ހައުސިން މިނިސްޓަރު ނެއްލައިދޫއަށް ކުރެއްވި ޒިޔާރަތުގައި އެ ރަށު ބަޔަކާ ސަލާމް ކުރައްވަނީ. - ފޮޓޯ: ހައުސިން މިނިސްޓްރީ
20 ޖެނުއަރީ 2017 - 14:07
24 comments
ރައީސް އަބްދުﷲ ޔާމީންގެ ހާއްސަ މަންދޫބެއްގެ ގޮތުގައި ހައުސިން މިނިސްޓަރު ޑރ. މުހައްމަދު މުއިއްޒު ހދ. އަތޮޅުގެ ހުރިހާ ރަށަކަށް ކުރައްވާ ދަތުރެއް ފައްޓަވައިފި އެވެ.
ހައުސިން މިނިސްޓްރީގެ އޮފިޝަލަކު މިއަދު ވިދާޅުވި ގޮތުގައި މި ދަތުރުގެ މަގްސަދަކީ އެ އަތޮޅުގެ ރަށްތަކުގައި ދިރިއުޅޭ ރައްޔިތުންނަށް ދިމާވެފައި ހުރި މައްސަލަތައް ދެނެގަނެ، އެކަމަށް ހައްލު ހޯދުން ކަމަށެވެ.
"ހދ.އަތޮޅަށް ކަނޑައަޅުއްވާފައި ހުންނެވި މިނިސްޓަރަކީ މުއިއްޒު، ދަތުރުގެ ބޭނުމަކީ ރަށް ރަށަށް ދިމާވެފައި ހުރި މައްސަލަތައް ވީހާވެސް ކައިރިން ދެނެގަތުން،" އޮފިޝަލް ވިދާޅުވި އެވެ.
ހައުސިން މިނިސްޓަރު ނޭކުރެންދޫގައި. - ފޮޓޯ: ހައުސިން މިނިސްޓްރީ
އޮފިޝަލް ވިދާޅުވި ގޮތުގައި އިއްޔެ ފެއްޓި މި ދަތުރުގައި ހދ. އަތޮޅުގެ ފިނޭ، ހިރިމަރަދޫ، ނާވައިދޫ، ނެއްލައިދޫ، ކުޅުދުއްފުއްޓަށް ޒިޔާރަތްކޮށްފައިވާ ކަމަށެވެ. އަދި ނޭކުރެންދޫ، ކުމުންދޫ، ވައިކަރަދޫ، މަކުނުދޫއަށް މިނިސްޓަރު ވަޑައިގެންނެވީ މިއަދު ކަމަށް އޮފިޝަލް ވިދާޅުވި އެވެ.
އަންނަ އާދިއްތަ ދުވަހުގެ ނިޔަލަށް ހުރިހާ ރަށެއްގެ ކައުންސިލްތަކާއި އިސް ރަށްވެހިންނާއި، އާންމު ރައްޔިތުންނާ މިނިސްޓަރު މުއިއްޒު ބައްދަލު ކުރެއްވުމަށް ހަމަޖެހިފައިވާ ކަމަށް ވެސް އޮފިޝަލް ވިދާޅުވި އެވެ.
މިނިސްޓަރު ޒިޔާރަތް ކުރެއްވި ރަށްތަކުގައި ދިރިއުޅޭ މީހުން ވަނީ ބަނދަރުގެ ދަތިކަމާއި ނަރުދަމާ ނިޒާމެއް ނެތުމާއި ސިއްހީ ދާއިރާގައި ދިމާވެފައިވާ މައްސަލަތައް މިނިސްޓަރުގެ ސަމާލު ކަމަށް ގެންނަވައިފަ އެވެ. މުއިއްޒުގެ އަރިހުގައި ހައުސިން މިނިސްޓްރީގެ އިސް ބޭފުޅުންނާއި ރައްޔިތުންގެ މަޖިލީހުގެ ބައެއް މެމްބަރުން ބައިވެރިވެވަޑައިގަންނަވަ އެވެ.
ރައީސް އަބްދުﷲ ޔާމީންގެ ހާއްސަ އެދިވަޑައިގަތުމަކަށް ފިނޭންސް މިނިސްޓަރު އަހުމަދު މުނައްވަރު މީގެ ކުރިން ވަނީ ވ. އަތޮޅުގެ ހުރިހާ ރަށަކަށް ޒިޔާރަތް ކުރައްވައި، އެ އަތޮޅުގައި ދިރިއުޅޭ މީހުންގެ ހާލު ބައްލަވައި، ކަންބޮޑުވާ ކަންތައް އޮޅުން ފިލުއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
22 January 2017
މުއިއްޒު އަދި ނިހާނު ދަތުރު ފަށައިގެން އުޅެނީ ރައީސް ޔާމީނުގެ ތާއިދު އޮތްވަރެއް ބަލާލަން
އަހުމަދު
21 January 2017
މުޅިތިލަދުންމަތި މުއީޒުގެ ތިދަތުރުގަ ތަރައްގީކޮށް ނިންމާލާފައި ފައިބާނީދޯ، މަންދޫބުވީމަ، ވަރަށްދެރަ މަ އަދި ހުޅުމާލެއިން ފުލެޓް ގަންނަން މިވިސްނަނީ، އަދި ކިރިޔާ މިވިސްނުނީ އެއީ ބޯދާ ހިޔާލެއްކަން، މަންދޫބު ތިލަދުންމަތި ދަތުރު ނިންމާލާއިރު މާލެ ޒޯންއަށް ވުރެ ތިލަދުންމަތި ތަރައްޖީ ވާނެކަން، ދެން މާލެ ފަޅުވީނުންތި ތިކަމާހުރެ، އެންމެން މާލެއިން ދެން ތިލަދުންމައްޗަކަށްނުން ދާނީ
ކުނުފު
21 January 2017
މުއިއްޒޫ މަގޭ އެބައޮތް ކުންފުންޏެއް... ދީބަލަ ތިޔަ ރަށްތަކުގަ ނުނިމޭ މަސައްކަތް ކޮޅެއް..
މާޖިދު
21 January 2017
ތިވީގޮތުން ތިއަތޮޅު އެއްވެސް ކަމެއްގަ އެޑިޔުކޭޝަން މިނިސްޓަރާ ހެލްތު މިނިސްޓަރާ ޑިފެންސް މިނިސްޓަރާ ޖެންޑަރ މިނިސްޓަރާ ޔޫތު މިނިސްޓަރާ އިކޮނޮމިކް މިނިސްޓަރާ މީން އެއްވެސް މިނިސްޓްރީ އެއްގެ ރޯލެއް މިހާރު އޮންނާނެބާ.؟؟؟؟
އަހުމަދު
21 January 2017
ޑިމޮކްރަސީ އުފަން ކުރި މީހުންނަށް އަދި ކިރިޔާ ޑިމޮކްރަސީ އޮޅުންފިލާވަރުވީ. ރައްޔިތުންގެ އަގުލަބިއްޔަތު ލިބުނު މީހާނޫން އެހެން މީހަކު އިންތިޚާބު ކުރެވިގެން ދިޔާމަ. އެހެންވީމާ އަދި އަހަރެންނަށް ވެސް ތިޔައެއްޗެއްް ހަމަ އެގޮތަށް ދަސްވާން ވަގުތު ކޮޅެއް ނަގާނެދޯ.
އަޙްމަދު
21 January 2017
ރައްޔިތުން ކާން ޖެހޭ ކާޑުގެ އަގު ބޮޑުކޮށް ހާލު ބަލާނެ ކަމެއް ނެތް.މިހާތަނަށް އައި އެންމެ އަނިޔާވެރި ސަރުކަރު.
ކަލޯބެއްޔާ
21 January 2017
2018 ގެ ނާއިބު ރައީސް ކެންޕެއިން ނޫންތަ؟
GAN Island
20 January 2017
ވެރިކަމަށް ވަޑައިގަތުމަށް ދަތުރު ކުރައްވަން ޖެހިވަޑައިގަތީ ޑރ މުހައްމަދު ޖަމީލް އަޙްމަދަށް. މިފަހަރު 2018 ޔާމީން އަބުދުލް ޤައްޔޫމަށް ލިބޭތޯ ދަތުރު ކުރަން މިޖެހުނީ (އަލްފާޟިލް) މުހައްމަދު މުއިއްޒު. ވަރަށް ހީނުވޭ ތިކަން ވެދާނެ ހެނެއް. 2018 ގަ ރައްޔިތުން ތިބީ ރައްޔިތުންގެ ވެރިކަމެއް ގެނައުމުގެ ރޫޙޫގައި.
ދަގަނޑު ދަހަނާ
20 January 2017
ހާދަގިނަ ބަޔެކޭ ހދ.އިން މަރުޙަބާ ދަންނަވަން ގޮސް އެިތިބީ ޚާއްޞަ މަންދޫބަށް. ކޮބާ ކުޅުދުއްފުށީ އެއަރޕޯޓް؟ މަގުތަކުގައި ތާރުއެޅުން.
ޑާއުން
20 January 2017
ރައީސް ގެ ޚާއްސަ މަންދޫބެއްގެ ގޮތުން ޑރ. މުއިއްޒު ހދ. އަތޮޅަށް ވަޑައިގަތުމުން މަމެން ޕިންކީންނަށް ކުޅުދުއްފުށި ފަދަ ރަށްރަށުން ލާރޖް ކޮށް ސަޕޯރޓް ލިބި އަދި ކުޅުދުއްފުށި އެއާރޕޯރޓް ހަދަން އެމްޓީސީސީން މިހާރު މޯބިލައިޒް ކުރަން ތައްޔާރު ވެ އަދި ކޮންޓްރެކްޓް ޑޮކިއުމަންޓްގައި ސޮއި ކުރަން ތައްޔާރު ވަމުން ދާތިވެ ރަންރީނދޫ ހުރިހާ ޓްވިޓަރޭ ކުދިން ތައް ވެސް މިއަދުގެ ސިޔާސީ ސްޓޮކް އެކްސް ޗޭންޖް އަށް ބަލާލިއިރު އެމެންގެ ޝެއާރ ތައް 1 ލާރި އަށް ވުރެން ދަށަށް ދިއުމުން އެމެން އިށީނދެގެން ތިބި ސޯފާ ސެޓް އިން ތެދުވެ އެމެން ބިންމަތީގައި އިށީނދެއްޖެ އެވެ، ދެން އެމެން އެ ތިބީ ބިން މައްޗަށް ބަލަހައްޓައިގެން ހަދާނެ ގޮތެއް ނެތިގެން ނޭ އެއީ މަމެން ބުނަން ނެތީމު ދޯ. އެމެންގެ ގްރެވިޓީ ޒީރޯ އަށް ދާ ކަން އެމެންނަށް އެގިގެން އެމެން އެތިބީ މިހާރު ހަދާނެ އެއްޗެއް ނޭގިފައެވެ. ލީވް ދެމް ލައިކް ދެޓް އެއީ މައްސަލަ އެއް ނޫން ދޯ. ސިންގަޕޯރ އެއީ ސިވިލައިޒްޑް ކަންޓްރީ އަށް ހެދުމުން އަފްއާނިސްތާނު ފަދަ ރޮޓެން ކަންޓްރީ އަށް އެ މިންގަޑަށް ދާން ދޭ ހޭވް ސްޓިލް ލޯންގް ވޭ ޓު ގޯ އޭ މަމެން ބުނަން ނެތީމު އެވެ. މީ ނޫންތޭ މިސާލަކީ. ރަންރީނދުލޭ ތަމެން ދަނީ ދަށަށޭ ދަށަށޭ ދަށަށޭ، ނޯ ނީޑް ޓު ވޮރީ، ޔޫ އާރ ގޮއިންގް ޑައުން ލައިކް އަ ފްރީޒިންގް ޓެމްޕްރޭޗަރ.. ޑެފިނިޓްލީ އެން އޮނެސްޓްލީ އެން ފްރޮބަބްލީ ޔޫ އާރ ގޮއިން ޑައުން ޑައުން، ޑާއުން، ޑާއުން..