ގުރައިދޫ ދާއިރާގެ ބައި-އިލެކްޝަން އަންނަ އޭޕްރީލް 15 ގައި

ގުރައިދޫ ދާއިރާގެ މެމްބަރުގެ މަގާމުގައި ހުންނެވި ރިޒާ. އޭނާ ވަނީ ކެންސަރުގައި އަވަހާރަވެފައި.-- ފޮޓޯ: މަޖިލިސް

އާސިމާ ނިޒާރު، މިހާރު

26 ފެބުރުއަރީ 2023 - 13:12

ކ. ގުރައިދޫ ދާއިރާގެ ބައި-އިލެކްޝަން އަންނަ އޭޕްރީލް 15 ގައި ބާއްވަން އިލެކްޝަންސް ކޮމިޝަން (އީސީ) އިން މިއަދު ނިންމައިފި އެވެ.

އެ ކޮމިޝަންގެ ނައިބު ރައީސް އިސްމާއިލް ހަބީބު ވިދާޅުވީ ހުސްވެފައިވާ ގޮނޑިއަށް ކުރިމަތިލާން މާދަމާ ހުޅުވާލައި، އެ ކަމަށް ދެ ހަފުތާގެ މުއްދަތެއް ދޭނެ ކަމަށެވެ.

އެއަށްފަހު، އޭޕްރީލް މަހު އިންތިހާބު ބާއްވާނެ އެވެ.

ގުރައިދޫ ދާއިރާގެ ބައި-އިލެކްޝަން ބާއްވަނީ އެ ދާއިރާގެ މެމްބަރުކަން ފާއިތުވި 14 އަހަރު ފުރުއްވަމުން ގެންދެވި އިބްރާހިމް ރިޒާ އަވަހާރަވުމުންނެވެ.

ކެންސަރުގެ އާލާސްކަންފުޅުގައި ގިނަ ދުވަސް ވަންދެން އުޅުއްވުމަށްފަހު އުމުރުން 55 އަހަރުގައި ރިޒާ އަވަހާރަވީ މިދިޔަ ބުދަ ދުވަހުގެ ރޭ މެލޭޝިޔާގަ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި ޖުޑީޝަލް ސާވިސް ކޮމިޝަން (ޖޭއެސްސީ) ގައި ރައްޔިތުންގެ މަޖިލީހުގެ މެންބަރުންގެ ތެރެއިން ހޮވާ މެންބަރެއްގެ ގޮތުގައި ވެސް އިންނެވި އެވެ. އެ ކޮމިޝަންގެ ނައިބު ރައީސްކަން ވެސް ރިޒާ ކުރެއްވި އެވެ.

އިލެކްޝަންސް ކޮމިޝަން މަރު މެމްބަރު އިބްރާހިމް ރިޒާ (ކ. ގުރައިދޫ)

7 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

27 February 2023

އިންތިޙާބާއި ބެހޭ ޤާނޫނަށް އިސްލާޙްގެނެސް ރައީސުލް ޖުމްހޫރީއްޔާގެ އިންތިޙާބު ފިޔަވާ (މަޖިލިސް، މޭޔަރ، ކައުންސިލް އަދި ޑަބްލިއު ޑީސީ ފަދަ ) އެހެން އިންތިޙާބު ތަކުގައި ވޯޓް ފޮށި ބަހައްޓާނީ ހަމައެކަނި އިންތިޙާބީ ދާއިރާގައި އެކަނި ކަމަށް ކަޑައަޅާންޖެހޭ. # މިހާރު މިއޮންނަގޮތަށް ތުރާކުރާއި އައްޑޫފަދަ ކ.އަތޮޅު މާލެއާއި ދުރު ސަރަޙައްދުތަކުގެ ވޯޓްފޮށި މާލޭގައި ބެހެއްޓުމުން މާލޭގެވޯޓުފޮށިތަކުން އެބަ ނަތީޖާކަޑައަޅާ. މިއީ ލާމަރުކަޒީ އުސޫލާއި ފުށުއަރާ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޔާޅީސް.

27 February 2023

ބަލަ ކޮންމެހެންް ޤާނޫނަކުން ތިކަން ކަޑައަޅާކަށް ނުޖެހޭނެ. ދާއިރާގެ ރައްޔިތުން ދާއިރާގެ ރަށްވެއްސަކަށް ނޫނީ ވޯޓް ނުދިނީމަ ނިމުނީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

26 February 2023

ކޮމަންޑޫ 2.0 ލޯޑިން….

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ﷲަމީރު

26 February 2023

ޢެއީ ޜޯދަމަސްކަން ނޭނގޭތަ އިލެކްޝަންްސަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހީމާ

26 February 2023

ޤާނޫން އަސާސީގަ ނުބުނެޔޭ ރޯދަމަސްވީމަ ނުބާއްވަށޭ އިންތިހާބު!! ނުބާއްވައިގެންވެސް ހަމަ ތިމީހާއޭ މަގުމަތީގަ ހަޅޭލަވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަފިހި

26 February 2023

ރޯދަ ކުރުކޮށްލަން ރަނގަޅު ފުރުސަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީނާ

26 February 2023

އިބްރާހީމް ރިޒާގެ ކޮއްކޮ ޙުސައިން ރިޒާ ކުރިމަތިލާނެކަމަށް އުއްމީދުކުރަން. އެއީ ވަރަށް ނަޒާހާތްތެރި ބޭފުޅެއް. ކްރިމިނަލް ކޯޓު ހިންގެވީ ވަރަށް ރަނގަޅަށް.