މޯލްޑިވިއަން އިން ގެނައި ވަގުތީ ބޯޓު؛ މިއީ އޭޓީއާރު 72-500 މަރުކައިގެ ބޯޓެއް ---ފޮޓޯ: މޯލްޑިވިއަން
16 ނޮވެމްބަރ 2022 - 06:26
10 comments
ކުރިއަށް އޮތް ޗުއްޓީއާ ދިމާކޮށް ރާއްޖޭގެ ވައިގެ ދަތުރުތަކަށް ބާރު ބޮޑުވާނެތީ، މޯލްޑިވިއަން އެއާލައިނުން ވަގުތީ މަތިންދާބޯޓެއް ގެނެސްފި އެވެ.
އެ އެއާލައިން ހިންގާ އައިލެންޑް އޭވިއޭޝަނުން ރޭ ނެރުނު ބަޔާނެއްގައި ބުނީ، "ވެޓް ލީސް" ނުވަތަ ކުރު މުއްދަތަކަށް އެ ބޯޓު ގެނައުމުގެ މަގުސަދަކީ ޗުއްޓީ ދުވަސްވަރާ ދިމާކޮށް ދަތުރުކުރަން ބޭނުންވާ މީހުންނަށް އެ ފުރުސަތު ފަހިކޮށްދިނުން ކަމަށެވެ.
އަލަށް ގެނައި ވަގުތީ ބޯޓަކީ ދުނިޔޭގެ ބޮޑެތި ޑޮމެސްޓިކް އޮޕަރޭޝަންތަކުގައި ބޭނުންކުރާ މަގުބޫލު އޭޓީއާރު 72-500 މަރުކާގެ ބޯޓެކެވެ. އެއީ ސްޕެއިންގެ ކުންފުންޏެއް ކަމަށްވާ "ސްވިފްޓް އެއާ" އިން އޮޕަރޭޓް ކުރަމުން އައި ބޯޓެކެވެ.
މޯލްޑިވިއަން އިން ގެނައި ވަގުތީ ބޯޓު؛ މިއީ އޭޓީއާރު 72-500 މަރުކައިގެ ބޯޓެއް ---ފޮޓޯ: މޯލްޑިވިއަން
ކަމުގެ މާހިރުންގެ ލަފަ އާއި އޭޓީއާރުން ލިބޭ އޮޕަރޭޝަނަލް ފަސޭހަތަކަށް ބެލުމަށް ފަހު، މޯލްޑިވިއަންގެ އޮޕަރޭޝަންގައި ބޭނުން ކުރަން އެންމެ ރަނގަޅީ އޭޓީއާރު މަރުކާގެ ބޯޓުތައް ކަމަށް އައިލެންޑް އޭވިއޭޝަނުން ގަބޫލު ކުރެ އެވެ.
އެ ކުންފުނިން މި އަހަރުގެ ކުރީކޮޅު އޯޑަރުކުރި އޭޓީއާރު 42-600 މަރުކާގެ މަތިންދާބޯޓާއި 72-600 މަރުކާގެ ދެ މަތިންދާބޯޓު، މިދިޔަ މަސް ތެރޭގައި ގެނެވޭނެ ކަމަށް ލަފާކުރިޔަސް އެ ބޯޓުތައް އަދި ރާއްޖެ ނުގެނެ އެވެ.
މޯލްޑިވިއަން އިން އޯޑަރު ކުރި އޭޓީއާރް-72 މަރުކާގެ ބޯޓެއް ފްރާންސް ގެ ޓުލޫސް-ބްލެންޔެކް އެއާޕޯޓުގައި.---ފޮޓޯ: ޔޫރޯސްޕޮޓް
އާ ބޯޓުތައް ގަތުމަށް 60 މިލިއަން ޑޮލަރު (925 މިލިއަން ރުފިޔާ) ހަރަދުވާނެ ކަމަށް އައިލެންޑް އޭވިއޭޝަނުން ބުންޏެވެ.
އެ ކުންފުނިން ބުނިގޮތުގައި، އަންނަ އަހަރުގެ ކުރީކޮޅު ވެސް މޯލްޑިވިއަން އަށް އޭޓީއާރުގެ އިތުރު ތިން ބޯޓު ހޯދާނެ އެވެ. މޯލްޑިވިއަން އެއާލައިނުން އެތެރޭގެ އުދުހުންތަކުގައި ބޭނުންކުރާ ހުރިހާ ބޯޓުތަކެއް ކުރިއަށް އޮތް ދެ އަހަރުގެ ތެރޭގައި އާ ކުރާނެ ކަމަށް ވެސް އައިލެންޑް އޭވިއޭޝަނުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮން
16 November 2022
ޗުއްޓީއަށް މިހާރުވެސް ޓިކެޓް ނުލިބޭ.. ޓިކެޓް ލިބޭނެ ފަސޭހަގޮތެއް ނޯވޭ. ކުރިިން ސެޑިޔުލް ނެހެދޭ އަބަދުވެސް 1 ދުވަސް ކުރިން މިވެރިންނަށް ސެޑިޔުލް ހެދެނީ އެހެންވީމާ ބޯޓް ދަނީ ހުސްކޮން ޓިކެޓް ބޭނުންވާ މިހާ މިހުންނަނީ ޓިކެޓް ނުލިބިގެން ނުފުރިފައި .. ކުންފުނި ވަނީ ބަގުރޫޓް ..
ކަކުނިބޯ
16 November 2022
ޢާބޯޓްތަށް ގެނައުމަށް 925،000،00ރ ހަރދުވެޔޯ 20 ޢަހަރަށް ބަހާލުމުން އަހަރަކަށް 46،250،000ރ، އަދި މިއަދަު 365 ދުވަހަށް ބަހާލުމުން ދުވާލަކަށް126،713ރ ޖުމްލަސީޓްގެ އަދަދު 74 ސީޓް އެއްކުރަން 42 ސީޓް ޖުމްލަ 116 ސީޓް އަށް ބަހާލަމުން ދުވާލަކަށް ސީޓެއް 1092 އަދިކޮންމެ 2 ގަޑޮއިރަކުން ފްލައިޓެއް އެޅޭނަމަ ދުވާލަކު 12 ދަތުރު ކުރެވޭނެ ވީމާ ސީޓެއް 91ރ ވީމާ އީއެމްއައި %18 އިންޓަރެސްޓްގައި 20އަހަރުވިމާ ސީޓަކަށް ދަތުރަކަށް،ޖެހޭނީ 246ރ މިއީ ހަމައެކަނި ބޯޓްއިގޭ
ކިރު ސައި
16 November 2022
އަދި ދަންނަވަން ދުއްވަނީ މޫދުލޮނުފެނުން، ކުރޫންނަށަް ތިބޭނީ ބޮޑު ކަންނެލި، ޖައްސާނީ ހަނޑަސްބުރިއަށް،
ކަލާސީ
16 November 2022
ކޮންމެ 2 ގަޑިއިރަކުން ދަތުރެއް 24 ގަޑިއިރުވަންދެން ނުކުރެވޭނެ. ކޮންމެ ދަތުރެއްގައި ސީޓުތައް ފުލްވެސް ނުވާނެ.
ފަހުފަލާސް
16 November 2022
ކޮއެފުޅާ 925،000،00ރ އަކީ ހުރިހާ ބޯޓެއް ބަދަލު ކުރަން ކުރިން އަންދާޒާ އެއް، ހިސާބު އަކުރު ގިނައެއް ކަމަކު އެއްކުރަން ކަނޑަން އެނގުނެއް ކަމަކު ބިޒިނަސް މޮޑެލް އެއް ނޭގިދާނެ، ފުލައިޓަކީ ކޮންމެ ދަތުރެއް ފުލް ކޮށް އަޅާ އެއްޗެއް ނޫން
ކެޕްޓަން އަމީން
16 November 2022
2 ބޯޓުގެ އަގެއްނޫން އެއީކީ، 3 ބޯޓުގެ އަގު. އެއީ 194 ސީޓް.. މޮޅެތި ކޮމެންޓް ކޮށްލާތި ވާނުވާ ނޭންގުނަސް.
ހަނޑަސް
16 November 2022
ނުބޯށޭ! ދަރިޔާ ނުބޯށޭ!
2022
16 November 2022
އަހުންނަށް ހެޔޮ ކޮންމެ އާރެއްގެނަޔަސް ތި ޓިކެޓް އަގުހެޔޮކޮށްދީ...... ބޮއިހަލަކި
ސާމިހް
16 November 2022
ވެޓް ލީސް މާނައަކީ ކުރުމުއްދަތަށް ގެނެއުމެއްނޫން. ވެޓްލީސް މާނައަކީ ކުރޫއިންނާއެކު ބޯޓު ލީސްކުރުން. އެބޯޓު ދުއްވާނީ އެބޯޓާއެކު އައި ބޭރުގެ ކުރޫއިން އެކަނި.
އަސީލު
16 November 2022
އަސްލުތަ ސާންބޮ؟ ކައޭ ނުދަންތަ މިދުއްވަން؟