އެމްޓީސީސީގެ ފެރީއެއް: ކުދި ދޯނިފަހަރަށް ހާއްސަކޮށް ތައާރަފްކޮށްފައި ވަނީ 35 ހޯސްޕަވަރުގެ އިންޖީނެއް.-- ފައިލް ފޮޓޯ: އެމްޓީސީސީ
17 ޖެނުއަރީ 2017 - 13:36
3 comments
ކުދި ދޯނިފަހަރަށް ހާއްސަ، ޔަންމާ ބްރޭންޑުގެ 35 ހޯސްޕަވަރުގެ އިންޖީނެއް ރާއްޖޭގެ ބާޒާރަށް ނެރެން އެމްޓީސީސީން ނިންމައިފި އެވެ.
އެމްޓީސީސީން މިދިޔަ މަހު ކުރިއަށް ގެންދިޔަ "ކަށަވަރު ޕްރޮމޯ"ގެ ނަސީބުވެރިޔާ ހޮވުމަށް މިއަދު މެންދުރު ބޭއްވި ހަފްލާއެއްގައި، އެ ކުންފުނީގެ ޕްރޮޑަކްޓް އޮފިސަރު ސާމިހް ޝެހެނާޒް ވިދާޅުވީ އަލަށް ނެރުމަށް ނިންމާފައި ވަނީ 3.5 ގެ ގިޔަރު ބޮކްސްއެއް ހިމެނޭ އިންޖީނެއް ކަމަށެވެ. އެއީ 35 ފޫޓަށް ވުރެ ކުދި ދޯނިފަހަރަށް ހާއްސަކޮށް އުފައްދާފައިވާ އިންޖީނެއް ކަމަށް އޭނާ ވިދާޅުވި އެވެ.
"މައިގަނޑު ގޮތެއްގައި ކުދި އަދި މެދު ފަންތީގެ، ނޫނީ ފަރުމަސްވެރިކަމަށް ހާއްސަކޮށްގެން މި ދުއްވާ ދޯނިތަކަށް އެކަށީގެންވާ އިންޖީނެއް ކަމަށް ގަބޫލު ކުރަން،" ސާމިހް ވިދާޅުވި އެވެ.
އޭނާ ވިދާޅުވީ މި އިންޖީނުގެ ޓެސްޓް ފޭސްތަކެއް ކުރިއަށް ގެންދިއުމަށް ނިންމާފައިވާ ކަމަށާއި އާއްމުކޮށް ވިއްކަން ފަށާނީ އެ އަށް ފަހު ކަމަށެވެ. ނަމަވެސް، މިހާރު ވެސް މި އިންޖީނަށް ޕްރީއޯޑަރު ކުރެވޭނެ ކަމަށް ސާމިހް ވިދާޅުވި އެވެ.
"ޕްރީއޯޑާކޮށްގެން އިންޖީނު ގަންނަ ފަރާތްތަކަށާއި ފުރަތަމަ ގަންނަ ފަރާތްތަކަށް ހާއްސަ އަގެއްގައި ލިބޭނެ،" އޭނާ ވިދާޅުވި އެވެ.
މި އިންޖީނު ވިއްކާ އަގެއް އެމްޓީސީސީން އަދި ހާމައެއް ނުކުރެ އެވެ. ނަމަވެސް، އެ ކުންފުނިން ބުނީ އެ އިންޖީނުގެ އަގު ގާތްގަނޑަކަށް 200،000ރ. އަށް އަރާނެ ކަމަށެވެ.
ރާއްޖެ އަށް އެންމެ ފުރަތަމަ ތައާރަފްކުރި ޔަންމާ އިންޖީނަކީ އޮޑިވެރިންގެ އިތުބާރު އެންމެ ބޮޑަށް ހޯދާފައިވާ އިންޖީނެވެ. މި ބްރޭންޑުގެ އެކި ވައްތަރުގެ އަދި ތަފާތު ބޭނުންތަކަށް ބޭނުންކުރެވޭ އިންޖީނާއި ސްޕެއާ ޕާޓްސް އެމްޓީސީސީން ވިއްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެދުރު
18 January 2017
ވަރަށް އަޖައިބު ވެއްޖެ!! މީގެ 15 ވަރަކަށް އަހަރު ކުރިން ތިކުންފުނިން ތިސީރީޒްގެ އިންޖީން ރާއްޖެއަށް ތާރަފިކޮށްފަ ވަނީ އެކަމަކު ކޮންމެވެސް ސަބަބުތަކެއް މެދުވެރިވެގެން މިސީރީޒްގެ އިންޖީން ގެނައިން ވަނީ ހުއްޓާލާފަ. 35ހޯސްޕަވަރ، 45 55 އަދި 64 ގެ އިންޖީނު އުފެއްދި އޭރު ނަމަވެސް މިހާރު އުފައްދަނީ 35 އެކަނި. އެމް.ޓީ.ސީ.ސީ ގަ މިހާރު އެތިބަ މީހުން ނަށް ވާނުވާ ނޭގި މައުލޫމާތު ދީފައިވާކަން ފާހަގަ ކުރަން.
ވިސްނާތި
17 January 2017
ކުދި ދޯނި ފަހަރަށް ތައްޔާރު ކުރި ޔަންމާރ އިންޖީނުގެ ޕާރފޯމެންސް އެން ރިލަޔަބލިޓީ އެއީ އެޓް އިޓްސް ހައެސްޓް ޕޮއިންޓް އެވެ. އޭގައި ނުޖެހޭނެ އެެއްވެސް މައްސަލަ އެއް. ކޮލިޓީ ނުހުންނާނެ އެމެން ކޮމްޕްްރޮމައިޒް ކޮށްފައެއް. އެމްޓީސީސީން ފެނަކަ އާއި އަދި ސްޓެލްކޯ އާއި އެކު އެއްބަސްވުމަކަށް އަންނަން ވީ ޔަންމާރ އިންޑަސްޓްރިއަލް އިންޖީނު ތައް ކްރެޑިޓް ފެސިލިޓީ ނުވަތަ ސޮވެރިންގް ބޮންޑްގެ ދަށުން ފެނަކަ އަށާއި އަދި ސްޓެލްކޯ އަށް ވިއްކުން ޑިޒައިން ސަޕްލައި އިންސްޓޯލް އެން ކޮމިޝަން ގެ އުސޫލުން. އެއިރުން މިހާރު ފެނަކަ އަށާއި އަދި ސްޓެލްކޯ އިން ގެއްލިގެން އެދާ ޑޮލަރު ބޮނޑި ވަރުގެއްލިގެން ނުދާނެ ނޫންތޯއެވެ.
އިބްރާހީމް
17 January 2017
200،000.00 އޯކޭ. ލޯނެއް ނަގާނީ. ހަހަހަ