ހުރަވީ ދުވަސް ފާހަގަ ކުރުމަށް މީގެ ކުރިން ބޭއްވި ޖަލްސާއެއްގައި ރައީސް އިބްރާހިމް މުހައްމަދު ސޯލިހާއި ރައްޔިތުންގެ މަޖިލިހުގެ އޭރުގެ ރައީސް ގާސިމް އަދި ހޯމް މިނިސްޓަރު އިމްރާން ބައިވެރިވެވަޑައިގަންނަވަނީ.---ފޮޓޯ: ރައީސް އޮފީސް
15 މާޗް 2023 - 10:21
33 comments
ވަރަށް ހިސާބު ޖަހާފައިވާ ކަމަށާއި ކޯލިޝަނަކުން ނުކުމެ ރައީސް އިބްރާހިމް މުހައްމަދު ސޯލިހަށް ދެ ވަނަ ދައުރެއް ހޯދޭނެ ކަމަށް އަދާލަތު ޕާޓީގެ ލީޑަރު އިމްރާން އަބްދުﷲ މިއަދު ވިދާޅުވެއްޖެ އެވެ.
އަންނަ ސެޕްޓެމްބަރު މަހު ބާއްވާ ރިޔާސީ އިންތިހާބުގައި ޖޭޕީން ވަކިން ވާދަކުރަން ނިންމުމުން، އަދާލަތުގެ ސްލޮޓުގައި ހޯމް މިނިސްޓަރުކަން ވެސް ކުރައްވާ އިމްރާން ކުރެއްވި ޓްވީޓުގައި ވިދާޅުވީ އެމްޑީޕީ އާއި އަދާލަތު އަދި އެމްޑީއޭ ގުޅިގެން ރައީސަށް ދެ ވަނަ ދައުރަކަށް ހޮވުމަށް ހިތްވަރާއެކު މަސައްކަތްކޮށްފިނަމަ 51.2 ޕަސެންޓަށް ވުރެ މަތިން ކާމިޔާބުކުރާނެ ކަމަށެވެ.
"ވަރަށް ހިސާބު ޖަހައިފިން." އިމްރާންގެ ޓްވީޓުގައިވެ އެވެ.
Varah hisaabu jahaifin.
— Imran Abdulla (@ShimranAb) March 15, 2023
Maaiy Allah iraadhakurehviyyaa,
@MDPSecretariat aa @AdhaalathOffice adhi @MDAmaldives ekugai Raees @ibusolih 2 vana dhaurakah hovumah hiyvaraa eku masahkaiy kohfinama, 9 September 2023 gai nagaa vote in 51.2% ah vure mathin kaamiyaabu kuraane.ان شاءالله
މި ސަރުކާރު މިހާރު ވެސް ހިންގަނީ އަދާލަތާއި ޖުމްހޫރީ ޕާޓީ އަދި އެމްއާރުއެމްގެ ބައިވެރިވުމާއެކުގަ އެވެ. ދެ ވަނަ ދައުރެއް ކާމިޔާބުކުރުމަށް އެމްޑީޕީއާއެކު އިއްތިހާދު ހެދުމަށް އެ ހުރިހާ ޕާޓީއަކަށް ދައުވަތު ދީފައިވެ އެވެ. ނަމަވެސް، މިހާތަނަށް އެކަން ގަބޫލުކޮށްފައިވަނީ އަދާލަތު ޕާޓީން އެކަންޏެވެ. އެ ދައުވަތު ގަބޫލުނުކޮށް މާމިގިލީ ދާއިރާގެ މެމްބަރުކަން ވެސް ކުރައްވާ ގާސިމްގެ ޖުމްހޫރީ ޕާޓީން ނިންމީ ރިޔާސީ އިންތިހާބުގައި ވަކިން ވާދަކުރުމަށެވެ.
ރިޔާސީ އިންތިހާބާ ގުޅޭގޮތުން އެމްއާރުއެމް އިން އަދި އެއްޗެކޭ ނުބުނެ އެވެ.
ރައީސްގެ ކޯލިޝަނަށް ގާސިމް ރުހުން ހޯދުމަށް އެ މަނިކުފާނާއި ނައިބު ރައިސް ފައިސަލް ނަސީމްގެ އިތުރުން އިމްރާން ވެސް ވަނީ ގާސިމް އާ ބައްދަލު ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1206
16 March 2023
ފަލަކީ ހިސާބުތަ؟
ކަތްދައްތަ
15 March 2023
ފަންސާހާ ގުނަކުރާށޭ ދެޔަކާ...
އަދުރެމެޓިކްސް
15 March 2023
މަށަށްވުރެ އިމްރާންމެޓިކްސް މޮޅުވާނެ!
ހިސާބު
15 March 2023
ރައީސް އިބޫ ޖެއްސިވި ހިސާބެއްވިއްޔާ މިހާތަނަށް ހުރީ ކާމިޔާބުކޮށް ދިމާކުރައްވާފަ. ކުރީގެރައީސްގެ ހިސާބުގައި އެތައް އަހަރެއްދިމާނުވެ މަގުމަތީ ތިބެންޖެހުނުކަންހަދާންވޭ. އަދިވެސް އެމްޑީޕީ އަށްހިސާބު ދިމާ ކުރުމުގެ ގާބިލްކަން ބޮޑައްހުރީ ރައީސްއިބޫ2023 ގެ
ބަތޭލި
15 March 2023
މިއީ ކިޔަން ވެގެން އުޅޭ މީހަކީތަ؟ މޮޅުވާނެއްޏާ ދެން މަޑުން ތިބެންވީނުންތަ؟ ދުވާލަކު ޓުވީޓެއް ކުރަމުން ރޯމަހެއް މަރަށް ތެޅޭހެން ތިޔަ ތެޅިނަގަނޫ ކިޔަންވެގެންތައު؟ މަށް ހިޔެވަނޫ ފަހުވަގުތު މިކަލޭގެ އަހަރެމެންގެ ރައިސްމީހާ ދޫކޮށްލާފައި ބަޗާނެހެން
ބަގުޑިބެގެ
15 March 2023
ޢިމްރާނަކީ މިގައުމުގައި އެހާ ބަސް ވިކޭ މީހެއްކަމުގައި ދެއްކެން ތިކުރާ މަސައްކަތަކީ ބޭކާރު ކަމެއް. ޢަދާލަތު ޕާރޓީގެ އާއްމު މެމްބަރުންގެ ވޯޓަކުން ޕާރޓީގެ ރާއީސްކަމަށް އާދެވިދާނެކަމަކަށް ނުފެނޭ!
ޖާބެ.
15 March 2023
ހައްހައް ސްޓޯންއޭޖްގެ ތިންކިންގ އިބޫ ގުނބޯހައްދާފަ ހާދަބޮޑޮ….ބ
ހާމިދު ޝާހިދު
15 March 2023
ރައީސް މޮޅުވާ ގޮތަކީ، ފުރަތަމަ ބުރުގައި އިބްރާހިމް ސޯލިހް 1 ވަނަ ދެވަނައަށް "ޖޭޕީ-ފިކުރެއްގެ ހަލާކު" ދިޔަނަމަވެސް "ޖޭޕީ-ފިކުރެއްގެ ހަލާކު" ގުޅޭނީ ފިކުރެއްގެ ދިރުމުގެ ނުފޫޒާއެކު، އިބްރާހިމް ސޯލިހާ. ފުރަތަމަ ބުރުގައި "ޖޭޕީ-ފިކުރެއްގެ ހަލާކު" އަށް 1 ވަނަ ލިބުނަސް އިބްރާހިމް ސޯލިހު ގުޅޭނީ "ޖޭޕީ-ފިކުރެއްގެ ހަލާކު" އާ. އެހެންކަމުން، މި ފޯމިއުލާއިން ކުރެއް ކޮންމެ ގޮތެއްވިއަސް ވިން އެވަނީ އެމްޑީޕީ. އެމްޑީޕީގެ މެމްބަރުން. މަގާމުތަކުގައި ތިއްބެވި ބޭފުޅުން
އަދުރޭސަރ
15 March 2023
ތިޔަ ކަހަލަ ހިސާބު ޖެހުމުން އެނގިގެންދަނީ ޕްރޮފެސަރ އަދުރޭގެ ބޫޓަށް މިހާރު އިމޫ ވެސް އެރުނީކަން
ޑިސްއޮނަރަބަލް ޑީޑީ
15 March 2023
އުސްތާޛު އަދުރޭ އެކަޑަމީއިން އިމްރާނު ދަސްވެނިވީ ކޮންއިރަކު؟