ރާއްޖެ އެތެރެކުރި މުދާތަކެއް ކްލިއާ ކުރުމުގެ މަސައްކަތް ކުރަނީ: މިދިޔަ މަހު އިމްޕޯޓް ޑިއުޓީ އާއި އެހެނިހެން ފީގެ ގޮތުގައި ދައުލަތަށް 259 މިލިއަން ރުފިޔާ ލިބުނު.-- ފައިލް ފޮޓޯ: އަލީ ނިޝާން/ މިހާރު
23 ޖެނުއަރީ 2017 - 14:33
5 comments
މިދިޔަ މަހު ރާއްޖެ އަށް އެތެރެކުރި އަދި ރާއްޖޭން ބޭރުކުރި މުދަލުގެ މިންވަރު އިތުރުވެ، ޑިއުޓީގެ ގޮތުގައި ލިބުނު އާމްދަނީ ވެސް މައްޗަށް ހިނގައްޖެ އެވެ.
ކަސްޓަމުން މިއަދު އާއްމުކުރި މިދިޔަ މަހުގެ ތަފާސްހިސާބުތަކުގައިވާ ގޮތުން، މިދިޔަ މަހު ރާއްޖެ އަށް 3.5 ބިލިއަން ރުފިޔާގެ މުދާ އެތެރެކޮށްފައި ވާއިރު، އޭގެ ކުރީ އަހަރުގެ ޑިސެމްބަރު މަހު ރާއްޖެ އެތެރެކޮށްފައި ވަނީ 2.6 ބިލިއަން ރުފިޔާގެ މުދަލެވެ. އެހެންކަމުން މިއީ 32 ޕަސެންޓުގެ ކުރިއެރުމެކެވެ.
މިދިޔަ މަހު ވެސް އެންމެ ގިނަ އަދަދެއްގެ މުދާ އެތެެރެކުރީ ޔުނައިޓެޑް އަރަބް އެމިރޭޓްސް (ޔޫއޭއީ) އިންނެވެ. އެ ގޮތުން، އެ ގައުމުން އެތެރެ ކުރި މުދަލުގެ ނިސްބަތް 17 ޕަސެންޓްގައި ހުރި އިރު ޗައިނާ އިން އެތެރެ ކުރި މުދަލުގެ ނިސްބަތަކީ 12 ޕަސެންޓެވެ. އަދި ސިންގަޕޫރުން އެތެރެ ކުރި ނިސްބަތަކީ ވެސް 12 ޕަސެންޓެވެ.
އިމްޕޯޓް ޑިއުޓީ އާއި އެހެނިހެން ފީގެ ގޮތުގައި މިދިޔަ މަހު ދައުލަތަށް ލިބުނު އާމްދަނީ ވެސް ވަނީ، ތަފާސްހިސާބުތަކުގައިވާ ގޮތުން، އޭގެ ކުރީ އަހަރުގެ ޑިސެމްބަރު މަހާ އަޅައިބަލާއިރު ނުވަ ޕަސެންޓް އިތުރުވެފަ އެވެ. މިދިޔަ މަހު އިމްޕޯޓް ޑިއުޓީ އާއި އެހެނިހެން ފީގެ ގޮތުގައި ދައުލަތަށް 259 މިލިއަން ރުފިޔާ ލިބުނުއިރު، ޑިސެމްބަރު 2015 ގައި ލިބުނީ 237 މިލިއަން ރުފިޔާ އެވެ.
މިދިޔަ މަހު ރާއްޖޭން ބޭރުކުރި މުދަލުގެ މިންވަރު ވެސް ވަނީ އޭގެ ކުރީ އަހަރުގެ ޑިސެމްބަރު މަހަށް ވުރެ 56 ޕަސެންޓް މައްޗަށް ގޮސްފަ އެެވެ. ޑިސެމްބަރު 2015 ގައި 161 މިލިއަން ރުފިޔާގެ މުދާ ރާއްޖޭން ބޭރު ކުރި އިރު، މިދިޔަ މަހު އެ އަދަދު ވަނީ 251.2 މިލިއަން ރުފިޔާ އަށް އިތުރުވެފަ އެވެ.
ރާއްޖޭން މައިގަނޑު ގޮތެއްގައި ބޭރުކުރަނީ މަހުގެ ބާވަތްތަކެވެ. މިދިޔަ މަހު ވެސް އޭގެ ތެރޭން ބޮޑު ބައެއް (46 ޕަސެންޓް) ގެންދިޔައީ ތައިލެންޑަށެވެ.
މިދިޔަ އަހަރަށް ރައްޔިތުންގެ މަޖިލީހުން ފާސްކޮށްދިން 27.5 ބިލިއަން ރުފިޔާގެ ބަޖެޓުގައި އާމްދަނީ އާއި ހިލޭ އެހީގެ ގޮތުގައި ޖުމްލަ 22.8 ބިލިއަން ރުފިޔާ ލިބޭނެ ކަމަށް ޖަހާފައިވެ އެވެ. އާމްދަނީގެ ތެރޭން ބޮޑު ބައެއް ބަލައިގަންނަނީ މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ކަމަށް ވާއިރު، މިދިޔަ އަހަރު ނިމުނުއިރު އާމްދަނީގެ ގޮތުގައި މީރާ އަށް ޖަމާކުރީ ޖުމްލަ 14.5 ބިލިއަން ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިޔާޝް
23 January 2017
ބައްލަވާ ބުރިޖް ފާލަން އަޅަން ގެނައި ސާމާނު އިތުރުވާނެ ނޫންތަ. އެކަމަކު އެސާމާނުގެ ޑިއުޓީ މައާފް ކުރީމާ ލިބުނު ރުފިޔާ ވާނީ ގިނަތަ ނޫނީ މަދުތަ.؟ މަކާރިޔަށް ހިނި އަންނަނީ އަމަށަކު ވަރަކަންނޫން. ޕިންކީންނަކީ އެޅިހާ ބަތަކަށް ރިހަ އަޅާ ބައެއް. ނުވިސްނޭނެ..
ގޮރުހެނޑޭ
23 January 2017
މިދިޔަ އަހަރަށް (2016) ރައްޔިތުންގެ މަޖިލީހުން ފާސްކޮށްދިން 27.5 ބިލިއަން ރުފިޔާގެ ބަޖެޓުގައި އާމްދަނީ އާއި ހިލޭ އެހީގެ ގޮތުގައި ޖުމްލަ 22.8 ބިލިއަން ރުފިޔާ ލިބޭނެ ކަމަށް ޖަހާފައިވެ އެވެ. އާމްދަނީގެ ތެރޭން ބޮޑު ބައެއް ބަލައިގަންނަނީ މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ކަމަށް ވާއިރު، މިދިޔަ އަހަރު ނިމުނުއިރު އާމްދަނީގެ ގޮތުގައި މީރާ އަށް ޖަމާކުރީ ޖުމްލަ 14.5 ބިލިއަން ރުފިޔާ އެވެ. ގޮރުހެނޑިއްޖެ؟ ބާކީ އޮތް 8.3 ބިލިއަން ރުފިޔާ ކޮބާ؟
ޝަފްލިންގް
23 January 2017
މިދިޔަ މަހުގެ އިމްޕޯޓާއި އެކްސްޕޯޓް އަދި ޑިއުޓީގެ އާމްދަނީ ވެސް އިތުރު އެވީ ރާއްޖޭގެ ތާރީޚް ގައި ވެސް ފުރަަތަމަ ފަހަރަށް މަމެން ޕިންކީންގެ ވެރިކަމުގައޭ ދެން މަމެން ބުނަން ނެތީމު ދޯ. މިކަމުގެ އުފަލުގައި ހިނގާ ދެން ހުރިހާ ކުދިން ވެސް ލިވިންގް ރޫމް ގައި ހުރި މިނި ޑާންސް ސްޓޭޖް އަށް އަރާ ނަށާލާ އުފާކޮށްލަމާ ދޯ. ޕާރޓީ ރޮކް. ގޭންގް އޮފް މަނީ ދޯ. މަމެން ސުޕަރ ރިޗް ވަނީ ތޭ. ސްޓެޕް އަޕް ފާސްޓް ދޯ. މަމެންނަށް ވަރަށް ގިނައިން ފައިސާ ލިބެނީ، ފައިސާ ލިބެނީ، ފައިސާ ލިބެނީ، ތެދުވޭ، ތެދުވޭ، ތެދުވޭ ހުރިހާ ކުދިން ވެސް ތެދުވެ އަތް މައްޗަށް ނަގާ، އަތް މައްޗަށް ނަގާ ޕުޓް ޔުުއަރ ހޭންޑްސް ޓު މިއުޒިކް ބީޓް ދެން މޫވް ޔުއަރ ބޮޑީ. ޝަފްލިންގް، ޝަފްލިންގް، ޝަފްލިންގް، އެވްރީ ބޮޑީ ޝަފްލިންގް ރޮކް ޔުއަރ ބޮޑީ.
ހަހަހާހާ
23 January 2017
މިދިޔަ މަހުގެ އިމްޕޯޓާއި އެކްސްޕޯޓް އަދި ޑިއުޓީގެ އާމްދަނީ ވެސް އިތުރު އެވީ އެއީ ރާއްޖޭގެ ތާރީޚް ގައި ވެސް މަމެން ގެ ބިއުޓިފުލް އެން އޯސަމް އެން ފްލޯލެސް ސަރުކާރު ގެ ބުރަ މަސައްކަތުން ނެވެ. މަމެންގެ ސަރުކާރު މިދަނީ އަޕް އަޕް އަޕް ހަޔަރ އެން ހަޔަރ ހަޔަރ ލެވެލް އަށް ޕްރޮމޯޓް ވަމުން ނޭ މިއަދު އޯޑިއެންސް އެބުނަނީ ދޯ. އެކަމަކު އޯޑިއެންސް އެބުނަނީ އެއީ އެމެންގެ ޑޮލަރު އަގު ބޮޑު ކުރި ތިން އަހަރުން އުޅުނީ އިންޑިއާގެ ކަޓް ކުންފުންނަކަށް ކަސްޓަމްސް ވެސް ވިއްކާލައިގެން ކަޓެއް ޖައްސަންވެގެން ނޭ އެއީ ދެން މަމެން ނުދައްކާ ވާހަކަ އެއް ދޯ. މިހާރު އެމެން ދަނީ ދަށަށް، ދަށަށް، ދަށަށް، ދަށަށޭ، ދަށަށޭ، ދަށަށޭ، މަމެން ބުނަން ނެތީމު އެވެ. ހާސްވާނެ ކަމެއް ނެތޭ ރަންރީނދުލޭ ކުދިންނޭ ހިނގާ މިލަވަ ކިޔާލަން ދޯ. އެމެން ފެބް ހަތެއް، ޔޫއާރ ގޮއިންގް ޑައުން، ޑައުން، ޑައުން، ޑާއުން، ޑާއުން، ޑާއުން... ޑައުން ލައިކް މަމެން ޕިންކީން ބޭނުންވާ ގޮތަށޭ ދޯ. ޑެފިނިޓްލީ އެން އޮނެސްޓްލީ އެން ޝުއަރލީ ދޭ އާރ ގޮއިންގް ޑައުން ލައިކް އަ ވޯޓަރ ޑްރޮޕް ޑައުން ޑައުން ޑާއުން ޑާއުން ޑާއުން.. ހަހަހާހާ، ހަހަހާހާ، ހަހަހާހާ،
ބަލްކު އެންޑް ބަލަކް
23 January 2017
އެކްސްޕޯޓު އިންޕޯނު އިތުރު އަދި ރިސޯޓުތައްވެސް އިތުރު. ޢެކަމަކު ރައްޔިތުމީހާގެ ދިރިއުޅުމުގެ ފެންވަރު ދަނީ ދުވަހުން ދުވަހަށް ދަށަށް.