މިފަހަރު އިންތިހާބުގައި ވޯޓު ދިނުމުގެ ހައްގު ލިބޭ މީހުންގެ އަދަދު 280،000 އަށް އަރާ
15 ޖެނުއަރީ 2023 - 10:40
37 comments
މި އަހަރުގެ ރިޔާސީ އިންތިހާބު ސެޕްޓެމްބަރު މަހުގެ 9 ވަނަ ދުވަހު ބާއްވަން އިލެކްޝަންސް ކޮމިޝަން (އީސީ) އިން ކަނޑައަޅައި އެކަން މިއަދު އިއުލާނުކޮށްފި އެވެ.
އެ ކޮމިޝަނުން ބޭއްވި ޕްރެސް ކޮންފަރެންސްގައި އީސީގެ ރައީސް ފުއާދު ތައުފީގު ވިދާޅުވީ ސެޕްޓެމްބަރު 9 ވަނަ ދުވަހު ރިޔާސީ އިންތިހާބުގެ ބޭއްވުމަށް ފަހު ދެ ވަނަ ބުރަކަށް ވޯޓުލާން ޖެހިއްޖެ ނަމަ ވޯޓުލުން އޮންނާނީ ސެޕްޓެމްބަރު 30 ގައި ކަމަށެވެ.
މި ފަހަރުގެ އިންތިހާބުގައި ވޯޓު ދިނުމުގެ ހައްގު ލިބޭ މީހުންގެ އަދަދު 280،000 އަށް އަރާ ކަމަށާއި އެއީ އެންމެ ފަހުގެ ރިޔާސީ އިންތިހާބާ އަޅާބަލާއިރު 21،000 އިތުރު އަދަދެއް ކަމަށް ފުއާދު ވިދާޅުވި އެވެ.
އިންތިހާބަށް ކެމްޕެއިން ކުރުމަށް ފުރުސަތު އޮންނާނީ އޮގަސްޓް 10 އިން ސެޕްޓެމްބަރު 7 ގެ ނިޔަލަށެވެ.
މި ފަހަރުގެ ރިޔާސީ އިންތިހާބުގައި މާލޭގައި 145 ވޯޓު ފޮށި، ހުުޅުމާލޭގައި 47، ވިލިމާލޭގައި 10، ރަށްރަށުގައި 327، ރާއްޖޭން ބޭރުގައި 12 ފޮށި ބަހައްޓާނެ އެވެ. ފުއާދު ވިދާޅުވި ގޮތުގައި މި ފަހަރު ފަންސާހަކަށް ރިސޯޓްގައި ވޯޓު ފޮށި ބަހައްޓަން ޖެހެ އެވެ.
އިންތިހާބާ ގުޅޭ މުހިންމު ތާރީހުތައް:
● ވޯޓާސް ލިސްޓު އާންމު ކުރުން: މެއި 2، 2023 - ޖޫން 2، 2023
● ކެންޑިޑޭޓުންގެ ގޮތުގައި ކުރިމަތިލުމުގެ މުއްދަތު: ޖުލައި 23، 2023 - އޮގްސްޓު 3، 2023
● އޮބްޒާވަރުންނާއި މޮނިޓަރުންނަށް ފުރުސަތު ހުޅުވާލުން: ޖުލައި 25، 2023 - އޮގަސްޓު 13، 2023
● ކެންޑިޑޭޓުންގެ ނަންތައް ތަރުތީބުކޮށް އިއުލާން ކުރުން: އޮގަސްޓު 9، 2023
● ކެމްޕެއިން ކުރުމަށް ލިބޭ މުއްދަތު: އޮގަސްޓު 10، 2023 - ސެޕްޓެމްބަރު 8، 2023
"އިންތިހާބީ މަރުކަޒު އަދިވެސް ހަމަނުޖެހޭ"
ރިޔާސީ އިންތިހާބުގެ މަސައްކަތްތައް މީގެ ކުރިން އީސީން ކުރަމުން އައީ ބާޖަމާލުއްދީން އިމާރާތުގަ އެވެ.
އީސީގެ ނައިބު ރައީސް އިސްމާއިލް ހަބީބު ވިދާޅުވީ މިހާރު އެ އިމާރާތް ތަޅާލާތީ އިންތިހާބަށް ދިވެހިރާއްޖޭގެ އަޑުގެ ބާ އިމާރާތް ދިނުމަށް ސަރުކާރުން ނިންމާފައިވާ ކަމަށާއި ނަމަވެސް އެކަމުގައި އެއްވެސް ކުރިއެރުމެއް ނުލިބޭ ކަމަށެވެ.
"ސެޕްޓެމްބަރު 9 ގައި އިންތިހާބު ބާއްވަން މަސައްކަތްތައް ރާވަމުންދާއިރު މަސައްކަތް ކުރާނެ ޖާގަ އާއި މާހައުލެއް ނެތި ނުފެށި ދާ ކަމަށްވަންޏާ މިދެންނެވި ތާރީހުތަކަށް ބަދަލު އައުމަކީ އެކަށީގެންވާ ކަމެއް،" ހަބީބް ވިދާޅުވި އެވެ.
ރިޔާސީ އިންތިހާބުގައި ވާދަކުރާ އެންމެ ބޮޑު ޕާޓީ، އެމްޑީޕީ އިން ރިޔާސީ ކެންޑިޑޭޓެއް ކަނޑައެޅުމަށް މި މަހު 28 ގައި ޕްރައިމަރީ ބާއްވާނެ އެވެ. އެ ޕްރައިމަރީގައި ރައީސް އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވާދަ ކުރައްވާއިރު މިހާރު ކުރިޔަށް ދަނީ ދެ ބޭފުޅުންގެ ކެމްޕެއިން ހަރަކާތްތަކެވެ.
އިދިކޮޅު ޕީޕީއެމް/ޕީއެންސީން ވަނީ ރިޔާސީ ޓިކެޓު ކުރީގެ ރައީސް އަބްދުﷲ ޔާމީން އާ ހަވާލުކޮށްފަ އެވެ. ނަމަވެސް ރިޝްވަތާއި މަނީ ލޯންޑަރިންގެ ކުށުގައި 11 އަހަރުގެ ޖަލު ހުކުމެއް އައުމާ ގުޅިގެން އެމަނިކުފާނަށް ވަނީ ރިޔާސީ އިންތިހާބަށް ކުރިމަތިލެއްވުމުގެ ޝަރުތެއް އުނިވެފަ އެވެ.
މީގެ އިތުރުން މޯލްޑިވްސް ނޭޝަނަލް ޕާޓީ (އެމްއެންޕީ) އާއި މޯލްޑިވްސް ޑިވަލޮޕްމަންޓް އެލަޔަންސް (އެމްޑީއޭ) އަދި ޖުމްހޫރީ ޕާޓީން ވެސް ވަނީ ރިޔާސީ ކެންޑިޑޭޓަކު ނެރޭނެ ކަމަށް ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނުގެ ހާސަރު
16 January 2023
އިލެކްޝަންގެ ބޭނުމަށް ދިވެހިރާއްޖޭގެ އަޑުގެ "ބާ އިމާރާތެއް ނޫން" އަޑުގެ "މައި" އިމާރާތް ދޭން ކުރާ މަސައްކަތަކީ ހައުސިން މިނިސްޓްރީ އާ ޕީއެސްއެމްގެ ވެރިންގެ ހީލަތްތެރި ރޭވުމެކެވެ. ދިވެހިރާއްޖޭގެ އަޑުގެ އިމާރާތަކީ ބޭނުންނުކުރާ ހުސްޖާގަ އޮތް ތަނެކޭ ބުނާ ބުނުމަކީ ކަނޑައެޅިގެން ދޮގު ވާހަކައެކެވެ. އެއްވެސް ހުސް ޖާގައެއް ނެތެވެ. ތަން ދޭން އުޅެނީ މުވައްޒަފުން ނެރެ ކުޑަ ގޮޅިއަކަށް ލާ ގޮތަށެވެ. މި އީ އަޑުގެ މަސައްކަތްތައް ހީނަރު ކުރުމަށް ކުރާ ކަމެކެވެ.
ހަސަނުގެ ހާސަރު
16 January 2023
ދިވެހި ރާއްޖޭގެ އަޑުގެ "މައި" އިމާރާތް "ބައި" އިމާރާތެއް ނޫން، މިތަން އިލެކްޝަގެ ބޭނުމަށް ހުސްކުރުމަށްޓައި ގައުމީ ތަރިކައެއްކަމަށްވާ 60 އަހަރުވީ އަޑުގެ ރެކޯޑް ލައިބްރީ އެވަނީ ބާޒާރު ކޮތަޅުތަކަށް އަޅައި އަޑުގެ ސެނެކޯ މާލަމްތެރެއަށް އުކާލައިފައެވެ. ރެކޯޑް ލައިބްރަރީ ދެން ވައްދާނެ ތަނެއް ނެތިގެން ޤައުމީ އަގުބޮޑު ތަރިކަ އެ ވަނީ މަގުމަތިވެފައެވެ. ރާއްޖޭގެ ތާރީޚީ އަދި އިލްމީ މިވަރުގެ ޚަޒާނާއަކަށް މިހެން ހަދަން ހެޔޮނުވާނެއެވެ.
ހަސަނުގެ ހާސަރު
16 January 2023
އިލެކްޝަނުގެ ބޭނުމަށް ނަގަން އުޅެނީ ދިވެހިރާއްޖޭގެ އަޑާއި ޕީއެސްއެމްގެ ގިނަ މުވައްޒަފުންތަކެއް މިހާރުވެސް ބޭނުންކުރާ ދިވެހިރާއްޖޭގެ އަޑުގެ މައި އިމާރާތެވެ. "ބާ" އިމާރާތެއް ނޫނެވެ. ހަގީގަތަކީ އަޑުގެ މައި އިމާރާތުގައި މިހާރު ތިބި މުވައްޒަފުން ނެރެފަ ވައްދާނެ އެހެން ޖާގައެއެއް ޕީއެސްއެމްގެ އެއްވެސް ބިލްޑިންގެއްގައި ނެތްކަމެވެ. މުވައްޒަފުންނަށް ލިބޭ މި ނިކަމެތިކަމުގައި މުވައްޒަފުން ތިބީ ގޮތް ހުސްވެ ހާސްކަންމަތީގައެވެ.
ފަރީދަ1
15 January 2023
ތޮޔަކޮމިޝަން ގެ ގާނޫނީ ޒިންމާ ކޮބާ ؟ މިގޮތައް ކޯލިޝަން ނުހެދޭނެ. އެމްޑީޕީ ޕްރައިމަރީގަ އެމްޑީޕީ ނަމުގަ ފޭރެން މިއުޅެނީ، މިއަށްވުރެންބޮޑު ވައްކަމެއް އެބައޮތްތޯ ؟ ގާސިމްވެސް އެމްޑީޕީ ޕްރައިމަރީގަ ވާދަ ކުރަން ފެނޭ އިބޫއާ ރޮޒޭނާ އާ އެކީ.. ރީކޯ، 3އޭ ޖާބިރު ދަރަނިބޯ ތަކުގެ ކޯލިޝަން ކެންޑިޑެޓެއް މިއުޅެނީ ބޯބޮޑުކޮއްގެން،އެމްޑީޕީ ނަމުގަ ރައްޔިތުންގެ ޓެކްސް ފެލަމުން، ޒީރޯއޭ ކިޔާފަ.، ރައްޔިތުން ހޭއަރާ ވިސްނާ މީ އެމްޑީޕީ މީހެއްނޫން، ސޭޓުންގެ ބޯއީ …
ކަތްދައްތަ
15 January 2023
ގައުމު ލޫޓުމާރު އަރުވާނެ މީހަކު ހޯދަން އަހަރަމެން އަމިއްލައަށް ތަޅާފޮޅަންޖެހޭ ނިޒާމެއް މިއޮތީ. އެންމެ އެންމެނަށް ކޯޅިކޯޅިފަ އެމީހާއޭ މިމީހާއޭ ކިޔައިގެން ބައިތުންމާލު އަބަދުވެސް މިހަވާލު ކުރެވެނީ ޗޯރުންގެ ތެރެއިންވެސް އަރާހުންނަ ކޮންމެވެސް ޗޯރަކާ. ކުޅަދުންވަންތަކަން.
ކަފަބުރު
15 January 2023
ތިތަން ހިންގަނީ އިންޑިއާއިންތަ؟ އެމީހުންގެ ސިސްޓަމް އެޕްލައިކުރަން ޑިރެކްޓަރުންނަށް ހާއްސަ ތަމްރީނެއް އިންޑިއާއިން ފަށައިފިތަ؟
ފައިނަގާ އިބުރާހީމް ފުޅު
15 January 2023
އިބުރާހީމް ފުލު ހުރީ ވެރިކަމުގެ ޗާލާކީކަން ފެނިދަހިލަވާ އަމަށަކު ހިތެއްނޫން ޖެހިފަހުރީކީ އެކަމަކު ފުޅު ޕްރައިމަރީން ކެޓިޔަސް ހުރީ ދޫކުރާކަށް ނޫން ކަޓައިފިއްޔާ ދެން ނިކުންނާނީ ކުނޫޒު ޖަގަހައިން އެތަނުން ގާސިމްބެ ނައިބަކަށް ލައިގެން ނަސީދު ދާނީ ޕީޕީގެ ލީދަރާއި އެކު އޭނާގެ ޝަރުޔަކީ ހަމަ އަނެއްކާވެސް އަނެއް ހަކަންތައް އެއީ މެދުތެރެއިން ވޯތެއް ނެގުމާ ބަރުލަމާނީ އަކަށް ބަދަލްކުރަން ކޮއްޓަކޮއްޓާ ހުރުން ނަށީދާއި ފުޅު ދެނއް މިގައުމުގެ ވެރިކަމެއް ނުކުރާނެ
މީހާލަކީ
15 January 2023
ފުރަތަމަ ތިތާގެ އެތެރެ ސާފުކޮށްބަލަ. މިހާރު ތިކޮމިޝަނުގައި ތިތިބަ ވެރިންނާ ހަވާލުކޮށްގެން ތި އިންތިހާބެއް ސައްޚައެއްނުވާނެ. އެއަށްވުރެ މާ ކޮރޮޕްޓްބައެއް ތީ. އިރުއިރުކޮޅާ އަހަރެމެން އެކި ޕާޓީތަކަށް އެބަ ވިއްކާލާ. އެއްޕާޓީ އަކުން ކެނޑޭތާ ހަފްތާއެއް ނުވަނީސް އަނެއް ޕާޓީ އަކަށް އެބަލާ. ތިތާގަ ތި ތިބަ ވެރިންގެ އަތެއް ނުވަނީސް ސިޔާސީ ޕާޓީތަކަށްވެސް ޕާޓީން ވަކިވާކަމެއް ނޭގޭނެ.
މަގޭވިސްނުން
15 January 2023
މަގޭ ވިސްނުމަކީ މަގޭ ސްޓޫޑަންޓްލޯނު މާފުކޮށްދޭ މީހަކަށް ވޯޓުދިނުން. ރައީސް ސޯލިހަށް ވޯޓުދޭނަން ވޯޓުގެ ކުރިން ސްޓޫޑަންޓް ލޯނުތައް މާފުކޮށްދީފިއްޔާ... ކޮޒް މިހާރު ހިލޭ ޑިގްރީއަށް ކިޔަވާ ދެންޏާ އެއިރު ލޯނު ނަގައިގެން ކިޔެވި މީހުންގެ ލޯނު މާފްކޮށްދިނުން ހަމަ ސެންސް މޭކް ކުރެއެންނު؟
ފެންސު
15 January 2023
ކަލޭ ކިޔަވާނެކަމެއް ނެތް؟ ދަމާކަނޑަން އުޅުނިއްޔާ މާރަގަޅުވާނެ. އެހެންޏާ، ވޯޓުގަނޑުވެސް ތިދެނީ މުޖުތަމައުގެ މަންފާއަށްވުރެ އަމިއްލަ އެދުން އިސްކޮށްގެން.
ޔެސސް
15 January 2023
ރަނގަޅު ވާހަކައެއް. އެކަމަކު މިގައުމުގައި ނެރޭ ގަވާއިދުތަކާ ދައުލަތް ހިންގުމުގަވެސް ރައްޔިތުންނަށް ތަފާތުކުރުން ޚިޔާނާތޭ ބުނާވަރުވޭ. ޖޫރިމަނާތައް ވެސް ދައްކާ ވަފާތެރި ރައްޔިތުންގެ އަތުން އަތުލާފަ ނުދައްކާ މީހުނަށް ގަނޑުކޮށް މާފުކުރޭ. މީރާވެސް ކުދިކުދި ވިޔަފާރިވެރިންގެ ގޮހޮރަށް ފިޔާފަވެސް އަތުލެވޭ ރުފިޔާކޮޅު އަތުލާ. މަހުޖަނުން ގަދަހަދާލާފަ ނުދީވޭ ނޫނީ "އޯގާތެރި ލުއި" ހޯދާ.
ފެންސަށް
15 January 2023
"ކަލޭ ކިޔަވާނެކަމެއް ނެތް؟" މި ގޮތަށް ސުވާލެއް ކުރީމާ ދެން ލިޔެފައި ހުރި އެއްޗަކާ ދިމައެއް
ފެންސަށް
15 January 2023
"ކަލޭ ކިޔަވާނެކަމެއް ނެތް؟" މިގޮތަށް ސުވާލެއް ކޮށްފައި އޮތުމުން އެ ސުވާލާ ޖެހިގެން ލިޔެފައި ހުރި ޢިބާރާތްތަކަކާ ނުގުޅޭ. އެތާ ސުވާލު މާކަކަށްވުރެން ހައިރާންމާކެއް ޖެހުން މާރަނގަޅުވާނެ. އިތުރަށް ކިޔެވުމައިގެން އުޅުން ބުއްދިވެރިވާނެކަމަށް ފެނޭ!
އ
15 January 2023
ތިއިންތިހާބު ބާއްވާކައް ނުޖެހޭނެއެއްނުން... މުހިއްމެއްނުން ތި ތާރީހެއް...