ލައިފްސްޓައިލް / ސާޖިން އުތުރުން ދެކުނަށް

މަސް ކެއްކުމުގައި 45 އަހަރު؛ މިހާރު ނާއުންމީދުގައި

ހއ. ހޯރަފުށީ، ފަރީދާ ޒަކަރިއްޔާގެ ދެމަފިރިން ޒުވާން މަސްވެރިޔާ ސާޖިންއާއެކު: އެ ދެމަފިރިން އާމްދަނީ ހޯދަނީ މަަސް ކެއްކުމުގެ މަސައްކަތުން.

އިފްރާޒް އަލީ، މިހާރު

15 ފެބުރުއަރީ 2023 - 09:23

10 comments

މަސް ކައްކައި ހިއްކައި ރިހާކުރު ހަދައިގެން ކުރަން ފެށި ވިޔަފާރިއަށް 45 އަހަރުވީ އިރު ވެސް ހއ. ހޯރަފުށީ، ފަރީދާ ޒަކަރިއްޔާގެ ދެމަފިރިން އަދިވެސް އެ ތިބީ ދެގޮތެއް ނުވެ މިކަމުގަ އެވެ. އެ މީހުންގެ ދިރިއުޅުން ބިނާކުރީ މެދުކެނޑުމެއް ނެތި ކުރަމުން އަންނަ މި މަސައްކަތުންނެވެ.

ޒުވާން މަސްވެރިޔާ ހަސަން ސާޖިން، ރާއްޖޭގެ ހުރިހާ ރަށަކަށް "އުތުރުން ދެކުނަށް" ކުރާ ދަތުރުގައި، އުމުރުން 75 އަހަރުގެ ފަރީދާއާ ބައްދަލުކުރުމުން ބުނީ، އޭނާގެ ނުވަ ކުދިންގެ ބަލައިބޮޑުކޮށް، ގެ ހެދީ ވެސް މި މަސައްކަތުން ލިބުނު އާމްދަނީން ކަމަށެވެ. އެކަމަކު މިހާރު އެ ހުރީ މި ބުރަ މަސައްކަތުން ރަނގަޅު އާމްދަނީއެއް ނުލިބޭތީ ކަންބޮޑުވެފަ އެވެ.

ފިރިމީހާ މަހަށް ދާ ދޯނިން ބަހާފައި ދޭ މަސްކޮޅު ކައްކައިގެން އެންމެ ކުރިން މި ވިޔަފާރި ކުރަމުން އަޔަސް މިހާރު އެކަން ކުރަނީ ރަށުގެ ދޯނިތަކުން ބާނަ މަސް ގަނެގެންނެވެ.

ހއ. ހޯރަފުށީ، ފަރީދާ ޒަކަރިއްޔާ: އޭނާ އާމްދަނީ ހޯދަނީ މަަސް ކެއްކުމުގެ މަސައްކަތުން.

"މިހާރު މަހުގެ އަގު ދަށީ. 22-26 ބަސްތާ މަސް ދިނީމާ މި ލިބެނީ 10،000ރ. ނޫނިއްޔާ 18،000ރ. އެއް އޮޑިން ގަންނަ މަހަށް ދޭ ވަރު ވެސް ނުވޭ،" އޭނާ ބުންޏެވެ.

އޭނާ ބުނީ ޚަރަދު ދެކޮޅު ނުޖެހޭތީ އެހެން މަސައްކަތްތައް ކޮށްގެން ލިބޭ އެއްޗަކުން ވެސް ގެއްލުން ފޫބައްދަން ޖެހޭ ކަމަށެވެ.

އޭނާ ބުނި ގޮތުގައި، އެ މަސައްކަތް އެންމެ ފައިދާވި ދުވަސްވަރު، 90ގެ އަހަރުތަކުގައި އާމްދަނީގެ ގޮތުގައި މަހަކު 50،000-70،000ރ. އާ ދެމެދުގެ އާމްދަނީއެއް ލިބުނެވެ. އެކަމަކު އޭނާ ބުނީ މިހާރު ކިރިޔާ ވެސް ފައިދާއެއް ވަނީ ރިހާކުރު ވިއްކައިގެން ކަމަށެވެ.

ހއ. ހޯރަފުށީ، ފަރީދާ ޒަކަރިއްޔާގެ ދެމަފިރިން: އެ ދެމަފިރިން އާމްދަނީ ހޯދަނީ މަަސް ކެއްކުމުގެ މަސައްކަތުން.

ކުރިން ހޯރަފުށީގައި ވަރަށް ގިނަ މީހުން މަސް ކެއްކިޔަސް، މިހާރު އެ މަސައްކަތް ކުރާ މީހުން މަދީ ފަރީދާ ދެކޭގޮތުގައި "ތަރައްގީގެ" ސަބަބުންނެވެ.

"ތަރައްގީ، ގެދޮރަށް ދުން ބުރާފާނެތީ، މިހާރު ވެސް ދައްތަމެންގެ އަސްލު ގޭގައި ނުކެއްކިގެން މިިތަނުގައި ފޫޓެއް [ގޯއްޗެއް] ނަގައިގެން އަންނަން ވެސް މި ޖެހުނީ. މީހުން މައްސަލައެއް ޖައްސަފާނެތީ،" އޭނާ ބުންޏެވެ.

ވިލާ ގްރޫޕް އެލައިޑް އިންޝުއަރެންސް މަސްވެރިކަން ހއ. ހޯރަފުށި އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން ނޫ ރާއްޖެ ވިޒިޓް މޯލްޑިވްސް ސާޖިން އުތުރުން ދެކުނަށް

10 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިނަވި

17 February 2023

މިއޮތީ މަހުގެ ހަމަ އަގު ވައުދާ އެއްގޮތައް ހޯދައިދީފާ ސުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްބަޓީ

16 February 2023

މަންމަ‘ބައްޕަ އަށް ގުރަމީ އެވޯޑު ހައްގު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

15 February 2023

މަހުގެ އަގު މިހާރު ނެތީ ކީއްވެ ކަމެއް ނޭނގުނު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީރާނުގެ ސަފީރު

15 February 2023

އީރާނާ ސިޔާސީ ގުޅުން އަލުން ގާއިމް ކުރެވިއްޖެ ނަމަ ރާއްޖެ ކަހަލަ ގައުމަކަށް މަހުން ފައިދާ ވާނެ. ލަންކާ އެ ވިއްކަނީ އީރާނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންފަތް

15 February 2023

މަސް ކިރާ އަގު ބޮޑުކުރީމާ ފަރީދާ ދައްތަމެންނަށް މަސް ލިބުންވެސް ދަތިވާނެ، ހެޔޮ އަގެއްގަ ގަންނަންވެސް ނުލިބިދާނެ. ގިނައިން ބާނައިގެން އައިސް ދަހިވެތިކަމުގައި މިތިބެނީ ކިއޫގައި، ކުނިވާންދެން މަސްކޮޅު. މީހަކަށް ދުވާލަކަށް ބައި ލައްކަވަރު ނުޖެހެންޏާ ބޭނުން ނުވޭ ދެ ހާހެއް، ބައެއް މީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުގާ

15 February 2023

މުޅި އުމުރު ދުވަހައް ކުރާކަހަލަ މަސައްކަތެއް ނޫންތީ. ތިމައްސަކަތުން އެންމެ ފައިދާވި ދުވަސްކޮޅު އެހެންވިޔަފާރިއަކާ ދިމާލައް ދީލާލިނަމަ މާ ރަގަޅުވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

15 February 2023

ގިނަ މީހުންނަށް ނޭނގެއެވެ. ނޫނީ އެނގުނަސް ކުރެވޭނެ ކަމެއް ނެތެވެ. ބިދޭސީން ގާވާއިދާ ހިލާފައް ކުދި އަދި މެދު ފަންތީގެ ވިޔާފާރިތައް ކުރާ ތީ އަދި އެކަން ބަލާނެ ބަޔަކު ނެތީމަ ދިވެހީންގެ ވިޔަފާރި ތައް ބަނގުރޫޓް ވަނީ އެވެ. އެމީހުން ޖީއެސްޓީ އެއްވެސް ނުދައްކަ އެވެ. އެމީޙުންގެ ވަޒީފާ ގެ ނެޓް ވޯކް ތެރެއަށް ދިވެއްސަކު ނުވައްދަ އެވެ. ރާނާ ނޫނީ ސިމެންތި ޖަހާ ބިދޭސީއަކު ގެ އެހީ ތެރިއަކަށް ދިވެއްސަކު އެމީހުން ގަބޫލެއް ނުކުރެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

15 February 2023

ކޮން ބައެއްގެ މައްސަލައެއް ތޯ އެއީ.އަހަރުމެން ދިވެހިންގެ މައްސަލައެއް ދޯ އެއީ.އަހަރެންގެ ކުންފުނީގަ ނަމުގަ ގެނެސްފަތިބި މީހުންގެތެރެއިން ފިލި 5 މީހުން މާލޭގަ އެބައުޅޭ އެހެން ކުންފުނިތަކުގަ ނަމަށް އެމީހުންގެ ވޯކްޕާމިޓް ބަދަލުކޮށްގެން.އަހަރެން މިއީ ވަޒީފާ ދިންމީހާ ، ގައިމު މަށަށް ނުގުޅާ އެެއްވެސް އިދާރާއަކުން.އެހެންވީމަ ސިސްޓަމްގަ އެބައުޅޭ ވަރަށް ބޮޑު މައްސަލައެއް.އެހެން ނޫން ތޯ ކޮރަލް.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯރައަންބަލަމް

15 February 2023

ދެމަފިރިން ތިކުރާ މަސައްކަތުގަ ﷲ އިރާދަފުޅާއެކު ބަރަކާތް ލައްވާށި. ޢާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

15 February 2023

ސާބަހޭ ތިޔާ ދެމެފިރިން.މިފަދަ މީހުންނަށް ނޫންތޯ އެވޯޑްތައް ހައްގުވަނީ.9 ކުދިން ބޮޑުކޮށް ތަރުބިއްޔަތުކޮށް ގެ އަޅައި ދިރިއުޅުން ކޮޅަށް ޖެހީ މަސްކައްކައިގެން ހޯދި ހަލާލް ފައިސާއިން.އަހަރެން ހަމަ ސެލިއުޓް ނަގަން ތިޔާ ކުރި ހިތްވަރަށް.މިފަދަ ބޭކަލުން / ކަނބަލުން ހޯދާ ފައިސާގަ ރޯދި ބަރަކާތް ހުރޭ.އެމީހުންގެ އީމާންތެރިކަން ފުރިހަމަވީމަ ހުރިހާ ގޮތަކުން ވެސް ފުދުންތެރިވެފަ ތިބެނީ.ވ.ވެދުން