މިރޭގެ ޖަލްސާގައި ނާޒިމް ވާހަކަ ދައްކަވަނީ: އެމްއެންޕީ އިން ރިޔާސީ އިންތިޚާބުގައި ކޯލިޝަން ނަހަދާނެ ކަމަށް ވިދާޅުވި --- ފޮޓޯ/އެމްއެންޕީ
02 ފެބުރުއަރީ 2023 - 23:21
37 comments
މި އަހަރުގެ ރިޔާސީ އިންތިހާބުގައި އެމްއެންޕީން ކޯލިޝަން ނުހަދާނެ ކަމަށާއި އެ އިންތިހާބު ކާމިޔާބު ކުރާނީ އެ ޕާޓީ އެކަނި ވާދަކޮށްގެން ކަމަށް އެމްއެންޕީގެ ރައީސް އަދި އެ ޕާޓީގެ ރިޔާސީ ކެންޑިޑޭޓް މުހައްމަދު ނާޒިމް މިރޭ ވިދާޅުވެއްޖެ އެވެ.
އެމްއެންޕީން ބޭއްވި ޖަލްސާއެއްގައި ނާޒިމް ވިދާޅުވީ، ރައްޔިތުންނަށް އޮތް ހަމައެކަނި ޗޮއިސްއަކީ އޭނާ ކަމަށާއި އެހެންވެ، މި އަހަރުގެ ރިޔާސީ އިންތިހާބު ކާމިޔާބު ކުރައްވާނެ ކަމަށެވެ. ސެޕްޓެމްބަރު 9 ގައި ބާއްވާ އެ އިންތިހާބުގައި އެމްއެންޕީން އެއްވެސް ޕާޓީއަކާއެކު ކޯލިޝަން ނުހަދާނެ ކަމަށް ނާޒިމް ވިދާޅުވި އެވެ.
"އަޅުގަނޑުމެންގެ ވާދަވެރިންގެ ދަންނަވަން އޮތީ އަޅުގަނޑުމެން މި ތިބީ ކޯލިޝަން ހަދާ ގޮތަކަށް ނޫނޭ. އަޅުގަނޑު ވަރަށް ސާފުކޮށް ދަންނަވަން ބޭނުން އަޅުގަނޑުމެން ނުކުންނާނީ އެކަނި. ނުކުމެ މި އިންތިހާބު އިރާދަކުރެއްވިއްޔާ ކާމިޔާބު ކުރާނަން،" ނާޒިމް ވިދާޅުވި އެވެ.
ކުރީގެ ޑިފެންސް މިނިސްޓަރު ނާޒިމް ވިދާޅުވީ، އިންތިހާބަށް އޭނާ ނުކުންނަވަނީ ރައްޔިތުންގެ އިހުސާސްތައް އެނގިވަޑައިގެން ކަމަށާއި އެހެންވެ، ވަގުތީ ފައިދާ އަށް ވުރެ ގައުމު އިސްކޮށްގެން ރައްޔިތުން މަސައްކަތް ކުރަން ޖެހޭ ކަމަށެވެ. އަދި އިންތިހާބުތަކާ ދިމާކޮށް ސަރުކާރުން ނުފޫޒު ފޯރުވިޔަސް، ރައްޔިތުން އެކަމަށް ހޭލުންތެރިވާން ޖެހޭ ކަމަށް އޭނާ ވިދާޅުވި އެވެ.
އެމްއެންޕީން މިރޭ ބޭއްވި ޖަލްސާގައި އެ ޕާޓީގެ ރައީސް އަދި ރިޔާސީ ކެންޑިޑޭޓް ނާޒިމާއި ޕާޓީގެ އިސް ބައެއް ބޭފުޅުން.---ފޮޓޯ: އެމްއެންޕީ
"މި ނިކަމެތިކަމުން ސަލާމަތްވާން ބޭނުން ނަމަ ބަދަލަކަށް ވޯޓު ދޭން ޖެހޭނީ،" ނާޒިމް ވިދާޅުވި އެވެ.
އޭނާ ވިދާޅުވިގޮތުގައި، އިންތިހާބުތަކަށް ސަރުކާރުން ނުފޫޒު ފޯރުވަމުންދާ މިންވަރުން މި އަހަރުގެ ރިޔާސީ އިންތިހާބުގެ އިންސާފުވެރިކަމާ މެދު ސުވާލު އުފެދެ އެވެ. އިންތިހާބުތަކާ ދިމާކޮށް ސަރުކާރުން އެތައް ވައުދެއް ވުމާއި ދައުލަތުގެ ވަސީލަތްތަކާއި ފައިސާ ބޭނުންކޮށްގެން އިންތިހާބުތަކަށް ނުފޫޒު ފޯރުވާ ކަމަށާއި އަދި އެންމެ ފަހުން ބޭއްވި އެމްޑީޕީގެ ރިޔާސީ ޕްރައިމަރީގައި ވެސް އެ މަންޒަރު ފެނުނު ކަމަށް ނާޒިމް ވިދާޅުވި އެވެ. އެއީ ހުއްޓުވަން ޖެހޭ ކަން ކަމަށް އޭނާ ވިދާޅުވި އެވެ.
އަޅުގަނޑުމެންގެ ވާދަވެރިންގެ ދަންނަވަން އޮތީ އަޅުގަނޑުމެން މި ތިބީ ކޯލިޝަން ހަދާ ގޮތަކަށް ނޫނޭ. އަޅުގަނޑު ވަރަށް ސާފުކޮށް ދަންނަވަން ބޭނުން އަޅުގަނޑުމެން ނުކުންނާނީ އެކަނި. ނުކުމެ މި އިންތިހާބު އިރާދަކުރެއްވިއްޔާ ކާމިޔާބު ކުރާނަން،"--- ނާޒިމް
"[ސ] ފޭދޫން ގޯތި ދިނުމުގެ ވާހަކައަކީ އަޅުގަނޑުމެންނަށް އިވިގެން ދިޔަ ވާހަކައެއް. ހަވީރު ނިންމާފައި ރޭގަނޑު ދަންވަރު އިއުލާން ކުރީ. އަޅުގަނޑުމެންނަށް އިވިގެން ދިޔައީ ވޯޓު ނިމުމާ އެކީގައި ބާތިލްވެގެން ދިޔަ ތަން،" ނާޒިމް ވިދާޅުވި އެވެ.
ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރުކަން ވެސް ކުރައްވާ ނާޒިމް ވިދާޅުވީ އިންތިހާބުތަކާ ދިމާކޮށް މިގޮތަށް ފޯރުވަމުންދާ ނުފޫޒުތައް ހުއްޓުވަން، ގާނޫނުތަކަށް ގެންނަންޖެހޭ ބަދަލުތައް ގެންނަން މަޖިލީހުގެ މި ފެށޭ ދައުރުގައި އެމްއެންޕީން ހުށަހަޅާނެ ކަމަށެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިދާ.
04 February 2023
ސާބަހޭ ސަންސިޔާމުގެ ނެތް ނާޒިމުމެން ހުންނަ ކަހަލަ ހިއްވަރެއް
އެންމެން ޕީ
04 February 2023
ކޯލިޝަނަކާ ނުލައި ކާމިޔާބު ކުރާނެ ކަމަށް ބުނާ އެންމެން ގައުމުގެ ހާލަތު ގަބޫލުކުރަން ބޭނުންނުވެގެން ތި އުޅެނީ. އެކަނި ވެރިކަމެއް ކުރަން ކިތަންމެ ބޭނުންވިއަސް އެއް ޕާޓީއަށް އެންމެ ގިނަ ވޯޓް ލިބެން އަދި އޮތީ ޕީޕީއަށް އެކަނި. 1 ލައްކައާ ގާތްކުރާ ވަރަށް އެކަނި ކުރިން ވޯޓް ހޯދި ބަޔަކު މިފަހަރުވެސް އެވަރުކޮށްލަފާނެ މިވެރިކަން ދެކި، މިވެރިކަމުގެ ދޮގުވެރިކަން އެނގި، މިވެރިކަމާ ނުރުހިފަ ތިބި އިތުރު މީހުންގެ އެހީއާއެކު.
ގުދުގުދާބެއްޔާ
03 February 2023
މީނާޔާއެއްކޮއް ކޯޅޭޝަން ހަދައިގެން ހޮވޭމީހާއަށް ޖެހޭނީ އަންނިއަށް މީނާ ހެދި ގޮތް ހަދާލާނެ! އެއްވެސް ސަރުތެއްނެތި އިންތިއުފާދޭށޭ ގޮވާނެ ކަމީ ސައްކެތް އޮތް ކަމެއްނޫން!
ވިސްނާށޭ
04 February 2023
ހަގީގަތުގައި މީނައެކޭ އައްނިއެކޭ ތަފާތެއްނެތް. އެބުނަނީނު ތިމަންނަނޫން އެހެން ޗޮއިސްއެއްނެތޭ ދިވެހިންނަކަށް!
ކޮމެންޓްކުރާމީހާ
03 February 2023
އެންމެ ފަހުންގޮސް އިބޫ ފަހަތުގަ ހުންނާނެކަމީ އަހަރެން ޝައްކު ކުރާކަމެއްނޫން
އުއްމީދު
03 February 2023
މަދު ތާއީދަކުން ވެސް ކެރިގެން ރަނގަޅުގޮތުގަ ކަމަކާ ކުރިމަތިލުމަކީ ރަނގަޅު ސިފައެއް. އެކަމަކު ވެރިކަމަށް މީހަކު ނުކުންނަނަމަ ނުފޫޒުގަދަ މީހުނަށް ވިކިފައި ތިބޭ މީހުންގެ ވަރަށް ޒާތީ ބްލީއާ ކުރިމަތިލާން ޖެހޭނެ. ހިއްވަރެއް ނެތިއްޔާ އެމީހުން ނުކުމެ ފަހާލާނެ. އެގޮތަށް ވަރަށް ރަނގަޅު މީހުން ވަނީ ފަހާލެވިފަ. އާދަކޮށް ދެމިތިބެނީ ރައްޔިތުންނަށް ޗޮއިސް އަކަށް ނުވާ މީހުން ބްލީ ލަޝްކަރުގެ ވަރުގައި.
އިބްރާހީމް މޯދީ ސޯލިހު
03 February 2023
އެކަނި ނުކުމެ ތާއީއު އޮތްވަރު ޓެސްޓުކޮށްލުމަކީ ކުރެވިދާނެކަމެއް، އަހަންނަށް ހީވަނީ ވޯޓުލާމީހުންގެ 2 އިން ސައްތައާއި 6 އިން ސައްތަ އާ ދެމެދު ކަމަށް ބެލެވެނީ ވޯޓުދޭނީ
ދުނިޔޭގެ ހަގީގަތް
03 February 2023
ތާއީދުން ބަލާނަމަ ނޫހުގެފާނާ މޫސާގެފާ ފަދަ ރަސޫލުންގެ ވެސް ހާލަކީ ތާއީދު ކުޑަކަން. ކްރައުޑް ބޮޑުވުން އެއީ ކޮލިޓީގެ މިންގަނޑެއް ނޫން.
ދަނޑުވެރިޔާ
03 February 2023
"މިނިކަމެތިކަމުން ސަލާމަތްވާން ބޭނުން ނަމަ ބަދަލަކަށް ވޯޓުދޭން ޖެހޭނީ،" ނާޒިމް ވިދާޅުވިއެވެ. ހާދަ ގަދަ އަމުރެއް "ދޭންޖެހޭނީ". އަދިވެސް މިލިޓަރީ ވެފަ ތިހުންނެވެނީ. ރައީސްކަން ބޭނުމިއްޔާ ހޮޅުއައްޓަށް ވަޑައިގަންނަވާ ރަށްރަށުގެ ރަށްފުށުގެ ދިރިއުޅުމަށް މިއަންނަ ހެޔޮ ބަދަލު ބައްލަވާ. މިހާރު އާރުޓީއެލް ފެރީ/ބަހުގެ ޚިދުމަތަކީ ރައްޔަތުން ހާދަ ހެއްވާލި ޚިދުމަތެކޭ. މަގު ހަދަނީ ބޯފެނާ ނަރުދަމާހޮޅި އަޅައި ނިމެނީ. ބަނދަރު ހަދައި ރަށްހިއްކައި ނިމެނީ. އެކޮއި.
ކަކުނިމޭން
03 February 2023
ނާޒިމު މިލިޓަރީ ހަޔާތް ނިންމާަލާފަވެސް މިފެންނަނީ ޔުނީފޯމްގަ މެމްބަރުންވެޗް ޔުނިީފޯމްގަ .. އޮޑު ދޯ
ކެރެކްޓަރ
03 February 2023
ޒާތީ ހޮޅިވާހަކަ ބާއްވާފަ ގައުމުގެ ފެންވަރުގަ ސިޔާސީވާން ދަންނަ މީހުން މަދު ގައުމެއް
ދޮންރަހާ
03 February 2023
އާޓިފިސަލް ބީޗު ނޫނީ ކާނިވާ ސަރަހައްދުގަ ޖަލްސާއެއް ބާއްވާލަބަލަ . މަވެސް ދާނަން
ބޮޑުމީހާ
03 February 2023
ކިރިޔާވެސް ލީޑަރެއްގެ ޝަރުތު ހުރިއްޔާ ފަށާނީ ކޯލިޝަނާއި ދުރުން. ޔާމީން، އަންނި، ގެންގުޅެނީ އެއުސޫލު. ދެން ހުރީ އޭގެ އަނެއް ކޮޅު އިބޫ. އޭނަ ބޭނުންވާނީ އަންހެނުންގެ ތަރައްގީއަށް މަސައްކަތްކުރާ ކޮމިޓީއަށްވެސް ކޯލިޝަނަކާއިއެކު ނުކުންނަށް. އޭރުންތާ އޭނައަށް ހަމަޖެހިލައިގެން ވެރިކަމުގަ ހުރެވޭނީ