ފުލުހުން މީގެ ކުރިން މަރުގެ މައްސަލައެއް ތަހުގީގު ކުރަން ސީން ބަންދުކުރަން ޓޭޕު ދަމާފައި. -- ފޮޓޯ: ފަޔާޒު މޫސާ
17 އޮކްޓޯބަރ 2022 - 12:57
68 comments
މާލޭގެ ދެ ގޭންގެއްގެ ދެމެދު ހިނގި މާރާމާރީއެއްގައި، ގެއަކަށް ވަދެ މީހަކު ނިދަން އޮއްވައި ތޫނު އެއްޗަކުން ރޭ ހަމަލާދީފި އެވެ.
އެނގިފައިވާ ގޮތުގައި އެ ހަމަނުޖެހުން ފުރަތަމަ ފެށީ މާލޭގެ ގެސްޓް ހައުސްއެއްގެ ތެރޭގަ އެވެ. އެ ތަނުގައި ގޭންގެއްގެ މީހަކު، އެހެން ގޭންގަކަށް ނިސްބަތްވާ މީހަކާ ދެމެދު ޖެހުނު މައްސަލައެއްގައި ތޫނު އެއްޗަކުން ހަމަލާދީ ޒަހަމްކޮށްލީ އެވެ.
އޭގެ ފަހުން މާލޭގެ ގެއަކަށް ވަދެ ހަމަލާދިނީ، ބަދަލު ހިފުމުގެ ގޮތުންނެވެ. މާފަންނުގައި ހުންނަ ގެއަކަށް ގޭންގުން ވަދެގަތީ އެ ގޭގެ ދޮރު ހަލާކުކޮށްލައިގެން ކަމަށް ވެ އެވެ. އޭރު، ހަމަލާދިން ޒުވާނާ އޮތީ ނިދާފައި ކަަމަށް މައުލޫމާތު ދިން ބައެއް މީހުން ބުންޏެވެ.
ގޯޅިގަނޑެއްގެ ތެރޭގައި ލަކުޑި ސިޑިއަކުން އަރަން ޖެހޭ ގޮތަށް ހަދާފައި ހުރި އެއް ކޮޓަރީގެ އެ އެޕާޓްމެންޓުގެ އެތެރެ ފެންނަ ވީޑިއޯއެއް "މިހާރު" އަށް ލިބިފައިވާއިރު އެ ވީޑިއޯ އިން ފެންނަނީ އެނދާއި ބެޑްޝީޓާއި ބިންމަތީގައި ގިނަ އަދަދަކަށް ލޭ ހުއްޓަ އެވެ.
އެނދުމަތީގައި އަޅާފައި އޮތް ރީނދޫ ކުލައިގެ ކުއިލްޓެއް ބިންމައްޗަށް ވެއްޓިފައި އޮތް އިރު އޭގައި ވެސް އޮތީ ހުސް ލެ އެވެ. އެނދުން ފެށިގެން ސިޑިއާ ހިސާބަށް ލޭ ތިކިތައް ޖަހާފައި ހުރި މަންޒަރު ފެނެ އެވެ. އަދި ސިޑީގެ ތަނބެއްގައި ލޭ ހޭކިފައި ހުއްޓައި ވެސް ފެނެ އެވެ.
ފުލުހުން މިއަދު ބުނީ މާލޭގެ ހިތްފަސޭހަ ގޯޅީގައި ހުރި ގެސްޓް ހައުސްއެއްގައި މާރާމާރީއެއް ހިންގާފައިވާ ކަމުގެ ރިޕޯޓެއް ރޭ ދަންވަރު 2:38 ގައި ލިބިފައިވާ ކަމަށެވެ. އެ ހާދިސާ ހިނގި ސީނުން ދިވެހި ފިރިހެނަކު ހައްޔަރު ކުރި ކަމަށް ފުލުހުން ބުންޏެވެ.
އޭގެ ފަހުން، މާފަންނު ގެއެއްގައި މީހަކަށް ހަމަލާ ދިން ކަމުގެ ރިޕޯޓު ފުލުހުންނަށް ލިބުނީ ރޭގެ 3:34 ހާއިރު އެވެ. އެ ހާދިސާގައި އަނިޔާވި މީހާއަށް އައިޖީއެމްއެޗްގައި ފަރުވާދެމުން އަންނަ ކަމަށް ފުލުހުން ބުންޏެވެ.
ފުލުހުން ބުނި ގޮތުގައި ދެ މައްސަލަ ވެސް އަންނަނީ ތަހުގީގު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1206
18 October 2022
ތިމަންމެންނީ ހަމަ އިސްލާހު ކުރަން އުޅޭ ބަޔަކީމުއޭ އެބައިމީހުން ބުނެފޫއެވެ. ނޫނެކެވެ. އެހެންނެއްނޫން. އަދި ކިއެއް. ހަމަކަށަވަރުން ފަސާދަކުރާ މީހުންނަނީ ހަމަ އެއުރެންނެވެ. އަމިއްލަ އަތްތަކުން އިސްކުރި އަމަލުނާމާއިން އެއްގަމާއި ކަނޑުގައި ފަސާދަ ފައުޅުވެއްޖެއެވެ. ކަލާނގެ ސަފުން ބަދަލު ނުކުރައްވަތޭ ގައުމެއްގެ ހާލާތެއް، ނުވާނަމަ، ގައުމުގައި ބަދަލު ކުރުމުގެ ޚިޔާލާތެެއް،
އިބްރ
18 October 2022
މަޑުކަށި ފިކުރުގެ ބޭފުޅުން ހިންގަވަނީ ޑިމޮކްރަޓިކް ޙަރަކާތްތަށް. ގޭގޭގެ ދޮރު ވައްޓާލައިގެންވެސް މިހާރު މަޑުކަށި ފިކުރު ހިންގަނީ. ޤައުމުގެ މިނިވަންކަމާއި ސިޔާދަތު އެމްޑީޕީން ކަށަވަރުކޮށްދެއްވާ ގޮތަކީ މިއީތޯ؟
ޙަސަން އަޙްމަދު
18 October 2022
ބޯރިންގ
ގޭންގްސްޓާރސްޕެރަޑައިސް
18 October 2022
ހިތްފަސޭހަ ގޯޅީގައި ފިސާރި ހިތްފަސޭހަކަން އެބަހުރިތާ
އުދުހޭ
18 October 2022
ޔޯގާ ހަރަކާތް ހުއްޓުވަން ގޮވާލަން މައިކު ހިފައިގެން ބޭރުގަ ތިބި ޝޭޚުންނަށް ޓެރެރިޒަމުގެ ދައުވާކޮށްފި. ގޭގާއި ދިނާފައިއޮއްވާ ދޮރުވައްޓާލައިގެން ވަދެ ތޫނުހަތިޔާރުން ހަމަލާދިން މީހާ އަށް ވާނެގޮތް ކިޔުންތެރިންނަށް ދޫކޮށްލީ...
ދެރަ
17 October 2022
ގެދޮރުގެ ހުރުމަތެއްވެސް ނެތް ހިސާބަށް މިޤައުމުގެ އަދުލުވެރިކަން މިދަނީ
ގެދާނޯމޮސް
18 October 2022
ކޮންއިރަކު އޮތް ކަމެއްގެ ވާހަކަ ތޯއެވެ؟
ހޮޓްކިންގ
17 October 2022
ފުލުހުންނަކަށް ނުވާނެތިކަމެއް. ނުވެސް އުޅޭހުއްޓުވާކަށް. ނެޑެލްތައްޖަހައިގެން ބޮޑުމުސާރަނަގަންތިބީ ލަދުނުގަންނާތީ ގޭންގުތަކުގެ އަދަދު ކިޔައިިދޭން.
އޮޕަރޭސަންދަންވަރަށްފަރިވެފޮޅޭ
17 October 2022
އަދި އެއްޗެކޭ ނުބުނެވިގެން މިއުޅެނީ މަރުނުވިއަކަސް ޕޯސްމޯޓަން ނެހެދިގެން. އޭތިހެދިގެން އިގޭނީ ހަމަލައެއް ދިންކަން ފަހުންވެސް ދިންކަން ބަޔަކަށް ގެއްލުންވިކަންވެސް.
ދހސތވސ
17 October 2022
މިވަރުވާއިރު ވެސް މިމީހުން މައިތިރި ކުރެވޭ ގޮތެއްނެތީތަ. ނޫނީ ބޭނުން ނުވަނީތަ. ތަފާސް ހިސާބު ހާމަކުރީމާ ހުރިހާ ކަމެއް ނިމުނީ
އެމްސް
17 October 2022
ދެން ޖެހޭނީ ބޮންދުން ކޮޅެއް ފުލުސް އޮފީހަށްވެސް ލާން، ދިވެހިން ލައިގެން ނުވިތާ، ވަރަށް ބެލިއްޖެއެއްނުން!
ސްލައިމް
17 October 2022
ސީޕީ ޙަމީދުގެ ޓުވީޓެއް ނާންނަ ތާ ދުވަސް ކޮޅެއް ވެއްޖެ.