ފުރަތަމަ ލަގްޒަރީ އެއާލައިނާއެކު 200 އެއްހާ ވަޒީފާ އުފެދޭނެ: ސީއީއޯ

އެއާލައިން ތައާރަފުކުރުމުގެ އެއްބަސްވުމުގައި (ކ) ސިމްޑީ ގްރޫޕްގެ ޖެނެރަލް މެނޭޖަރު ޔޫޝައު ސައީދު، މެނޭޖިން ޑިރެކްޓަރު މިޝާލް ދީދީ އަދި އަރަބެސްކުގެ ސީއީއޯ ޓެރޯ ޓަސްކިލާ ސޮއި ކުރައްވަނީ. ފޮޓޯ: ސިމްޑީ

އައިޝަތު ޖަޒްލީ، މިހާރު

05 އޮކްޓޯބަރ 2022 - 11:23

14 comments

މަޝްހޫރު އަރަބެސްކްއާ އެކު ރާއްޖޭގެ ސިމްޑީ ކުންފުނިން ޗުއްޓީ ދަތުރުތަކަށް އަލަށް ތައާރަފުކުރާ ހާއްސަ ލަގްޒަރީ އެއާލައިނާއެކު، 200 އެއްހާ ވަޒީފާ އުފެދޭނެ ކަމަށް ބިއޯންޑް ސިމްޑީ އޮޕަރޭޝަންސްގެ ސީއީއޯ ޓީރޯ ޓަސްކިލާ އިއްޔެ ވިދާޅުވެއްޖެ އެވެ.

އޭނާ އެހެން ވިދާޅުވީ، ބިއޯންޑް އެއާލައިނުގެ ޓީމުން ރާއްޖޭގެ އިކޮނޮމިކް މިނިސްޓަރު ފައްޔާޒު އިސްމާއިލާއެކު ބޭއްވި ބައްދަލުވުމުގައި ކަމަށް އެ ކުންފުނިން ނެރުނު ބަޔާނެއްގައި ބުންޏެވެ.

އޭނާއާ ހަވާލާދީ، ބަޔާނުގައި ބުނީ އެ އެއާލައިނުގެ ދަތުރުތައް ފަށާނެ ތާރީހެއް އަދި ކަނޑަނޭޅި ނަމަވެސް މަސައްކަތް ކުރަނީ އަންނަ އަހަރުގެ ކުރީ ކޮޅު ދަތުރުތައް ފެށުމަށް ކަމަށެވެ.

އެ ބައްދަލުވުމުގައި މިނިސްޓަރު ފައްޔާޒު ވަނީ ބިއޯންޑް އެއާލައިންގެ ޓީމަށް މަރުހަބާ ދަންނަވައިފަ އެވެ. އަދި ދުނިޔޭގެ ފުރަތަމަ ލަގްޒަރީ އެއާލައިން ރާއްޖެ އިން ތައާރަފުވެ، ފެށުމަކީ އުފާ ކުރައްވާ ކަމެއް ކަމަށް ވިދާޅުވި ކަމަށް ބިއޯންޑް ސިމްޑީގެ ބަޔާނުގައި ބުންޏެވެ. އެ އެއާލައިނަކީ ރާއްޖޭގައި ތައާރަފު ކުރާ އެއާލައިނަކަށް ވުމުން ގިނަ އަދަދެއްގެ ޓޫރިސްޓުން ރާއްޖެ ގެނައުމުގެ މަގު ފަހިވާނެ ކަމަށް ވެސް ފަޔާޒާ ހަވާލާދީ، އެ ކުންފުނިން ބުނެ އެވެ.

ބިއޯންޑް ސިމްޑީގެ ސީއީއޯ ޓަސްކިލާ ވިދާޅުވީ، ރާއްޖެ އަކީ ޓޫރިސްޓުންގެ މެދުގައި އެންމެ މަގުބޫލު އެއް މަންޒިލު ކަމަށާއި އެ އެއާލައިނުގެ ސަބަބުން ރާއްޖޭގައި އިތުރަށް ޓޫރިޒަމް ތަރައްގީވާނެ ކަމަށެވެ.

ދިގު ދަތުރުތަކަށް ހާއްސަކޮށް ތައާރަފުކުރާ އެ އެއާލައިނުން ޔޫރަޕާއި އޭޝިއާ އާއި އޮސްޓްރޭލިއާ އަދި އެފްރިކާ ބައްރުގެ ގިނަ ގައުމުތަކަކަށް ދަތުރު ކުރާނެ ކަމަށް ބިއޯންޑް އިން ބުނެ އެވެ. ޖުމްލަ 60 މަންޒިލަކަށް އެއާލައިނުން ދަތުރުކުރާނެ އެވެ.

ބިއޯންޑް އެއާލައިން ފެށުމަށް ސިމްޑީއާ އެކު މަސައްކަތްކުރާ އަރަބެސްކް އަކީ ޔޫއޭއީގެ ކުންފުންޏެކެވެ. އެއީ އޭވިއޭޝަން ދާއިރާގެ ގިނަ ތަޖުރިބާތަކެއް ހުރި އިންވެސްޓުމެންޓް ކުންފުންޏެކެވެ.

ވައިގެ ދަތުރުފަތުރު ސިމްޑީ ފައްޔާޒު އިސްމާއިލް (ކުރީގެ މިނިސްޓަރު)

14 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެމްސް

07 October 2022

ވަޒީފާތައް ޚާއްސަވަނީ ބިދޭސީންނަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ 2

05 October 2022

ސިމްޑީގެ ނަން ބޭނުން ކޮއްގެން ބޭރުގެ ބައެއް ހިނގާ ކުނފުންޔެއް. ވަޒީފާވެސް ލިބޭނީ ބޭރު މީހުންނަށް. މިހާރުވެސް ސިމްޑީގަ ގިނަވާނީ ބޭރުމީހުން. ބަދަލެއް ނާންނާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅި އިނގޭ

05 October 2022

މިދުވަސް ވަރަކީ ވަރަށް ތަފާތު ގަސްތައްފަޅުވަން ތަފާތު ވައްތަރުގެ އޮށް އިންދޭ ދުވަސް ވަރެއް. މިއިންދާ އޮށްތަކުން ގަސްފަޅަން ދުވަސްކޮޅެއް ނަގާފާނެ. ޢަދި ރާއްޖެއަށް ހޫނުގަދަ ދުވަސް ވަރަކަށްވެގެން ހިނގާދާނެ. ޟިހެންވުމުން އިންދިހާ އޮށްތައް ހުދުކާފޫރަށް ބަދަލުވެގެންވެސް ހިނގާދާނެ.