ހިޔާ ފްލެޓެއްގެ ޓެރަސް ސިޑިމަތީގައި މަސްތުވެގެން ހުރި މީހަކު އިށީދެލައިގެން--. ފޮޓޯ: ނިޝާން އަލީ
17 އެޕްރީލް 2023 - 13:29
5 comments
މަސްތުވާތަކެތި ބޭނުންކުރާ މީހުންނަށް ފަރުވާ ދިނުމަށް ބޭނުންވާ "ވެލްނެސް ސެންޓަރު" އިމާރާތް ކުރަން ހުޅުމާލެ އިން ބޮޑު ބިމެއް ނޭޝަނަލް ޑްރަގް އެޖެންސީ (އެންޑީއޭ) އަށް ގަނެފި އެވެ.
އެ ބޯޑުގެ ޗެއާމަން ޝަމާއު ޝަރީފު "މިހާރު" އަށް ވިދާޅުވީ ހުޅުމާލެ 1 އިން 10،000 އަކަފޫޓު ބިމެއް ގަނެ، އެ ތަން އެ އެޖެންސީ އަށް ރަޖިސްޓަރީ ކޮށްފައިވާ ކަމަށެވެ.
އޭނާ ވިދާޅުވީ، މަސްތުވުމުން ސަލާމަތް ވާން ބޭނުންވާ މީހުންނަށް ވެލްނެސް ސެންޓަރުން ފުރިހަމަ ވަސީލަތްތައް ލިބޭނެ ކަމަށެވެ. އޭގެ ތެރޭގައި އަންހެނުންނާއި ކުޑަކުދިންނަށް ފަރުވާ ލިބޭނެ ގޮތްތައް ހިމެނެ އެވެ.
އެ ތަނުގެ ކޮންސެޕްޓް ފައިނަލް ކޮށްފައިވާއިރު، ދެން އޮތީ ވެލްނެސް ސެންޓަރު ކުރެހުމެވެ. ނަމަވެސް، އަމަލީ މަސައްކަތް ފެށޭނީ އަންނަ އަހަރު ކަމަށް، ހެލްތު މިނިސްޓްރީގެ ޑެޕިއުޓީ މިނިސްޓަރުކަން ވެސް ކުރައްވާ ޝަމާއު ވިދާޅުވި އެވެ.
"މިހާރު ހުރި ސެންޓަރުތަކަށް ވުރެ ބޮޑަށް ޕްރިވެންޝަންއަށް ވަރަށް ބޮޑަށް މަސައްކަތް ކުރެވޭނެ ވެލްނެސް ސެންޓަރުން. މިހާރު ބޮޑަށް ފޯކަސް ހުރީ ސަބްސްޓެއިން ޔޫސްއަށް ފަރުވާ ދިނުމަށް،" އޭނާ ވިދާޅުވި އެވެ.
ޝަމާއު ވިދާޅުވިގޮތުގައި، އެންޑީއޭގެ ވެލްނެސް ސެންޓަރުން މަސައްކަތް ފެށުމުން، އާއްމުންގެ ކޮންމެ މީހަކަށް ވެސް އެ ތަނުން އެހީ ހޯދޭނެ އެވެ.
މަސްތުވުމުން ސަލާމަތް ވުމަށް ރާއްޖޭގެ އެކި ހިސާބުތަކުގައި 11 ސެންޓަރު އެބަހުއްޓެވެ. ނަމަވެސް، އެ ތަންތަނުން އެކަށީގެންވާ ގޮތެއްގައި ފަރުވާ ނުލިބޭ ކަމުގެ ޝަކުވާ އަބަދު ވެސް ވަރަށް ބޮޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔުނިވަރސިޓީ އޮފް ކޮރަޕްޝަން!
18 April 2023
މި ގައުމައް ބޭނުންވަނީ ވައްކަންކުރަން ދައްކޮއްދޭ ކޮލެޖެއް. ޔުނިވަރސިޓީއެއް. މިހާރު މިވާގޮތަކީ ގްރޭޑް ފަހަކުން ސްކޫލުން ކެނޑިގެން ޑްރަގް ވިޔަފާރިއާ ރިޝްވަތު ދިނުމުގާ އުޅޭ މީހުން ޓެސްލާ، ބެންޒް ކާރުގައި ފައިސާއިން އުދުހޭއިރު، ހޭބޯނާރާ ކިޔަވާ ކުދިން އަތުގައި ނޯވޭ މުކޮސްވެސް! މިގައުމުގަ މޮޅައް ކިޔަވަންވީ ގައުމުދަވާލާ ހުސްކޮއްލަން! ވަގު ވިޔަފާރި ކުރަން! ކޮރަޕްޓް ކުރަން އަދި ކޮރަޕްޓް ވާން ދަސްކުރަން! ކިޔަވައިގެން ނުކުންނަކުދިން މާމޮޅުވާނެ އެކަމައްވެސް!
މާފުށިން
17 April 2023
11 ސެންޓަރު ހުރިއިރު އެކަށީގެންވާ ފަރުވާ ނުދެވޭ ވާހަަކަ މިޚަބަރުގައި ލިޔެފައި އެބަ އޮތް. ފަރުވާ ނުދެވެނީ ޓްރެއިންޑް މީހުން ނެތީމަ. ކިޔަވައިގެން އައިސް އެއްވެސް މީހަކު އަތޮޅުތެރޭގައި މަސައްކަތް ކުރަން ބޭނުމެއް ނުވޭ . އެންމެ ކައިރީގައި މި އޮތް ހިއްމަފުށީގައި ހުރި ރީހެބްގައި ވެސް އެކަށީގެންވާ ފަރުވާއެއް ދެވޭނެ އަދަދަށް ތަމްރީނުވެފައި ތިބި މީހުންނެއް ނެތް.
އޮނަރަބްލް އަފީފު ދީދީ
18 April 2023
ކ.އަތޮޅު ތެރޭގެ ރަށެއްކަމަށްވާ މާލޭގައި ވަޒީފާ އަދާކުރާން މީހުން ބޭނުންވަނީ ތިރަށަކީ މާ މުޤައްދަސް ރަށްކޮޅަކަށް ވެގެންނެއްނޫން އިގޭތޯ. # އެކަމަކު މީހުން އެގޮތަށް އެކަންކުރަނީ ރާއްޖޭގެ އެހެން ރަށްރަށުގެ ރައްޔިތުނަށް ބޭނުންވާ އަސާސީ ހިދުމަތްތަކުން އެމީހުން މަޙުރޫމްކޮށް މަޖުބޫރީ ޙާލަތް މެދުވެރިކޮށް އެރަށްރަށުގެ ރައްޔިތުން ވަޒަނުން ބޭރުކުރުމުގެ ނުބައިނުލަފާ "ސިއްރުވެރި" ސިޔާސަތެއް ގެންގުޅޭކަން އެމީހުނަށްވެސް އިގޭތީ. އެއީ ތިކަމުގެ ޙަޤީގަތަކީ.
ބޮޑުމީހާ
17 April 2023
މގައުމަށް ބޭނުންވަނީ އިސްލާހިއްޔާއެއް. މިހާރު ތިބި ސިޔާސީ އެންމެން އެތަނަށް ލައި ހަތްފެނުން ދޮވެގެން ނޫނީ ގައުމު އިސްލާހުވުމެއް ނެތް. ކިތަންމެ ވެލްނެސް ސެންޓަރ ހެދިޔަސް ކިލޯކިލޯއިން މަސްތުވާތަކެތި ގެންނަ މީހާ އަތުން މަސްތުވާތަކެތި އަތުލައި އޭނަ އަބުރާ ގައުމަށް ފޮނުވައިގެން މިމައްސަލަ ހައްލެއް ނެތް. އަދި ބައިތުލްމާލުން ވައްކަންކޮށްފަ ތިބި މީހުންނާއި ދައުލަތަށް ޓެކްސް ނުދައްކާ މީހުން ދައުލަތުގެ އިސްމަގާމުތަކުގައި ތިބެގެން ކަންކަން ހައްލެއް ނުވާނެ
އޮނަރަބްލް އަފީފު ދީދީ
17 April 2023
ތިޔަ އިމާރާތާއި ޖެހިގެން ހަދާންވާނެ ޑޭކެއަރ އަކާއި އޭޖް ކެއަރ ސެންޓަރަކާއި ބޭބީ ނާސަރީ ސްކޫލެއްވެސް. އަދި ހޮސްޕިޓަލަކާއި ފައިބަރު މަސައްކަތް ކުރާތަނަކާއި ޕެޓްރޯލް ޝެޑެއްވެސް ބަހައްޓާން ވާނެ. # އެހެންނާ ފަހެ ޑްރަޤް ނަގާ ޑްރަޤްގެ ވިޔަފާރި ކުރާމީހުންގެ އައްޑާ ހަދާން މިއުޅެނީ ރާއްޖޭގައި އޮތް ބިމުގެ އަގު އެންމެ ބޮޑު ރަށުގެ ތެރެއިން ރަށެއްގައި. ބަލަ ތިޔަ ސެންޓަރު ހަދާބަލަ ރާއްޖޭގެ އުތުރުން ދަތުރު ފަތުރުކުރަން އެންމެ އުދަގޫ ރަށެއް ބަލާފަ އެރަށުގައި.