މާފަރު އެއާޕޯޓު. އެ އެއާޕޯޓުގެ ދެވަނަ ފިޔަވަހީގެ މަސައްކަތް ކުރަން 443 މިލިއަން ހޭދަވާނެ-ފޮޓޯ:މާފަރު އެއާޕޯޓު
08 ޑިސެމްބަރ 2022 - 10:10
8 comments
މާފަރު އިންޓަނޭޝަނަލް އެއާޕޯޓުގެ ދެވަނަ ފިޔަވަހީިގެ މަސައްކަތް 443 މިލިއަން ރުފިޔާ އަށް އެމްޓީސީސީއާ މިއަދު ހަވާލުކޮށްފި އެވެ.
ޕްލޭނިން މިނިސްޓްރީގައި ބޭއްވި ރަސްމިއްޔާތެއްގައި އެ މަޝްރޫއުގެ އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އާދަމް އާޒިމެވެ. ޕްލޭނިން މިނިސްޓްރީން ސޮއިކުރެއްވީ ޑިރެކްޓަ ޖެނެރަލް ފާތިމަތު ޝާނާ ފާރޫގެވެ.
އެ މަޝްރޫއަށް ހަރަދުކުރާ 443 މިލިއަން ރުފިޔާގެ ތެރެއިން 418 މިލިއަން ހޭދަކުރަނީ އަބޫދާބީ ފަންޑުންނެވެ. ބާކީ 25 މިލިއަން ހޭދަކުރަނީ ސަރުކާރުގެ ބަޖެޓުންނެވެ.
އެއް އަހަރުގެ ތެރޭގައި ނިންމަންޖެހޭ އެ މަޝްރޫއުގެ ދަށުން ރަންވޭ އިތުރު 650 މީޓަރަށް ދިގުކޮށް، ސްޓްރިޕް ފުޅާކުރަން ވަނީ ހަމަޖެހިފަ އެވެ. އެކަން ކުރާނީ އިތުރު ސަރަހައްދެއް ހިއްކައިގެންނެވެ. އެ ސަރަހައްދުގެ ގޮނޑުދޮށް ވެސް ހިމާޔަތް ކުރާނެ އެވެ.
މާފަރު އެއާޕޯޓް ބޮޑުކުރުމުގެ މަޝްރޫއުގެ ލިޔުމުގައި މިއަދު ސޮއިކުރެއްވުމަށް ފަހު، އެމްޓީސީސީގެ އެމްޑީ އާޒިމް އާއި ޕްލޭނިން މިނިސްޓްރީގެ ޑިރެކްޓަ ޖެނެރަލް ޝާނާ އެއްބަސްވުމާއެކު ފޮޓޯއެއް ނަންގަވަނީ.
މާފަރު އެއާޕޯޓުގައި މިހާރު ބޭނުންކުރާ ރަންވޭގެ ޕޭވްމެންޓް އަޕްގްރޭޑް ކުރުމާއި ޓެކްސީވޭ ފުޅާކުރުމާއި ޕަވާ ސިސްޓަމާއި އޭޖީއެލް އަޕްރޭޑް ކުރުމަށް ވެސް އެ ޕްރޮޖެކްޓްގައި ވަނީ ކަނޑައަޅައިފަ އެވެ.
އަބޫދާބީ ފަންޑުން 60 މިލިއަން ޑޮލަރު (925 މިލިއަން ރުފިޔާ) ހަރަދު ކޮށްގެން ހެދި މާފަރު އިންޓަނޭޝަނަލް އެއާޕޯޓު ހުޅުވީ ޑިސެމްބަރު 2019 ގަ އެވެ.
އެ އެއާޕޯޓު އޮންނަ ސަރަހައްދަކީ އެންމެ މަތީ ފެންވަރުގެ ގިނަ ރިސޯޓުތަކެއް ހިންގަ އެވެ. އޭގެ ތެރޭގައި، ވެލާ އާއި ސޮނޭވާ ޖާނީގެ ރަންދެލި ރިސޯޓު ހިމެނެ އެވެ. އެހެންވެ، އެ އެއާޕޯޓުން ދަތުރުކުރާ މީހުން ވެސް އިތުރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނެރޭއެތަނުން
08 December 2022
މާފަރު އެއާރޕޯރޓް ހުޅުވި ދުވަހުން ފެށިގެން މިއަދާއި ހަމައަށް ނެތޭ އެތަނަށް 5 ހާސް ޕަސެންޖަރުން ދަތުރު ކޮށްފައި ރާއްޖޭން ބޭރުން ދެން ރާއްޖޭން ނެތޭ 2000 މީހުން ދަތުރުކޮށްަފައި ވެލާނާ އެއާރޕޯރޓް އިން ބޮޑު ފަޅެއް ހުސްކޮށް ބާއްވައިގެން ސީޕްލޭން ޓާރމިނަލް އޮޕަރޭޓް ކުރުން އެއީ ފީސްބްލް ކަމެއް ނޫނޭ ސީޕްލޭން ޓާރމިނަލް ބަދަލު ކުރަންވީއޭ އެނބޫދޫ ފަޅަށް އަދި އެނބޫދޫ ފަޅާއި މާލެ އާއި ދެމެދު ބްރިޖް އެޅީމާ ނިމުނީއޭ ވެލާނާ އެއާރޕޯރޓް ދޫކޮށްލާ އެއާރޕޯރޓަށް ސީޕްލޭ
ޚާޟޮ
08 December 2022
ބޭކާރު ކަންތަށް ކުރުމުގަ. އަހަރުންގެ ޖީބުން ދައްކާ ޓެކްސް އަދި ތަކެތީގެ އަގުބޮޑުވުން ނުން ކަމެއް ނެތެވެ
ބޮޑްވަޒީރުކުރުސީ
08 December 2022
އެންޓީސީސީ ކެޕޭސިޓީ އާއި އެކަށީގެންނުވާ މިންވަރަށް ޕްރޮޖެކްޓް ހަވާލުކުރަމުން ކުރަމުން ކުރަމުން ގޮސް، ތިއިން އެއްވެސް ކަމެއް ނިމޭ މަންޒަރެއް ނުފެނޭ. ދުވާލު ދެދަޅައަށް ސޮއިކުރުން ނޫން އެހެން ކަމެއް އެމްޓީސީސީ އެމްޑީއަކަށް ކުރެވޭ ވަރެއް ނޫން. އުތުރުން ދެކުނަށް ބަލާލީމާ ފެންނާނެ އެމްޓީސީސީ އިން ސައިޓުތަކުގައި ބޯޑުޖަހާފައި މަސައްކަތެއް ނުކޮށް ދޫކޮއްލެވިފައިވާ ތަން. މިއީ ވިސްނާލަންޖެހޭ ކަމެއްކަންނޭގެ
ކައުންސެލަރު
08 December 2022
މިދަތި ދަނޑިވަޅުގަ ހަމަ ކޮންމެހެންވެސް މަޖުބޫރުކަމެއްބާ ތިޔައީ؟ ދަރަނި މިދަނީ އަޑުކިޔާފަ މައްޗަށް. ސިޔާސީ ވެރިން/ މަގާމުތައް ދަނީ ލައިޓް ސްޕީޑުގަ މައްޗަށް. އެކަމަކުވެސް ޖެހޭތަ ދަރަނި ނަގައިގެން ނުނީ ހިލޭ އެހީގަވިޔަސް މިކަންކަން ހަމަ ކުރަން މަޖުބޫރުތަ؟ ޑޮމެސްޓިކް އެއާޕޯރޓް ތަކުން އެންމެ ފައިދާވާ ދަރަވަންދޫ ރަންވޭ އަށްވުރެ މިހާރުވެސް މިރަންވޭ ދިގު. ބޭނުމަކީ ކޮބާ ބޭކާރުކަންކަން ކުރުމުގެ
ޖިނާނަތު
08 December 2022
މާފަރަށް ހަސަދަ ނުލައިބަލަ. ރަންވޭ ދިގުކޮށް ބޭރު ދަތުރުތަކަށް މާފަރު ހުޅުވާލެވޭނެ. ކެޕިޓަލް މަނަދުއާ ކަނޑުއަޑީ ޓަނަލަކުން ގުޅާލެވި، މާފަރު މީހުން މަނަދުއަށް ބަދަލުކުރެވި، މާފަރުގަ ރިސޯޓު ހެދޭނެ. މަނަދޫގަ ރެސިޑެންޝަލް ޓަވަރުތައް އަޅާ މުޅި ރާއްޖެއަށް ފުރުސަތު ހުޅުވާލެވޭނެ. ބޮޑުތިލަދުންމަތީގެ ރަސްގެފާނު، ކުޅުދުއްފުޓާ ދެމެދު ދަތުރުތައް ކޮންމެދުވަހަކު އޮންނާނެ. ވިޔަފާރިއާ ތައުލީމާ ކުޅިވަރާ ސިއްހީ ހިދުމަތް މުޅިން އާ ހަރުފަތަކަށް ގެންދެވޭނެ. ވ ސލމ.
ޗުއްޗު
08 December 2022
ހުރިހާ ފައިދާއެއް ރިސޯޓު އޯނަރުންނަށް
ޔާސީންސް
08 December 2022
ޢެއާ އެކު އަންނަ ފައިދާއެއަްނެއްދޯ؟ ރަށްރަށުގަ ބަދަރު ހެދިޔަސް މާބޮޑު ފައިދާއެއްނެއް
ކަތަމަންތެ
08 December 2022
ޔާސީންސް އެއާއި އެކު އަންނަ ފައިދާއެއް ހަމަ ނެތެވެ. އެހެނީ ޓެކްސް އާއި ތަކެތި އަގުބޮޑުވެގެން ދާކޮޅު ގިނަ މިވަނީ ލިބޭ ކޮޅަށް ވުރެ. ނެތް ފެންވަރުން ނުކުރުމަށް އެދެމެވެ.