ވިޔަފާރި / އެމްޕީއެލް އެޕްރެންޓިސްޝިޕް ޕްރޮގްރާމް

އެމްޕީއެލް އެޕްރެންޓިސްޝިޕްގެ 18 ބައިވެރިންނަށް ދާއިމީ ވަޒީފާ

އެމްޕީއެލް އެޕްރެންޓިސްޝިޕްގެ ބައިވެރިންނަށް ސެޓްފިކެޓް ހަަވާލު ކޮށްދެނީ--ފޮޓޯ:ނިޝާން އަލީ/މިހާރު

ފާތިމަތު ޝަނާ މުހައްމަދު، މިހާރު

04 ސެޕްޓެމްބަރ 2022 - 21:10

އެމްޕީއެލްގެ އެޕްރެންޓިސްޝިޕް ޕްރޮގްރާމްގައި ބައިވެރިވި 20 ކުދިންގެ ތެރެއިން 18 ކުއްޖަކަށް އެމްޕީއެލް އިން ދާއިމީ ވަޒީފާ ހަމަޖައްސައިދީފި އެވެ.

އެމްޕީއެލްގެ އެޕްރެންޓިސްޝިޕްގައި ބައިވެރިވި ކުދިންގެ ތެރެއިން އެ ޕްރޮގްރާމު ނިންމި ކުދިންނަށް އެކަމުގެ ލިޔުން މިއަދު ވަނީ ހަވާލުކޮށްފަ އެވެ. އެމްއެންޔޫގައި ބޭއްވި ރަސްމިއްޔާތުގައި އެކަމުގެ ލިޔުން ހަވާލުކޮށްދެއްވީ ޔޫތު މިނިސްޓަރު އަހުމަަދު މަހުލޫފެވެ.

މި ރަސްމިއްޔާތުގައި މަހުލޫފު ވިދާޅުވީ، މިފަދަ އެޕްރެންޓިސްޝިޕް ޕްރޮގްރާމުތަކުގައި ބައިވެރިވާ ފަރާތްތަކަށް ސަރުކާރުގެ އިދާރާތަކުން ވަޒީފާގެ ފުރުސަތުތައް ފަހިވުން މުހިއްމު ކަމަށެވެ.

އެމްޕީއެލް އެޕްރެންޓިސްޝިޕްގެ ބައިވެރިން. 20 ކުދިން ޕްރޮގްރާމު ނިންމި--ފޮޓޯ: ނިޝާން އަލީ/މިހާރު

މިފަދަ ޕްރޮގްރާމުތަކުން ނަތީޖާ ނެރެވޭކަން އެމްޕީއެލްގެ އެޕްރެންޓިސްޝިޕް ޕްރޮގްރާމުން ވެސް އެނގޭ ކަމަށް މިނިސްޓަރު ވިދާޅުވި އެވެ. މަހުލޫފު ވިދާޅުވީ، ޒުވާނުން މިފަދަ ފުރުސަތުތަކުގެ ބޭނުން ކުރުމުން އެ މީހުންގެ މުސްތަގްބަލް ބިނާކުރަަން އިތުރަށް ފަސޭހަވާނެ ކަމަށެވެ.

"މި ޕްރޮގްރާމު އެބަ ރަނގަޅަށް ކުރިއަށްދޭ. އެ ރަނގަޅު ނަތީޖާ ހޯދުމަށް މި ލިބޭ ފުރުސަތުގެ ބޭނުން ވަރަށް މުހިއްމު،" އޭނާ ވިދާޅުވި އެވެ.

އެމްޕީއެލްގެ ސީއީއޯ ޝާހިދު އަލީ ވިދާޅުވީ، އެ ކުންފުނިން ހިންގި އެޕްރެންޓިސްޝިޕް ޕްރޮގްރާމުގައި ތިން އަންހެނުން ބައިވެރިވި އިރު އޭގެ ތެރެއިން ދެ މީހުން މިހާރު ވެސް އެމްޕީއެލްގައި ރަނގަޅަށް މަސައްކަތް ކުރަމުން އަންނަ ކަމަށެވެ. އެހެންވެ ކުރިއަށް އޮތްތަނުގައި ވެސް މިފަދަ ވަޒީފާގެ ފުރުސަތުތަކަށް އަންހެނުން އިތުރަށް ބައިވެރިވުން މުހިއްމު ކަމަށް އޭނާ ވިދާޅުވި އެވެ.

"ކުންފުނިން ވަރަށް މުހިއްމު އިސްކަމެއް ދީގެން ޒުވާނުންގެ ކުރިމަކަށް ހިންގާ ޕްރޮގްރާމެއް މިއީ،" އޭނާ ވިދާޅުވި އެވެ.

އެމްޕީއެލްގެ ސީއީއޯ ޝާހިދު އަލީ ވާހަކަދައްކަވަނީ. އޭނާ ވިދާޅުވީ، މި ޕްރޮގްރާމަކީ އެކުންފުނިން ޒުވާނުންނަށް ހިންގާ މުހިއްމު ޕްރޮގްރާމެއް ކަމަށް--ފޮޓޯ:މިހާރު

"ނޭޝަނަލް އެޕްރެންޓިސްޝިޕް ޕްރޮގްރާމް"ގެ ދަށުން އެމްޕީޢެލް އިން ފުރުސަތު ހުޅުވާލީ މިދިޔަ އަހަރު އޭޕްރީލް މަހު އެވެ. ޓިވެޓް އޮތޯރިޓީ އާއި ޔޫތު މިނިސްޓްރީއާ ގުޅިގެން އެމްޕީއެލް އިން ހިންގާ ޕްރޮގްރާމްގެ ތަމްރީނުގެ މުއްދަތުގައި ކޮންމެ މަހަކު އެލަވެންސެއްގެ ގޮތުގައި 5،000ރ. ދީފައިވެ އެވެ. މި ޕްރޮގްރާމުގައި މަސައްކަތުގެ ތަޖުރިބާ އާއި މަސައްކަތަށް ބޭނުންވާ ތިއަރީ ކްލާސްތައް ވެސް ކުރިއަށް ގެންގޮސްފައިވެ އެވެ.

މި އެޕްރެޓިސްޝިޕް ޕްރޮގްރާމް ފުރިހަމަ ކުރި މީހުންނަށް އެ ދާއިރާއަކުން ލެވެލް ތިނެއްގެ ސެޓްފިކެޓެއް ލިބިފައިވެ އެވެ.

އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު އެމްޕީއެލް އެމްޕީއެލް އެޕްރެންޓިސްޝިޕް ޕްރޮގްރާމް ޝާހިދު އަލީ، މެނޭޖިން ޑިރެކްޓަރު، އެމްޕީއެލް

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުރަބޯ

04 September 2022

ބަލަ މީނާގެ މައްސަލަ ބަލާ ވާހަކަ ދައުވާ ކުރާވާހަކަ އިރުއިރު ކޮޅާ ދައްކާ އެކަމަކު މިހާރުވެސް އެހެރީ އެމާތް އަތްޕުޅުން އިނާމު ދެއްވަން ހެހެހެހެހޭ……!!!!!!