10 ފެބުރުއަރީ 2023 - 16:03
9 comments
މާލެ ސަރަހައްދުގައި އުޅޭ މީހުން ދަތުރު ދިއުމަށް ހާއްސަ ކޮށްގެން ހެދި ކުޑަގިރި އަށް ބުކިން ހެއްދުމަށް ހުޅުވާލި ފުރަތަމަ ފުރުސަތުގައި އެންމެ ދެ ގަޑިއިރުގެ ތެރޭގައި ހުރިހާ ޖާގައެއް ފުރިއްޖެ އެވެ.
މާލެއާ ކައިރި ފަޅެއް ހިއްކައިގެން ހެދި ރަށް މާދަމާ ހެނދުނު ހުޅުވަން ވަނީ ނިންމާފައިވާއިރު، ފުރަތަމަ ދުވަހު ދަތުރު ދިއުމަށް ބުކިން އަށް ހުޅުވައިލީ އިއްޔެ ހަވީރު 4:00 ގަ އެވެ.
ކުޑަގިރި ބަލަހައްޓާ އެޗްޑީސީގެ ޑިރެކްޓަ، މާކެޓިން އެންޑް ސޭލްސް ނިއުޝާދު ޝަރީފް މިއަދު ވިދާޅުވީ ބުކިން އަށް ހުޅުވާލިތާ އެއް ގަޑިއިރުގެ ތެރޭގައި މާލެ އިން ދަތުރުދިއުމަށް ކަނޑައެޅި ޖާގަ ފުރިފައިވާ ކަމަށެވެ. އަދި ފުރަތަމަ ދުވަހަށް ކަނޑައެޅި 300 ޖާގަ އިއްޔެގެ އިރުއޮއްސުމާ ހަމައަށް ފުރުނު ކަމަށް އޭނާ ވިދާޅުވި އެވެ.
އެ ނޫން ދުވަސްތަކަށް 500-600 މީހުންނަށް ބުކިން ހެއްދޭނެ އެވެ.
ދިވެހިންނަށް ކަނޑައަޅާފައިވާ އަގުތައް
● ބަންދު ދުވަސްތަކުގައި ކުޑަގިރި އަށް އެރުމާއި ފެރީ ހިލޭ.
● ބަންދު ނޫން ދުވަސްތަކުގައި ކުޑަގިރިއަށް އެރުމަށް 50ރ. އަދި ފެރީއަށް 50ރ.
● ދެ އަހަރުން ދަށުގެ ކުދިންނާއި 65 އަހަރުން މަތީގެ މީހުންނަށް ކޮންމެ ދުވަހަކު ވެސް ހިލޭ.
● ބަންދު ނޫން ދުވަސްތަކުގައި 2-11 އަހަރުގެ ކުދިންނަށް 25ރ. ގެ ފީއެއް.
އެޗްޑީސީން ބުނީ ގޭސްފުޅި އާއި އުނދުނާއި ވަޅި އަދި ކަޓްލަރީ ކުޑަގިރި އަށް ގެންދިއުން މަނާވާނެ ކަމަށެވެ. އެ އެއްޗެހި އެ ރަށުން ލިބޭނެ އިންތިޒާމު ވަނީ ހަމަޖައްސައިފަ އެވެ.
އެ ކުންފުނިން ބުނީ ކުޑަގިރީގައި 13 ހަޓު ހުންނައިރު، އެ ތަންތަން ވެސް އެޕާއި ވެބްސައިޓް މެދުވެރިކޮށް ބުކް ކުރެވޭނެ ކަމަށެވެ. ކުޑަ ހަޓެއް މުޅި ދުވަހަށް ބުކް ކުރެވޭނީ 500ރ. އަށެވެ. އަދި ބޮޑު ހަޓެއް 1،200ރ. އަށެވެ. ހަޓުން ކަރަންޓު ލިބޭނެ އެވެ. އަދި ކައްކަން ބޭނުންވާ ގޭހާއި އުނދުން ވެސް ލިބޭނެ އެވެ.
ހާހެއްހާ މީހުންނަށް އެއްފަހަރާ ދަތުރު ދެވޭ ޖާގައިގެ ބޮޑު އެ ރަށަށް ލޯންޗުގައި 15 މިނެޓުން ދެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
11 February 2023
ރައްޔިތުންގެ ޓެކްސް ފައިސާއިން ހިންގާ ޕްރޮޖެކްޓްތައް ވައުދުވާ ގޮތަށް ފުއްދަންވާނެ. 2018 ވި ވައުދު 2023 ފުދުނީމާ ވެރިންގެ ނާގާބިލުކަން ހާމަވޭ. ޕްރޮޖްކެޓްތައް ހިންގަނީ އަމިއްލަ ފައިސާއަަކުން ނޫން. ދެން ރައްޔިތުންނަށް ބޭނުންވާ ފްލެޓާއި، ސިއްޚީ ހިދުމަތްތައް ލަސްވާންޖެހޭ ސަބަބެއް ނެތް.
އަތް ފޯރާ އަގު
11 February 2023
މިގައުމުގެ ގިނަ މީހުންނަށް ތި އަގު ތަކަކީ އަތް ފޯރާ އަގުތަކެއް ނޫން.
ސަމުގާ
11 February 2023
ޕްރައިވެޓް ލޯންޗް ތަކުގަ ގޮސް ތިބެވޭނެ ގޮތެއްގެ ވާހަކަ ސާފު ކޮއްލަބަ އަގުތަކާ ބަދަރުކުރުމާ ފާހަނާ ތައް ހުންނަ ތަންތަނާ
ފުރުގާ
10 February 2023
300މީހުނަށް ނޫނީ 500ވިޔަސް މާމަދު އަދަދެއް..
ކުދުބެއްޔާ
10 February 2023
ބަންދު ނޫން ދުވަސްތަކުގެ ތެރެއިން އިތުރު 2ދުވަސް އެބަޖެހޭ 20ރުފިޔާގެ ދެދުވަހަށް (ފެރީ 10 ރުފިޔާ ރަށަށް އަރަށް 10 ރުފިޔާ) ހަދަން. ހުކުރު ފްރީ. ހޮނިހިރު ފްރީ. ދެންވެސް އަންނަ ކޮންމެ ބަންދު ދުވަހެއް ފްރީ.
ދޭންވީއޭ
10 February 2023
ދިވެހި ސަރުކާރުގެ މަތިފަޑީގައި އެބަޖެހޭ ވަކި ފަރާތަކަށް ނުޖެހޭ އަދި ހުޅުވިފައިވާ ސިކުނޑި އަކުން ވިސްނޭ މީހުން ތަކެއް ތިބެން ޚާއްސަ ކޮށް ވަޒީރުންގެ ގޮތުގައި ވަތަންގެ އެންމެ ކަތުން އަތުން ޓެކްސް ބޮޑު ކޮށް ކަޅު ސައިތައްޓެއް 10 ރުފިޔާ އަށް ހޮޓަލުން ވިއްކަން ނުޖެހުނީސްއޭ އެނޫން ނަމަ ކުޑަގިރި އަށް ދާން ބޭނުންވާ ފުރުސަތު ހުޅުވާލުމުން އެންމެ ދެ ގަޑިއިރު ފުރުން ރާއްޖޭގެ ކޮން ތާކުންތޭ މިވަރަށް ބޭނުންޖެހޭ މީހުން ތިބެނީ މާލެ ހުޅުމާލޭ ފަޅު ހިއްކާ ގޯތި
ނޭގެއޭ
10 February 2023
މިހާރު ހިސާބު އިލްމް ދަންނަ ބަޔަކަށް އިނގޭނެއޭ މާލެ ސަރަހައްދުގައި އޮތް ޑިމާންޑް ދެން ކުޑަ އާބާދީ އޮންނަ ރަށަކާއި ބޮޑު އާބާދީ އޮންނަ ތަނަކާއި އަޅާ ކިޔޭނެ އެއްގޮތެއް ވެސް ނޯންނާނެއޭ ރާއްޖޭގެ އެންމެން ދިރިއުޅެން ބޭނުންވަނީ މާލެ ސަރަހައްދުގައި ކަމަށްވާއިރު ސަރުކާރުން މިއާއި އިދިކީލަ އަށް ދިމާ އިދިކޮޅަށް މަސައްކަތް ކޮށް ކެޕެކްސް ގެ ފައިސާ ކުދި އާބާދީ ތަކަށް އަޅާލާ ހުޅުމާލޭ ހުޅަނގުން އޮތް ފަޅު ހިއްކާ ގޯތި ނުދޭންވީ ސަބަބެއް މަމެންނަށް ހަމަނޭގެއޭ
ދޮން
10 February 2023
ކަމެއްކުރާއިރު ދިރާސާއެއް އެއްޗެއް ހަދާލުން މުހިއްމު މިލިޔަނުން ޚަރަދު ކޮށްގެން 300 ޖާގަހުރީ.. ބަލަމާލެއިން ހަފްތާބައްދުގައި ކައިރަށް ރަށަށަ 2 ނޫނީ 3 ހާސް މީހުން ދޭ..ހިޔާފުލެޓެއްގައި އުޅޭމީހުންގެ ޖާގަވެސް ތިތާނެތް.
އަސް
10 February 2023
ތިވަރުވެސް ވެއްޖެނު، ކުރިން އޮތް ރައްވެސް ވިއްކާލީ. ލިބުނު ނިއުމަތަށް ޝުކުރު ކުރޭ