ޖަލު އޮފިސަރުން މިހާރަށް ވުރެ ޒިންމާދާރުވެ، ޖަވާބުދާރީވުން އިތުރު ވެގެންދާނެ ކަމަށެވެ. އަދި ޖަލުގައި ހިނގާ ހާދިސާއެއް ތަހުގީގުކުރަން ޖެހޭ ހާލަތުގައި، އެ އިދާރާގެ އެތެރޭންނާއި ބޭރުން ތަހުގީގުކުރާ ފަރާތްތަކަށް ވީޑީއޯ އަދި އޯޑިއޯ ރެކޯޑިން އޮތުމުން އެ މައްސަލަ ބެލުމަށް ފަސޭހަވާނެ ކަމަށެވެ.

"މިއީ ޖަލުގައި ބަންދުކޮށްފައި ތިބޭ ފަރާތްތަކާއި ޖަލު އޮފިސަރުންގެ ރައްކާތެރިކަން ކަށަވަރުކޮށްދިނުމަށް މުހިންމު ދައުރެއް އަދާކުރާނެ ފިޔަވަޅެކެވެ،" އެ ބަޔާނުގައި ބުންޏެވެ.

Jalu officer in ves body worn camera beynun kuran fashanee

The most trusted news source in the Maldives

Mihaaru

ބޮޑީ ވޯން ކެމެރާ ގެންނަން ކަރެކްޝަންސް އިން ހަވާލުކުރީ އެމެރިކާގެ އެކްސޮން ކުންފުނީގެ ދިވެހިރާއްޖޭގެ ޑިސްޓްރިބިއުޓަރު ޒެޓާ ޓެކްނޮލޮޖީސްއާ އެވެ. އެ ކުންފުންޏާ އެކު އެކަމުގެ އެއްބަސްވުން ހެދީ މި އަހަރު ފެބްރުއަރީ މަހު 17 ގަ އެވެ.

އެ ކުންފުންޏާ ހަވާލުކުރީ ކަރެކްޝަންސް އަށް 15 ބޮޑީ ވޯން ކެމެރާ އާއި ތިން ޓޭޒާ ފޯރުކޮށް ދިނުމަށެވެ.

މި އަހަރު ޖެނުއަރީގައި ފުލުހުން ވެސް ވަނީ ބޮޑީ ވޯން ކެމެރާ ބޭނުންކުރަން ފަށައިފަ އެވެ.

ގައިދީން ކަރެކްޝަނަލް ސާވިސް ޖަލުތައް

2 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިވެހިގައުމު

24 August 2022

ކެމެރާ ހަރުކުރިޔަސް ކަމަކުނުދާނެ، ބޭނުން ޖެހޭ ހާލަތުގައި ރެކޯޑް ކުރެވިފައި ނެތިއްޔާ. މިގައުމުގައި ވާގޮތަކީ ސީސީޓީވީ ކެމެރާވެސް ބެނުން ޖެހޭއިރު ހުންނަނީ ކޮންމެވެސް މައްސަލަޖެހިފައި. މަޖާކަމަކީ މައްސަލަޖެހެނީވެސް އެބޭނުންވާ ފުޓޭޖްކޮޅަށް އެކަނި. ހޮޓާތަކުގަވެސް ހުރޭ ސިގިރެޓް ބުއިން މަނާ އިންޒާޖު ޖަހާފަ. އެކަމަކުވެސް އަޑުގަދަމީހާ ގޮސް ޖެހިލުމެއްނެތި ބޯނެ. އެތާ ތިބޭ ބަގުލަދޭޝް މީހުންނަށް އެއްޗެކޭ ބުނާކަށްނުކެރޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުމާ

24 August 2022

މި ކެމެރާ ޕުރޮޖެކްޓުގެ ކަންތަށް އޭސީސީ އިން ބަލަންޖެހޭ، ބިޑެއްކުރުމެއްނެތި ވަކިބަޔަކަށް މަންފާ ހޯދައިދޭން ހިންގާކަމެއް، ޕޮލިހުންނާ ކަރެކްޝަންއަށް އެތަށް ބައިވަރު ކެމެރާތަކެއްނަގައިގެން ، ހޯމް މިނިސްޓުރީގެ ބަޔަކާ ފުލުހުންނާ ކަރެކްޝަންގެ ބޮޑުންނާ ގުޅިގެން ހިންގާބޮޑު ކަރަޕްސަންއެއް. މިކަންބާލާ މާލިއްޔަތު ގާނޫނާ ޚިލާފަށް ކުރާކަމެއް