ޚަބަރު / މޯލްޑިވްސް ނޭޝަނަލް ޕާޓީ (އެމްއެންޕީ)

ޗާގޮސްގެ މައްސަލާގައި ސަރުކާރުން އަމަލުކުރި ގޮތް ބަލަން މަޖިލީހަށް

ދަނގެތި ދާއިރާގެ މެމްބަރު މުހައްމަދު ނާޒިމް--ފައިލް ފޮޓޯ: މިހާރު

މޫސާ ރަޝީދު، މިހާރު

23 އޮކްޓޯބަރ 2022 - 17:50

ރާއްޖެ އާއި ޗާގޮސްގެ ރަށްތަކުގެ ކަނޑުގެ ސަރަހައްދު ފުށުއަރާ މައްސަލައިގައި ރާއްޖެ އިން މިހާތަނަށް ގެންގުޅުނު ސިޔާސަތު ބަދަލު ކޮށްފައިވާ ކަމަށް ބެލެވޭ ކަންކަން ހިނގައިފި ކަމަށް ވިދާޅުވެ، އެކަމުގެ ހަގީގަތް ހޯދަން ގޮވައިލާ ގަރާރެއް ދަނގެތި ދާއިރާގެ މެމްބަރު މުހައްމަދު ނާޒިމް (ކާނަލް ނާޒިމް) މިއަދު ރައްޔިތުންގެ މަޖިލީހަށް ހުށަހަޅުއްވައިފި އެވެ.

ބޯޑަރުގެ މައްސަލަ އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އަށް މޮރިޝަސް އިން ހުށަހެޅުމާ އެކު، ރާއްޖެ އިން ވަކާލާތު ކުރަމުން އައީ ޗާގޮސްއަކީ އިނގިރޭސި ވިލާތުގެ މިލްކުވެރިކަން އޮތް ސަރަހައްދެއް ކަމަށާއި އެހެންވެ އެ މައްސަލައިގައި މޮރިޝަސް އަށް ދައުވާ ނުކުރެވޭނެ ކަމަށެވެ.

ނަމަވެސް މިދިޔަ އަހަރު އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން ވަނީ އިނގިރޭސި ވިލާތުން ޗާގޮސް ހިފައިގެން ތިބުން ބައިނަލްއަގުވާމީ ގާނޫނާ ހިލާފު ކަމަށް ކަނޑައަޅައި އެއީ މޮރިޝަސްގެ ބައެއް ގޮތުގައި ނިންމައިފަ އެވެ.

ރާއްޖޭގެ ސްޓޭންޑާ ދެކޮޅަށް ބައިނަލްއަގުވާމީ ކޯޓުންނާއި އިޓްލޮސް އިން ނިންމާފައި ވަނިކޮށް، މިދިޔަ ބުރާސްފަތި ދުވަހުގެ އަޑުއެހުމުގައި ރާއްޖެ އިން ވަނީ، ޗާގޮސް އަކީ އިނގިރޭސި ވިލާތުގެ ތަނެއްގެ ގޮތުގައި ކުރިން ގެންގުޅުނު ވިސްނުން ބަދަލުކޮށް، އެ ކަމުގައި މޮރިޝަސް އަށް ތާއީދު ކުރަން ނިންމައިފަ އެވެ.

އެ މައްސަލަ ހޫނުވެފައި ވަނިކޮށް، ކުރީގެ ޑިފެންސް މިނިސްޓަރު ނާޒިމް މަޖިލީހަށް ހުށަހެޅުއްވި ގަރާރުގައި ވިދާޅުވީ، ޗާގޮސް ރަށްތަކުގެ މައްސަލާގައި މޮރިޝަސްއާ އެއްކޮޅަށް ރާއްޖެ އިން ކުރިން ވޯޓު ނުދިނީ އެކަމުގައި މޮރިޝަސް އަށް ކާމިޔާބު ވެއްޖެ ނަމަ ރާއްޖޭގެ ސަރަހައްދުން ބޮޑު ބައެއް ގެއްލުމުގެ ފުރުސަތު އޮތުމުން ކަމަށެވެ.

ޗާގޮސްގެ މައްސަލައިގެ ސިޔާސަތު ބަދަލުވިކަން މަޖިލީހަށް ނާންގާ ކަމަށާއި އެއްވެސް މަޝްވަރާއެއް ކޮށްފައި ނުވާ ކަމާށް އެ ގަރާރުގައި ވެ އެވެ.

ދިވެހި ސަރުކާރުގެ ސިޔާސަތު ބަދަލުވި ކަން ރައީސް އިބްރާހިމް މުހައްމަދު ސޯލިހު މޮރިޝަސްގެ ބޮޑު ވަޒީރަށް އެންގެވިއިރު ދެ ފަރާތުން ބައިނަލްއަގުވާމީ މުއާހަދާއަކަށް އާދެވިފައިވާ ކަން ޔަގީން ކުރެވޭ ކަމަށާއި އެކަމަކު އެއީ ރައްޔިތުންގެ މަޖިލީހަށް ހުށަހަޅައިގެން ފާސްކޮށްގެން ނޫނީ ކުރެވޭނެ ކަމެއް ނޫން ކަމަށް ވެސް ނާޒިމް ވިދާޅުވި އެވެ.

އޭނާގެ ގަރާރުގައި ވިދާޅުވިގޮތުގައި، ރާއްޖޭގެ ސަރަހައްދުން ގެއްލޭ ކުޑަ ތަންކޮޅަކީ ވެސް ކުރިއަށް އޮތް ޖީލުތަކަށް ލިބޭ ގެއްލުމެކެވެ. ހިލާފު އުފެދިފައިވާ ސަރަހައްދަކީ ކަނޑުމަސް ތިޔާގި ސަރަހައްދެއް ކަމަށް ވެސް ނާޒިމް ވިދާޅުވި އެވެ.

އޭނާ ހުށަހެޅުއްވީ ރައްޔިތުންގެ މަޖިލީހުގެ ހާއްސަ ކޮމިޓީއަކުން ޗާގޮސް މައްސަލައިގައި ސަރުކާރުން ކުރިން ގެންގުޅުނު ސިޔާސަތު ބަދަލު ކުރުމުގެ ވަށައިގެންވާ ސަބަބުތައް ދެނެގަނެ ފައިސާގެ ނުފޫޒު ނުވަންނަ ކަން ކަށަވަރު ކުރުމުގެ އިތުރުން އެ ސިޔާސަތު ބަދަލުކުރީ ގާނޫނީ ތަރަހައިގެ ތެރެއިން ކަން ކަށަޥަރު ކުރުމަށެވެ.

އޭގެ ސަބަބުން ރާއްޖެ އަށް ވާނެ ފައިދާ އާއި ގެއްލުން ބަޔާންކޮށް، ދިވެހިންނަށް އެކަން އަންގައި ދިނުމަށް ވެސް އެ ގަރާރުގައި ނާޒިމް ގޮވައިލެއްވި އެވެ.

ރައްޔިތުންގެ މަޖިލިސް މޮރިޝަސް މުހައްމަދު ނާޒިމް (މާފަންނު އުތުރު ދާއިރާ) އެޓާނީ ޖެނެރަލްގެ އޮފީސް މޯލްޑިވްސް ނޭޝަނަލް ޕާޓީ (އެމްއެންޕީ) ރާއްޖެ-މޮރިޝަސް

16 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިމް

24 October 2022

ރާއްޖެއިން މިހާރު އެތާއީދުކުރާ ގޮތް އެއީ މާކުރިއްސުރެ ކުރަންޖެހޭ ކަމެއް. ކުރީ ސަރުކާރުތަކަށްވެސް ފުރުސަތު އޮންނާނެ ޗާގޯސް މޮރިޝަސްއާ ހަވާލުކުރަން ތާއީދުކުރެވެން ރާއްޖޭގެ ކަނޑުގެ ބައެއް ނުގެއްލޭ ގޮތަށް. އައިސީޖޭއާ އދ.ގެ 116 ގައުމެއްގެ އަޣުލަބިއްޔަތުން ނިންމި ކަމަކަށް ރާއްޖެއިން ދެކޮޅު ހެދުމަކީ ވަރަށް ހެއްވާ ކަމެއް އަދި ރާއްޖެ ބޭނުންވާ ގޮތަކަށް ނިމޭނެ ކަމެއްވެސް ނޫން. ގެއްލެން އުޅޭ ބަޔަކީ މިގައުމުގެ ކިތައް %މީހުން ބޭނުންކުރާ ތަނެއްތޯވެސް ބަލަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަމާރު އިމް

24 October 2022

ބަލަ ގަމާރާ، އެބިމުން ގޯތި ހޯދަކަށެއް ނޫނޭ މިއުޅެނީ! މިއުޅެނީ މަސްވެރީން މަހަށް ނިކުންނަ ކަނޑު އެހެން ބަޔަކަށް ދޭތީވެ. ހުވަދޫ އަތޮޅުން ދެކުނަކީ މާބޮޑު ޓޫރިޒަމެއް އޮތްތަނެއް ނޫން އައްޑޫ އެއަރޕޯޓު ވަތާ ކޮށްފަ އޮންނާތީ! ހުވަދޫ އަތޮޅުން އައްޑޫ އާ ހަމައަށް ކުރަނީ މަސްވެރިކަން. މިފްކޯ ކޫއްޑޫ އަށް ކިރާހާ މަހަކީ މިކަނޑުތަކުން ބާނާ މަސް. މިސަރަހައްދު މީހުން ދިރިއުޅެނީ ދިރިތިބެނީ މަސްވެރިކަމުން. މާލޭ މީހުންނަށް ގޯތި ދޫކުރާކަށެއް ނޫނޭ މިގޮވަނީ! ބޮޑު ގަމާރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމް

24 October 2022

ގަމާރު އިމްއަށް.. ކަލޭގެ ހުރި ގަމާރުކަން ފެނިފަ އަދި މާ ހިނިއާދޭ އެބަ. މައްސަލައިގެ އަލިފުބާ ނޭނގުނަސް މީހަކު ކުރާ ކޮމެންޓެއްގަ އެ ކިޔާ އެއްޗެއް ނޭނގުނަސް ކަލޭ ޖެހޭތަ ރިޕްލައި ލިއަން. އެހެން މީހަކާ ދިމާލަށް ބޮޑު ގަމާރަށް ގޮވުމަކީ ތިމާގެ ހުރި އާދަޔާ ޚިލާފު ގަމާރުކަން ދައްކައިދޭ ކަމެއް. ރޭގަނޑު ހޭލާ އޮވެ މިކަމާ ބެހޭ ހުރިހާ ލިއުމަކާ ކޮމެންޓްގަ އެބުނާ އެއްޗަކާ ރަގަޅަށް ކިޔާފަ އެނގޭތޯ އިހަށް ބަލާބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޔަ ސަރުކާރު މަޖްލީހަށް ހާޒިރުވޭ

24 October 2022

މިވާގޮތުން ދިވެހިރާއްޖޭގެ ސެންޓަރ އޮފް ގްރެވިޓީ އަކީ އައްޑޫ. އައްޑޫގައި ދިވެހި ސިފައިންގެ ކޯސްޓްގާރޑް 100 ގުނަ ފުޅާކުރަން ޖެހޭ. މަސްވެރީން ހިމާޔަތް ކުރަންޖެހޭ. އައްޑޫ އަތޮޅު ގެއްލުމުގެ ފުރުސަތު ބޮޑު. އިންޑިއާ - މޮރިޝަސްގެ ޚަސީލްތްތެރި ރެވުން ދަނީ ބާރަށް ކުރިއަށް. މޮރިޝަސްގައި ހަދަމުން އަންނަ އިންޑިއާގެ ސިއްރު ނޭވީ/މިލިޓަރީ ބޭސް. އިންޑިއާ އައްޑޫގައި އެކުރާ ބޮޑެތި އިންވެސްޓްތަކުގެ ސިއްރު ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯއޮފްދަކޮރަޕްޓެދް

23 October 2022

ބަލާ ބަލާ. ފުރަތަމަ 2012 ގެ މައްސަލަތައް ބަލަމާ ހިނގާ. ބައްލަވާ އޭ.ޖީ އެއޮތީ ވިދާޅުވެފައެއް ނޫންތޯ ހުރިހާ ތަފްޞީލެއް. ދެން މަޖްލީހުން ކިހިނެއްތަ އިތުރު ސަބަބެއް ހޯދާނީ. އަނެއްކާވެސް އޭ.ޖީ ގެނެސް ސުވާލު ކުރަންވީދީ، ޖަވާބު ދީފަ އޮތްކަމަކާ. އެހެން ނޫންނަސް، މަޖްލީހަށް ކަމެއް ގެންގޮއްސިއްޔާ އިތުރަށް ވާނީ ގޯސް. "ލޯ އޮފް ދަ ސީސް" އާ ގުޅޭ ކަމެއް، "ލޯ އޮފް ދަ ޖަންގަލް" އަށް ތަބާވާ ބަޔަކަށް ކިހިނެއް ބެލޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

23 October 2022

ބަލަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސވލ

23 October 2022

2012އިގެ ފެބުރުވަރީ 7ގައި ޖުމްހޫރީމައިދާނަށް ދާންޖެހުނުގޮތާއި، އެތަނަށްގޮސް ސިފައިންގެގެއަށްވަންނަންޖެހުނުގޮތަކާއި ރައީސުލްޖުމްހޫރިއްޔާ އިސްތިޣުފާދިނުންނޫންގޮތެއް ނެތްކަމަށް ބުނަންޖެހުނުގޮތާއި ޖެހުނީ ކޮންޙައިޞިއްޔަތަކުންތޯއާއި އެދުވަހުހިނގައިދިޔަކަންތައް ބެލުމަށް ރާއްޖެއިންބޭރުން ފަނޑިޔާރަކުގެންނަން ޖެހުނުގޮތަކާއި އެތަކެއްކަމެއް އޮޅުންފިލުވައި މަޖިލީހުން އެކަމުގެ ތަޙުޤީގެއްހިންގަން އެދެންބޭނުންއެބަވޭ. އެކަން ހުށަހަޅާދެވިދާނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސްޓަރ ޓިނޭ

24 October 2022

އަރުތޫރު ބްރަދާސް ރާއްޖޭގެ ގެނެސްގެން ކުރީ ކޮން ކަމެއްތޯ ވެސް ބަލަން ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިކް

23 October 2022

ސިޔާސަތު ބަދަލު ކުރަން ދޯ ޖެހޭނީ އދ އިން އެގޮތަށް ފާސްކުރީމަ.. ބަދަލު ނުކޮށް ގަދަފައި ވިއްދަައިގެން ތިއްބަސް ވާނެ އެއްވެސް ފައިދާއެއް ނެތް.. އދ އިން ވަކި ގޮތަކަށް ނިމްމާފަ އޮތީ ރާއްޖެއިން ނެގި ނުކުތާވެސް ކޯޓުން ބަލަަި ނުގަތް ދެން ސިޔާސަތުގަ ބަގުޑި ބައްދައިގެން ތިބެވޭތަ؟؟ އޭރު އދ ގަ މޮރިޝޮއަސްއާ އެއްކޮޅަށް ވޯޓު ނުދީ އިނގެރޭސިންކޮޅަށް ވޯޓު ދިނީމަވެސް ކަލޭމެން އެކަކަށް ވެސް ރަނގަޅެއް ނުވި.. ހެޔޮ އެއްގޮތެއްވެސް އޮންނަ ބައެއް ނޫން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބެ60އަހަރު

23 October 2022

ބޭބެމެން އުމުރުން މިވީހާ ދުވަހެއްވީއިރުވެސް، މިއަތޮޅުގައި ހުރި ފަޅުރަށްތައް ހުންނަނީ މާލެޔޭ ކިޔާ ގައުމެއްގެ ބޭފުޅުން "ދަނޑުވެރިކަން" ކުރަން، އެގައުމުގެ ރަދުންގެ އަމުރުފުޅަށް ނަންގަވާފަ. ބޭބެމެން ރަށުގެ ރުއްގަނޑުތަކުން ލިބޭ ކާށިން،ވެސް މާލޭގެ ރަދުންނަށް ޖިޒީދައްކައިގެން އުޅެނީ. ދެން ތިޔަ ރަށްތައް އެގައުމުގެ ބޭފުޅުންނަށް ހޯދާދިނުން ވަރަށް މުހިންމު. އެގައުމުގެ ބޭފުޅުން މިހާރުވެސް "ދަނޑުވެރިކަން" ކުރާނެ ރަށްތަކެއް ބޭނުންވޭ އެބަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެ

23 October 2022

ބައެއް މީހުންނަށް ރާއްޖެއަށް ރާއްޖޭގެ ސައިޒް އޮޅިގެން އުޅޭހެން މިހާރު ހީވާން ފަށައިފި. އަކަމޭލެއްވަރުގެ މާލެ ނުބެލިހެއްޓިގެން އުޅޭއިރު ޚިޔާލީ ސަރަހައްދަކާހުރެ މޮޔަގޮވަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

23 October 2022

ތިކަން ވަރަށްސާފު ... އިންޑިޔާއިން ދެން ޗާގޯސް އެހެން ބަޔެއްގެ އަތްދަށަށް ދާކަށް ބެނުމެއް ނޫން. މޮރިޝަސްގެ ދަރިފަސްކޯޅަކީ އިންޑިޔާއާއިވެސް ގުޅިފައިތިބޭ ބަޔެއް. ޗާގޯސް އަކީ އިނގިރޭސީންނަށް ވިއްކާފަ އޮތްތަނެއް ނޫން އެއީ މަކާރާއި ހީލަތުން ފޭރިގަންފައޮތް ތަނެއް.