އިސްލާމިކް މިނިސްޓްރީން ޒަކާތް ބަލައިގަންނަނީ--ފައިލް ފޮޓޯ: މިހާރު
22 އެޕްރީލް 2023 - 11:39
7 comments
މިއަހަރު ފިތުރު ޒަކާތުގެ ގޮތުގައި ލިބުނު ނުވަ މިލިއަނަށް ވުރެ ގިނަ ރުފިޔާ ފަގީރުންގެ ދަފްތަރުގައިވާ މީހުންނަށް ޖަމާކޮށްފައިވާ ކަމަށް. އިސްލާމިކް މިނިސްޓްރީން މިއަދު ބުނެފި އެވެ.
އެ މިނިސްޓްރީން ބުނީ ފަގީރުންގެ ދަފްތަރުގައި 8،446 މީހުން ތިބި ކަމަށާއި މާލެއިން 1،736 މީހުންނަށް ބޮލަކަށް 3،450ރ. ގެ ރޭޓުން އެ ފަރާތްތަކުގެ އެކައުންޓަށް ޖަމާކޮށްފައިވާ ކަމަށެވެ.
ފިތުރު ޒަކާތް ގޮވާމުގެ ގޮތުގައި ވެސް ބަލައިގެންފައިވާ އިރު ރޯދަ މަސް ނިމުމުގެ ކުރިން 12،989.3 ކިލޯ ގޮވާން ލިބިފައިވާ ކަމަށާއި އެތަކެތި ވެސް ބަހައި ނިންމާފައިވާ ކަމަށް އިސްލާމިކް މިނިސްޓްރީން ބުންޏެވެ.
މިދިޔަ ބުރާސްފަތި ދުވަހުގެ ނިޔަލަށް އިސްލާމިކް މިނިސްޓްރީ އަށް ޒަކާތް ދައްކާފައި ވަނީ 175،485 މީހުންނެވެ.
ފިތުރު ޒަކާތް ބަލައިގަތީ ރޯދަމަހުގެ ފުރަތަމަ ދުވަހުން ފެށިގެން ރޯދަ މަހުގެ 29 ވަނަ ދުވަހުގެ ނިޔަލަށެވެ. ފިތުރު ޒަކާތުގެ މިންވަރަކީ މީހަކަށް 2.4 ކިލޯ ހަނޑުލުގެ މިންވަރެވެ. އެއީ އެ ބަޔަކު ކައި އުޅޭ ހަނޑުލުގެ ބާވަތަށް ބަލައިގެންނެވެ. ރަސްމީކޮށް ޒަކާތް ބަލައިގަންނަނީ އެ ހަނޑުލުގެ އަގަށްވާ ފައިސާއިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާބިރު
22 April 2023
ބޭންކް އޮފް މޯލްޑިވްސް ގެ ޒަކާތް ލިންކު މެދުވެރިކޮށް ޒަކާތް ދެއްކި ފަރާތްތަކަށް އޭގެ ހައްގުވެރިންނަށް އެލިބުނުކަން ކަށަވަރު ކުރެވޭނެ ގޮތެއް ނެތްތޯ؟
އަރީބު
22 April 2023
ހާދަ ހެއްވައޭ. މާލޭގަ އުޅޭތީ ބޮލަކަށް 3450 މަގުން 1736 މީހުންނަށް 5989200ރ ބަހާލި އިރު ބާކީ ތިބި 6710 މީހުންނަށް ކިހާވަރެއް މި ލިބެނީ. 9 މިލިއަނަށް ވުރެ ގިނަ . އެހެންވީމަ 10 މިލިއަނުން ބެލިޔަސް ބާކީ ތިބި މީހުންނަށް ލިބެނީ 597.73ރ . މި ބަހާ އުސޫލު އެބަ ޖެހޭ އެނގެން.
މުހައްމަދު.
22 April 2023
ފަޤީރުންކަމަށް ރަޖިސްޓްރީކޮށްފައިވާ ކ.މާލޭގެ ކޮންމެ މީހަކަށް 3،450ރ ދިން އިރު އެހެން ރަށްރަށުގެ މީހުނަށް ކޮންމެ މީހަކަށް ދިނީ 50ރ ތޯ؟
މުހައްމަދުގެ ބައްޕަ.
22 April 2023
ދަރިފުޅަކަށް ނޭގޭތަ ހުރިހާ ރަށެއްގެ މީހުންށް ޒަކާތް ބެހީ އެއްވަރަކަށް ކަމެއް.މިއީ އިންސާފުން ކަންކުރާ ސަރުކާރެއް. ވަކިރަށެއް ނުބަލާނެ.
މުހައްމަދު ކޮއްކޮ
22 April 2023
3،449.99
ޑެޕިއުޓީ މޭޔަރު0
22 April 2023
މީވަރަށް ބޭއިންސާފުން.. އެންމެނަށްވެސް ހަމަޔަށް ބަހަންޖެހޭނީ.. މާލޭ ފަގީރުންނަށް ގިނައިން، ރަށްރަށު ފަގީރުންނަށް މަދުން/// ކިހާ ބޭއިންސާފު. 5.9 މިލިއަން މިބަހާލީ 1736 މީހެއްގެ މައްޗަށް!!! ވައްލާހު އައުލަމް
ނެތަމަ
22 April 2023
އެހެން ރަށްރަށުގެ މީހުންނަށް ބެހިވަރެއް ނުލިއެ އޮތީ ދެން ކީއްވެތަ؟ އަމިއްލައަށް އެންމެން ހިސާބު ހަދަން ދޫކޮށްލީދޯ؟