އައްޑޫ ސިޓީ ކައުންސިލުން ބޭއްވި ނޫސްވެރިންގެ ބައްދަލުވުމުގައި މޭޔަރު އަލީ ނިޒާރު އާއި ކައުންސިލުގެ އެހެން ބައެއް މެމްބަރުން: ފޭދޫން ގޯތި ދޫނުކުރުމަކީ ވަރަށް ގިނަ ބައެއްގެ ޝަކުވާއެއް.
11 އޮކްޓޯބަރ 2022 - 10:44
12 comments
ސ. ފޭދޫން ގާތްގަނޑަކަށް 300 ގޯތި ދޫކުރަން ނިންމާފައިވާ ކަމަށް އައްޑޫ ސިޓީ ކައުންސިލުން ބުނެފި އެވެ.
ފޭދޫގެ ލޭންޑް ޔޫސް ޕްލޭންގެ މަސައްކަތް ނިމުމާ ގުޅިގެން އިއްޔެ ބޭއްވި ނޫސްވެރިންގެ ބައްދަލުވުމުގައި ފޭދޫ، މަގުއްދޫ އަވަށު ކައުންސިލް މެމްބަރު އައިމިނަތު ސަލްމާ ވިދާޅުވީ، އެ ކައުންސިލުގެ މި ދައުރުގައި ޖުމްލަ 298 ގޯތި ދޫކުރަން ނިންމާފައިވާ ކަމަށެވެ. އަދި އެ ގޯތިތައް ދޫކުރާނީ އެކި ފިޔަވަހިތަކަށް ބަހާލައިގެން ކަމަށެވެ.
އެ އަވަށުން ގޯތި ދޫނުކުރާތާ 20 އަހަރަށް ވުރެ ގިނަ ދުވަސްވެފައި ވާތީ، އެކަމާ ގުޅިގެން ރައްޔިތުންގެ ޝަކުވާ ވަރަށް ބޮޑެވެ.
"ފުރަތަމަ ފޭދޫން ދޫކުރަން ނިންމީ 320 ގޯތި. ނަމަވެސް އެ ޕްލޭން، ޕްލޭނިން މިނިސްޓްރީ އަށް ފޮނުވުމުން ގްރީން ޒޯންތަކެއް ކަނޑައަޅަން ޖެހޭތީ ބައެއް ސަރަހައްދުތަކުން ގޯތި ނަގަން މިނިސްޓްރީން އޮތީ އަންގައިފައި،" ސަލްމާ ވިދާޅުވި އެވެ.
އައްޑޫ ސިޓީ ކައުންސިލުން ބޭއްވި ނޫސްވެރިންގެ ބައްދަލުވުމުގައި ފޭދޫ މަގުއްދޫ ދާއިރާގެ ކައުންސިލް މެމްބަރު އައިމިނަތު ސަލްމާ ވާހަކަދައްކަވަނީ.
އޭނާ ވިދާޅުވި ގޮތުގައި ގޯތި ދޫކުރުމުގެ އިތުރުން އެ އަވަށުގައި 75 ފްލެޓް އަޅަން ބިން ދޫކުރަން ވެސް ލޭންޑް ޔޫސް ޕްލޭންގައި ހިމަނާފައިވެ އެވެ. އަދި ކައުންސިލާ މަޝްވަރާކުރުމަށް ފަހު، ގޯއްޗާއި ފްލެޓް ދިނުމުގައި އެ އަވަށުގެ ރައްޔިތުންނަށް އިސްކަންދޭނެ ކަމަށް ވެސް ވިދާޅުވި އެވެ.
އެ ބައްދަލުވުމުގައި އައްޑޫގެ މޭޔަރު އަލީ ނިޒާރު ވިދާޅުވީ ފޭދޫގެ ލޭންޑް ޔޫސް ޕްލޭން ފާސްވުމަކީ ލިބުނު ވަރަށް ބޮޑު ކުރިއެރުމެއް ކަމަށެވެ. އަދި އައްޑޫ ސިޓީ ކައުންސިލުން އަމިއްލަ އަށް ލޭންޑް ޔޫސް ޕްލޭން ހަދަން ނިންމައި އެ ކައުންސިލުގެ މުވައްޒަފުން ކޮށްފައިވާ ބުރަ މަސައްކަތް މޭޔަރު ފާހަގަކުރެއްވި އެވެ.
"މިއީ ވަރަށް ބުރަ މަސައްކަތެއް. މި މަސައްކަތްކޮށް ވަރަށް ބޮޑު ކާމިޔާބީއެއް މި ލިބުނީ،" މޭޔަރު ވިދާޅުވި އެވެ.
އައްޑޫގެ ލޭންޑް ޔޫސް ޕްލޭން ކައުންސިލުން އަމިއްލަ އަށް ހަދަނީ https://t.co/SEUYedO3FB
— Mihaaru (@Mihaarunews) January 23, 2022
އައްޑޫގެ ބިން ބޭނުންކުރާނެ ގޮތް ކަނޑައެޅުމަށް ހަދަން ޖެހޭ ތަރައްގީގެ ޕްލޭނާއި ލޭންޑް ޔޫސް ޕްލޭން ހަދަން ހަވާލުކުރި ކުންފުނިން އެ މަސައްކަތް ނުނިންމައި ލަސްވުމުން، އެންމެ ފަހުން އެ މަސައްކަތް ސިޓީ ކައުންސިލުން އަމިއްލަ އަށް ކުރަން ނިންމައި، އޭގެ އަމަލީ މަސައްކަތް ފެށީ މި އަހަރު ޖެނުއަރީގަ އެވެ.
ސިޓީ ކައުންސިލުން ބުނި ގޮތުގައި އަންނަ މަހުގެ ނިޔަލަށް ހުރިހާ އަވަށެއްގެ ލޭންޑް ޔޫސް ޕްލޭން ނިންމާލެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުންޖިޗޭ
12 October 2022
އިންތިޚާބުގެ ކުރިން ތިޔަ ގޯއްޗެއް ލޮލަކަށް ނުފެންނާނެ، ގޯތީގެ އަވައިގައި ޖައްސައިގެން މީހުންތައް ފަހަތުގައި އަޅުވައިގެން އިންތިޚާބު ކާމިޔާބުކުރަން ރާވާ ރޭވުން، ހުރިހާ ދިމާލަކުން މިފެންނަނީ އެމަންޒަރު، މާލޭމީހުންނަށް 4000 ގޯތި ދޭނަމޭކިޔައިގެން ޖަހަނީވެސް މިސަކަރާތް، ބައެއްރަށްރަށުގައި ރޯހައުސް އަޅަން ޙަވާލުކޮށްގެންވެސް ޖަހާ ސަކަރާތަކީމިއީ، ރައްޔިތުން އަތުއަޅުވައިގެން އިންތިޚާބު ކާމިޔާބުކުރުން، އިންތިޚާބުގެ ކުރިއަކުން ތިޔަ އެއްޗެއް ނުލިބޭނެ،
ޖުލައި2021
11 October 2022
ވަކިރަށަކަށް އުފަން މީހަކަށް އކަނި ކުރިމަތިލެވޭ ފަދަ ސަރުތެއް ލުމަކީ ގާނޫނު އަސާސީ އަދި ގާނޫނާ ޚިލާފުކަމެއް އެފަދަ ސަރުތެއް ނުލާތި
ހިޔާލީ އަލީ
11 October 2022
އައްޑޫގަ އޮތް ފަޅުގޯތިތަކުގެ މައްސަލަތައް ނުނިންމާ އަނެއްކާވެސް ގޯތިދިނުމަކީ އެއްވެސް ހަމަޖެހޭ ކަމެއްނޫން
މހލދބ
11 October 2022
ބިން ވިއްކަންވާނީ … ތި ރަށުގަ ވެސް ރައްޔިތުންގެ ޓެކްސް ފައިސާއިން ހިންގާފަ ހުރި ޕްރޮޖެކްޓްތައް ހުންނާނެ، އެފައިސާގެ ކޮންމެވެސް ވަރެއް ވިއަސް އަނބުރާ ހޯދޭނެ ގޮތަކީ ތި ބިންތައް ވެސް ވިއްކުން. އަދި މާލެއެކޭ އެއްގޮތަށް ސަރުކާރުގެ އިދާރާތަކާއި ކުންފުނިތަކުގެ މުވައްޒަފުންނަށް ބިން ނޫނީ ފްލެޓްވެސް ދޭންވާނެ. މާލޭގަ މަސައްކަތްކުރާ މުވައްޒަފުންނަށް އެކަންޏެއް ނޫން މިކަންކަން ވެސް ކޮށްދޭން ޖެހޭނީ…
ގޯތި އިބުރާ
11 October 2022
މުސްތަޤު ބަލުގައި އެންމެ ގިނަ ގޯތި ހުންނާނީ ގަން ފޭދޫ ގައި
މާލޭ މީހެއް
11 October 2022
ތިޔަ ބިމަށް ކުރިމަތިލުމަށް އަޅުގަނޑު ބޭނުން! (މާލޭ މީހެއް). ދޫކުރާ ބިމަށް ކުރިމަތު ލުމުގެ ޝަރުޠުގެ ތެރޭގައި "އައްޑޫ މީހަކަށްވުން" އޮތް ކަމުގައިވާނަމަ އެއީ ޤާނޫނާ ޚިލާފު ޝަތުޠެއް!
ގުދުގުދާބެއްޔާ
11 October 2022
އޮންނާނި އައްޑޫ މީހުންނަށް އެކަނި ކުރިމަތިލެވޭ ގޮތައް! މާލެ ވެއްޖެއްޔާ އެންމެން ގެ ތަނެކޯ!؟؟؟. މިއީ އަރަތެއް!
ބަކުންބެ
11 October 2022
ބިން ހިލޭ ނުދީ، ތިއިން ކޮންމެ ބިމަކީ އަންނަން އޮތް ޖީލުތަކުގެ ދިރިއުޅުމުގެ ހައްޤު އެއްކޮށް ނިގުޅައިލެވޭ އަނިޔާވެރި އަމަލެއް، ފްލެޓް ހިޔާރުކުރައްވާ! ބިމަކީ އެންމެނެގެ އެއްޗެއް، ބިން ހުއްކޮށްމނުލާާ، ތަހުޒީބީގޮތް ހިޔާރުކުރައްވާ!
ތިނަދޫސިޓީރަސްގެފާނު
11 October 2022
ކޮބާހީވޭ ކަމެއްހެން. ގޯތިދެވޭމީހުންނާއި ނުދެވޭމީހުން އުޅޭ. ތިނަދޫ ރައްޔިތުން ކައިރީ ދެފަހަރަކަށް ގޯތި ގޯތި ބުނެލެވޭނީ. ނުއެއްދެވޭނެ
ސަކީނާ
11 October 2022
އިންތިޒާރު ކޮށްގެން މިހުރީ ކޮންމެވެސް ޖަމިއްޔާ އަކުން ނޫސް ބަޔަާނެްެއް ނެރެޭނެ ވަގުތަކަށް. އައްޑޫން ބިން ދޫކުރުމަކީ ދުނިޔެ ނެތިގެން ހިނގައިދާނެ ކަމެކޭ ނުބުނިއްޔާ ރަނގަޅު. އައްޑޫ ބިން ހިއްކުން ގޯސް، އައްޑޫ އިން ބޮޑު ފަަާނައެއް ބޭނުން ގޯސް، އައްޑޫ މަގުތައް ހެދުން ގޯސް. މިފަހަރު ބިން ދޫކުރުންވެސް ގޯސްވަާނެ.
ބޮލުތާކިހާ
11 October 2022
އެކަމެއްވާނޭގެ. މާލޭމީހުންނަށް ގޯތިދޭތީ އައްޑޫމީހުން އުޅޭފާޑު ވަކި ރީތިތަ.
މަޖިލިސްމާއްދާކޮބާ
11 October 2022
އައްޑޫއިންވެސް ޖެހޭނީ ގޯތި ނީލަމަށްލާން އެންމެ އަނގުބޮޑު ކޮށް ޖަެހި ފަރާތަކަށް ގޯތި ލިބެންޖެހޭނީ އަށްޑޫ އަކީވެސް މާލެއަށްވުރެ ބޮނޑު ތަނެއް އަނެއްކާ ޓުއަރިޒަމް އޮވެ ިންޓަނޭޝަނަލް ފުލައިޓް ޖައްސާ ބޮނޑެތި ހޮސްޕިޓަލާ ޔުނިވަސިޓީ ކެންޕަސް ފަދަ މާލެ ފަދައިން ތަރައްގީވެފަ ހުރި ސިޓީއެއް. އެހެންވީމާ ހަމަ ރައްޔިތުންގެ ފައިސާއިން ބިންހިއްކަނީ ހިލޭ ގޯތިދީގެނެއްނުވާނެ. މާލެއިން އެކަންޏެއްނޫން ގޯތި ވިއްކަންޖެހޭނީ. މާލޭމީހުން މުޒާހަރާއަށް ނިކުންނަންވީ. ހޯޯހޯނޯނޯ