ހިތަދޫ ރީޖަނަލް ޕޯޓު ހިންގާ ޕޯޓު ކުންފުންޏަށް 85 މިލިއަން ރުފިޔާގެ ގެއްލުން--ފޮޓޯ:މިހާރު
18 ފެބުރުއަރީ 2023 - 10:05
14 comments
ހިތަދޫ ޕޯޓު ލިމިޓެޑަށް 2020 ވަނަ އަހަރުގެ ނިޔަލަށް 85 މިލިއަން ރުފިޔާގެ ގެއްލުން ލިބިފައިވާ ކަމަށް އޮޑިޓް ރިޕޯޓުން ދައްކައިފި އެވެ.
ހިތަދޫ ޕޯޓު ލިމިޓެޑުގެ މާލީ އޮޑިޓް ރިޕޯޓުގައިވާ ގޮތުން އެ ކުންފުނި އުފެދުނީއްސުރެ، ވޭތުވެދިޔަ ދިޔަ 11 އަހަރު އެކުންފުންޏަށް ކޮންމެ އަހަރަކު ވެސް ވަނީ ގެއްލުމެވެ.
ރިޕޯޓްގައިވާ ގޮތުން ކޮންމެ އަހަރަކު ވެސް އެވްރެޖްކޮށް އެ ކުންފުންޏަށް 6 މިލިއަން ރުފިޔާގެ ގެއްލުން ވެ އެވެ. މި ގެއްލުމުގައި ހިންގާ އިރު ވެސް އެކުންފުނީގެ މާލިއްޔަތު ރީވެލިއުކޮށް، ކުންފުނީގެ އަގު ދަށްކުރުމަށް ހަދަން ޖެހޭ އެސެސްމެންޓް ނަހަދާ ކަމަށް އޮޑިޓް އޮފީހުން ބުންޏެވެ. އެހެންވެ، ކުންފުނީގެ ހާލަތު ދެނެގަނެ، މާލީ މިސްރާބު އަންދާޒާކުރަން އުނދަގޫވި ކަމަށް އޮޑިޓް އޮފީހުން ބުންޏެވެ.
މި ހާލަތުގައި ވީ އެންމެ އަވަހަކަށް ކުންފުނީގެ އެފަދަ އެސެސްމެންޓެއް ހެދުމަށް ރިޕޯޓުގައި ވަނީ އެދިފަ އެވެ.
ހިތަދޫ ޕޯޓު ލިމިޓެޑަކީ، އެމްޕީއެލްގެ ދަށުން ހިންގަމުން އަންނަ ކުންފުންޏެކެވެ.
އޮޑިޓް ރިޕޯޓުގައިވަނީ، މާލީ ހިސާބުގެ ކަންކަން ބެލެހެއްޓުމުގައި އެކުންފުނިން އެންމެ ފުރިހަމައަށް މަސައްކަތް ކޮށްފައިނުވާ ކަމަށެވެ. އެހެންވެ، ޓެކްސްގެ ގޮތުގައި މީރާއަށް ދޭން ޖެހޭ އަދަދުތައް ވެސް ކަށަވަރު ނުުކުރެވޭ ކަމަށެވެ.
އޮޑިޓް އޮފީހުން ބުނީ، މާލީ ހިސާބުތައް ރެކޯޑު ކުރުމުގައި ކުންފުނިތަކާއި ސަރުކާރުގެ އިދާރާތަކުން، އަދިވެސް އެންމެ ފުރިހަމައަށް އަމަލު ނުކުރާތީ، މާލީ ރިޕޯޓުތަކުގެ ސައްހަކަން ކަށަވަރު ކުރަން އުނދަގޫ ކަމަށެވެ.
ހިތަދޫ ޕޯޓް ލިމިޓެޑު އުފެއްދީ 2009 ވަނަ އަހަރު އެވެ. ދެކުނުގެ އެންމެ މައި ޕޯޓުން ތަކެތި އިމްޕޯޓު ކުރުމުން ވިޔަފަރިތަކުން ދައްކަންޖެހޭ ޑިއުޓީތައް 30 ޕަސެންޓު ކުޑަވެ އެވެ. އެހެން ނަމަވެސް، ވޭތުވެދިޔަ އަހަރުތަކުގައި އެޕޯޓު އެންމެ އެކަށީގެންވާ ގޮތެއްގައި ހިންގިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުޕާރީސަރުކާރު
18 February 2023
މާލެއަށް މުޅިރާއްޖެ ތޮތްޖައްސާފަ ދެން ލާމަރުކަޒީއޭ އަނެއްކައްޗެކޭ ކިޔަކަސް އެކަމެއްނުވާނެ...ރާއްޖޭގެ އިގްތުސޯދުގެ ދިޔަދޮވީގެ ކޮޅު ބަރުވެފަ އޮތީ މާލެއަށް...މާލޭގަ ތިބޭބަޔަކަށް ފައިދާވާގޮތަށް....ބާކީތިބީ ދިވެހީންނެއްނޫން...ހުރިހާ ސަރުކާރެއްގެ މައި ޕްލޭނަކީ މިއީ އަބަދުވެސް...އައްޑޫތަރައްގީ ކުރަން އިހުލާސްތެރި ނިޔަތެއްގައި އެއްވެސް ސަރުކާރަކުން ނޫޅޭ...ވޯޓު ހޯދަންވީމަ ދަޅަދައްކާނެ...ދަނީ ތޮޅިއަށް...ދެން ކޮންކަމެއްކުރެވޭނީ
ލިލިއަން
18 February 2023
ހުޅުމީދޫ, ފޭދޫ، މަރަދޫ ފަދަ ރަށްރަށުގެ ބަނދަރަށް ކިހާވަރެއްތޯ ފައިދާ ވީ؟
މަ ބުނީ
18 February 2023
ކުޑަ ރަށެއް ބޮޑު ރަށެއް ތަފާތު ކުރުމެއްނެ ތި ކޮންމެ ރަށެ އްގައި ޕޯޓެއް އެޅުމުގެ ވިސްނުންފުޅު ރައީސް ނުގެންގުޅުއްވާތޯ އޭ ! .
ށަވިޔަނި
18 February 2023
ކުންފުނި ސިޔާސީ ވެއްޖެއްޔާ ގެއްލުންވާނެ. ކުންފުނިތައް އުފައްދަނީ އެފަދަ އޮއިވަރުތަކުން ސަލާމަތްކުރަން. އެކަމަކު ސިޔާސަތޭ މިކިޔާ ވައިރަހަކީ ނުރައްކާތެރި އެއްޗެއް. ކޮވިޑަށްވުރެ ނުރައްކާ.
އިބްރާ1
18 February 2023
ހިތަދޫ ޕޯޓު ލިމިޓެޑަށް ގެއްލުން ވާނަމަ ނަން ބަދަލު ކޮށްލާފަ ހިތަދޫ ޕޯރޓް އަކީ ސަރުކާރުގެ އޮފީހަކަށް ބަދަލު ކޮށްލާ. މިސާލަކަށް “ހިތަދޫ ޕޯޓު އޮތޯރިޓީ”. އޭރުން ގެއްްލުމެއް ނުވާނެ.
ދުމްމ
18 February 2023
އެންމެ 85 މިލިއަން؟ ތިދެން ކޯންޗެއް!. ދިވެހި ދައުލަތަކީ މުއްސަނދި ކަމުންގޮސް ބޭރުގެ ދަރަނި 0 ވެފަ އަދި ދައުލަތުގެ ރަސްމި ރިޒާވް ކޮންމެ ބޮލަކަށް 1 މިލިއަން ޑޮލަރުހުރި އަދި ޖީޑީޕީގެ ނިސްބަތުން ކޮންމެ ބޮލަކަށް އަހަރަކު 1 މިލިއަން ޑޮލަރުޖެހޭ ދައުލަތެއް. އިންޑިއާގެ ކުންފުނިތަކަށް ވެސް ޑިއުޓީ މާފްކޮށްދިނުމާއި ބޯހިޔާވަހިކަން ހިލޭ ލިބުމާއި އާސަންދައިގެ ދަށުން ސިންގަޕޫރާއި ޔޫރަޕުން ކޮންމެމީހަކަށްވެސް ހިލޭ ބޭސްފަރުވާ ކޮށްދިމުގެ ގާބިލްކަން ހުރި ދައުލަތެއް.
އިސްމާލި
18 February 2023
ތިޔަ ބުނީ ރަނގަޅަށް. މިހާރުވެސް ތިޔަ ކުންފުންޏަށް 9 އަހަރުން ލިބުނު ގެއްލުމަށް ވުރެ ގިނައިން ބަދަލުގެ ގޮތުގައި މިއަހަރު ވެސް ދީފި. ނުވަދިހަ އެތައް މިލިއަން އެއް. އަދި އަހަރު ފެށިގެން ފިނޭންސް މިނިސްޓަރު އެ އުޅުއްވަނީ ތިޖޫރި ރަނގަޅަށް ހުޅުވާވެސް ނުލައްވާ.
އޮނަރަބްލް އަފީފު ދީދީ
18 February 2023
އައްޑުއާއި ކުޅުދުއްފުށި ޕޯޓް ކާމިޔާބުކޮށްހިންގާން މާލޭސަރުކާރު ބޭނުންނުވާތީ މިތަންތަނަށް ގެއްލުންވަނީ. # އެސްޓީއޯއަށް ސަބްސިޑައިޒްކޮށްގެން ގެންނަ ކާޑުގެ ބާވަތްތަކުގެތެރެއިން އުތުރާއި ދެކުނަށްބޭނުންވާ ކާޑު ސީދާ ކުޅުދުއްފުއްޓާއި އައްޑޫޕޯޓަށް ގެންދިއުމަށް ސަރުކާރުން އެސްޓީއޯއަށް ޝަރުތު ނުކުރަނީ ކީއްވެ؟ # ފައިނަލް ޑެސްޓިނޭޝަނަކީ "އައްޑޫ ޕޯޓްކަމަށް" ހުންނަ ކޮންޓެއިނާރ މާލޭގައި ޖެހޭކަމަށްޓަކާ މާލެއާއި އައްޑުއަށް "ޑަބަލް ހެންޑްލިން ޗާރޖް" ނަގަނީ ކީއްވެ؟
ޚިޔާލު
18 February 2023
ރާއްޖެެއަށް ގެންނަ ގިނަ ކާރުތައް އެތެރެކުރަނީ ތިޔަ ބަނދަރަށް. ގެއްލުންވާނަމަ އެކަން ފޫބެއްދޭނެގޮތެއް ހަދަންޖެހޭ ނޫންތޯ. ގެއްލުމުގައި ހިންގުމަކީ އަބަދު އެގޮތުގައި އޮންނަންޖެހޭ ކަމެއް ނޫންކަމަށް ދެކެން.
އެމްސް
18 February 2023
ސިގަރެޓާއި ދެންވެސް %100 ޑިއުޓީ ނަގާ ހުރިހާ ބާވަތެއް!
އޮނަރަބްލް އަފީފު ދީދީ
18 February 2023
މާލޭސަރުކާރުން ކޮންކްރީޓް ގަނޑެއްއަޅާފައި ބޭއްވުމުން ޕޯޓް ހިގައިގަންނާނެކަމަށް ހީކުރަނީތޯ؟ ޢައްޑޫ ޕޯޓުން ގެއްލުންނުވެ ހިންގުމަށް މާލޭސަރުކާރުން ކޮށްދިންކަމަކީ ކޮބާ؟ ތިރީސް ޕަސެންޓް ޑިއުޓީކުޑަކޮށްފައޭބުނާއިރު %5 ޑިއުޓީނަގާ މުދަލުން %30 ކުޑަކުރަން އައްޑޫޕޯޓަށް ގެންދިޔައިމަވާގޮތް އިގޭތަ؟ ކުރިން ބޮޑުޑިއުޓީނެގި ކޮންސްޓަރަކްޝަން މެޓީރިއަލްސް އާއި އެއަރކޮންޑިޝަން ފަދަތަކެތިން މިސަރުކާރުން ޑިއުޓީކުޑަކޮށް އައްޑުއާއި ކުޅުދުއްފުށި ޕޯޓްގެބޭނުން ކަޑުވާލައިފި.
ހިތަދޫބޯންޓާ
18 February 2023
ތިޔަ ޕޯޓު ހިންގަނީ މާލީ ފައިދާއަކަށްނޫން.....އޮޕަރޭޝަނުން 85 މިލިއަން ގެއްލުން....ދައުލަތައް ލިބެންޖެހޭ ޓެކްސްއިން 30 ޕަސެންޓް މަދުވޭ، ކްލިއަރކުރާ ކޮންޓެއިނަރގެ 80% ގެންދަނީ މާލެއަށް، ބަނދަރު ބޭނުންކުރަނީ ބޮޑެތި އަދަދުން ދައްކަންޖެހޭ ޓެކްސް ކުޑަކުރަން