ޖަޒީރާ ރަށްތަކެއްގެ ގޮތުގައި ރާއްޖެ އޮތުމަކީ ތަރައްގީއަށް އޮތް ހުރަހެއް ނޫން: އަސްލަމް

ހޯރަފުށީގައި އިއްޔެ ބޭއްވި ރަސްމިއްޔާތުގައި ޕްލޭނިން މިނިސްޓަރު މުހައްމަދު އަސްލަމް ވާހަކަ ދައްކަވަނީ.---ފޮޓޯ: އެމްޓީސީސީ

އަހުމަދު އަރުޝަމް، މިހާރު

30 ސެޕްޓެމްބަރ 2022 - 06:10

21 comments

ވަކިވަކި ޖަޒީރާ ރަށްތަކެއްގެ ގޮތުގައި ރާއްޖެ އޮތުމަކީ ތަރައްގީއަށް އޮތް ހުރަހެއް ނޫން ކަމަށް ޕްލޭނިން މިނިސްޓަރު މުހައްމަދު އަސްލަމް އިއްޔެ ވިދާޅުވެއްޖެ އެވެ.

ހއ. ހޯރަފުށީގެ މަގުތަކުގައި ތާރު އެޅުމުގެ މަސައްކަތް ފެށުމަށް ބޭއްވި ރަސްމިއްޔާތުގައި އަސްލަމް ވިދާޅުވީ، މި ސަރުކާރުގެ ވިސްނުމަކީ ޖަޒީރާވަންތަ ރަށްތަކެއް ކަމަށާއި އެ ވިސްނުމުގައި ކުރިއަށް ދާއިރު، ތަރައްގީއަށް ހުރަސް ނޭޅޭނެ ގޮތަށް ކަންކަން ކުރަން ބަލާނެ ކަމަށެވެ. އޭގެ އެންމެ ބޮޑު މަޝްރޫއަކީ މިނިސްޓަރު ވިދާޅުވިގޮތުގައި އެމްޓީސީސީން ފަށާފައިވާ ރާއްޖެ ޓްރާންސްޕޯޓް ލިންކް (އާރްޓީއެލް) ފެރީގެ ހިދުމަތެވެ.

އަސްލަމް ވިދާޅުވީ، ދިވެހިންނަށް އަސާސީ ތައުލީމު އުނގަންނައި ދިނުމަށް ކުރި މަސައްކަތަށް ފަހު، ރާއްޖެ އަށް ދެން އަންނާނެ އެންމެ ބޮޑު ބަދަލަކީ ދަތުރުފަތުރުގެ ނިޒާމެވެ.

ހޯރަފުށީގެ މަގުތަކުގައި ތާރު އެޅުމުގެ މަސައްކަތް މިނިސްޓަރު އަސްލަމް އިއްޔެ ފައްޓަވައި ދެއްވަނީ.---ފޮޓޯ: އެމްޓީސީސީ

އެކި ގައުމުތައް ތަރައްގީވަމުން އައި ނިސްބަތަށް ބަލާއިރު، ރާއްޖޭގެ ތަރައްގީގެ ދުވެލި ލަސްކަން ފާހަގަކުރަައްވައި އޭނާ ވިދާޅުވީ ފަހަކަށް އައިސް ފެންނަ ސިޔާސީ ވާދަވެރިކަމުގެ ސަބަބުން އެ ލަސްކަން ހައްލުވެއްޖެ ކަމަށެވެ.

"މީގެ ކުރީ ސަރުކާރަކުން ވިދާޅުވި 70 ޕަސެންޓް މީހުން މާލެ އަށް ޖަމާކުރުމަށް. އެގޮތަށް ކަން ކުރީމާ މި ރަށްތަކަށް ކިހިނެއްތޯ އަޅާލާނީ؟،" އަސްލަމް ސުވާލު ކުރެއްވި އެވެ.

އޭނާ ވިދާޅުވިގޮތުގައި، އެ މީހެއްގެ އުފަން ރަށެއްގައި އުޅެން ކޮންމެ މީހަކު ވެސް ލޯބިކުރާނެ އެވެ. އެހެންވެ، މި ސަރުކާރުގެ ވިސްނުން ހުރީ އެކަމަށް މަގުފަހި ކޮށްދިނުން ކަމަށް ވިދާޅުވި އެވެ.

"މި ރަށްތައް ތަރައްގީ ވެގެން ދިއުމަކީ އަޅުގަނޑުގެ ހިތުގައި އެއްވެސް ޝައްކެއް އޮތް ކަމެއް ނޫން،" އަސްލަމް ވިދާޅުވި އެވެ.

ހޯރަފުށީގެ މަގުހެދުމުގެ މަޝްރޫއު ކުރިއަށް ގެންދަނީ ޕްލޭނިން މިނިސްޓްރީން އެމްޓީސީސީއާ ހަވާލުކޮށްގެންނެވެ. އެ މަޝްރޫއަށް 71.9 މިލިއަން ރުފިޔާ ހަރަދުވެ އެވެ. އެ ރަށުގެ 11 މަގެއްގައި ތާރުއަޅަން ފެށީ، އަންނަ ޑިސެމްބަރު މަހުގެ ކުރިން އެ މަސައްކަތް ނިންމުމަށް އަމާޒު ހިފައިގެންނެވެ.

ތަރައްގީގެ މަޝްރޫއުތައް އެމްޓީސީސީ މުހައްމަދު އަސްލަމް، ނޭޝަނަލް ޕްލޭނިން މިނިސްޓަރު ހއ. ހޯރަފުށި ހައުސިން، ލޭންޑް އެންޑް އާބަން މިނިސްޓްރީ

21 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރެޓޭ

01 October 2022

މީނަ ހީކުރަނީ އާރު.ޓީ.އެލް. ފެރީ އޮތީމަ ހުރިހާކަމެއްވީހެން! އަހަރެމެން ފުރަތަމަ މާލެއައީ 10 ދުވަހު ކަނޑުމަތީގެ ދަތުރެއްކޮށްފަ! ރައްރަށުގަ ސިއްހީ ޚިދުމަތާއި ވަޒީފާ އާއި ރަނގަޅު ތައުލީމު ނުލިބެންޏާމު މާލެއަށް ހިޖުރަ ކުރުން ނުހުއްޓެވޭނެ! ރާއްޖޭގެ ބޮޑެތި ރައްރަށުގައި ސިނާއީ މަސައްކަތްތައް ތައާރަފް ކުރުމާއެކީ ތައުލީމާއި ސިއްހީ ޚިދުމަތް މާލެއަށްވުރެ ރަނގަޅުކޮށްދީ! އޭރުން މިތަނުގެ 8×8 ފޫޓް ކޮޓަރިއަށް 10000 ހާސް ދޭން ބަޔަކު ނާންނާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

30 September 2022

5 ލައްކަ މީހުން ހަމަނުވާ ގައުމެއްގައި 200 ކައުންސިލާއި، 200 ސިއްޚީ މަރުކަޒާއި، 200 އިންޖީނުގެއާއި، 200 ސްކޫލާއި، އަދި މިއިން ކޮންމެ ތަނަކަށް އެތައް މުވައްޒަފުން ލައިގެން މިހުރިހާ ދުވަހު މިގައުމު ތަރައްގީކުރަން އުޅުނީ. އެގޮތަކަށް އެކަމެއް ނުވި. ޖަޒީރާއޭ ކިތަންމެ ބާރަށް ގޮވިޔަސް ތި ކޮންސެޕްޓަކީ ރާއްޖެ ތަރައްގީވާނެ ކޮންސެޕޓެއް ނޫން. ކޮންމެ އަތޮޅަކުން ރަށެއް ނަމަވެސް ތަރައްގީކޮށް އާބާދީ އެއްފަސްކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

30 September 2022

ހުސްއެކަނި ތައްގީއަކީ މާލޭގަ އެހެރިގޮތައް ގާ އަތުރާފަ މޭޓޭރިއަން ގައުމުތަކުގަ ހުންނަކަހަލަ ކަދުރުއް ގެނެސް އިންދުމަކައްނޫން! ތަރައްއަކީ އެގައުމެއް ގަހުރި ގޮންޖެހުން ތަކާއެކު އުޅެވޭނެ އާއީޖާދުތަކާ އެކު ގައުމުގަ ހުރި ހުރިހާ ވަސީލަތެއްގެ ބޭނުންކުރުން ޖަޒީރާ ރައްތަކެއްގަ އެންމެ އޮގަނައިޒުކޮއްގެ ދިއުޅޭނީ ދިވެހިން ކަމުގަ ވިއަސް އެއީ ތަރައްގީ! ބަކަރި ކޮއްޓެއް ގޮތައް އެއްންމެން އެތަނަކައް އަޅައިގެން ނިކުތް ނަތީޖާ ސާފުކޮއް ތިއޮތީ ފެންނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

30 September 2022

އާބާދީ މަދަސް ބިންބޮޑެތި ދަނޑޫވެކަމައް ބިންގަނޑު ރަނގަޅު ރައްތަކުގަ އެމިހުން ބައިތިއްބައިގެން ރާއްޖޭ އެތެރޭގެ އުފެއްދުން އިތުރު ކުރެވިދާނެ! ރަގަޅުގޮތުގަ ފަޅުރަށެއްގަ ދަނވެކަން ކުރަންވެސް ފުދޭވަރެއްގެ މީހުންނާ އިންސާނީ ވަސީލަތް ބޭނުންވާނެ! ކޮއްޓެއް ހަދާފަ ބަންގާޅިންލައިގެން ހުރިހާކަމެއް ކުރަންވީމަ ރާއްޖޭބީން ބޭނުން ކޮއްގެން ހަމަ އިތުރައް މުސްހަދިދިވާނީ މުސްހަދިން! ހުރިޙަ ރަށެއްގަ ތާރު އަޅަންނުޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

101މ

30 September 2022

އެމްޑީޕީ ގައި ހުރި މައުމޫން އަތުން ކިޔެވި ޔާމީންގެ މުޑުވަކެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަދަލުކުރޭ

30 September 2022

ރާއްޖެ ދުވަހަކު ވެސް ތަރައްގީ ނުވާނެއޭ ކުދި އާބާދީ ތަކުގެ ބަނޑު ދަށުގައި ބޮޑެތި ރަށްތައް ލައިގެން ބޮޑު ތިލަދުން މަތީ ހުރިހާ ރަަށެއްގެ މީހުން މާލެ ސަރަހައްދަށް ބަދަލު ކުރަން ޚަރަދު ވާނީ އެންމެ 50 މިލިއަން ޑޮލަރޭ އެކަމަކު ހަނިމާދޫ އެއާރޕޯރޓް ގައި ތާރުކޮޅެއް އަޅަން 200 މިލިއަން ޑޮލަރުގެ ލޯނެއް އެބަނަގައޭ އެއީ ކިއެއްކުރަން ކުރާ ކަމެކޭ މާލެ ސަރަހައްދަށް އެންމެން ބަަދަލު ކުރޭ ބަަދަލު ކުރޭ ބަަދަލު ކުރޭ ބަަދަލު ކުރޭ ބަަދަލު ކުރޭ ބަަދަލު ކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހި މުހައްމަދު

30 September 2022

މި ރޭސީސްޓް އަސްލަމުގެ ނެތޭ ހަޔާތުގެ ކަންފުޅެއްވެސް، ދައުލަތުގެ ޚަޒާނާ މާލޭގެ ވަކިބަޔަކަށް ރޭސީސްޓް އުސޫލުން ބަހަން ނިންމާފަ ދެން އަތޮޅުތެރެއަށް ގޮސް ކީކޭ މީނަ މިކިޔަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނު ރަށްވެހިގެ

30 September 2022

ތަރައްގީއަށް ހުރަހަކަށް ނުވިޔަސް ރަށްރަށުގައި މީސްކޮޅު މާމަދުވުމަކީ ރައްޔިތުންނާ ދައުލަތަށްވެސް ތަކުލީފު އޮތްކަމަކަށް ނުވެނުދާނެއެވެ. އެފަދަ ރަށްރަށުގެ ރައްޔިތުންގެ ރުހުމާއެކުއެބަޔަކާ ގުޅޭ ނުވަތަ އާބާދީ އަކާ ގުޅުވާލުމަކީ ގޯސްގޮތެއް ނޫނެވެ. ބޭނުންވަނީ އިޚްލާސްތެރިކަމާ ހެޔޮނިޔަތް އޮތް ގައުމީި ސިޔާސަތެެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

30 September 2022

އެންމެން ރުއްސައިގެން ހޯދޭނެ ކާމިޔާބީއެއް ނޯންނާނެ! އެއްފަސް ކުރުމަކީ ބިން ހިއްކާ، ރާއްޖޭގެ ޤުދުރަތީ ގޮނޑުދޮށްތައް ނެތިކޮށްލުމެއް ނޫން! ބިންބޮޑު ކިތަންމެ ރަށެއް ރާއްޖޭގަ އެބަހުރި! އެރަށްރަށުގަ ފަތުރުވެެރިކަން ނޫން އެހެން ސިނާޢަތްތަށް ތަރައޤީ ކުރަންވީ! އެހިސާބުން ވަޒީފާގެ ބޭނުމުގަ، މާލެއަށް މީހުން ހިޖުރަކުރި ފަދައިން އެރަށްރަށްވެސް އިތުރަށް އާބާދުވާން ފަށާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

30 September 2022

ވެދާނެ ރަނގަޅު ވާހަކައަކަށް އެކަމަކު އެއްވެސް ރަށެއް ތަރައްގީވާތަން ނުފެނޭ. ޖަޒީރާ ރާއްޖެ ކިޔާއަޑު އިވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

30 September 2022

ނާ، ކިހާ ކޮންކްރީޓެއް އަޅައިފި! ތަރައްޤީއަކީ ކޮންކްރީޓެއް ނޫންތޯ! މިދިޔަ ސަރުކާރުންވެސް ކުރީ ކޮންކްރީޓް، ގަހެއް ނުއިންދާ! ދަނޑުވެރިކަން ފުޅާކޮށް، މިޤައުމުގަ އުޅޭ ބައިމިލިޔަނެއްހާ ބިދޭސީން ބޭރުކޮށްލިޔަސް ރަޢިއްޔަތުންގެ އަތްމަތި މިހާރަަށްވުރެ ތަނަވަސް ވެގެންދާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލޭބޮޑުމީހާ

30 September 2022

މިހިރީ މާލޭބޮޑުމީހާ. މާލޭ ރައްޔިތުން ވަޒަންވެރިކަން ޔަގީންކުރަން ބޭނުމިއްޔާ ފޫޅުމައިފޯމް ހިފައިގެން މީނަކާރިއަށްދޭ. މާލޭގެ ރަށްވެހިކަމުގެ ރަޖިސްޓްރީއެއް އޮތަސް އަދި އައި.ޑީ ކާޑުގައި މާލޭގެ އެޑްރެސް ޖަހާފައި އޮތަކަސް، މީނަ ވަޒަންވެރިކަން ނުދޭމީހަކަށް މާލޭގެ ވަޒަންވެރިކަން ނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

30 September 2022

މިޤައުމުން ނަސްލީ އިމްތިޔާޒް ފޮހެލެވޭނީ މާލެ ނޫން، ބިންވެސް ބޮޑު ރަށަކަށް ވެރިކަން ބަދަލުކޮށް، އިޤްތިސާދީ ޙަރަކާތްތައް،/ވަޒީފާގެ ފުރުސަތުތައް ލާމަރުކަޒު ކޮށްގެން! މާލެ ތޮއްޖެހުން ހުއްޓުވަންވެސް އޮތް އެންމެ ރަގަނޅު ފޯމިއުލާއަކީ އެއީ!