އައިފާއަށް ރަށުން ހޫނު މަރުހަބާއެއް ކިޔަނީ: އުމުރުން 17 އަހަރުގައި އެނާއަކީ އެ ރަށުގެ ފުރަތަމަ ހާފިޒް.
29 ޖެނުއަރީ 2023 - 14:22
14 comments
ރަތް ދޫލައިގެ މަރުހަބާއަކުން ފ. ބިލެތްދޫގެ ފުރަތަމަ ހާފިޒު، އައިމިނަތު އައިފާގެ ކާމިޔާބީ ކުލަގަދަކޮށް ފާހަގަކޮށްފި އެވެ.
ގުރުއާން ހިތުދަސްކޮށްގެން މިދިޔަ ބުރާސްފަތިދުވަހު އެނބުރި ރަށަށް ދިއުމުން އޭނާއަށް ކިޔާފައި ވަނީ އެ ރަށުން ދުވަހަކު ވެސް މީހަކަށް ކިޔާފައި ނުވާ ވަރުގެ މަރުހަަބާއެކެވެ. ސިޔާސީ މީހުން ދިއުމުން މާފަތި އަޅުވައި މަރުހަބާ ކިޔަން ރައްޔިތުން ނުކުންނަ ރަށަކަށް ނުވިޔަސް އައިފާ ރަށަށް ފޭބިއިރު ރަތް ދޫލަ އަޅައި މުޅި ރަށް އޮތީ މަރުހަބާއަށް ސަފު ހަދާލައިފަ އެވެ.
ކައުންސިލްގެ ރައީސް އަހްމަދު އަސްލަމް ވިދާޅުވީ އައިފާ ހޯދީ މުޅި ރަށަށް ތާރީޚީ ކާމިޔާބެއް ކަަމަށެވެ.
"މި ރަށުގައި އަލަށް ކުއްޖަކު ގުރުއާން ހިތުދަސްކޮށް ހާފިޒް ކަމުގެ ސަނަދު ނަގައިގެން އައީ. ބޭނުންވީ އެ ފަޚުރުވެރި ކާމިޔާބީގައި މުޅި ރަށް ބައިވެރިވާން،" އޭނާ ވިދާޅުވި އެވެ.
"ސިޔާސީ ކަންކަމުގައި މިގޮތަށް އެންމެން ނުކުންނަ ރަށެއް ނޫން މިއީ."
ރަތް ދޫލައިގެ މަރުހަބާއެއް ކިޔަން ރައްޔިތުން ސަފު ހަދާލާފައި.
އާބާދީގައި 1،400 މީހުން ހިމެނޭ ރަށުގެ ކައުންސިލުން އިސްނަގައިގެން، ރަށުގެ އެހެން އިދާރާތަކާއި ރައްޔިތުން ގުޅިގެން ވަނީ ކާމިޔާބީ ފާހަގަކުރަން ކުލަގަދަ ހަފުލާއެއް ވެސް ބާއްވައިފަ އެވެ. ހިތްވަރު ދިނުމުގެ ގޮތުން 25،000ރ. ވެސް ކައުންސިލުން އައިފާއަށް ހަދިޔާކުރި އެވެ.
"ހުރިހާ ރައްޔިތުން ބައިވެރިވެ ބޭނުމަކީ އެއްބައިވަންތަކަމާ އެކު ތިބެ ކުދިންނަށް އެފަދަ ކަންކަމުގައި ހިތްވަރުދިނުން، އެހެން ކުދިން ޝައުގުވެރިކުރުވުން،" އޭނާ ވިދާޅުވި އެވެ.
ބިލެތްދުއަކީ، އޭނާ ވިދާޅުވި ގޮތުގައި، އިލްމީ އަދި އިޖުތިމާއީ ކަންކަމުގައި އެ ނަމޫނާ ދައްކާ ރަށެކެވެ.
އައިފާއަށް ބިލެތްދޫން މަރުހަބާ ކިޔަނީ: މުޅި ރަށް އޭނާއަށްޓަކައި ފަހުރުވެރިވޭ
ކައުންސިލުން ބުނިގޮތުގައި ކުޑައިރުއްސުރެން ވެސް ގުރުއާނަށް ލޯބިކުރާ އަދި ގިނަ މުބާރާތްތަކެއްގައި ވެސް ކާމިޔާބީ ހޯދާފައިވާ އައިފާއަށްޓަކައި މުޅި ރަށް ފަހުރުވެރިވެ އެވެ.
"އެންމެން ވެސް ވަރަށް އުފަލުން ތިބީ. ރަށުގެ ދަރިއަކު މި ރަށަށް ތާރީހީ ކާމިޔާބެއް ހޯދައިދިނީމަ،" އަސްލަމް ވިދާޅުވި އވެެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަމީލުބެ
30 January 2023
ވަރަށް އުފާވެއްޖެ! ދަރިވަރަށާއި ޢާއިލާއަށް ވަރަށް ހޫނު މަރުހަބާއެއް ދަންނަވަން! ދުޢާއަކީ ތިމަގުގައި ސާބިތުކޮށްދެއްވުން. ރަށުގެ އަހުލުވެރިންނާއި ކައުންސިލުން ދެއްކެވި އެއްބައިވަންތަކަމަށް ޝުކުރުދަންނަވަން!
ސަޑަލް
30 January 2023
މަރުހަބާ!
ލުޖައިންއެމްވީ
29 January 2023
މިކުއްޖާގެ އާއިލާއިން މިވަނީ ނަމޫނާ ދައްކާފައި. އުއްމީދަކީ މިކަހަލަ ކުދިންތައް އިތުރުވެގެން ދިޔުން. މަރުހަބާ.
ހިންނަވަރު ޖުމާންޖީ ރިޓާން
29 January 2023
ރާއްޖެތެރޭ މީހުން ކަމެއް ކުރީމަ ހާދަ ވަރަކަށް ތިޔަ ހިރުވަނީ ކީއްވެ
ޗަނބޭލީ
29 January 2023
ވަރަށް ހިއްވަރުގަދަ މާޝާﷲ.
އާރުޓީ
29 January 2023
ރުފިޔާ ނޫޓު ގައިގައި ތަތްކުރަނީ ކީއްކުރަން ކަމެއް ގެޓެއްނުވޭ! ރާއްޖެތެރޭމީހުން ކޮށްފާނެ ކޮންމެކަމެއްވެސް
މާލޭން
29 January 2023
ތިބޭފުޅާތީ ރާއްޖޭންބޭރު ރަށެއްގެ ބޭފުޅެއްތޯ؟ ރާއްޖެތެރެ ނޫން ރަށެއް ދައްކަބަލަ މިރާއްޖޭން.
ކ.މާލެ.
29 January 2023
ކ.އަތޮޅު މާލެ އަކީ ރާއްޖެތެރޭގެ ރަށެއް. އެކަން އޮޅުވާލަން ނޫޅޭ.
ކޮރަލް
29 January 2023
މިފަދަ ރަނގަޅު ކަންކަމު ގައި ރަށުގެރައްޔިތުން އެއްވެގެން އުޅޭތަން ފެންނަނީ ވ މަދުންނެވެ. މިއީ ނަމޫނާ ރަށެކެވެ. ކައުންސިލް އާ ރައްޔިތުންގެ ގުޅުން ވ ރަނގަޅަށް ހާމަ ވެ އެވެ. ޕާޓީ ސިސްޓަމް އައުމުގެ ކުރީން ރަށްރަށުގަ އޮތީ މިފަދަ ބަދަހި ގާތް ގުޅުމެކެވެ.
އައްބެ
29 January 2023
މާޝާﷲ. މާތްﷲ ތިފަދަ އެންމެހާ ކުދިންގެ ހިތްއަލުކުރައްވާ ހަނދާން ގަދަކުރައްވާ ދޭވެ! އާމީން
ގެދާނޯމޮސް
29 January 2023
طاهر ވެގެންވާ މީހުން މެނުވީ، އެ ފޮތުގައި ނުބީހޭނެތެވެ. 56:79 އަދި ދަރިން ތާހިރުކަމާއެކު ތިބުމަށް ބޭނުންވާނަމަ މިފޮތާ ކައިރި ކުރުވާށެވެ. އައިފާ ހޯދި ކާމިޔާބަށް ރާއްޖޭގެ ހުރިހާ މުސްލިމު އަޚުންނާއި ޢުޚުތުންގެ ނަމުގަ ތަޙްނިޔާ ދަންނަވަމެވެ.
ޙުސައިން
29 January 2023
ما شاء الله ، الحمد لله ވަރަށް އުފާ ވެއްޖެ. އުފަލުން ރޮވިއްޖެ. އައިފާއަށް ވަރަށް ބޮޑަށް މަރުޙަބާ އަދި ފ.ބިލެއްދޫގެ ކުޑަބޮޑު ރައްޔިތުންނާ މުއައްސަސާތަކުން ތި ދެއްކީ އަގެއް ނުކުރެވޭ ފަދަ ނަމޫނާ ސިފައެއް. ފ.ބިލެއްދޫގެ ހުރިހާ ރައްޔިތުންނަށް ވެސް ވަރަށް ބޮޑަށް މަރުޙަބާ އަދި ޝުކުރިއްޔާ ތިޔަފަދަ ނަމޫނާއެއް އެހެން ރަށތަކަށް ދައްކާދިނީތީ. ސިޔާސީ ކަންކަމަކާ ނޫން ހޭބޯ ނާރާ ރައްޔިތުން ނެރެ ސަފަށް އަތުރަންވީކީ. މިފަދަ ދެ ދުނިޔޭގެ ކާމިޔާބު އޮތްކަންކަމުގަ.