ގެއްލިފައިވާ އެމްއެޗް 370 ހޯދުމުގެ މަސައްކަތް ކުރަނީ.
22 ޖެނުއަރީ 2017 - 15:37
3 comments
ޕާތު (ޖެނުއަރީ 22) - ގެއްލިފައިވާ މެލޭޝިއަން އެއާލައިންސްގެ ބޯޓު އެމްއެޗް370 ހޯދުމުގެ މަސައްކަތް އަންގާރަ ދުވަހު ހުއްޓާލާފައިވާތީ އެ މަސައްކަތް ކުރިއަށް ގެންދިއުމަށް ބޯޓުން ދަތުރުކުރި މީހުންގެ އާއިލާތަކުން އެދިއްޖެ އެވެ.
އެމްއެޗް370 ހޯދުމަށް ބާރު އެޅުމަށް އާއިލާތަކުން އުފައްދާފައިވާ ވޮއިސް370 ކެމްޕޭން ގްރޫޕުން ނެރުނު ބަޔާނެއްގައި ބުނީ ޕާތުގައި އޮސްޓްރޭލިއާ އާއި މެލޭޝިއާގެ ޓްރާންސްޕޯޓް މިނިސްޓަރުން މިއަދު ބާއްވާ ބައްދަލުވުމުގައި ވަނީ ބޯޓު ހޯދުން ހުއްޓާލި މައްސަލަ އަލުން މުރާޖައާ ކޮށްދިނުމަށް އެދިފައި ކަމަށެވެ.
ކުއާލަ ލަމްޕޫރުން ފުރައިގެން ބެއިޖިން އަށް ދަތުރުކުރި ބޯޓު ގެއްލުނީ މާޗު 8، 2014 ގަ އެވެ. އޭގެ ތިން އަހަރު ފަހުން ބޯޓު ހޯދުން ހުއްޓާލަން އޮސްޓްރޭލިއާ އާއި މެލޭޝިއާ އަދި ޗައިނާ އިން ނިންމީ 120،000 އަކަ ކިލޯމީޓަރު (46،000 މޭލު)ގެ ސަރަހައްދެއް ބެލުމަށް ފަހު ވެސް އުންމީދީ ނަތީޖާއެއް ނުލިބުމުންނެވެ.
އޮސްޓްރޭލިއާގެ ޓްރާންސްޕޯޓް މިނިސްޓަރު ޑަރެން ޗެސްޓާ ވިދާޅުވީ އެމްއެޗް370 ހޯދުން ހުއްޓާލުމަކީ ބޯޓުން ދަތުރުކުރި މީހުންގެ އާއިލާތަކަށް ލިބޭނެ ވަރަށް ބޮޑު މާޔޫސްކަމެއްކަން އެނގޭ ކަމަށެވެ. ނަމަވެސް ބޯޓު ހޯދުން މި ވަގުތަށް ހުއްޓާލި ނަމަވެސް ބޯޓު ފެނިދާނެ ކަމުގެ އުއްމީދެއް ލިބިއްޖެ ނަމަ އެ މަސައްކަތް އަލުން ފަށާނެ ކަމުގެ ފުރުސަތު ބޮޑު ކަމަށް ވިދާޅުވި އެވެ.
ބޯޓު ހޯދަން ކުރި މަސައްކަތުން އޭގެ އެއްވެސް ނިޝާނެއް ނުފެނުނު ނަމަވެސް އިންޑިއާ ކަނޑުގެ ހުޅަނގުގެ ގައުމުތަކުން ވަނީ ބޯޓާ ގުޅުން ހުރި ކަމަށް ބެލެވޭ 20 އެއްޗެއް ފެނިފަ އެވެ. އޭގެ ތެރެއިން ހަތް އެއްޗަކީ ގެއްލުނު ބޯޓުން ވަކިވެފައިވާ ބައިތައްކަން ވަނީ ކަށަވަރު ކުރެވިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓަލިސްޓް
22 January 2017
ދެންހޯދުމުގެ އަސްލުއޮތީ އެންމެ ބޭނުމެށް ، އެއީ އެއިގެ ބައިތަށް ހޯދައި ތަހުލީލްކޮށް އޭގެ ބުލެކްބޮކްސް ހޯދައިގެން ފްލައިޓަށް ވީގޮތެއްހޯދުން ،،، އޭރުން ފްލައިޓްކުރޭޝްވީނަމަ ވާންޖެހުނުސަބަބަކާއި ނޫނީ ބަޔަކު ގޮއްވާލައިފައިއޮތަސް އެކަންވެސް ސާފްވާނެ ،، އަދި ޓެކްނިކަލް މައްސަލައެއްނަމަ އެކަންވެސް ސާފްކޮށް ފަހުން އެކަހަލަ ހާދިސާއެއް ދިމާނުވާނޭގޮތަށް ފިޔަވަޅު އެޅޭނީވެސް ،، މިހާތަނަށް އެންޓީއެސްބީން ވެސް އެކަން ކޮއްފައިއޮތީ އެހެން ،، ނަމަވެސް މިހާދުވަސް ވަންދެން ކަނޑުއަޑީގައި އޮތްނަމަ ބުލެކްބޮކްސްގެ އިލެކްޓްރޯނިކް ބޯޑް ސަލާމަތުން އޮތުމަކީވެސް ވަރަށް ނާދިރު ކަމެށްކަމަށް ގިނަ މާހިރުންބުނޭ ،،، އެއީ އަޑީގެ ޕްރެޝަރގައި އެއަށް ގެއްލުންވާނެތީވެ ،، ދެންއޮތީ އާޢިލާތަކަށް އޮތީ ކޮންއުފަލެއްތޯ ؟؟ ހަގީގަތުގައި މިހާރު ކަނޑުއަޑީގައިއޮތްނަމަ އެއްވެސް މީހެއްގެ އައިޑެއްޓިޓީއެއް ސާފެއްނުވާނެ ،،، ކަޑިތަކެއް ފަހަރުގައި ފެނިދާނެ ،،،، ވަރަށްވެދުން
ފޮނިކަލޯ
22 January 2017
ތި ޢާއިލާ ތަކުން އެދެންވީ ކުޑަހުވަދޫ މީހުން ކައިރީގައި އެންމެފަހުންވެސް ފެނުނީ އެމީހުންހުންނައް އަދިވެސް ތިން ވާނީ ހަމަ އެމީހުންނައް
ހަޑިގިއްލާ
23 January 2017
ޖޯކުޖަހަންވީކީ ނޫން! ކުޑަހުވަދޫ އެތަކެއްބަޔަކަށް މެލޭޝިޔަސްއެއާރލައިންގެ ބޯޓަކާވައްތަރު އެވަރުގެ ބޮޑު ބޯޓެއް ފެނުނުކަން އޭ ތެދު ހަޤީގަތެއް! އަދި ފަންނީ މާހިރުންގެ ދިރާސާއިން އެމް.އެޗް 370 އަށް އޮޓޯޕައިލެޓް މޯޑުގަ ކުޑަހުވަދޫ އާއި ހިސާބައް އެބޯޓަށް އާދެވިދާނެކަމަށް ލަފާކުރިވަގުތާއިވެސް ދިމާވޭ! ނަމަވެސް އެއްވެސް ތަހުޤީގަކާނުލާ އެމްއެންޑީއެފުން ވަގުތުން އެކަން ދޮގުކޮށް އެއީ އެމްއެޗް ނޫންކަމަށް ބުނި! އެކަމު އަދި މިއަދާހަމައަށްވެސް އެމްއެންޑީއެފަކަށް އެއީ ކޮންބޯޓެއްކަން ބުނެދެވިފައެއް ނުވޭ! ވަރަށް ސަލާމް