އާބަންކޯގެ މެނޭޖިން ޑިރެކްޓަރު އަހުމަދު އާތިފު "މިހާރު" އަށް ވާހަކަދައްކަނީ. 30 ބިން ވިއްކަން ހުޅުވާލަނީ-- ފޮޓޯ: ފަޔާޒް މޫސާ/ މިހާރު
02 އެޕްރީލް 2023 - 13:53
14 comments
މިދިޔަ އަހަރު ދެ ބުރު މަތިން ހުޅުމާލޭ ދެވަނަ ފިޔަވަހިން ބިން ވިއްކައިގެން، އެއް ބިލިއަން ރުފިޔާ ލިބުނު ކަމަށާއި މިދިޔަ އަހަރު ނުވިކުނު 30 ބިމަށް ވަރަށް އަވަހަށް ހުޅުވާލާނެ ކަމަށް އާބަން ކޯގެ މެނޭޖިން ޑިރެކްޓަރު އަހުމަދު އާތިފު ވިދާޅުވެއްޖެ އެވެ.
"މިހާރު" އަށް ދެއްވި އިންޓަވިއުގައި އާތިފު ވިދާޅުވީ، މިދިޔަ އަހަރު ވިއްކި ބިންތަކުން އެއް ބިލިއަން ރުފިޔާގެ ބޮޑު ބައި ހޭދަކުރީ ލޯނު އަނބުރާ ދެއްކުމަށް ކަމަށެވެ. އޭގެ އިތުރުން މަގު ހެދުމާއި ހުޅުމާލޭ ދެވަނަ ފިޔަވަހީގެ ކަރަންޓުގެ މަސައްކަތްތަކަށް ވެސް އެ ފައިސާއިން ހަރަދު ކުރި ކަމަށެވެ.
ކުރިން އެޗްޑީސީގެ ނަމުގައި ހިންގި އެ ކުންފުނީގެ ދަރަނި މި ސަރުކާރު ވެރިކަމަށް އައި އިރު ހުރީ 14 ބިލިއަން ރުފިޔާގަ އެވެ. އޭގެ ތެރޭގައި ޗައިނާގެ ބޭންކްތަކުން 9.9 ބިލިއަން ރުފިޔާ އަށް އަރަ އެވެ. އެ ލޯނުތަކުގެ ތެރޭގައި ދެވަނަ ފިޔަވަހީގެ ހިޔާ މަޝްރޫއުގެ 7،000 ފްލެޓް އެޅުމަށް ނެގި ލޯނު ވެސް ހިމެނެ އެވެ. ލޯނު އަނބުރާ ދެއްކުމަށް އެ ކުންފުނިން ކޮންމެ އަހަރަކު ވެސް ބޮޑު ހޭދައެއް ކުރަން ޖެހެ އެވެ.
އާބަންކޯއަށް އެންމެ ބޮޑު އާމްދަނީއެއް ލިބެނީ، ބިން ވިއްކައިގެން ކަމަށްވާ އިރު މިދިޔަ އަހަރު ދެ ފަހަރު މަތިން އެޗްޑީސީއިން ވަނީ 137 ބިމެއް ވިއްކަން ހުޅުވާލައިފަ އެވެ. އޭގެ ތެރެއިން ދެވަނަ ބުރު ހުޅުވާލި 77 ބިމުގެ ތެރެއިން 30 ބިމެއް އޮތީ ނުވިކި އެވެ.
"އާންމުކޮށް އަހަރަކު އެއް ފަހަރު މި ހުޅުވާލަނީ. އެކަމަކު އަޅުގަނޑުމެންނަށް ކޮވިޑްގެ ތެރޭގައި އެދިޔަ ދެ އަހަރު ތެރޭގައި ލޭންޑް ސޭލެއް ނަހަދާ އޮތުމަށް ފަހު ލަސްކޮށް ހުޅުވާލެވުނީ. ދެން ތަންކޮޅެއް ކައިރި ކައިރީގައި ހުޅުވާލެވުނީ. އެއާ އެކު އެހެން ޕްރޮގްރާމުތަކަށް [ސޯޝަލް ހައުސިން ޕްރޮޖެކްޓް] ވެސް އޮތީ ހުޅުވާލައިފައި،" އޭނާ ވިދާޅުވި އެވެ.
އެ 30 ބިމަށް ވަރަށް އަވަހަށް ހުޅުވާލުމަށްޓަކައި އާބަންކޯއިން މިހާރު އަންނަނީ ތައްޔާރުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާ އްޖެތެރެ
03 April 2023
ރާ އްޖެތެރޭގެ ހުރިހާ ރަ އްތަކުގެ ގޯތިތަ އްވެސް ބޮޑު އަކުގަ ވި އްކަންޖެހޭނީ. ވަކިބަޔަކަށް ހިލޭދޭންޖެހޭތަ. އެ އީވެސް ލޯންނަގާގެން ހި އްކާފަހުރި ތަންތަން
މުޑަހަންޖާ
03 April 2023
ކުރީގަ ކ.މާލޭ މުނިސްޕަލްޓީއޭކިޔާ ތަނެއް ހަދައިގެން ބައިތުލްމާލު ރަށަށް ކަހަމުން ދިޔައީ. މިހާރު ޒާތެއްގެ ކުންފުންޏެއްގެ ނަމުގަ މިގޭހެއް އަނބުރަނީ. ސަރުކާރަށް ކުޑަބިންކޮޅެއްދީފައޭ ކިޔާފަ 800 މިލިއަން ބައިތުލްމާލުން އެދިނީ އިހައްދުވަހު، އޭގެ ކުރީގަ އެންބަސީއަޅަން ބިމެއް ގަންނަނީއޭކިޔާފަ ބައިތުލްމާލުން 400 މިލިއަން. މިއިރު ކ.މާލޭމީހާއަށް ބިންތައް ހިލޭ.
ނެތާސް
02 April 2023
ބިންވިއްކައި ހުސްވެއްޖެ. ބިލިޔަން ރުފިޔާ ހުސްވެއްޖެ. ދެން؟ އާރބަން ކާރބަން އަށް ވެގެން ހިނގައިދަނެ.
ދެން ނުވިކޭނެ
02 April 2023
ކުރިން ބިން ވިކުނުގޮތަކައް ދެން ބިމެއް ނުވިކޭނެ. ބައިވަރު ބިންތަކެއް ހިލޭ ދޭންނިންމާފައިވާއިރު ބޮޑުއަގުގަ ގަންނަން ބޭނުންވާމީހުން މަދުވާނެ. އަދި ހިލޭ ބިންލިބޭމީހުންގެ ތެރެއިން ބައެއްމީހުން އެމީހުންނައް ލިބޭބިންތައް ވިއްކާނެތީ ސަޕްލައި އިތުރުވާނެ.
ކޫލޯ
02 April 2023
މާލޭގެ ނިކަމެތި ބޭފުޅުންނަށް ހިލޭ ތިރީސް ބިންވެސް ދޭން ފެންނަނީ
އޮނަރަބްލް އަފީފު ދީދީ
02 April 2023
ކޮންމެއަހަރެއްގެ ބަޖޭޓްގެ %85 ކ.އަތޮޅު މާލެއަށް އަދި ދައުލަތުންކުންފުންޏެއްހަދާ ދައުލަތްދަރަނިކޮށް ބިލިޔަން ޑޮލަރުނަގައިހެން ހުޅުމާލެތަރައްޤީކޮށް ބިމާއި ފުލެޓްވެސް އެރަށުމީހުނަށް. # ތިހެން ތިކަންކުރާނަމަ ރައީސްގެ ޤަރާރަކުން އާބަންކޯގެދަށަށް ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ. ގުރައިދޫ، ތިމަރަފުށި، ވިލުފުށި، ލ. ގުޅިފައިވާރަށްތައް، ހުވަދުއަތޮޅު ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫ ގެނެސް އެރަށްތަކުގެ ހިއްކަބަލަ.
ގިމިތީ ހަސަނު
02 April 2023
ތަނުގެ ނަން ފާބަނބުކޭލަށް ބަދަލު ކުރީމަ ނިމުނީނުން ދެން. ދެން، ސަރުކާރުން ހިލޭ ބިން ދެނީ ކޮން ފޯމިއުލާ އަކުންނޯ؟ އަދުލު އިންސާފަކީ ވަކި ބަޔަކު ބޭނުންވީމަ ރޮށްޓާޖަހައިގެން ކެވޭ އެއްޗެއްތަ؟ އަހަރެމެންނަށް އިންސާފުދެއްވާނެ އަހަރެމެން ހެއްދެވި ފަރާތުން. މާ ސްމާޓު ކަމަށް ހެދިގެން މިއަދު އުޅެލާ.
ޖުކި
02 April 2023
މަށަށް ފެނޭ ސަރުކާރުން މޯލްޑިވް ރިސޯޓްސް ކިޔާ ކުންފުންޏެއް ވެސް ހަދަން. ހުރިހާ ރިސޯޓު ކުލި އެކުންފުންޏަށް. މީރާއަށް ވައްދާނެ ކަމެއް ނެތް. ދެން މިހާރަށް ވުރެވެސް ކަރަޕްޝަން ފަސޭހަވީ. އެޗްޑީސީ މިއޮތީ ގޮތެއް ދައްކާފަ
މެޓާ
03 April 2023
ތިކަން މިހާރުވެސްކުރޭ. އެކުންފުންޏަށް ކިޔަނީ އެމްޓީޑީސީ. ފެށުމުގައިވެސް ކޮރަޕްޓްތަނެއް އެއީ.
ބޮޑުމީހާ
02 April 2023
މާލެ ސަރަހައްދުގައި ފްލެޓް ބޭނުންވަނީ 35000 ވަރަަކަށް މީހުންނަށް. މި މީހުންނަށް ބޭނުންވާވަރަށް ފްލެޓް 2-3 އަހަރު ތެރޭ އެޅުމުގެ ކެޕޭސިޓީ ދައުލަތުގެ ހުރެމެ، އެކަންކަން ނުކޮށް ލަސްކުރަނީ. އިޖްތިމާއި، އިގްތިސާދީ މައްސަލަތަކުގެ ފެށުން މިއަންނަނީ ބޯހިޔާވެހިކަމުން. ރައްޔިތުން ދުވަނީ ކޮންމެވެސް ސިޔާސީ މީހެއްގެ ފަހަތުން، އިޖްތިމާއީ މައްސަލަތައް ހައްލުކުރަން މަސައްކަތްކުރާނެ ބަޔަކު ނެތް
ހިތަދޫ ހުސެން
02 April 2023
"އެއް ބިލިއަން ރުފިޔާގެ ބޮޑު ބައި ހޭދަކުރީ ލޯނު އަނބުރާ ދެއްކުމަށް ކަމަށެވެ." މިކަން މިހެން އޮއްވާ 2000 ގޯތި އެއީ ކިތަށް ބިލިއަން ތޯ ހިލޭ ބަހާލަނީ ތި؟ ވަކި ބަޔަކަށް އެޕާޓްމެންޓް ލޯން އުސޫލުން އަނެއް ބަޔަކަށް ބޯހިޔާ ނަމުގަ ވިޔަފާރި ފުރުސަތު ފަހި ކޮއްދެނީ ހިލޭ ލޯން ސަރުކާރުން ނަގައިގެން