ބީއެމްއެލްއާއިސާފިންއެސޯދިއޭޝަނުގެއިސްވެރިން. -- ފޮޓޯ: ބީއެމްއެލް
21 އޮކްޓޯބަރ 2022 - 19:24
1 comments
މޯލްޑިވްސް ސާފިން އެސޯސިއޭޝަން (އެމްއެސްއޭ)ގެ ސާފިން ޓީމުތަކުގެ އޮފިޝަލް ޕާޓްނަރަކަށް ވުމަށް ބޭންކް އޮފް މޯލްޑިވްސް (ބީއެމްއެލް) ހަމަޖައްސައިފި އެވެ.
އެ ބޭންކުން އިއްޔެ ބުނީ، ޒުވާން ސާފަރުންގެ ހުނަރު ތަރައްގީކޮށް، ކުރިއެރުވުމަށް އެމްއެސްއޭ އިން ބާއްވާ ޖޫނިއާ ސާފިން ޗެމްޕިއަންޝިޕަށް އެ ޕާޓްނާޝިޕުގެ ދަށުން އެހީތެރިވާނެ ކަމަށެވެ.
ބީއެމްއެލްގެ އިންޗާޖު އަދި އެކްޓިން އެމްޑީ އައިޝަތު ނޫރައްދީން ވިދާޅުވީ، ޕާޓްނާޝިޕުގެ ސަބަބުން ސާފިން ކުރިއެރުވުމަށް ގިނަ މަސައްކަތްތަކެއް ކޮށް، ޒުވާން ސާފަރުން ދެކޭ ހުވަފެންތައް ހަގީގަތަކަށް ހެދުމަށް މަސައްކަތްތަކެއް ކުރާނެ ކަމަށެވެ. ރާއްޖޭގައި ރާޅާއެޅުމަކީ ކުރިއަރަމުން އަންނަ ކުޅިވަރެއް ކަން ވެސް އޭނާ ފާހަގަ ކުރެއްވި އެވެ.
ބީއެމްއެލުން ރާއްޖޭގެ ކުޅިވަރު ކުރިއެރުވުމަށް އެހީތެރިކަން ފޯރުކޮށްދިނުމުގެ ގޮތުން ވަނީ ފުޓްބޯޅަ އާއި ސްވިމިން އަދި ޓެނިސްއާ އެކު ވެސް ޕާޓްނާޝިޕެއް ހަދައިފަ އެވެ.
ބީއެމްއެލްގެ 40 ވަނަ އަހަރީ ދުވަހާ ގުޅުވައިގެން ހިންގަމުންދާ ހަރަކާތްތަކުގެ ތެރެއިން ދާދި ފަހުން ވަނީ މޯލްޑިވްސް އޮލިމްޕިކް ކޮމިޓީއާ ގުޅިގެން މޮޅެތި އެތްލީޓުންނަށް ސްޕޯޓްސް ސްކޮލާޝިޕްގެ ފުރުސަތު ހުޅުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
22 October 2022
ބީއެމްއެލް ގަ 300 މިލިޔަންގެ ސީއެސްއާރު ބަޖެޓެއް އޮންނަ ކަމަށްވޭ! އެ ބަޖެޓުން ކުޅިވަރުވެސް ކުރިއަރުވަން ވާނެ، އެކަމަކު ކުޅިވަރުވެސް ކުޅެވޭނީ ފުރިހަމަ ސިއްޙަތެއްގަވެސް ހުރެވިގެން! ހިތައް އަރަނީ ކީއްވެބާއޭ ސިއްޙީ ޚިދުމަތްތެރިން، ރާއްޖެއަށް ބޭނުންވާ ވަރަށް ޑޮކްޓަރުން ބިނާކުރަން/އުފައްދަން އެފަދަ ފަރާތްތަކަށް ބީއެމްއެލް ގެ އެހީތެރިކަން ނުފޯރަނީ! އޭރުން 1 ދަނުގަ 2 ބުޅިވެސް ޖެހުނީ! ވަޒީފާގެބާޒާރަށް ބަޔަކު ނެރެވި، ސިއްޙީދާއިރާ ބިނާކުރަން އެހީވެސްވެވުނީ!