އަގްސޯ މިސްކިތުގެ އިމާމު ޝައިހް އިކްރީމާ ސަބީރީ: އޭނާ ދިރިއުޅޭ ގެ އިސްރާއީލުން ވަނީ ރެއިޑްކޮށްފަ
03 ޖެނުއަރީ 2023 - 08:24
4 comments
ގުދުސް (ޖެނުއަރީ 3) - އަގްސޯ މިސްކިތުގެ އިމާމު ޝައިހް އިކްރީމާ ސަބީރީ ދިރިއުޅޭ ގެ، އިސްރާއީލްގެ އަސްކަރީ ޖާސޫސީ އިދާރާއިން ރެއިޑްކޮށްފި އެވެ.
އިރުމަތީ ގުދުސްގައި ހުންނަ ސަބީރީގެ ގެއަށް ޖާސޫސީ އިދާރާގެ އޮފިޝަލުން ވަދެފައިވާ ކަމަށް އޭނާގެ އާއިލާގެ މީހުން ވެސް ބުންޏެވެ. އެކަމަކު އެ ގެއިން އެއްޗެއް ގެންގޮސްފައެއް ނުވެ އެވެ.
"އެއްވެސް ސަބަބެއް ހާމަނުކޮށް އޭނާ އާ ސުވާލު ވެސް ކުރި،" ސަބީރީގެ އާއިލީ މެންބަރަކު ނިއުސް އެޖެންސީތަކަށް ބުންޏެވެ.
އިސްރާއީލްގެ އިދާރާތަކުން މި ކަމާ ބެހޭގޮތުން ވާހާކަ ދައްކައިފައެއް ނުވެ އެވެ. ފަލަސްތީނުގެ ބިންތަކުގައި އިސްރާއީލުން ހިންގާ އުދުވާންތަކާ ދެކޮޅަށް ފާޑު ކިޔާ ސަބީރީ، މީގެ ކުރިން އެކިފަހަރުމަތިން އިސްރާއީލްގެ ސިފައިން ވަނީ ހައްޔަރު ވެސް ކޮށްފަ އެވެ.
ސަބީރީ ވަނީ ގުދުސް އާއި ފަލަސްތީނުގެ މުފްތީކަން ވެސް މީގެ ކުރިން ފުރައިފަ އެވެ. އެ މަގާމުގައި 1994 އިން 2006 އަށް އޭނާ ހުންނެވި އެވެ.
މުސްލިމުންގެ ތިން ވަނަ ހަރަމެއްގެ ގޮތުގައި ބަލައިފައިވާ އަގްސޯ މިސްކިތުގެ ސަރަހައްދުގެ ކޮންޓްރޯލް އިސްރާއީލުން ހޯދީ 1967 ގައި ކުރި އަރަބި އިސްރާއީލް ހަނގުރާމައިގެ ތެރޭގަ އެވެ. އަދި ގުދުސްގެ މުޅި ކޮންޓްރޯލް 1980 ގައި އިސްރާއީލުން ވަނީ ހޯދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔަހޫދީން މީގެ 3000 އަހަރު ކުރިން!
03 January 2023
އިޒްރެއިލް އަކީ ކުޑަކުޑަ މީސްކޮޅު މަދު ގައުމެއް. އެމީހުންގެ މޮޅުކަމުން އެމީހުން ކުރިއަރަނީ. ހަގުރާމަ އައްވެސް އުކުޅު ތަކުގަވެސް، ރޭވުންތެރިކްމުގަވެސް، އެއްބައިވަންތަ ކަމުގައިވެސް، އަދި ހުނަރުވެރިކަމުގައިވެސް. ކޮންމެ އިޒްރެއިލް މީހަކައް 47 އަރަބިން އެބައުޅޭ ޖެހިގެން އޮތް ގައުމު ތަކުގައި. އެކަމު އިޒްރެއިލް ގެ ރޭވުންތައް މާމޮޅު!
އަބްޑޫޅް
04 January 2023
ހަމަ މުޅިން ސޮއްހަ ވާހަކައެއް.
ވަސަލީ
03 January 2023
ވޯޓުކައިރިވީމާ މިތާނގަވެސް އެއް ބަޔަކުއުޅޭ ތިހެން.
1206
03 January 2023
ޕީ.އެލް.އޯ ހިންގާ ސަރުކާރު ވެރިންނަކީ އިޒްރާއީލާއި ގުޅުން ބޮޑު އަދި ހިމާޔަތާއި ރައްކާތެރިކަން ލިބިގެން އުޅޭ ބައެއް. އޭގެ އަނެއް ކޮޅު ވެސް ވަކި ސަހަލު ނޫން ކަމުގައި އެތެރެ ތަހުގީގު ކުރި ބައެއް ރިޕޯޓަރުން ނަން މަޝްހޫރު އޮންލައިން ނޫސްތަކުގައި ހާމަކޮށްފައި އެބަހުރި. ޣައްޒާގައި ބާރުގަދަ ހަމާސް އަކީ ކަރަޕްޝަންގެ މޫ އިންތިހާ އަށް އޮތް ޖަމާއަތެއް. މި ފަދަ ފާސިދު ޢަމަލުތައް ހިނގާ ދުވަހަކު ޕަލަސްތީނު މިނިވަނެއް ނުވާނެ. މުސްލިމުބް ބްލޭމް ގޭމް ހުއްޓާލަންވީ.