ޚަބަރު / ދައުލަތުގެ އަހަރީ ބަޖެޓް 2023

ދައުލަތުގެ ދަރަނި 113 ބިލިއަން ރުފިޔާ އަށް!

2023 ގެ ދައުލަތުގެ ބަޖެޓް ފޮތް--ފޮޓޯ: މަޖިލިސް

ފާތިމަތު ޝަނާ މުހައްމަދު، މިހާރު

31 އޮކްޓޯބަރ 2022 - 09:56

8 comments

ސޮވެރިން ގެރެންޓީ ހިމަނައިގެން ދައުލަތުގެ ދަރަނި އަންނަ އަހަރު 113 ބިލިއަން ރުފިޔާ އަށް އަރާނެ ކަމަށް ލަފާކޮށްފި އެވެ.

އަންނަ އަހަރަށް ލަފާކުރާ ދައުލަތުގެ ބަޖެޓު ފޮތުގައިވާ ގޮތުން އެތެރޭގެ ދަރަނީގެ ގޮތުގައި މި އަހަރުގެ ނިޔަލަށް 57 ބިލިއަން ރުފިޔާގައި ހުރި ނަމަވެސް އެ އަދަދު އަންނަ އަހަރު 62 ބިލިއަން ރުފިޔާ އިތުރުވާނެ އެވެ. ބޭރުގެ ދަރަނި 35 ބިލިއަން ރުފިޔާ އިން 40 ބިލިއަން ރުފިޔާ އަށް އިތުރުވާނެ އެވެ. މީގެ އިތުރުން ގެރެންޓީ ދިން މިންވަރު 12.4 ބިލިއަން ރުފިޔާއިން 11.7 ބިލިއަން ރުފިޔާ އަށް ދަށްކުރެވޭނެ ކަމަށް ފިނޭންސް މިނިސްޓްރީން ލަފާކޮށްފައިވެ އެވެ.

އަންނަ އަހަރު ދައުލަތުގެ ދަރަނި ހުންނާނީ ރާއްޖޭގެ އުފެއްދުންތެރިކަމުގެ ނިސްބަތުން 108 ޕަސެންޓުގަ އެވެ. މި އަހަރު ނިމޭ އިރު ދައުލަތުގެ ޖުމްލަ ދަރަނި ހުންނާނީ ރާއްޖޭގެ އުފެއްދުންތެރިކަމުގެ ނިސްބަތުން 111 ޕަސެންޓުގަ އެވެ. އެއީ ރުފިޔާއިން ނަމަ 106 ބިލިއަނެވެ. ފިނޭންސް މިނިސްޓްރީގެ އަމާޒަކީ 2025 ވަނަ އަހަރު ދައުލަތުގެ ދަރަނި އުފެއްދުންތެރިކަމުގެ ނިސްބަތުން 102 ޕަސެންޓަށް ދަށް ކުރުމެވެ.

ރާއްޖޭގެ ދަރަނި 114 ބިލިއަން ރުފިޔާ އަށް އެރި އިރު ރާއްޖޭގައި ދިރިއުޅޭ މީހުންގެ އާބާދީ ކަމަށްވާ 540،000 މީހުންނަށް ބަހާލައިފި ނަމަ ބޮލަކަށް 210،555ރ. ޖެހޭނެ އެވެ.

ފިނޭންސް މިނިސްޓްރީގެ ތަފާސްހިސާބުތަކުން ދައްކާ ގޮތުން 2019 އަހަރުން ފެށިގެން އަންނަ އަހަރަށް ދައުލަތުގެ ޖުމްލަ ދަރަންޏަށް 46 ބިލިއަން ރުފިޔާ އިތުރުވާނެ އެވެ. މި މުއްދަތުގައި އެތެރޭގެ ދަރަނި ގާތްގަނޑަކަށް ދެ ގުނަ އިތުރުވާނެ އެވެ. އެއީ 32 ބިލިއަން ރުފިޔާ އިން 62 ބިލިއަން ރުފިޔާއަށެވެ. އަދި ބޭރުގެ ދަރަންޏަށް 18 ބިލިއަން ރުފިޔާ އިތުރުވާނެ އެވެ.

ރާއްޖޭގެ ދަރަނި އެހާ ބޮޑަށް އިތުރުވެފައި ވަނީ 2020 ވަނަ އަހަރު ކުރިމަތިވި ކޮވިޑާ ގުޅިގެން އާމްދަނީ ދަށްވެ، ހަރަދުތައް ހަމަޖެއްސުމަށް ގިނަ އަދަދެއްގެ ލޯނު ނެގުމުންނެވެ. ކޮވިޑްގެ ކުރިން ރާއްޖޭގެ ދަރަނި ހުރީ އުފެއްދުންތެރިކަމުގެ ނިސްބަތުން 79 ޕަސެންޓުގަ އެވެ. އެއީ 68 ބިލިއަން ރުފިޔާ އެވެ. އަދި 2020 ވަނަ އަހަރު ދަރަނި އުފެއްދުންތެރިކަމުގެ ނިސްބަތުން 150 ޕަސެންޓަށް އެރި އެވެ.

ބައިނަލްއަގުވާމީ މިންގަނޑުތަކަށް ބަލާއިރު، ތަރައްގީވަމުން އަންނަ ގައުމުތަކުގެ ދައުލަތުގެ ޖުމްލަ ދަރަނި ދެމެހެއްޓެނިވި ގޮތެއްގައި ބެހެއްޓުމަށް އެންމެ އެކަށީގެންވަނީ އުފެއްދުންތެރިކަމުގެ ނިސްބަތުން 60 ޕަސެންޓެވެ. މި މިންގަނޑަށްވުރެ ރާއްޖޭގެ ދަރަނި އިތުރުވަމުން އަންނަތާ ދުވަސްތަކެއް ވެއްޖެ އެވެ. ދަރަނި އިންތިހާ އަށް އުފުލެމުން އަންނާތީ އެމްއެމްއޭ އާއި ބޭރުގެ މާލީ އިދާރާތައް ކަމުގައިވާ ވޯލްޑް ބޭންކާއި އައިއެމްއެފް އިން އަންނަނީ ކަންބޮޑުވުން ފާޅު ކުރަމުންނެވެ.

ފިނޭންސް މިނިސްޓްރީ ދައުލަތުގެ ބަޖެޓް ދައުލަތުގެ އަހަރީ ބަޖެޓް 2023

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

01 November 2022

ރާއްޖޭގެ ދަރަނި ބޮޑުވަނީ ގަވާއިދާ ހިލާ ފައް ވިޔަފާރި ކުރާ އަދި އުޅޭ މީހުން ޑޮލަރު ކޮޅު ބޭރުކުރާ ތީ އެވެ. ލޯން މާގިނަ އިން ނަގަނީ އެވެ. ދައުލަތުގެ ހަރަދު ތައް ކުޑަ ނުކުރާ ތީ އެވެ. މަސާޖް ކުރާ އަންހެން ކުދީން މާ ގިނައިން ރުފިޔާ ޑޮލަރު އަށް ހަދާފަ ބޭރު ކުރަނީ އެވެ. ސިޔާސީ މީހުންގެ ކޮރަޕްޝަން ގެ އަމަލު ތައް މާ ގިނަ އީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންހަމަ

31 October 2022

މަރުހަބާ ކިއުން ނޫން ގޮތެއް ނެތް ތިޔަކަމަށް. ގައުމު ދަރައިގެން ހިތި ދުވަސްތަކެއް ފެންނާނެ. ދެން އަންނަ ދައުރަކާވެސް ކަލޭމެން ހަވާލުވިއްޔާ އެންމެ ރަގަޅަށް އެ މަންޒަރު ފެންނާނީ. ގައުމު ދަރުވާ ނިންމާއިރު ގައުމުގެ އެންމެ ބޮޑު މަހުޖަނު ވިޔަފާރިވެރިޔާ ކޯލިޝަންގަ ހުރެގެން ހަމަ ޗުއްޕުވެސް ނުބުނޭ ގައުމު ހަމަމަގަށް އަޅުވަން އެހީއެއްހާ ހިސާބު ނުވޭ އެބޭފުޅާގެ ބިޒްނަސްއަށް ބޭނުންވާ ކަންކަން ސަރުކާރުގެ ތެރެއިން ވަމުންދާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

31 October 2022

ރައްޔިތުން މިހެން ދޫދީގެން ތިބޭހާ ހިނދަކު މި ދަރަނިތައް ދާނީ އިންތިހާއަށް މައްޗަށް. ދައުލަތް ދަރަނިވެރިވިޔަސް ސިޔާސީ މީހުންގެ ކުންފުނިތައް ކުރިއަރައި ފްލެޓާއި ގޯއްޗާއި، އުޅަނދުފަހަރާއި ގެސްޓް ހައުސްތައް އިތުރުވަނީ. އެމްބަސީތަކުގެ ތިބޭ ރައްޓެހިންނަށް ބަހާ މުސާރަތަކޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްދޯތް ޓޮލެރެންސް

31 October 2022

އަހަރެމެންނާއި އަހަރެމެންގެ ދަރިން ދަރަނިން ސަލާމަތްކުރަން އައި ބައިގަނޑު ދޯ މިއިީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣަނި

31 October 2022

އަހަރެމެންގެ ޢާއިލާގައި 142 މެމްބަރުން އެބަތިބި. ކޮންމެ ބޮލަކަށް ދަރަނި 210،555ރ ގެ މަގުން ޢާއިލާގެ ބޮލުގައި ދަރަނި 29,898,810( އޮނަތިރީސް މިލިއަން އައްސަތޭކަ ނުވަދިހަ އަށްހާސް އައްސަތޭކަ ދިހަ ރުފިޔާ) އެބަޖެހޭ. މިއީ ދަރަނީގެ މިންވަރު. މި ވަރު ބޮޑުވަރު ދޯ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސ

31 October 2022

ކަރުތާފެނަށްގޮސް ގެނބޭއިރުވެސް އަމީރު ބުނާނެ ހާސް ނުވާށޭ، ދަރަނި ނެގިޔަސް ދެއްކޭނެޔޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

31 October 2022

ރާއްޖެ އެންމެ ބޮޑަށް ދަރުވާލި 5 އަހަރު. އަހަރުމެންގެ ގެއިން 21 ވޯޓު ނިކުމޭ އޭގެއިން އެންމެ ވޯޓެއްވެސް ސޯލިހު އަކަށް މިފަހަރަކު ނުދޭނެ. މ.ޑ.ޕ ގެ މުޅިފަލްސަފާ މިކަލޭގެ ގަޑުބަޑު ކޮއްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންގްރޫ ް

31 October 2022

ވޯލްޑް ބެންކާއި އައި.އެމް.އެފް ފަދަ ތަންތަނުގެ ތަޖުރިބާކާރުންނަށްވުރެ އަމީރު މާމޮޅު އޭނާ ހިތުން! އެތަންތަނުން ކަންބޮޑުވުން ފާޅުކުރާއިރަށް މިކަލޭގެ އެބަދޮގުކުރޭ އެކަންކަން. އާޙިރުގަ މިއޮތީ ބޮޑުތަނުން ދަރުވާލާފަ.