އެސްއެލްއައިގެ މެނޭޖިން ޑިރެކްޓަރު ޓީއެމްއާރު ބަންގްސަ ޖަޔާ: އެ ކުންފުނިން ރާއްޖޭގައި ހިންގާ އޮޕަރޭޝަންތައް ހުއްޓާލަން ނިންމާފައިވާ ކަމަށް އޭނާ ވިދާޅުވި.-- ފޮޓޯ: ޑެއިލީ ނިއުސް
11 ޖެނުއަރީ 2017 - 16:13
6 comments
އިންޝުއަރެންސްގެ ހިދުމަތް ދޭ ސްރީ ލަންކާގެ އެންމެ ބޮޑު ކުންފުނި ކަމަށްވާ ސްރީ ލަންކާ އިންޝުއަރެންސް (އެސްއެލްއައި) އިން ރާއްޖޭގައި ދެމުން އަންނަ ހިދުމަތްތައް ހުއްޓާލަން ނިންމައިފި އެވެ.
ލަންކާ ސަރުކާރުގެ 100 ޕަސެންޓް ހިއްސާ އޮންނަ އެ ކުންފުނީގެ މެނޭޖިން ޑިރެކްޓަރު ޓީއެމްއާރު ބަންގްސަ ޖަޔާ ލަންކާގެ ޑެއިލީ ނޫހަށް މިއަދު ވިދާޅުވި ގޮތުގައި ރާއްޖެ އާއި ސީޝެލްސްގައި ހިންގާ އޮޕަރޭޝަންތަކުން ދަނީ ގެއްލުން ވަމުންނެވެ. އެ ގޮތުން، އެސްއެލްއައި އަށް ވުރެ ފަހުން ރާއްޖޭގައި ހިދުމަތް ދޭން ފެށި ލަންކާގެ އަމިއްލަ އިންޝުއަރެންސް ކުންފުންޏެއް ކަމަށްވާ ސިލިންކޯ އިން ވަނީ، އޭނާ ވިދާޅުވި ގޮތުގައި، އެސްއެލްއައިގެ މާކެޓް ޝެއާ ނަގައިފަ އެވެ.
"އެހެންވެ، ރާއްޖޭގެ އޮޕަރޭޝަންތައް ހުއްޓާލަން ވަނީ ނިންމާފައި،" ބަންގްސަ ޖަޔާ ވިދާޅުވި އެވެ.
އޭގެ އިތުރުން، ރާއްޖެ އާއި ސީޝެލްސްގައި ވެސް އިންޝުއަރެންސް ކުންފުނިތައް ބަލަހައްޓާ ދައުލަތުގެ އިދާރާ އަށް އެސްއެލްއައިން ޑިޕޮސިޓުގެ ގޮތުގައި ދެއްކި 250،000 ޑޮލަރު (3.9 މިލިއަން ރުފިޔާ) އަނބުރާ ނުލިބޭ ކަމަށް ވެސް އޭނާ ވިދާޅުވި އެވެ.
އެސްއެލްއައިން ރާއްޖޭގެ އޮޕަރޭޝަންތައް ހުއްޓާލަން ނިންމިއިރު، އެ ކުންފުންޏަށް ވަނީ މާލީ ގޮންޖެހުންތަކަކާ ކުރިމަތިލާން ޖެހިފަ އެވެ. އެ މައްސަލަތައް ކުރިމަތިވީ ލަންކާގެ ކުރީގެ ސަރުކާރުން އެ ކުންފުނި ހިންގަން ހަވާލުކުރި ފަރާތްތަކުން ހިންގި ކޮރަޕްޝަނާ ހެދި ކަމަށް އާ ސަރުކާރުން ތުހުމަތު ކުރާއިރު، އެ މައްސަލަތައް ލަންކާގެ ކަމާ ބެހޭ އިދާރާތަކުން ދަނީ ތަހުގީގުކުރަމުންނެވެ.
އެސްއެލްއައި އާއި ސިލިންކޯގެ އިތުރުން، ލަންކާގެ އަމާނާ ތަކާފުލް އިން ވެސް ރާއްޖޭގައި އިންޝުއަރެންސްގެ ހިދުމަތް ދެ އެވެ. އޭގެ އިތުރުން އިންޝުއަރެންސްގެ ހިދުމަތް ދޭ ފަރާތްތަކުގެ ގޮތުގައި ދެން ރާއްޖޭގައި ހަރަކާތްތެރި ވަނީ ދިވެހި ކުންފުނިތައް ކަމަށް އެލައިޑާއި ސޮލަރެލް އަދި ދިވެހި އިންޝުއަރެންސެވެ.
އާ ކުންފުނިތަކަކުން އިންޝުއަރެންސް މާކެޓަށް ވަންނަމުން އަންނައިރު، މި ދާއިރާގައި ހަރަކާތްތެރިވާ ފަރާތްތަކަށް ލިބޭ އާމްދަނީ ވެސް ވަނީ މައްޗަށް ގޮސްފަ އެވެ. އެ ގޮތުން، މިދިޔަ އަހަރުގެ ފުރަތަމަ ހަ މަސްދުވަހު އިންޝުއަރެންސް ކުންފުނިތަކަށް ފައިދާގެ ގޮތުގައި ލިބުނު މިންވަރު އޭގެ ކުރީ އަހަރުގެ އެ މުއްދަތާ އަޅާބަލާއިރު ދެގުނަ އިތުރުވެ، 42.2 މިލިއަން ރުފިޔާ އަށް އަރާފައިވާ ކަމަށް މަރުކަޒީ ބޭންކުގެ ތަފާސްހިސާބުތަކުން ދައްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖެހޭނެދޯ
12 January 2017
ރާއްޖޭގައި ނުޖެހޭ އަމިއްލަ ފަރާތް ތަކުގެ އިންޝުއަރެންސް ވެސް ކުރިއަރުވަން ސަރުކާރުގެ އެލައިޑް އިންޝުއަރެންސް ކޮމްޕްރޮމައިޒް ކޮށްފައި. އެގޮތަށް އެކަން ކޮށްގެން ނުވާނެއެވެ. ސަރުކާރުގެ ހުރިހާ ޕްރޮޖެކްޓްސް ތަކަށް ބޭނުންވާ މުދާ ވެސް މާލެ ގެނެސް މާލޭން ރާއްޖެތެރެއަށް ފޮނުވާއިރު އިންޝުއަރ ކުރަން ޖެހޭނީ އެލައިޑް ގައެވެ. އަދި ރިސޯރޓް ތަކަށް މާލޭން ގެންދާ މުދާ ވެސް އިންޝުއަރ ކުރަން ޖެހޭނީ އެލައިޑް ގައެވެ.
އަލްޖިބްރާ
12 January 2017
ދެން އެންމެ އަވަހަށް އިންޝުއަރެންސް އަންނާނީ ޗައިނާއިން !
ފައިބާފައިބާ
12 January 2017
ނުޖެހޭނެ ލަންކާ އިންޝުއަރެންސް ކުންފުނި ތައް ރާއްޖޭގައި ހުންނާން. ފައިވާ ފައިބާ މިހާރު ފައިބަންވީއެވެ. ލަންކާ އަދި އިންޑިއާ އަކީ މަމެންގެ ސަރުކާރަށް އެންމެ ބޮޑަށް އަޑިން އިނގިރޭސިން ނާއި އަދި އެމެރިކާ އާއި ގުޅިގެން ފިއްތަން ދިމާ ކުރާ ދެ ގައުމެވެ. ފައިބާ ފައިބާ ފައިބާ ހަމަ މިހާރު ފައިބަންވީ. ކޮން ބައްލަވާ އެއް ކިޔަންތޭ ފައިބާ މިހާރު.
މާލިމީ
11 January 2017
ނަވާރަސތޭކަ ސުންވަނަ އަހަރުގެ ބޯދާ ޚިޔާލުގެ މީހުން ތިބެގެން ތިޔަތަނެއް ނުހިނގާނެ. އަވަހަށް ރަށާށް ދާންވީ. ވަރަށް ސަލާމް.
އަލީ
11 January 2017
އެލައިޑު އިންޝުއަރެންސަކީ ރާއްޖޭގެ މާކެޓުގެ ހަލާކު. ގަދަ ކަމުން މީހުން ލައްވާ ޕޮލިސީތައް ގަނުވާފައި، ކަމެއް ޖެހުމުން ފައިސާއެއް ނުދޭނެ.
އުމަރު
11 January 2017
ރާއްޖޭގައި އިންޝުއަރެންސް ކުރިނައަރާނެ ސަރުކާރުގެ އެލައިޑް އިންޝުއަރެންސްގެ ސަބަބުން، އެތަނުން ދަނީ އެކްސްކުލޫސިވްކޮށް މަޖްބޫރުކޮށްގެން އިންޝުއަރެންސްގެ ހިދުމަތްތަށް ދެމުން ސަރުކާރުގެ ބާރާއި ނުފޫޒް ބޭނުންކޮށްގެން