އުދައްޔު: އޭނާ މަރާލި މައްސަލާގައި ކުޑަކުއްޖެއްގެ މައްޗަށް ވަނީ ސާބިތުވެފައި
15 ސެޕްޓެމްބަރ 2022 - 03:06
4 comments
ގއ. މާމެންދޫގައި މިދިޔަ އަހަރު މަރާލި އަހުމަދު އުދައްޔުގެ މަރުގެ މައްސަލާގައި ދައުލަތުން ދައުވާކުރި ކުޑަކުއްޖާގެ މައްޗަށް ކުށް ސާބިތުވާ ކަމަށް ޖުވެނައިލް ކޯޓުން ހުކުމްކޮށްފި އެވެ.
މިދިޔަ އަހަރުގެ ކުރީކޮޅު މާމެންދޫގައި ގްރޫޕަކުން ގޮސް ތޫނު އެއްޗެހިން ހަމަލާދީ އުދައްޔު މަރާލި މައްސަލާގައި ދައުލަތުން ދައުވާކުރި 17 އަހަރުގެ ކުއްޖާގެ މައްޗަށް ކުރި ތޫނު އެއްޗެއް ބޭނުންކޮށްގެން ގަސްދުގައި މީހަކު މެރުމުގެ ދައުވާ އާއި ހަތިޔާރެއް ބޭނުންކޮށްގެން މާރާމާރީ ހިންގުމުގެ ދައުވާ ސާބިތުވާ ކަމަށް ޖުވެނައިލް ކޯޓުން ނިންމީ އިއްޔެ އެވެ.
ޕްރޮސެކިއުޓާ ޖެނެރަލްގެ އޮފީހުން ބުނީ ކުށް ސާބިތުވިޔަސް، އެ ކުއްޖާގެ މައްޗަށް އަދި އަދަބު ކަނޑަނާޅާ ކަމަށެވެ. ގާނޫނު އޮންނަ ގޮތުން އެ މަރުހަލާ ކުރިއަށް ގެންދާނީ ވަކިންނެވެ.
އެ ބާވަތުގެ މައްސަލަތައް ކުރިިއަށް ގެންދަނީ ސިއްރުކޮށްގެން ކަމަށްވާތީ އެ މައްސަލާގެ ތަފްސީލެއް ނުލިބެ އެވެ.
އުދައްޔުގެ މަރާ ގުޅިގެން އިތުރު ތިން މީހެއްގެ މައްޗަށް ކްރިމިނަލް ކޯޓުގައި ދައުލަތުން ދައުވާކުރެ އެވެ. އެ މައްސަލާގައި މިހާރު ކުރިއަށް ދަނީ ހެކިބަސް ނެގުމުގެ މަރުހަލާ އެވެ. އެ މައްސަލަ ނިންމަން އެ ކޯޓުން މިހާރު ތާވަލް ކޮށްފައި އޮތީ އަންނަ އަހަރުގެ ކުރީކޮޅަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވޯޓުއޮޅުވާލިޖިންނި
15 September 2022
މީދެން ބޮޑުވެއްޖެކަމެއް! ޖެހިލުމެއްނެތި ތޫނުހަތިޔާރާ އޭތިމީތިހިފައިގެންގޮސް އިންސާނެއްގެ ފުރާނަދުއްވާލެވޭވަރުގެ ކުޑަކުދިންނެތް ނުތިބޭން.
ޙިނި
15 September 2022
މިމީހުނައް ނޭންގެނީބާ ގޭންގުތަކުން 18 އަހަރުން ދަށުގެކުދިން ބޮޑެތިކުއްތައް ކުރަން ބޭނުންކުރާކަން
ފެންކޮށި
15 September 2022
ކްރިމިނަލް މައްސަލަތަކުގައި ކުޑަކުއްޖެއް ކަމުގައި ބަލާ އުމުރު 15 އަހަރާ ހަމައަށް ހަދަން ފެނޭ. 16 ، 17 އަހަރަކީ ފުދޭވަރަށް ތަންދޮރު އެނގިފައި ތިބޭނެ ގައިބާރުވެސް ހުރި އުމުރެއް. ކްރިމިނަލް މެންޓަލިޓީގެ އެއުމުރުގެ ޒުވާންކުދިން ތުއްތުކުދިންނަށް ހަދާ ގާނޫނީ ހިމާޔަތް ދޭނަމަ އެއީ ހަމަ ދޫކޮށްލެވިފައި ތިބޭ ކަތިލާ މެޝިންތަކެއް!
ޕިނޯކިއޯ
15 September 2022
ކޮން ކުޑަކުއްޖެއްތަ، 17 އަހަރުގެ، ވަޅިން މީހުން މަރާ؟