މި އަހަރުގެ ރިޔާސީ ބަޔާން އިއްވުމުގެ ޖަލްސާ -- ފޮޓޯ: ރައީސް އޮފީސް
06 ފެބުރުއަރީ 2023 - 12:03
14 comments
ނުކުޅެދުންތެރިކަން ހުންނަ މީހުންނަށް ދޭ އެލަވަންސް، އަންނަ ޖޫން މަހުން ފެށިގެން ބޮޑުކުރަން ނިންމައިފި އެވެ.
މި އަހަރުގެ ރިޔާސީ ބަޔާން ރައްޔިތުންގެ މަޖިލިހަށް އިއްވަވަމުން ރައީސް އިބްރާހިމް މުހައްމަދު ސޯލިހު ވިދާޅުވީ، ނުކުޅެދުންތެރިކަން ހުންނަ މީހުންގެ ދަފްތަރު އެކުލަވާލައި ނިންމާފައިވާ ކަމަށެވެ. އެ އަށް ފަހު، އެ މީހުންނަށް ދައުލަތުން ދޭ އެލަވަންސް އަންނަ ޖޫން މަހުން ފެށިގެން ބޮޑުކުރާނެ ކަމަށް އެ މަނިކުފާނު ވިދާޅުވި އެވެ.
ނަމަވެސް އެކަމުގެ އެއްވެސް ތަފްސީލެއް ނުދެއްވަ އެވެ.
ނުކުޅެދުންތެރިކަން ހުންނަ މީހުންނަށް މިހާރު ކޮންމެ މަހަކު ދެމުން އަންނަނީ 2،000ރ. ގެ އިނާޔަތެކެވެ. އެ އިނާޔަތް 5،000ރ. އަށް ބޮޑުކޮށް ދިނުމަށް ނުކުޅެދުންތެރިކަން ހުންނަ މީހުންގެ ފަރާތުން ރައީސަށް ހުށަހެޅި ޕެޓިޝަންގައި މިދިޔަ އަހަރު އެދުނެވެ.
އެ ޕެޓިޝަނުގައި ބުނީ މިހާރު ދޭ އިނާޔަތަކީ ރާއްޖޭގެ ހިދުމަތްތަކާއި ތަކެތީގެ އަގު ހުރި ގޮތަށް ބަލާއިރު އެކަށީގެންވާ ވަރެއް ނޫން ކަމަށެވެ.
ނުކުޅެދުންތެރިކަން ހުންނަ މީހުންގެ އެލަވަންސްގެ އިތުރުން ސިއްހީ ދާއިރާގެ މުވައްޒަފުންނާއި ސިވިލް ސާވެންޓުންގެ މުސާރަ ވެސް މި އަހަރު ބޮޑުކުރާނެ އެވެ.
ރައީސް ވިދާޅުވީ އަންނަ މަހުން ފެށިގެން ޔުނިވަސިޓީގެ ދާއިރާގައި މަސައްކަތްކުރާ މީހުންގެ މުސާރަ އަށް ހެޔޮ ބަދަލެއް އައިސް، އަންނަ މެއި މަހުން ފެށިގެން ސިއްހީ ދާއިރާގެ މުވައްޒަފުންގެ މުސާރަ ބޮޑުވާނެ ކަމަށެވެ.
މިނިސްޓްރީތަކުގައި 35 ޕަސެންޓް އެލަވަންސް ނުލިބި މިހާރު ތިބި ހުރިހާ މުވައްޒަފުންނަށް ވެސް އަންނަ މެއި 1 އިން ފެށިގެން އެ އެލަވަންސް ދޭން ފަށަން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންދީނ
06 February 2023
މަސްވއރިންނަށް މަހުގެ އަގު ބޮޑުކޮށްދެއްވީ ވަރަށް ބޮޑުކޮށް. ކުރީގެއަގު 20.00ރ މިސަރުކާރުން މަހުގެ ހަމަ އަގަށް ބަދަލުކިރީމާ 16.00ރ . މަސްވެރިންނަށް ވައުދުވި ބޮޑުއަގުގައިިހާރު ހުރީ 17.00ރ އަށް މަސްކިލޯއެއް. މިފެންވަރުގައި މުސާރަ ބޮޑުކޮށްދެއްވާނެ އާދައިގެ މުސާރަ ވެރިންނަ %5 އެއީ 225/00ރ ސިޔާސީ މަޤާމްތަކަށް %5 1500/00 އަށްވުރެ ކުޑަނޫން އަދަދެއްގައި. އޯކޭ ވާނެދޯ ހީވޭތަ މިހެން ވާނެކަމަށް
ސަމީޙު
06 February 2023
ކޮޗިން ފެރީއިން ކާޖާ އެކްސްޕޯޓު
ރުކުމާ
06 February 2023
ދެންވެއްޓިދާނެހެން ހީވީމާ
LaamuonlineDOTcom
06 February 2023
2022 ވަނަ އަހަރު ޑިސެންބަރ ފަހުކޮޅު ބޭއްވި ގައުމީ ޤުރުއާން ކިޔެވުމުގެ މުބާރާތުގައި ރަށްރަށުން މާލެގޮސް ބައިވެރިވި ކުދިންނަށް ޤުރުއާނާއި ބެހޭ މަރުކަޒުން ދޭނެކަމަށްބުނި އެހީ އަދިވެސްނުދޭ، މިހާރު ގުޅީމަ ބުނަނީ އެކަމާބެހޭ ބަޖެޓު ނުހުޅުވާތީއޭ ނުދެވިގެން މަޑުކުރަނީ، މިހާރު މުބާރާތް ނިމުނުފަހުން ވެސް 2 މަސްވަނީ، ނުދެވެންޏާ ދޭނަމޭ ކިޔައިގެން ވާހަކަނުދައްކާނަމަދޯ!! މުބާރާތުގައި ކިޔަވަން މާލެދާތީ ދޭ އެހީއެއް މުބާރާތް ނިމިގެން މިހާދުވަސްވީއިރުވެސް ނުދޭ!
އައްޔަ ބޮޑޭ
06 February 2023
އިބިލީހުގެ ކާއިވެންޏެކޭ ތިޔަދޭން އުޅޭއިނާޔަތެކޭ އެއްވެސް ތަފާތެއް ނެތް.
މިސްޓަރ ޓިނޭ
06 February 2023
ހަމަ ފިސާރިތެދެއް، ނިކަމެތި ނުކުޅެދޭ މީހުންނަށް ދޭ އަނިޔާ މިފެންނަނީ ،
އިބްރ
06 February 2023
ބްރިޖަކީ މަކަރުވެރި ރޭވުމަކީތޯ؟
ގެދޮރު ނެތް މާލޭމީހާ
06 February 2023
މިނިސްޓްރީ ތަކުގައި 5 ނުލިބޭ މީހުންނަކީ ކޮބައިކަން އެނގޭ ބޭފުޅަކު އެބަ ހުރިތޯ?
އަފްރާސިޔާބު
06 February 2023
އާނ! މުސާރައަށް ލިބެނީ 4465ރުފިޔާ. މިއިން ޕެންޝަނަށް 7ޕަސެންޓް ކަނޑާނެ. އެއްވެސް ކަމެއް ނުކޮށް ގޭގައި ނިދާފައި ތިބޭ މީހުންނަށް 5000ރުފިޔާ. އެއްވެސް އެއްޗެއް ނުކަނޑާނެ. މަޖުލިހުގައި ގޮނޑި ހޫނުކުރަން ތިބޭ މީހުންނަށް 80000ރުފިޔާ. ތަފާތު ކުރުން ހުރިވަރު ބަލާ.
ާަަަަައައި
06 February 2023
ނުކުޅެދިންތެރިކަން ހުންނަ މީހުންނަށްދޭ އެލެވެންސް ބޮޑުވުމަކީ އުފަލެއް ، ނަމަވެސް މިހާރު ތިގެންގުޚޭ ލިސްޓުގެ ބައިކުޅސ ބައި މީހުންނަކީ އޮޅުވާޅާގެން މަކަރުން ލިސްޓަށް އަރާތިބި މީހުން
ހުވޭ
06 February 2023
ޖެހިގެންއަންނަމަހު ޓެކްސް ބޮޑުނުކޮށްފިއްޔާވެދާނެ.
ދަވާލާ
06 February 2023
ރައްޔިތުންގެ ޖީބުން ފޭރިގެން ރައްޔިތުންނަށް އެހީވުން ތިއީ އޯގާތެރި ކަމެއްނޫން ، ހުރިހާ ދިވެހިންގެ ގުނަވަންތައް މޯގޭޖު ކޮށްފައި ލޯނުނަގައިގެން ދަރަނިވެރިކޮށްފައި ތިގޮތަށް އެލަވަންސް ބޮޑުކުރާނެ ކަމެއްނެތް ވެރިކަމަށް ދަހިވެތި ވިޔަސް ސޯލިބޭ