އެސްއޯއީތަކުގެ ބައެއް އިސްވެރިން. އެސްއޯއީތަކުން ދައުލަތަށް މިހާތަނަށް ލިބުނީ ކަނޑައެޅި އަދަދުގެ 13 ޕަސެންޓު-- ފޮޓޯ: މިހާރު
30 މާޗް 2023 - 14:00
5 comments
އެސްއޯއީތަކުގެ ފައިދާގެ ގޮތުގައި ދައުލަތަށް މި އަހަރުގެ މިހާތަނަށް ލިބިފައިވަނީ 148 މިލިއަން ރުފިޔާ ކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފި އެވެ.
ކޮންމެ ހަފުތާއަކު އެ މިނިސްޓްރީން އާންމު ކުރާ ތަފާސްހިސާބުތަކުން އެނގޭ ގޮތުން މި އަހަރު 1.1 ބިލިއަން ރުފިޔާ، ކުންފުނިތަކުން ޑިވިޑެންޑްގެ ގޮތުގައި ލިބޭނެ ކަމަށް ލަފާކޮށްފައިވެ އެވެ. މިހާތަނަށް ލިބުނީ އޭގެ 13 ޕަސެންޓެވެ. އަދި ބާކީ 87 ޕަސެންޓު އަދި ނުލިބެ އެވެ.
މިދިޔަ އަހަރު ވެސް އެސްއޯއީ ތަކުން އެއް ބިލިއަން ރުފިޔާ ލިބޭނެ ކަމަށް ލަފާކުރި ނަމަވެސް، އެ އަހަރު ނިމުނު އިރު ލިބުނީ 640 މިލިއަން ރުފިޔާ އެވެ. އެއީ ލަފާކުރި އަދަދުގެ 60 ޕަސެންޓެވެ.
މި އަހަރު ޑިވިޑެންޑުގެ ގޮތުގައި ދައުލަތަށް އެންމެ ބޮޑު އަދަދެއް ލިބޭނެ ކަމަށް ލަފާކުރީ އެމްއޭސީއެލުންނެވެ. އެ އިދާރާ އިން 537 މިލިއަން ރުފިޔާ ޑިިވިޑެންޑްގެ ގޮތުގައި ލިބޭނެ ކަމަށް ލަފާކުރެ އެވެ. ދެވަނައަށް އެންމެ ބޮޑު އަދަދެއް ހޯދަން އޮތީ ދިރާގުންނެވެ. އެ ކުންފުނިން ޑިވެންޑެންޑްގެ ގޮތުގައި 250 މިލިއަން ލިބޭނެ ކަމަށް ބަޖެޓުގައި ލަފާކުރެ އެވެ. އަދި ތިން ވަނަ އަށް އެންމެ ބޮޑު ޑިވިޑެންޑެއް ލިބޭނެ އޮތް އެމްޑަބްލިއުއެސްސީން 100 މިލިއަން ހޯދަން ބަޖެޓުގައި ޖަހާފައިވެ އެވެ.
ސަރުކާރުން އެސްއޯއީގެ ގޮތުގައި 30 ކުންފުންޏެއް އަންނަނީ ހިންގަމުންނެވެ. އެސްއޯއީތަކުގެ ތެރެއިން ފައިދާވަނީ މަދު ކުންފުންޏަކުންނެވެ. މި އަހަރުގެ ބަޖެޓުން ވެސް އެސްއޯއީތައް ހިންގުމަށް 760 މިލިއަން ރުފިޔާ ހޭދަކުރަން ވަނީ ކަނޑައަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
2023
01 April 2023
ތި ކުރީސަފުގަ އިން އައިނު އެޅިމީހާ އެއީ ސަރުކާރުން ބޮޑު މުސާރަ ނަގާގެން މިގޮތަށް ދަމަކުން ބަޑިއެއްޖަހާހެން ފެންނަމީހެއް.... ބޮއިހަލަކި
ފަހުދު.
30 March 2023
އެސްއޯއީތަކުގެ ވެރިންނައްވެސް ވިޔަފާރިވެރިން. މަ މުޅިން ބޮއެހަލާކު
ބޮޑުމީހާ
30 March 2023
ބޯކިބާފަޅާ ރިޔާސީ ނިޒާމު އޮވެގެން މިގައުމުގަ ވެރިކަންކުރެވޭނީ ދެގޮތަކަށް. އެއްގޮތަކީ ޔާމީނު ކުރިހެން އެންމެން ޖަލަށްލައިގެން ކުރުން. ދެވަނަ ގޮތަކީ އިބޫ ކުރާހެން އެންމެންނަށް ބައިއަޅައިގެން ކުރުން. (ނަޝީދު މި ދެގޮތްވެސް ބޭނުންނުވީތީ ވެރިކަން ވެއްޓުނީ) ހުރިހާ މައްސަލަތަކުގެ ފެށުމަކީ ރިޔާސީ ނިޒާމު، މިކަންކަން ހައްލުވާނީ ނިޒާމު ބަދަލުކޮށްގެން އެހެން ކުރިއަރާފައިވާ ގައުމުތަކުން މިސާލު ނަގައިގެން ކުރިއަށް ދިޔައީމާ.
އަފަ
30 March 2023
ލައްކަ ސްޓަޑީ ޓުރިޕު އަޅަންޖެހެޔޭ، ތަޖުރިބާ ހޯދައިލާ ހަދައިލަން. ދެން ކޮން ފައިދާއެއްތަ
މުޖުތާޒު
30 March 2023
ޢެސްއޯއީތަކުން ކޮންފައިދާއެށްލިބޭނީ ލިބޭއެއްޗެއްފެންކޮޅަކާނުލާދިރުވާލަނީ ދެންކޮންފައިދާއެށް ނުލިބޭވާހަކަމިދައްކަނީ އެއްމެބޮޑުތަބުވެސް އެހާވަރައްކައި އަމިއްލަގޮހޮރަށްލެވޭވަރު މަދުވީމަ އެހެންގޮހޮރުތަކަށްވެސް އެހާވަރަށްއަޅާ