މި ރޯދަމަހު ސަފާ ގުރޫޕްގެ ހަވާލުގައި އުމްރާ އަށް ދާ މީހުންނާއެކު، އެ ގުރޫޕުން ބޭއްވި ބައްދަލުވުމެއްގައި އެ ގުރޫޕްގެ ވެރިޔާ ނަސީމް (ކ-4) ބައިވެރިވެވަޑައިގަންނަވަނީ.
09 އެޕްރީލް 2023 - 12:43
55 comments
ސަފާ ހައްޖު އެންޑް އުމްރާ ގްރޫޕްގެ ހަވާލުގައި މި އަހަރު އުމްރާ އަށް ދާ 200 އާ ގާތްކުރާ އަދަދެއްގެ ބަޔަކަށް ނުފުރި ލަސްވީ ވިސާ ނަގަން ހަވާލުކުރި ސައޫދީ އަރަބިއްޔާގެ ކުންފުނީގެ މައްސަލައަކުން ކަމަށާއި އެ މީހުންނަށް ދައްކަންޖެހޭ ހުރިހާ ފައިސާއެއް ވެސް ހުރީ ދައްކާފައި ކަމަށް ސަފާ ގުރޫޕުގެ ވެރިޔާ އަބްދުﷲ ނަސީމް މިއަދު ވިދާޅުވެއްޖެ އެވެ.
މީގެ 18 އަހަރު ކުރިން ފެށިގެން ހައްޖަށާއި އުމްރާ އަށް މީހުން ގެންދާ ސަފާ ގުރޫޕްގެ ހަވާލުގައި މި ރޯދަމަހު އުމްރާ އަށް ދާ 181 މީހުން ފުރުން މިދިޔަ ބުރާސްފަތި ދުވަހު ހެނދުނު ކުއްލި ގޮތަކަށް ކެންސަލްކުރީ ވިސާ ހަމަނުޖެހޭ ކަމަށް ބުނެ އެވެ. އެހެންވެ، އެތައް ބައެއްގެ ފާޑުކިޔުމާއި ފިއްތުންތައް ސަފާ ގުރޫޕަށް ވަނީ ކުރިމަތިވެފަ އެވެ.
އެ ހުރިހާ ޕްރެޝަރުތަކާ އެކު، ސަފާ ގުރޫޕުން މިހާރު ވަނީ 181 މީހުން އުމްރާ އަށް ގެންދަން ފްލައިޓެއް ޗާޓަރު ކޮށްފަ އެވެ. އެ ޖަމާއަތުގެ ވެރިޔާ އަދި މެނޭޖިން ޑިރެކްޓަރު ނަސީމް "މިހާރު" އަށް ވިދާޅުވީ އަންނަ އަންގާރަ ދުވަހު އެ އެންމެން އުމްރާ އަށް ފުރުވައިލުމުގެ ހުރިހާ އިންތިޒާމެއް މިހާރު ހަމަޖައްސައިފައިވާ ކަމަށެވެ.
"އެ މީހުންގެ ވިސާގެ ހުރިހާ ކަމެއް މިހާރު ވަނީ ހަމަޖެހިފައި. އިރާދަކުރެއްވިއްޔާ އެއްވެސް މައްސަލައެއް ދެން ދިމައެއް ނުވާނެ،" ނަސީމް ވިދާޅުވި އެވެ.
ވިސާ އަށް ފައިސާ ވެސް ދެއްކި، ފަހު ވަގުތު ދިނީ ލަނޑު
އުމްރާވެރިންގެ ވިސާ ނަގައި ދިނުމުގެ ހުރިހާ ކަމެއް ސަފާ ގުރޫޕުން ފުރަތަމަ ހަވާލުކުރީ ސައޫދީގެ ކުންފުންޏެއް ކަމަށްވާ އުސޫލުލް ބައިތާ އެވެ. ނަސީމް ތުހުމަތު ކުރައްވާ ގޮތުގައި ވިސާ ހަމަނުޖެހި، ބޮޑު ކަންތައްގަނޑަކާ ކުރިމަތިލާން ޖެހުނީ ސައޫދީ ކުންފުންޏާ ގުޅިގެން ދިވެހިންގެ ބަޔަކު ދިން "ލަނޑެއްގެ" ސަބަބުންނެވެ.
"ފުރަތަމަ ވެސް ތިމަންނަމެންނަށް މި ކަން ނުކޮށްދެވޭނެއޭ ބުނި ނަމަ އެހެން ބަޔަކު ލައްވާ ވެސް ވަގުތު އޮއްވައި މިކަން ކުރެވުނީސް. ދެ ދުވަހާއި އެ ރޭގެ ހަތަރުދަން ދިޔައީ [ވިސާ] މި ނިންމައިދެނީއޭ، ހަމަޖެހެނީއޭ، އެބަ ލިބެއޭ ކިޔަމުން. އަޅުގަނޑު ބުނަމުން ދިޔައިން ކަލޭމެންނަށް އަޅުގަނޑުމެން ދިން ފައިސާ ނުލިބުނު ކަމަށް ވިޔަސް ތި ކެންސަލް ކުރާށޭ. ބުނާއިރަށް ބުނޭ، ވިސާ ސިސްޓަމްގައި އެބަހުއްޓޭ. ފޮނުވައިދެނީއޭ،" ނަސީމް ވިދާޅުވި އެވެ.
"އެ ކަހަލަ ދޮގާއި މަކަރުތަކެއް ހަދައިގެން ހިފަހައްޓަމުން ދިޔައީ. މާދަމާ ފުރާ ކަމަށް ވަންޏާ އެ ރޭގެ ދަންވަރު ދެގަޑި ބަޔާއި ތިން ގަޑި ބައިގައި ވެސް އަޅުގަނޑު ގުޅަމުން ދަނިކޮށް އެންމެ ފަހު ވަގުތު ބުނީ ވަރަށް ބޮޑަށް ސޮރީއޭ، ސިސްޓަމް އެއްކޮށް ފެއިލް ވެއްޖެއޭ. ދެން ނެތް އެހެން މީހަކާ ގުޅައިގެން ވިސާ ހަމަޖައްސާނެ ވަގުތެއް ވެސް."
ނަސީމް ވިދާޅުވީ، އެ ޖަވާބު ލިބުމާ އެކު އެހެން ތިން ކުންފުންޏަކަށް ގުޅުއްވި ކަމަށާއި ސިސްޓަމަށް ވިސާ އަޕްލޯޑް ކުރަން ހަ ގަޑިއިރު ނަގާނެ ކަމަށް އެ ކުންފުނިތަކުން އެންގި ކަމަށެވެ.
މި ރޯދަމަހު ސަފާ ގުރޫޕްގެ ހަވާލުގައި އުމްރާ އަށް ދާ މީހުންނާއެކު، އެ ގުރޫޕުން ބޭއްވި ބައްދަލުވުމެއްގައި ބައިވެރިވި މީހުން.
"ފައިސާގެ އެއްވެސް މައްސަލައެއް ނޫޅޭނެ. އިސްލާމިކް މިނިސްޓްރީން ބޭނުންވެގެން އެ ހުރިހާ މުއާމަލާތްތަކެއް ވާނީ އެ މިނިސްޓްރީއާ ވެސް ހިއްސާ ކޮށްފައި. ވިސާ އަށް ފައިސާ ދެއްކި ތަފުސީލުތަކާއި ޕާސްޕޯޓް ސިސްޓަމަށް އަޕްލޯޑް ކުރި ތާރީހާއި މައްކާގެ ހޮޓަލަށް ދެއްކި ފައިސާގެ މުއާމަލާތުތައް ވެސް ވާނީ އިސްލާމިކް މިނިސްޓްރީ އަށް ސާފުކޮށްދީފައި. ލިޔެކިޔުންތައް ވެސް ފޮނުވިން،" ނަސީމް ވިދާޅުވި އެވެ.
އޭނާ ވިދާޅުވީ، ވިސާގެ ކަންތައްތަކުގައި ލަނޑު ދިން ކުންފުންޏަށް ސަފާ ގުރޫޕުން ވަރަށް ބޮޑަށް އިތުބާރު ކުރި ކަމަށާއި ވިސާ ނެގުމަށް ފަހު، އުމްރާ ނިންމާފައި ފައިސާ ދައްކަން ވެސް ގުރޫޕުން އަނގަބަހުން ފުރަތަމަ އެއްބަސްވި ކަމަށެވެ.
އެކަމަކު ވެސް ކުރިން އެ ކުންފުންޏަށް ވިސާގެ ފައިސާ ވެސް ޖަމާކޮށްދީ، އަދި މި ރޯދަމަހުގެ ފަސް ވަނަ ދުވަހު ޕާސްޕޯޓްތައް ވެސް ސިސްޓަމަށް އަޕްލޯޑް ކޮށްދިން ކަމަށް ނަސީމް ވިދާޅުވި އެވެ.
"އެހެންވީމާ މި ހިސާބަށް އެ މީހުންނަށް ވިސާ ހޯދައި ނުދެވުން އެއީ އެ މީހުން ޒިންމާވާން ޖެހޭނެ ކަމެއް. އެންމެ ފަހު ވަގުތު ނޫން ސިސްޓަމް އެރާ އަރަން ޖެހެނީކީ. ފޯނުން ވަރަށް ދިގުކޮށް އަޅުގަނޑުމެން ވާހަކަ ދައްކައިގެން ވެސް ހައްލުވާ ގޮތެއް ނުވި،" ނަސީމް ވިދާޅުވި އެވެ.
މިހާރު ވަނީ ވިސާގެ ހުރިހާ ކަމެއް ހަމަޖެހިފައި
ސަފާ ގުރޫޕްގެ ވެރިޔާ ވިދާޅުވީ، މި ރޯދަމަހު އެ ގުރޫޕްގެ ހަވާލުގައި އުމްރާ އަށް ދާ 181 މީހުންގެ ވިސާގެ ކަންކަން މިހާރު ހަމަޖައްސައި، ފްލައިޓް ވެސް ޗާޓަރު ކޮށްފައިވާ ކަމަށެވެ. މި ފަހަރު ވިސާގެ ކަންކަން ހަމަޖައްސައިދިނީ "ވަރަށް އިތުބާރު ކުރެވޭ" ސައުދީގެ ކުންފުންޏަކުން ކަމަށް އޭނާ ވިދާޅުވި އެވެ.
ސަފާ ގުރޫޕުން ޗާޓަރުކުރީ "ސަލާމް އެއާ" އެވެ.
ފައިސާގެ އެއްވެސް މައްސަލައެއް ނޫޅޭނެ. އިސްލާމިކް މިނިސްޓްރީން ބޭނުންވެގެން އެ ހުރިހާ މުއާމަލާތްތަކެއް ވާނީ އެ މިނިސްޓްރީއާ ވެސް ހިއްސާ ކޮށްފައި. ވިސާ އަށް ފައިސާ ދެއްކި ތަފުސީލުތަކާއި ޕާސްޕޯޓް ސިސްޓަމަށް އަޕްލޯޑް ކުރި ތާރީހާއި މައްކާގެ ހޮޓަލަށް ދެއްކި ފައިސާގެ މުއާމަލާތުތައް ވެސް ވާނީ އިސްލާމިކް މިނިސްޓްރީ އަށް ސާފުކޮށްދީފައި. ---ނަސީމް
ނަސީމް ވިދާޅުވީ، ފްލައިޓް ޗާޓަރު ކުރުމާއި 181 މީހުންގެ ވިސާ އަލުން ހަމަޖައްސަން 3.35 މިލިއަން ރުފިޔާ ހަރަދު ކުރަން ޖެހުނު ކަމަށެވެ.
"ސަފާ ގުރޫޕުގެ ފައިސާ އިން ހަމަނުވެގެން އަޅުގަނޑުގެ އާއިލާގެ އެކި މީސްމީހުންގެ އަތުން ފައިސާ ނަގައިގެން މި ހަމަޖެއްސީ. ދައްތަމެންނާއި ކޮއްކޮމެންގެ އަތުން ވެސް ފައިސާ ނަގަން ޖެހުނު،" އޭނާ ވިދާޅުވި އެވެ.
"ފްލައިޓް ޗާޓަރު ކުރި ލިޔެކިޔުންތަކާއި ވިސާގެ ލިޔުންތައް ވެސް އަޅުގަނޑުމެން ވާނީ އިސްލާމިކް މިނިސްޓްރީއާ ހިއްސާ ކޮށްފައި."
ނަސީމް ވިދާޅުވިގޮތުގައި މިއީ މިދިޔަ 18 އަހަރުގެ ތެރޭގައި އޭނާ އަށް މިވަރުގެ ކަމެއް ދިމާވި ފުރަތަމަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިރާސް
11 April 2023
ވިސާ ދޫކުރާ ސަޢުދީ ކުންފުނި ތަކުގެ ކަންކަން ހުންނަގޮތް އެނގޭމީހަކު އަދި ސަޢުދިއަރަބިއްޔާގައި ޢާންމުކޮށް ޢުމުރާވެރިންތިބޭ ފެންވަރުގެ ހޮޓާތަކުގެ ކަންކަން ހުންނަ ގޮތާ އެތަންތަނުގެ ވެރީން ޢަމަލު ކުރާގޮތް އިނގޭ މީހަކު މިތަނުގައި ކޮމެންޓް ކޮށްފައިވާ އުސްލޫބުން ނުކުރާނެ. އެއީ ވަރަށް މެނޭޖުކުރަން އުނދަގޫކަމެއް. ވިޔަފާރިއެއްވީމަ ފައިދާއަށް ބަލާނެ. ނަމަވެސް ރާއްޖޭގައި މިދޭ ފެންވަރުގެ ޚިދުމަތް ޢުމުރާވެރިންނަށް އެހެން އެއްވެސް ޤައުމަކުން ދޭހެނެއް ހިއެއްނުވޭ
ކެޔޮދަޅި
11 April 2023
ކޮބާތަ، ސަލްޖަމްގޭ މުސްތޮފާ، ހައްޖަށް މީހުންގެންދަން އެތައްބަޔެއްގެއަތުން ފައިސާ ނަގާފަ ނުގެންދެ ވުނު މީހުންނަށް ދޭންބުނި ފައިސާ އަދިއަދަށްވެސް ނުލިބޭ. މިހާރު ކިތައް އަހަރު މިވީ.
ޱަބިޔާ
10 April 2023
ސަފާ ގުރޫޕުގެ ފައިސާ އިން ހަމަނުވެގެން އަޅުގަނޑުގެ އާއިލާގެ އެކި މީސްމީހުންގެ އަތުން ފައިސާ ނަގައިގެން މި ހަމަޖެއްސީ މިކިނެއްވާކަމެއްބާ 181 މީހުންނައް 6،8 މިލިއަން ބޮލަކަށް 38000/- ނަގާފިނަމަ ލިބޭނެ. 3.5 މިލިއަން ދިޔައީ ފުލައިޓް ޗާޓަރު ކުރަން ވިސާއަށް ..
އަލިފާންފޮށި
10 April 2023
ކޮންފަދަ ދެރަ ކަންކަން މިހުންނަނީ. ވިސާ އައް އޮޅުވާލީ ގްރޫޕްގެ ވެރިންނަށް ފިޔަވަޅު އަޅާނީ ފިލައިގެން ގައުމު ދޫކޮށް ފުރީމަ ދޯ.
މަހުޖަނު
10 April 2023
ކޮބާއިތަ މިހާރު އަހަރުމެން މައިންބަފައިންގެ ހައްޖު ލާރިތައް ހިފައިގެނ ފިލި މަލީޝާ ގެ ވެރިޔާ؟ މިހާރު ދޫކޮށްލާފަ ހަަމަ މިނިވަންކަންމަތީ ދޮއްތޮ. އަހަރެމެން ކަހަލަ ނިކަމެތިންނަށް އިންސާފު ލިބޭނީ މަހުސަރު ދުވަހުން :))))))
އަބްޑޫޅް
10 April 2023
"މި ފަހަރު ވިސާގެ ކަންކަން ހަމަޖައްސައިދިނީ "ވަރަށް އިތުބާރު ކުރެވޭ" ސައުދީގެ ކުންފުންޏަކުން". މިހެން ނުވީސް، ކުރިންވެސް މި، "ވަރަށް އިތުބާރު ކުރެވޭ" ބައިގަނޑާ ހަވާލު ކުރިނަމަ. "ސަފާ" ގުރޫޕު މިވީ "މަރުވާ" ގުރޫޕަށް. ސަފާމަރުވާ ދޭތެރޭގަ މިފަހަރު ދުވުމުގެ ބަދަލުގަ ޖެހޭނީ ރޭސްޖަހަން.
ިސިސޖސޖސ
10 April 2023
ރާއްޖޭގަ އުޅެވޭނީ މަކަރާ ހީލަތާ ހަދައިގެން.. ކޮބާ މީގެ ކުރިން ފްރައުޑު ޖެއްސި މީހުން؟ އަދަބެއް ދެވުނުތަ އޭގެން މީހަކަށް؟؟
އައްޑޫ ތަކުރު
09 April 2023
ހައްޖު އަދި އުމްރާ ދަތުރުގެ ކަންކަން މިއަށްވުރެ ހަރުދަނާ ވާން އެބަޖެހޭ! ސަރުކާރުގެ ޙައްޖު ކޯޕަރޭޝަން އިން އެކަނި މިކަންކުރާގޮތަށް ހަމަޖެއްސުން ކިހިނެތްވާނެބާ؟؟
ޞުލްބުލް
10 April 2023
އޭރަށް ވާނީ އައިޖީއެމްއެޗް އިން ޑޮކްޓަރަށް ދެއްކުން ކަހަލަ ކަމަކަށް. މަރުވެ ވަޅުލާފަހުން ގުޅާނީ އެޕޮއިންޓްްމަންޓް ލިބިގެން
2000
10 April 2023
ތިކަމެއް ނުވާނެ. ނުފޫޒު ގަދަ ސޭޚުން ހައްޖު ކުންފުނިތައް ހިންގާ . އެމީހުން ވެސް ވިޔަފާރި ކުރަންވާނެ.
ޢަރުތަ
10 April 2023
ވަރަށް ތާއީދު، ވިޔަފާރީގެ އުސޫލުން ބޮޑު މަންފާގަނޑެއް ހޯދަން އަމިއްލަ ގްރޫޕުތަކާ ހަވާލު ނުކޮށް ސަރުކާރުގެ ހައްޖު/އުމުރާ ކުންފުނި ހައްޖު ކޯޕަރޭޝަނުން އެކަނި ތިކަން ކުރަންވީ، އޭރުން ތިޒާތުގެ އެއްވެސް ގަޅިގަނޑެއް ޖެހިގެން އެއްބަޔަކު އަނެއްބަޔަކާ ދޮގު އިލްޒާމު އަޅުވާ ހައްޖަށް އުމުރާއަށް މީހުން ނުފޮނުވިގެން ދައްކާނެ އެއްވެސް ބަހާނެއް ފެންމަތި ނުވާނެ، މިހާރުން ފެށިގެން އަމިއްލަ ކުންފުނި ތަކަށް ތިކަން ކުރަން ފުރުސަތު ނުދޭންވީ.
މަނާރަތު މުދީރު
09 April 2023
ލަނޑުދިނީ އިމޭޖް ހަލާކުކޮށްލާ ވިޔަފާރީގެ ވާދަ ނައްތާލަންކަމަށް ޤަބޫލުކުރެވެނީ. މިހާރުވެސް އެމީހުން ފިލާތިބެ ފޭކް ނަންނަމުގައި ކޮމެންޓު އެކުރަނީ
އަހުލިހަ
09 April 2023
މިދިޔަ އަހަރު ޑިސެންބަރުގަ ސަފާ ގުރޫޕާއެކު އުމްރާއަށް ދިޔައިން. އެފަހަރުވެސް ހަމަ ދިނީ ލަނޑެއް. މަޝްހޫރު ހޮޓަލެއްގެ ނަންޖަހާފަ އެތަނަށޭ ގެންދަނީ ކިޔާފަ، ގެންގޮސްލީ ހަޑި މުޑުދާރު ގޮނޑަކަށް. އިންޑިޔާ މީހުންތަކެއް އުޅެފަ، ސާފުވެސް ނުކޮށް ހުރީ، ބެޑްޝީޓްވެސް ބަދަލު ނުކޮށް ރަތްވެފަ އޮތީ. ފާޚާނާވެސް ކަޅުވެފަ އޮތީ. ދުވާ ވަހުން ނޭވާލާން ނުކެރޭ. ފުރަން އެއް ދުވަހަށްވެފައޮއްވާ ސާފުކޮށްދިނީ. ޝަކުވާކުރީމަ ނަސީމު ބުނީ އުމްރާކުރަން ނޫންހޭ އައީ، ކޮށްގެން ދާށޭ.