އެސްޓީއޯގެ އަހަރީ އާންމު ޖަލްސާގެ ތެރެއިން--ފޮޓޯ:މިހާރު
26 ޖެނުއަރީ 2023 - 20:42
9 comments
މިދިޔަ އަހަރު އެސްޓީއޯ އަށް ޖުމްލަ އާމްދަނީގެ ގޮތުގައި 18.2 ބިލިއަން ރުފިޔާ ލިބުނު އިރު ސާފު ފައިދާގެ ގޮތުގައި 742 މިލިއަން ރުފިޔާ ލިބިއްޖެ އެވެ.
އެސްޓީއޯއިން އާންމު ކުރި ތަފާސްހިސާބުތަކުން އެނގޭ ގޮތުގައި އެއީ، އެސްޓީއޯގެ ކުރީ އަހަރުގެ އާމްދަނީ އަށް ވުރެ ގާތްގަނޑަކަށް 80 ޕަސެންޓު އިތުރު އަދަދެކެވެ. އެ ކުންފުނީގެ ސާފު ފައިދާ ވެސް ވަނީ 2021 ވަނަ އަހަރަށް ވުރެ 52 ޕަސެންޓު އިތުރުވެފަ އެވެ. އެ ކުންފުންޏަށް 2021 ވަނަ އަހަރު އާމްދަނީގެ ގޮތުގައި ލިބުނީ 10.2 ބިލިއަން ރުފިޔާ އެވެ. އަދި އެ އަހަރުގެ ސާފު ފައިދާއަކީ 487 މިލިއަން ރުފިޔާ އެވެ.
އެ ކުންފުންޏަށް މިދިޔަ އަހަރު ޖުމްލަ ފައިދާގެ ގޮތުގައި ދެ ބިލިއަން ރުފިޔާ ލިބިފައިވެ އެވެ.
އެސްޓީއޯ އިން ވޭތުވެދިޔަ އަހަރުތަކުގައި ބިލިއަނުން އާމްދަނީ ހޯދި ނަމަވެސް، އާންމުކޮށް ފައިދާގެ ގޮތުގައި ލިބެނީ 500 މިލިއަން ރުފިޔާ އަށް ވުރެ ދަށް އަދަދުތަކެވެ. މިއީ އެ ކުންފުނީގެ ތާރީހުގައި ވެސް އެހާ ބޮޑު އާމްދަނީއެއް ލިބުނު ފުރަތަމަ ފަހަރެވެ.
އެސްޓީއޯ އިން ބުނީ އާމްދަނީ އާއި ކުންފުނީގެ ސާފު ފައިދާއިން އެހާ ބޮޑު ކުރިއެރުމެއް ލިބުނީ، އެ ކުންފުނީގެ ދަށުން ހިންގާ، ތެލާއި ކޮންސްޓްރަކްޝަން ދާއިރާ އާއި ޝިޕިން ދާއިރާ އިން ލިބުނު އާމްދަނީ އިތުރުވެ ވިޔަފާރިތަކުގެ މާކެޓް ޝެއާ ބޮޑުވުމުގެ ސަބަބުން ކަމަށެވެ. މި ވިޔަފާރިތަކުގެ އިތުރުން އެ ކުންފުނިން ޓްރޭޑުންނާއި ގޭހާއި އިންޝުއަރެންސާއި މަސްވެރިކަމުން ވެސް އާމްދަނީ ލިބެ އެވެ.
މިދިޔަ އަހަރުގެ ކޮންމެ ކުއާޓަރެއްގައި ވެސް އެސްޓީއޯ އިން ވަނީ އެވްރެޖުކޮށް ހަތަރު ބިލިއަނަށް ވުރެ ބޮޑު އާމްދަނީއެއް ހޯދައިފަ އެވެ.
ވޭތުވެދިޔަ އަހަރު އެސްޓީއޯގެ ހިއްސާ އެންމެ މަތިން ޓްރޭޑް ކޮށްފައި ވަނީ 1450ރ. ގަ އެވެ. އަދި އެންމެ ދަށުން ޓްރޭޑް ކުރީ 580ރ. ގަ އެވެ.
އެ ކުންފުނި އެއް އަހަރުން އަނެއް އަހަރަށް ފުޅާ ކުރަމުން އަންނަ އިރު މިދިޔަ އަހަރު ވަނީ ތިލަފުށިން ޕޯޓެއް ވެސް ގަނެފަ އެވެ. އަދި ހުޅުމާލޭގައި ކޭޝިއަލެސް ސްޓޯރެއް ހެދުމާއި އެ ކުންފުނީ ހެޑް އޮފީސް އިތުރަށް ބޮޑުކުރުން ވެސް ހިމެނެ އެވެ.
އެސްޓީއޯގައި 2،000 މުވައްޒަފުން މަސައްކަތް ކުުރާއިރު، އެއީ ދައުލަތުގެ ކުންފުނިތަކުގެ ތެރެއިން އެންމެ ބޮޑު ފައިދާއެއް ހޯދާ އެއް ކުންފުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެހެހެހެހެ
29 January 2023
އާމްދަނީ 18 ބިލިޔަން އަށް އަރާއިރު 700 މިލިޔަން ރުފިޔާގެ ފައިދާ ވުމުގެ މާނައަކީ، އެސްޓީއޯ ތިޔަ ހިންގަނީ ވަރަށް ހަރަދު ބޮޑުކޮށް!
މާކޯ
26 January 2023
އެސްޓީއޯގެ ފައިދާގެ ބޮޑު ބަޔަކީ އެމްއޭސީއެލް އަށް ތެޔޮ ވިއްކައިގެން ވާ ފައިދާ. ސަރުކާރުގެ އެއް އެސްއޯއީ އިން އަނެއް އެސްއޯއީ އާއި ދެމެދު ހިންގާ ވިޔަފާރި. މިއީކީ ސާފު ފައިދާއެއް ނޫން.
އެސްޓިއަޮ
26 January 2023
ކޮބާ އެބަ އިގޭނު އަމްރުގެ ފެންވަރު. ދެން ލަލަލާ.
ރަޝު ކަތީބު
26 January 2023
މީހަކު ބަލާފިނަމަ 100 ބިލިޔަން ދަރާފަ އޮންނާނީ
ވިކިލީކްސް
26 January 2023
ހަގީގަތަކީ ބޮޑެތި ކަޓު ލާފައި މުދާ އެގެންނަނީ އެސްޓީއޯގެ "ބޮޑުމީހެއް" ހިއްސާ އޮންނަ ބުރޯކަރު ކުންފުނިތައް މެދުވެރިކޮށް. އެފައިސާތައް ވަންނަނީ އެމީހުންގެ ޑުބާއީ އެކައުންޓުތަކަށް. މީގެތެރޭގައި ދަގަނޑު،ކިރު، ލަކުޑި މިހެންގޮސް ކިޔާނެކަމެއް ނެތް ގޮދަން ފުށުންވެސް. ޑުބާއީއަށް ކޮމިޝަން ފައިސާ މިދަނީ. ނަމަވެސް އެފައިސާ ރާއްޖެ ގެންނަން އުނދަގޫތައް ހުރީމަ މިހާރު އެހެން މަގެއް އެބަ ބަލާ. މިސާލަކަށް ޑުބާއީގައި (ޝެއަރ އޮންނަ) ބުރާންޗުތައް ހުޅުވުން ފަދަ..
ބުންޏަސް
26 January 2023
ގަބޫލުނުކުރެވޭ..
އޮނަރަބްލް އަފީފު ދީދީ
26 January 2023
ދައުލަތާއި ރައްޔަތް ޙިއްސާވާކުންފުނިން ކޮންޒިއުމާ ގްޑްސް ރީޓައިލްއައުޓްލެޓް ހިންގުމުގެބަދަލުގައި ފާމަސޫޓިކަލްވިޔަފާރިއާއި ތެލުގެވިޔަފާރީގެ އިތުރަށް މިހާރުވެސްހިންގާ ޝިޕިންގ، އިންޝްއަރަންސް ވިޔަފާރިއާއިގެން ކުރިއަށްދިއުން ރަނގަޅު. # އިތުރުވިޔަފާރިއެއްފަށާނަމަ ރާއްޖެއަށާއި ދުނިޔޭގެ އެހެންމަންޒިލްތަކަށްވެސް ފަތުރުވެރިންފޮނުވާ އެއިންތިޒާމް ހަމަޖައްނާނެ އިތުބާރުކުރެވޭ ޓްރެވަލް އޭޖަންސީއެއް އޮޕަރޭޓްކުރެވޭތޯ މަސައްކަތްފެއްޓުން ރަނގަޅުކަމަށް ދެކެން.
ވިކިލީކްސް
26 January 2023
އެސްޓީއޯއަށް ފައިދާ ވަންނަންޖެހޭ ވަރަކަށް އަސްލު ނުވަދޭ. އެކި ގައުމުތަކުން މުދާ ގެންނައިރު ބޮޑެތި ކަޓު ލާފައި މުދާ އެގެންނަނީ އެސްޓީއޯގެ "ބޮޑުމީހެއް" ހިއްސާ އޮންނަ ބުރޯކަރު ކުންފުންޏެއް މެދުވެރިކޮށް. މިސާލަކަށް 700 ޑޮލަރަށް ލިބޭ ބާވަތެއްގެ ދަގަނޑު ޓަނު އެސްޓީއޯއިން ގަންނަނީ 930 ޑޮލަރަށް. ކޮންމެ ޓަނަކުން ކަޓުގެ ގޮތުގާ 230ޑޮލަރު. މާނައަކީ ކޮންޓޭނަރަކުން 6440ޑޮލަރު ކަޓު އެބަނަގައޭ.
އަންނިބެ
26 January 2023
އަމުރޫ ރައީސަށްތަ ތި ޗެލެންޖުކުރީ