ކަނޑުގެ ދިރާސާގައި ބޭނުންކުރި ބޯޓަށް ތެޔޮގަތުމުގެ އެއްވެސް މުއާމަލާތެއްގައި ބައިވެރި ނުވަން: ލޯކަލް އެޖެންޓް
ކަނޑުގެ ދިރާސާ އަށް ބޭނުންކުރި ބޯޓު: ތެލަށް ފައިސާ ދައްކާ ހަލާސްކުރަން ދެން މި ބޯޓު، ރާއްޖޭގައި ހިފެހެއްޓުމަށް ސިވިލް ކޯޓުން ވަނީ އަމުރުކޮށްފައި -- ފޮޓޯ: ނެކްޓަން
11 އޮކްޓޯބަރ 2022 - 16:31
16 comments
ރާއްޖޭގެ ކަނޑުގެ ބޮޑު ދިރާސާ ކުރުމަށް ގެނައި އުޅަނދު "އާރްވީ އޮޑެސީ" އަށް ބޭނުންވާ ޑީސަލް ގަތުމަށް ހިންގި އެއްވެސް ފައިސާގެ މުއާމަލާތެއްގައި ބައިވެރި ނުވާ ކަމަށް އެ ބޯޓުގެ ރާއްޖޭގެ އެޖެންޓު މިއަދު ބުނެފި އެވެ.
އަލްފާ + މައިކް ސާވިސަސްގެ ނޫސްބަޔާނެއްގައި ބުނީ، އެ ބޯޓާއި އެ އަށް ޑީސަލް ސަޕްލައި ކުރި ހޯކްސް ޕްރައިވެޑް ލިމިޓެޑާ ދެމެދުގައި ހިނގި ފައިސާގެ އެއްވެސް މުއާމަލާތެއްގައި، އެ ކުންފުނީގެ ހިއްސާދާރުންނާއި ޑިރެކްޓަރުންނާއި އަދި މުވައްޒަފުންގެ އެއްވެސް ބައިވެރިވުމެއް ނޯންނާނެ ކަމަށެވެ.
އާރްވީ އޮޑެސީ" ގެ ވެރިފަރާތް، އެމެރިކާގެ ދި އޯޝަން ކޮންސަވޭޝަން އެކްސްޕްލޮރޭޝަން އެންޑް އެޑިއުކޭޝަން ފައުންޑޭޝަން (އޯސީފް)އާ އެކު، އަލްފާ + މައިކް ސާވިސަސް އިން އެއްބަސްވީ، އެ ބޯޓު ރާއްޖެ އެތެރެކުރުމަށް ކަސްޓަމްސް އިން ހޯދަން ޖެހޭ ހުއްދަތައް ހޯދުމަށް އެކަނި ކަމަށް ބުންޏެވެ. އޭގެ ތެރޭގައި، ޑީސަލް ހިމެނޭ ގޮތަށް އެ އުޅަނދަށް ބޭނުން އެހެނިހެން އެއްޗެހި ސަޕްލައި ކުރުމުގެ ހުއްދަތައް ހޯދުން ހިމެނެ އެވެ.
"ތެޔޮ ގަތުމުގެ މުއާމަލާތްތައް ސީދާ ހިނގީ އެ ބޯޓުގެ ވެރިފަރާތާއި ހޯކްސް ޕްރައިވެޓް ލިމިޑެޓާ ދެމެދުގައި،" ބަޔާނުގައިވެ އެވެ.
"އެ މުއާމަލާތް ކުރުމުގައި މި ކުންފުނީގެ އެއްވެސް މެމްބަރަކު ބައިވެރިފައެއް ނޯންނާނެ. އަދި ޕޭމަންޓާ ގުޅޭ އެއްވެސް މަޝްވަރާއެއްގައި ވެސް އަޅުގަނޑުމެންގެ ބައިވެރިވުމެއް ނޯންނާނެ."
ނެކްޓަން މިޝަނަށް ޗާޓަރުކުރި ބޯޓުގެ ވެރިފަރާތުން ތެލުގެ ފައިސާ ނުދީގެން ރާއްޖޭގައި ހިފަހައްޓައިފި https://t.co/38kdt0yQVn
— Mihaaru (@Mihaarunews) October 10, 2022
އަލްފާ + މައިކް ސާވިސަސް އިން ބުނިގޮތުގައި ޑީސަލަށްވާ ފައިސާ ނުދައްކައިގެން "އާރްވީ އޮޑެސީ" ގެ ވެރިފަރާތާ ދެކޮޅަށް ކޯޓަށް މައްސަލަ ހުށަހެޅުމާ އެކު، އެ އުޅަނދު ރާއްޖެ އިން ފުރައިގެން ދިއުމަށް ހޯދަން ޖެހޭ ހުއްދަތައް ހޯދައިދިނުމުގެ މަސައްކަތް ވެސް ވަގުތުން ހުއްޓާލި އެވެ. އަދި ރާއްޖެ އިން ފުރުމުގެ ހުއްދަ އެ ބޯޓަށް ހޯދައި ދޭނީ މިހާރު ނެރެފައިވާ ކޯޓު އަމުރާ އެއްގޮތަށް ޑީސަލަށްވާ ފައިސާ ދައްކައި ހަލާސް ކުރުމުން ކަމަށް ވެސް ބުންޏެވެ.
އެ މައްސަލަ ސިވިލް ކޯޓަށް ހުށަހެޅުމުން އިއްޔެ ވަނީ އެ ބޯޓު ފުރުން މަނާކޮށް، ވަގުތީ އަމުރެއް ނެރެފަ އެވެ.
ބޯޓުގެ ވެރިފަރާތުން ހޯކްސް ކުންފުންޏަށް 186،900 ޑޮލަރު ދައްކަން ޖެހޭ ކަމަށް އެ އަމުރުގައިވެ އެވެ. "އާރްވީ އޮޑެސީ" އަށް ރާއްޖެ އިން ފުރޭނީ އެ ފައިސާ ދެއްކުމުންނެވެ.
ދިވެހި ސަރުކާރާއި އިނގިރޭސި ވިލާތުގެ ނެކްޓަން ރިސާޗު ފައުންޑޭޝަން ގުޅިގެން، ރާއްޖޭގެ ކަނޑުތައް ދިރާސާކުރުމަށް ފެށި "ނެކްޓަން މިޝަން މޯލްޑިވްސް"ގެ ސާވޭ ނިމުނީ މިދިޔަ ހަފުތާގަ އެވެ. ދެން އޮންނަނީ އެ ސާވޭގައި އެއްކުރި ސާމްޕަލްތަކާއި މައުލޫމާތު ތަހުލީލުކޮށް، ތަފުސީލީ މައުލޫމާތު އެއްކުރުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
12 October 2022
ރަނގަޅަށް އެގްރީމެންޓެއް ހަދާން ދަންނަ ބަޔަކު ނެތީބާ؟ ބޭރުން އަންނަ މީހަކު ބުނެލާއިރަށް ބުނިގޮތަކަށް. އެއާރޕޯޓު ޖީއެމްއާރަށް ކުއްޔަށް ދިން ގޮތް ހަނދާން އާ ވަނީ
މުންޖިޗޭ
12 October 2022
ރަނގަޅަކަށްވިއްޔާ، ތިޔަ ސާވޭއެއް ކުރަން ގެނެސްގެންއުޅެނީ ތާކުންތާކުނުޖެހޭ ބައެއް، ދަޅަދައްކައި ރައްޔިތުންގެ ބޯކާލަން ހިންގާ ޖަރީމާތަކުން މިފެންނަނީ އިތުރަށް ބޭޒާރުވާތަން، ތާކުންތާކުޖެހޭ ބައެއްނަމަ ތެޔޮކޮޅު އަޅާލެވޭހާވަރު ހުންނާނެ، އެވަރުވެސްނެތް ބަޔަކު ގެނައީ އަނދިރި ދައުލަތުން ގެންގުޅޭ ދޯހަޅި ސިޔާސަތުގެ ތެރެއިންކަމަށްވުމީ ގާތްކަމެއް، ހަމައެކަނި ހުސްބޯޓެއް ހިފައިގެންއިސް މިތާގައި ސަކަރާތްޖަހަން ދަޢުވަތު ދިނީމަ ވާނެއެތި އެވީ ބުރިޖަށްވެސްވާނީތިވަރު
ބޮޑުމީހާ
12 October 2022
ތިކަން ނިމޭނީ ދައުލަތުގެ ބެޖެޓުން ފައިސާ ދީގެން! މިނިސްޓަރުންނާއި ދެންވެސް ތިބި ސިޔާސީ މީހުން ސެލްފީނަގަން ތީގެ ދަތުރުކުރާއިރު އިގެންވާނެ ބޮޑު ޚަރަދުތަކެއް ދާނެކަން!
ހާމިދު ޝާހިދު
11 October 2022
ތިހަބަރުގައި އެބައޮވޭ ދިވެހި ސަރުކާރާއި، ބޭރުގެ ދިރާސާ ކުރާ ފަރާތަކާ ގުޅިގެން ރާއްޖޭގައި ހިންގިކަމެއްކަމަށް. އެހެންވީރު، ތިކަމުގައި ސަރުކާރުން ޒިންމާވާންޖެހޭނެ. ނޫނީ، ތުހުމަތު ކުރެވިދާނެ، މިބޯޓް ރައްޖެއަށް ގެނައުމުގައި އުޅުނު ސަރުކާރަށް ނިސްބަތްވާ ކޮންމެވެސް ބަޔަކު ލާރިގަނޑެއް ކާލީކަމަށް. ނުވަތަ މިފަދަ ދިރާސާތަކަށް އަންނަ ބޯޓުފަހަރުން ނަގާ ރޯޔަލްޓީ ފީފަދަ ތަކެތިން ނާޖާއިޒު ފައިދާއެއް ނެގީކަމަށް. މިއީ ވަރަށް ދެރަވަރު ކަންކަން މިހުންނަނީ.
ޝޯމޭން
11 October 2022
އިނގިރޭސިވިލާތެއްނޫން ކޮންމެ ތަނެއްގެ ބޯޓަކަސް ދިވެހިކުންފުނިތަކުން ވިޔަފާރިއެއް ކޮށްފިއްޔާ ފައިސާ ދޭންޖެހޭނެ. މިއަދު ތިނުދީ ފުރިޔަދީފިއްޔާ މާދަމާ ރިސޯޓުތަކަށް އަދި އަނެއްދުވަހު މަސް އެކްސްޕޯޓު ވިޔަފާރި އަދި އޭގެ އަނެއް ދުވަހު އާއްމު ވިޔަފާރިތަކަށްވެސް ތިމީހުން ހަދާނީ ހަދާނެއެއްޗެއް. ދިވެހިންނަށް ބޭނުންހާގޮތެއް ހެދިޔަދީގެންނުވާނެ.
ޞަލް
11 October 2022
ތީގަ ވާނެ ގޮތަކީ އެންމެ ފަހުން ސަރުކާރު ގޯސްވެ، ކޯރޓުން އަމުރު ކުރާނެ ދައުލަތުން ބޮޑު ލާރިގަނޑެއް ދޭން މިވެނި މީހަކަށް. މީ ގައުމުގެ ހާލަތު.
ޕޮކިޖުއަސް
11 October 2022
ތެލައް ލަރިނުދައްކާ.ސަރުކާރު ބަޖެތުގަ 5 އިރު ކައިފަ ދުފާފަ ސެލްފީ ނަގާފަ މީ މިކުރާ ދިރާސާއަކީ.500 މީތަރު އަޑިން ދިރުން ފެނިއްޖެޔޯ.
އިސްމާލި
11 October 2022
ޙަބަރު ރަގަޅަށް ކިޔާލުން ބުއްދިވެރި. އެއިރުން ތިކަހަލަ ކޮސް ކޮމެންޓު ކުރުންމަދުވާނެ ހަބަރުގައި އެ އޮތީ އެ މުއާމަލާތަކީ ބޯޓުގެ ވެރި ފަރާތާއި ހޯކްސް އާއި ދެމެދެ ކުރެވުނު މުއާމަލާތެކޭ. ދެން ލާރި ދައްކަންޖެހޭނީ ތެޔޮ ގަން ފަރާތަކުން ދޯ. ސެލްފީ ނަގާ މީހާ ގެކަމެއް ނޫން.
އައްބެ
11 October 2022
ތިޔަ ހޯކްސް އަކީވެސް ސަހަލުބައެއްނޫން. ބްލެކް މާކެޓުން ކޮލިޓީދަށް ތެޔޮގެނެސް ތިލަފުށީގައި ރަނގަޅުތެލާއި ގަޑުބަޑުކޮށްގެން ވިއްކާބައެއްތިއީ. އެކަން ބަލާނެ މުވައްސަސާއެއް މިރާއްޖެއަކުނެތް. ހަލާކުވަނީ ރައްޔިތުންގެ އުޅަނދު ފަހަރު.
ތިލަފުށި ބޮޑުމީހާ
11 October 2022
ދެން ބްލެކް މާރކެޓުން ތެޔޮ ގެންނަކަން އިނގޭއިރު ހޯކްސް އިން ތެޔޮގަންނަނީ ކީއްކުރަން؟ ނުގަތީމަ އުޅަނދުތައްވެސް ސަލާމަތް ކުރެވުނީނު. ތެޔޮ ނުގަނެވެސް ނޫޅެވޭ އެކަމަކު އަނގައެއް އޮތީމަ ކޮންމެވެސް އެއްޗެއް ކިޔަނީ! ދެން ވަރަށް ސަލާމް!
އައްބެ އަށް އިގިފަ ތިއޮތީ
12 October 2022
އައްބެ ބަލަން ދޯ ބްލެކް މަރކެޓުން ތޯ ތެޔޮގެނެސް ވިއްކަނީ ކޮންބައެއްތޯ؟ ތިވަރަށް ކަންތައް ބަލާކަށް ނުވާނެ.
ކުޗީ
11 October 2022
ކަނޑުމަތިން ތެޔޮގަންނަ ކުންފުނިތަށް ވަރަށް އަވަހަށް މުއްސަނދިވާނެ.
އަޅެ
11 October 2022
ދެން އެކަހަލަ ވިޔަފާރިއެއް ފަށަން އުޅެބަލަ!
ސީޒަން ޖެކުހަން
11 October 2022
ތެލުން ދިރާސާ ގަރަނބުނުކޮށްލާ.