ކުރީގެ ކޮމިޝަނާ އޮފް ޕްރިޒަންސް މުނާޒް: ކަރެކްޝަންސްގެ ރިޓަޔާމެންޓް އިނާޔަތް ހޯދުމުގެ ހައްގު އޭނާއަށް ލިބިގެންވާ ކަމަށް ކޯޓުން ވަނީ ނިންމާފައި --- ފޮޓޯ/މިހާރު
01 ނޮވެމްބަރ 2022 - 15:27
31 comments
ކުރީގެ ކޮމިޝަނަރު އޮފް ޕްރިޒަންސް އަބްދުﷲ މުނާޒް، މޯލްޑިވްސް ކަރެކްޝަނަލް ސާވިސްގެ ރިޓަޔާމެންޓް އިނާޔަތްތައް ހޯދަން ހުށަހަޅުއްވައިފި ނަމަ، އެ އިނާޔަތް ދޭންޖެހޭނެ ކަމަށް ސިވިލް ކޯޓުން އިއްޔެ ހުކުމްކޮށްފި އެވެ.
ކަރެކްޝަންސްގެ ރިޓަޔާމެންޓް ގަވާއިދު އޮންނަ ގޮތުން ކޮމިޝަނަރާއި ޑެޕިއުޓީ ކޮމިޝަނަރު ކަން ކުރައްވާ ބޭފުޅުންނަށް ރިޓަޔާމެންޓް އިނާޔަތުގެ ގޮތުގައި 30 އަހަރުގެ މުސާރައަށް ވާ މިންވަރު އެއްފަހަރާ ދީ، އޭގެ ފަހުން ކޮންމެ މަހަކު މުސާރައިގެ 75 ޕަސެންޓް އިނާޔަތެއްގެ ގޮތުގައި ދޭންޖެހޭނެ އެވެ.
އެކަމަކު ޑިސެމްބަރު 2018 އިން ފެށިގެން ޖެނުއަރީ 2020 ގައި ވަކިކުރުމާ ހަމައަށް މުނާޒް އަދާކުރެއްވި މުއްދަތަށް ރިޓަޔާމެންޓް އިނާޔަތެއް ނުދެ އެވެ.
އެ މައްސަލަ މުނާޒްގެ ފަރާތުން ސިވިލް ކޯޓަށް ހުށަހެޅުމުން ދައުލަތުން ބުނެފައިވަނީ މުނާޒް 2011 ވަނަ އަހަރު ސިފައިންގެ ހިދުމަތުން ރިޓަޔާވުމަށް ފަހު، ސިފައިންގެ ރިޓަޔާމެންޓް އިނާޔަތް މިހާރު ވެސް ލިބެމުންދާތީ ދެ މުއައްސަސާއަކުން ރިޓަޔާމެންޓް އިނާޔަތް ނުދެވޭނެ ކަމަށެވެ.
ކޯޓުން ކުރި ހުކުމުގައިވަނީ ޕެންޝަނާ ބެހޭ ގާނޫނު އޮންނަ ގޮތުން އެކަކަށް ދެ ޕެންޝަން ނުދެވޭނެ ކަމަށާއި އެހެންވެ، ދެ މުއައްސާއަކުން އިނާޔަތް ދޭން އަމުރު ނުކުރެވޭނެ ކަމަށެވެ. އެހެންވެ، އެންމެ އަދުލުވެރި ގޮތަކީ ދެ އިނާޔަތުގެ ތެރެއިން އެންމެ ބޮޑު އަދަދެއް ލިބޭ އިނާޔަތެއް ދިނުން ކަމަށް ހުކުމުގައިވެ އެވެ.
ހުކުމުގައި ވަނީ ކަރެކްޝަންސްގެ ރިޓަޔާމެންޓް އިނާޔަތް މުނާޒަށް ހައްގުވާ ކަމަށެވެ. އަދި ސިފައިންގެ ރިޓަޔާމެންޓް އިނާޔަތް ހުއްޓާލުމަށް ފަހު، ކަރެކްޝަންސްގެ ރިޓަޔާމެންޓް އިނާޔަތް ހޯދަން މުނާޒްގެ ފަރާތުން ހުށަހަޅައިފި ނަމަ، އެއް މަސް ތެރޭގައި އެ އިނާޔަތް ހަމަޖައްސައިދޭން ޖެހޭނެ ކަމަށް ހުކުމުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަންބެރު
02 November 2022
ދައުލަތުން ބަދަލު އަރާ މީހުން ލާންވީ ވަޒީފާއެއްނު ތިޔައީ. ފަހަރަކު މީހަކު ލާފަ އަނެއް ދުވަހު ކަނޑާލީމާ، ނުޖެހޭނެ ކޯޓަށް ގޮސް ބަދަލު ހޯދާކަށް. ގަޑިއިރަކު ވަޒީފާ ހަވާލުކޮށްފަ ވިޔަސް، އެމީހަކަށް މިލިޔަން ރުފިޔާއާ ކޮންމެ މަހަކު ވިހި ތިރީސް ހާސް ރުފިޔާ ލިބޭގޮތަށް ހަމަޖެހިގެންދާނެ، "ރިޓަޔަމަންޓް"ގެ އަނދުން އަޅުވައިގެން. ކަހާތަން ހިރުވާވެސް ނުލާނެ ވާނުވާ ނޭނގޭނެތީ އާންމުންނަށް
ކިރު ސައި
02 November 2022
ހަމަ ތެދެއްތޯ؟ 30 އަހަރުގެ މުސާރަ އެއްފަހަރާ؟ މީ ތެދެއްކަމަށް ވާނަމަ މިހާރުގެ މަޖްލިސް ގަނޑުކޮށް އިސްތިއުފާ ދިނުންމަށް ފެނޭ.
ބެއްޔާބެގެ ދަަރި
02 November 2022
މަޖިލިސް މެންބަރުންނަށް 5 އަހަރު ދައުރެއް ހަމަކުރިޔަސް މުސާރައިގެ ވަކި ވަރެއް ލިބޭ މިހާރު ވެސް. މި ދައްކަނީ 30 އަހަރު ހިދުމަތް ކުރީމާ އޭނާ އަށް ދައުލަތުން ދޭ އިނާޔަތެއްގެ ވާހަކަ. ދެ ދުވަހު ވަޒީފާގައި އުޅެފައި ވަކިވީމާ ދޭ އެއްޗެއް ނޫން
ޙައްބޭ
02 November 2022
މިއީ މިދައްކާ ވާހަކަ. މިސާލަކަށް ޓީޗަރަކު ނަގަމާ. 40 އަހަރުދުވަހު އޭނަ ޚިދުމަތްކުރިޔަސް މިހާރު އެޚިދުމަތް ގުނަނީ 30 އަހަރަށް. އެހަދާ ހިސާބުތަކެއް ހަދައިގެން އޭނަ 65 އަހަރުވީމަ ވީމަ ދެން ލިބޭނީ ގަނޑުކޮށް ލިބޭ 3 ލައްކައެއްހައި ރުފިޔާ. މަހުން މަހަށް އެއްޗެއް ނުލިބޭނެ. އޭނަގެ މުސާރައިން ޖަމާކުރި ފަންޑުގައި 5000 ދެވޭވަރު ނެތިއްޔާ ދައުލަތުގެ ޕެންޝަން ފަންޑުން ކޮންމެ ރައްޔަތަކަށްވެސް ދޭ 5000 ރުފިޔާ އޭނަޔަށްވެސް ދޭނީ. ކޮބައިތޯ އިންސާފަކީ. ޕޭކޮމިޝަނެއް ؟
ފަހުނު
02 November 2022
ދައުލަތުން ނުދޭން ހިފެހެއްޓީމާ ކޯޓުން ދޫކޮށްލީ، ގަވާއިދެއްގަ އޮތަތީ. ގަވާއިދު ހަދަނީ ދައުލަތުން ނޫންތަ؟ ނޫނީ ބަލަންވާވަރަށް ނުބަލަނީތަ؟ ގަވާއިދު ހަދަނީ އެބަޔަކު އަމިއްލަޔަށްތަ؟ އަމިއްލަޔަށް މިވެނިވަރެކޭ ދޭންޖެހޭނީ ބުނެފާ ހޯދާލަނީތަ؟ އަންނަ ދައުރުގައި ތިޔަ މަގާމަކަށްނު ކުރިމަތިލާންވީ. އެއްރޭ ހޭދަކޮށްލާފަ، "ކަމެއް" ކޮށްލައިގެން ކަނޑާލީމާ ހަމަ 30 އަހަރުގެ މަންފާއަކާއެކު މިލިޔަނަރަކަށް ވޭވިއްޔަ.
އޮފިސަރ
02 November 2022
ހަލާލެއްނުވާނެ ތި ލާރިއެއް.. 3 ދުވަހު ކޮމިޝަނަރ ކަން ކޮއްފަ 30 އަހަރުގެ ލާރި.... އާދައިގެ ނިކަމެތި އޮފިސަރަކަށް ވެއްޖިޔާމި ދެނީ ކުޑައެތި ކޮޅެއް އެވެސް ހޯދަން ޖެހެނީ ގަދަކަމުން..
ދިއްދޫމީހާ
01 November 2022
ނިކަން ވިސްނާލާ އެތާ ގަނެތެޅޭ އާދައިގެ އޮފްސަރުން ރިޓަޔާ ވާއިރު އަނގަޔާ އަތާ ދިމާނުވޭ
ބެއްޔާބެގެ ދަަރި
02 November 2022
މި ދައްކަނީ 30 އަހަރުގެ ހިދުމަތުގެ ވާހަކަ، އާދައިގެ މީހާ ވެސް 30 އަހަރުވީމަ ހަމަ އޮންނަ ފުރުސަތެއް އެއީ ރިޓަޔަކުރުން. ވެރިއަކަސް އާދައިގެ މީހަކަސް އެކަން އޮންނަނީ އެހެން.
ސީދީބެއޔާ
03 November 2022
ބެއްޔާބެގެ ދަރިޔާ އޮޅުވާ ނުލަހަށޭ، ޚަބަރުގަ އޮތް އެއްޗެއް ކިޔާށޭ އެވެރީންގެ ގަވާއިދު ކިޔާށޭ. އެބުނަނިއްޔޭ ކޯޓުން، އަހަރެއް ވަންދެން ހިދުމަތް ކުރިޔަސް 30 އަހަރުގެ ފައިސާ ގަނޑުކޮށް ދީފާ އެވަރުން ނުފުދިގެން މުސާރައިގެ 75 ޕަސަންޓު، ކޮންމެ މަހަކުވެސް ދޭން، ގަވާއިދުގައި އޮތަތީ.
ސޭންޑްވިޗް
01 November 2022
ރިޓަޔަރމަންޓް ޕެކޭޖް ދައުލަތުގެ އެކި މުއައްސާސާ ތަކުން ، އެކި ގޮތް ގޮތަށް އޮތުން އިންސާފެއް ނޫން. ޕޭ ކޮމިޝަނުން މި ކަން ބަލާ ،ޙަމަ ހަމަ އުސޫލަކުން މިކަން ކުރޭ.
ސަލާމަތީ
01 November 2022
ރިޓަޔަމަންޓާއި އެކު 30 ޢަހަރުގެ މުސާރަ ގަނޑުކޮށް ، މިއީ ބޮޑު ވަރު. މަޖްލިހުން ބަޖްޓް ބޮޑު ކުރުމުގެ ބަދަލުގައި މިފަދަ ތާކުން ތާކު ނުޖެހޭ ޚަރަދުތައް ކުޑަކުރަން ވީނުން.
މިސަރުކާރު
01 November 2022
ދެންވެސް ތިގާނޫނާ ގަވާއިދާ ބަދަލުކޮއްބަލަ. މިހާރު އޮތްގޮތުން ޖެހޭނީ ހަމަ ދޭން. ގްރީންޓެކްސްގެ ބިލުވެސް ބަދަލުކުރީއެންނު ވެދިޔަތަން ވެދިޔައީއޭ ކިޔާފަ.
ތުނޑުހަސަނު
01 November 2022
މިހުކުމް ދައުލަތުން އިސްތިޢުނާފުކުރަންޖެހޭ. ރިޓަޔަރމަންޓް ބެނިފިޓަކީ އެމުއައްސަސާގައި އެކި މަގާމުތަކުގައި ގިނަދުވަހު މަސައްކަތްކޮށް ކަމިޝަނަރުގެ މަޤާމާ ހަމައަށް ގޮސް އެމަގާމުގެ މުއްދަތު ހަމަކޮށް ރިޓަޔަރ ކުރުމުން ލިބެންޖެހޭ އެއްޗެއް. މުބާޒަކީ މިއުސޫލުން ރިޓަޔަަރކުރި މީހެއް ނޫން. އެއީ ލިބެންޖެހޭ ފައިސާއެއް ނޫން.