ޔޫރޯ 2024 އިން ވެސް ރަޝިއާ ބާކީކޮށްފި

މުހައްމަދު ޒަޔާން ޒާހިރު، މިހާރު

21 ސެޕްޓެމްބަރ 2022 - 10:11

ނިޔޯން (ސެޕްޓެމްބަރު 21) - ޖަރުމަނުގައި 2024 ވަނަ އަހަރު ބާއްވަން ހަމަޖެހިފައިވާ ޔޫރޯ ފުޓުބޯޅަ މުބާރާތުން ރަޝިއާ ބޭރުކުރަން ޔޫރަޕުގެ ފުޓުބޯޅައިގެ މައި އިދާރާ، ޔުއެފާ އިން ނިންމައިފި އެވެ.

ރަޝިއާ ސިފައިން ޔޫކްރޭނަށް އަރައި ހަނގުރާމަ ފެށުމާ ގުޅިގެން މިދިޔަ ފެބްރުއަރީ މަހު، ޔުއެފާ އަދި ފީފާ އިން ވެސް ވަނީ ރަޝިއާގެ ގައުމީ ޓީމާއި ކުލަބުތައް ބައިނަލްއަގުވާމީ މުބާރާތްތަކުން ސަސްޕެންޑް ކޮށްފަ އެވެ.

ރަޝިއާ އިން ކުޅިވަރުގެ އާބިޓްރޭޝަން ކޯޓް (ކާސް) ގައި މި މައްސަލަ އިސްތިއުނާފު ކުރި ނަމަވެސް، މިދިޔަ ޖުލައި މަހު ކޯޓުން ނިންމާފައި ވަނީ ޔުއެފާ އަދި ފީފާގެ ނިންމުން ދަމަހައްޓާށެވެ.

ރަޝިއާއާ އަސްކަރީ ގޮތުން ގާތް ގުޅުމެއް ބާއްވާ ބެލަރޫސް އަށް ވެސް ޔޫރޯ އިން ޖާގަ ނުދޭން، މުބާރާތް ބާއްވާ ގައުމުގެ ހައިސިއްޔަތުން ޖަރުމަނުން ވަނީ ޔުއެފާ ގައި އެދިފަ އެވެ. ނަމަވެސް ޔުއެފާ އިން ނިންމީ، އަންނަ މަހު ބާއްވާ މުބާރާތުގެ ކޮލިފައިންގެ ގުރުއަތުލުމުގައި ބެލަރޫސް ހިމަނައިގެން ކުރިއަށް ގެންދާށެވެ.

ކޮލިފައިންގެ ގުރުއަތުލުން ބާއްވަން ހަމަޖެހިފައި ވަނީ އަންނަ އޮކްޓޫބަރު މަހުގެ ނުވަ ވަނަ ދުވަހު، ޖަރުމަންގެ ފްރެންކްފާޓުގަ އެވެ. ރަޝިއާ ސަސްޕެންޑް ކުރުމުގެ ސަބަބުން، ބެލަރޫސް އާއެކު ކޮލިފައިންގައި ޖުމްލަ 53 ޓީމެއް ވާދަކުރާނެ އެވެ. އަދި ސަލާމަތީ ސަބަބުތަކަށްޓަކައި، އަވަށްޓެރި ޔޫކްރޭނާ އެއް ގުރޫޕެއްގައި ބެލަރޫސް ނުހިމަނަން، ޔުއެފާ އިން ވަނީ ނިންމައިފަ އެވެ.

ބެލަރޫސް އަށް ޔޫރޯ ކޮލިފައިންގައި ވާދަކުރުމުގެ ފުރުސަތު ލިބިފައި ވާއިރު، އެ ގައުމުގެ ހޯމް މެޗުތަކަށް ސަޕޯޓަރުން ނުވައްދައި، އެހެން ގައުމެއްގައި ކުޅެން ޖެހޭ ގޮތަށް މިދިޔަ މެއި މަހު ޔޫއެފާ އިން ވަނީ ޝަރުތު ކޮށްފަ އެވެ. ނޭޝަންސް ލީގުގައި ވެސް މި އަހަރު ބެލަރޫސްގެ ހޯމް މެޗުތައް ކުޅެމުން އަންނަނީ ސާބިއާގަ އެވެ. ނަމަވެސް ބެލަރޫސްގެ ކްލަބް ފުޓުބޯޅަ ލީގުތައް ކުރިއަށް ދަނީ އެ ގައުމުގަ އެވެ.

ޔޫރޯ ކޮލިފައިންގެ ގުރުއަތުލުމުގައި ހިމެނޭ ޔޫއެފާގެ އެހެން ސިޔާސީ ނިންމުން ތަކުގެ ތެރޭގައި، އަޒަރުބައިޖާނާއި އަރުމީނިއާ އަދި ސްޕެއިން އާއި ޖިބްރާލްޓާގެ ކުރިމަތިލުންތައް ހުއްޓުވުން ހިމެނެ އެވެ. މީގެ އިތުރުން، މީގެ ހަ އަހަރު ކުރިން ފީފާ އަދި ޔޫއެފާގެ މެމްބަރުކަން ހޯދި ކޮސޯވޯ އާ ދެކޮޅަށް ސާބިއާ އަދި ބޮސްނިއާ-ހާޒިގޮވީނާ ދެ ގައުމު ބައްދަލުކުރުމުން ހުއްޓުވުން ވެސް ހިމެނެ އެވެ.

ޔޫރޯ ކޮލިފައިން ޔުއެފާ ބިލާރުސް

9 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދާނޯމޮސް

21 September 2022

އެމެރިކާ އަޑީގައި އޮވެ އިރާގު ދޮވެލީ ސާބަސްދޭން އޮތީ އިނގިރޭސިންގް ކޮބާ ހެކި ނެތި ނެތް ނެތް ! މީދުނިޔެ މިތާނގަ އިން އައްފައިލީ މަކުނުގެ ވަބާގައި ދުނިޔެ ނެތިގޮސްފިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލެއްގިކޮމިޝަނަރ

22 September 2022

މިކަމުންވެސް ކަލޭމެނަށް އެއްޗެއް ނުވިސްނުނުދޯ؟ މިކަމުން އެގިގެން އެދަނީ ދުނިޔޭގެ އާރާބާރާ ނުފޫޒުގަދައީ އެމެރިކާކަން. ރަސިޔާއާ ޗައިނާ އަދިވެސް އެމެރިކާއާ ޔޫރަޕާ ވާދަނުކުރެވޭނެކަން. އެކަން އެގޮތަށް ކުރެވޭނަމަ މިޔަދު ރަސިޔާ ސަސްޕެންޑު ނުކުރެވުނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

22 September 2022

@ލެއްގިކޮމިޝަނަރ އަށް.ކަލޭ އެބަޖެހޭ ދުނިޔެ ދަސްކުރަން.އެމެރިކާ އެއީ އެމީހުން ވުޖޫދުވިފަހުން މުޅިދުނިޔެއަށް ހަންފަތުރަން މަސައްކަތްކުރާ ބައެއް.ޔޫރަޕްގެ ގިނަ ގައުމުތަކުގެ ވެރިން އެއީ އެމެރިކާގެ ގޮނޑިކޮއްކޮ ސަރުކާރުތަކެއް.ޔުއެފާ އަދި ފީފާއަށް ސުޕާރީ ދީގެން އަބަދު އެމީހުން ބޭނުންވާ ނަތީޖާތައް ނެރެން މަސައްކަތްކުރާ ބައެއް.ޗައިނާ އަދި ރަޝިޔާ ވެސް އެމެރިކާގެ ބެރަށް ނަށާނަމަ ކިތަންމެ ކަމެއް ފަހިވެގެންދާނެ.ސާފް ވާނެ ބާ ކަލެއަށް.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެސީ1

21 September 2022

އެމެރިކާ މެދުއިރުމަތީގަ ގަތުލުއާންމު ހިންގި، ތި އިދާރާއިން ފިޔަވަޅު ނޭޅިތާ ކުއްވެރި ނުކޮށްލެވުނު، އިޒްރޭލުން އެ އަބަދު ފަލަސްދީނުގެ އާންމުން ޝަހީދު ކުރަމުން އެދަނީ، ރަޝިޔާއިން ވަކި އާކަމެއް އެބަ ކުރޭތަ ޔުކުރޭންގަ، ދެފުއް ދެގޮތް މުނާފިގު ބައިގަނޑެއް ތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

21 September 2022

ވަކި ބަޔަކާއި ދޭތެރޭ ފިޔަވާޅު އަޅާގޮތަށް އެންމެންނާއި މެދު އޮންނަ އުސޫލުން އަމަލުކުރާނަމަ ތިޔަ ފިޔަވަޅަށް ތާއީދުކުރާނަން.ނަމަވެސް ޔުއެފާ ފަދަ ކޮރަޕްޓް ބައިގަނޑެއް ތިގޮތަށް ވަކި ފަރާތަކަށް ޖެހިގެން ތިބެ ނިންމާ ނިންމުންތައް އަހަރުމެން ގަބޫލެއް ނުކުރާނަން.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލެއްގިކޮމޮޝަނަރ

21 September 2022

ރަދީފްބެއްޔާ ގަބޫލު ނުކުރުމަކުން ޔޫއެފާއަށް ލިބޭނެ އެއްވެސް ގެއްލުމެއްނެތް. އެމީހުން ނޫޅެ ކޮންމެހެން ރަދީފުރުހޭހާ ކަމެއްކުރާކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލެއްގިކޮމިޝަނަރ

22 September 2022

ދުނިޔޭގެ ކަންކަން ހިގާގޮތާ އެކަންކަން ވަމުންދާގޮތް ރަދީފުމެނެށް އަދި ފަހުމް ނުވެދާނެ. އެހެން އެވަނީ މަނިކުފާނު އަބަދުވެސް ރަސިޔާއާއި ޗައިނާފަދަ ކޮމިއުނިސްޓް މީޑިއާތައް އަޑުއަހާތީ. އެމީޑިއާތައް އަބަދުވެސް ކޮންޓްރޯލް ކުރާނީ ދައުލަތުން. އެހެން ފަރާތެއްގެ ޚަބަރެއް މައުލޫމާތެއް ނުގެނެވޭނެ ދައުލަތުން ބޭނުން ނުވަންޏާ! އަޅިގަނޑަށް ހީވަނީ ރަދީފުގެ ރިމޯޓްވެސް މިއޮތީ ރަސިޔާގައާ ޗައިނާގަހެން. އިންސާނާއަށް ދެއްވި ސިކުނޑި އެއްވެސްގޮތަކަށް މިކަލޭގެނުހިފާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫބަކުރުބެ

21 September 2022

އޭގެމާނަކީ ކުޅުންތެރިންވެސް ހަނގުރާމައަށް ނުކުންނާށޭ. މިފަހަރު ރަޝިޔާއިން ވަރަށް ރީތިކޮށް ކުޅިވަރުދައްކާލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލެއްގިބެ

21 September 2022

ކޮންކުޅިވެރެއް ރަސިޔާއަށް ދައްކާލެވޭނީ. އެއްކަމެއްވެސް ނުކުރެވޭނެ. މިފަހަރު ޖެހޭނީ ވޯލްޑުކަޕްވެސް ރަށުގަތިބެގެން ޓީވީން ބަލާލަން. ޔޫރޯ ކުޅެން ބޭނުމީޔާ ޖެހޭނީ ޔޫއެފާ ބުނާގޮތްހަދާފަ ޔުކުރޭނުން ފައިބާން. އެނޫންގޮތެއް ރަސިޔާއަކަށް ނެތޭބުނެވޭނީ.