އައްޑޫގެ މޭޔަރު އަލީ ނިޒާރު: އެައްޑޫ ސިޓީ ކައުންސިލުން ބުނީ އިޓޮލްސްގެ ނިންމުމަކީ އައްޑޫގެ މަސްވެރިންނަށް އުފަލެއް ކަމަށް --- ފޮޓޯ: އައްޑޫ ސިޓީ ކައުންސިލް
30 އެޕްރީލް 2023 - 11:02
20 comments
އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އިން މިދިޔަ ހުކުރު ދުވަހު ރާއްޖޭގެ އެންމެ ދެކުނުގެ ހާއްސަ އިގްތިސާދީ ސަރަހައްދު (އީއީޒެޑް) ކަނޑައެޅުމަކީ އައްޑޫގެ މަސްވެރިންނަށް ލިބުނު އުފަލެއް ކަމަށް އައްޑޫ ސިޓީ ކައުންސިލުން ބުނެފި އެވެ.
އިޓްލޮސްގެ ނިންމުމަކީ ރާއްޖޭގެ ކަނޑުގެ ސަރަހައްދުން ބައެއް ގެއްލުން ކަމަށާއި އައްޑޫގެ މަސްވެރިން ކުރިން މަސްވެރިކަމަށް ނުކުތް ހިސާބަށް ދެން ނުނިކުމެވޭނެ ކަމަށް، އިދިކޮޅު ސިޔާސީ ފަރާތްތަކުން ދަނީ ބުނަމުންނެވެ.
މި ވާހަކައަށް ރައްދު ދީ އައްޑޫ ސިޓީ ކައުންސިލުން ނެރުނު ބަޔާނުގައި ބުނީ ކުރިން މި ސަރަޙައްދަކީ ރާއްޖޭގެ ސިޔާދަތީ ބާރު ނުހިނގާ ސަރަޙައްދަކަށް ވުމުން ކަނޑުގެ އެހެން ދިރުންތަކަށް ވެސް ގެއްލުންވާ ގޮތަށް މަސްވެރިކަންކޮށް އެތަނުން އެކި ގައުމުތަކުން ފައިދާ ނަގަމުން ދިޔަ ކަމަށެވެ.
އެކަމަކު އިޓްލޮސްގެ ނިންމުމާ އެކު އެ ސަރަހައްދުގައި ރާއްޖޭގެ ގާނޫނާ ހިލާފަށް މަސްވެރިކަން ކުރާ މީހުންނަށް ފިޔަވަޅު އެޅުމުގެ ބާރު ރާއްޖެ އަށް ލިބުމަކީ އުފަލެއް ކަމަށް ވެސް އައްޑޫ ސިޓީ ކައުންސިލުން ބުންޏެވެ.
"ރާއްޖޭގެ އެންމެ ދެކުނުގެ ކަނޑުގެ ސަރަޙައްދު ކަނޑައަޅައި އެ ސަރަޙައްދުގެ މައްޗަށް ރާއްޖޭގެ ސިޔާދަތީ ބާރު ހިނގާނެ ގޮތް ވެގެންދިއުމަކީ އައްޑޫ ސިޓީ ކައުންސިލުން އުފަލާ އެކު އެކަން ފާހަގަކޮށް މަރުޙަބާ ކިޔާ ކަމެކެވެ.،" އެ ކައުންސިލުން ނެރުނު ބަޔާނުގައި ބުނެފައިވެ އެވެ.
"ރާއްޖޭގެ އެންމެ ދެކުނުގެ ހާއްސަ އިގްތިސާދީ ސަރަޙައްދު ކަނޑައެޅިގެން ދިއުމަކީ ދުރަށް ދަތުރުކޮށް މާކަނޑުގައި މަސްވެރިކަން ކުރާ އައްޑޫ ސިޓީގެ މަސްވެރިނަށް ލިބިގެންދާ ހިތްވަރެއް."
އެ ކައުންސިލްގެ ބަޔާނުގައި ބުނެފައި ވަނީ ދިވެހިރާއްޖޭގެ ހާރިޖީ ސިޔާސަތު ބިނާވަނީ ބައިނަލްއަގްވާމީ ގާނޫނު ދެމެހެއްޓުމުގެ މައްޗަށް ކަމަށެވެ. އިޓްލޮސްއިން ރާއްޖޭގެ ކަނޑުގެ ސަރަހައްދަކީ ކޮބައިކަން ކަނޑައަޅައި ނިންމި ނިންމުމަކީ އިބްރާހީމް މުހައްމަދު ސޯލިހްގެ ސަރުކާރުން އިހްތިރާމް ކުރާ ކަމުގެ ހެއްކެއް ކަމަށް ވެސް އައްޑޫ ސިޓީ ކައުންސިލުން ބުންޏެވެ.
ރާއްޖޭގެ ދެކުނުން، މޮރިޝަސްގެ އުތުރުން ކަނޑުގެ ސަރަހައްދު ގުޅޭ ހިސާބު އިން ކަނޑައެޅުމުގެ މައްސަލާގައި ދެ ގައުމުން ހިޔާލު ތަފާތުވުމުން، ޖަރުމަންގައި ހުންނަ އިޓްލޮސް އިން ހުކުރު ނިންމީ ރާއްޖެ އަށް ބޮޑު ބައެއް ލިބޭ ގޮތަށެވެ.
އައްޑޫގެ ދެކުނު 47،232 އަކަކިލޯމީޓަރުގެ ސަރަހައްދެއް ރާއްޖެ އަށް ލިބެ އެވެ. މޮރިޝަސް އަށް ދޭން ނިންމީ 45،331 އަކަކިލޯ މީޓަރެވެ. އެއީ ކޮންމެ ގައުމަކަށް 200 މޭލުގެ ސަރަހައްދެއް ނެގުމުން ފުށުއަރާ 95،000 އަކަކިލޯމީޓަރަށް ވުރެ ބޮޑު ސަރަހައްދު ބަހާލި ގޮތެވެ. އެކަމަކު އެއީ، ރާއްޖެ އިން ބޭނުންވި ގޮތެވެ. އެކަމަކު މޮރިޝަސް އިން ބޭނުންވި ގޮތެއް ނޫނެވެ.
މޮރިޝަސް އަށް ލިބުނީ ރާއްޖެ އަށް ލިބުނު ކޮންމެ އަކަކިލޯމީޓަރަކަށް 0.960 އަކަކިލޯމީޓަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވީޓީސަނާ
01 May 2023
އައްޑޫ މީހުން ބޭނުމެއްނުވޭ އައްޑޫ މީހުން ކިޔާގޮތުން ޑިއަގޯގާޝިއާ ނުވަތަ ފޯޅަވަހި ވެސް ދޫކޮށްލާކަށް އަދި މިދެމެދު އޮތް އައްޑޫތިލަ ދޫކޮށްލާކަށްވެސް. އެ ދައްކަނީއަކީ އައްޑޫ ރައްޔިތުންގެ ވާހަކައެއްނޫން. ޢަދި ބުނަންތަ އައްޑޫ ރައްތިތުން ބޭނުންނުވޭ އައްޑޫ ގަން ވެސް ބަޔަކު އައްޑޫ އަށް ހަސަދަ ފިލުވާލުމަށްޓަކައި ހަސަދަ ވެރިކަމުގައި ފަޅުކޮށް ވީރާނާކޮށް ހަލާކުކޮށްލާ ފަޅު ރަށަކަށް އެރަށް ބަދަލު ކުރާކަށްވެސް. އެކަމަކު އެކުރަނީތާ. މިހިގާ ކަންކަން ގުޅެނީ އެކަމާ
ވަހީދު ކުރުސް
30 April 2023
އިންޑިއާ ސިފައިން ރާއްޖޭގައި ތިބޭތީ އައްޑޫ މީހުން ޢުފާ ފާޅުކޮށް ބޮނޑިބަތް ކެއި ކަމަށްވޭ. އެހެންވީމާ ރާއްޖޭގެ ސަރަހައްދެއް ގެއްލޭގޮތަށް މިންކެނޑީމަ ވެސް ތިމީހުން އުފާވެދާނެ.
ސިލްވާ
30 April 2023
ރާއްޖެވަށާ 200 ނޯޓިކަލްމޭލަކީ ރާއްޖޭގެ ސަރަހައްދުކަން ގުރޭ 7ގެ ތައުލީމު ހާސިލްކުރި މީހުންނަށް އެނގޭނެ. ދިމާވެގެން އުޅޭ މައްސަލައަކީ ބާރުގަދަ ގައުމުތަކުން ދުނިޔޭގެ ތަންތަން ކޮލޮނައިޒު ކޮށްގެ އުޅުނު ދުވަސްވަރު އިނގިރޭސީން ރާއްޖޭގެ ދެކުނުން އޮތް އަތޮޅެއް އެމީހުގެ މިލިޓަރީ ބާރުގެދަށަށް ގެންގޮސްއުޅެފަ އެތަން މިނިވަންކުރުމުގައި ލިބެންޖެހޭ ފަރާތުގެ މައްސަލަ. ޢިނގިރޭސީން އައްޑޫގައި ތިބެފަ އެތަނަށް ބަދަލުވިއެރު އެމީހުން ބުނީ އެތަނުގަ އުޅުނީ ކަކުނި ކަމަށް
ޑިސިލްވާ
30 April 2023
7 އަށްވުރެ މައްޗަށް ކިޔެވީމަ އެނގޭނީ ރާއްޖެ ބައިވެރިވެފައިވާ ބައިނަލްއަގްވާމީ މުއާހަދާތަކާ ބެހޭ ގޮތުންނާ އދ.ގަ ކިތައް ގައުމުންކަން މޮރިޝަސްއަށް ޗާގޯސް ލިބެން ތާއީދުކުރީއާ ކަނޑު ބަހަން ބައިނަލްއަގްވާމީ ގޮތުން އޮންނަ އުސޫލުން ބެހުމަކީ ހަމަ ރަގަޅުކަމެއްކަމާ ގައުމުގެ ކަނޑުގެ ސަރަހައްދު ކަނޑައެޅިގެންދަނީ ހަގީގަތުގަ ކިހިނެތްކަމާ އެހެން ގައުމުތަކަށް ލިބެން އޮންނަ އެއްޗެއް ދަމައިގަތުމަކީ ހަޑިކަމެއްކަމާ އެހެން ގައުމުތަކަށްވެސް އިހްތިރާމްކުރަންޖެހޭކަން.
ލިއާދު.
30 April 2023
ހާދަހާ ގޮތްފޮތް ކެޑިގެން އުލޭމީހެކޭ. މީނާ ހީކުރީ އައްޑޫގައި ތިބީ މޮޔައިން ކަމަށްތަ ؟
ސޯދު އަބުދުﷲ.
30 April 2023
މީނާ އައްޑޫމީހުންގެ ޤަދަރާއި އިއްޒަތް ވެއްޔާއި މޮޑެލައިފި.
ފޯޅަވައްސާ
30 April 2023
ކޮންމެ ޒާތެއްގެ ބާރެއް ޖެއްސަސް ތިކައުންސިލް އޮންނާނީ އަތްޖަހާފަ ސާބަހޭ ސާބަހޭ ކިޔައި މަށަށް. މިއަދު އައްޑޫ ސިޓީއަކީ އެހެން ގައުމެއްގެ ތަނެކޭ ބުންޏަސް، އާދެ މަސާހިބު ވިދާޅުވީ ތެދުފުޅެކޭ ކިޔާކަށް ލަހެއް ފަހެއް ނޯންނާނެ. ހެހެހެ
ބޮޑުމީހާ
30 April 2023
އައްޑޫ މަސްވެރިން މިކަމުން އުފާވާ ގޮތެއް އުޅެއުޅެ ނުވިސްނުނު. ފެކްޓަކީ ކުރިން އައްޑޫ މަސްވެރިން ދަތުރުކުރި ދުރު މިނަށް ދެން ދަތުރުނުކުރެވޭނެކަން.
ދޮންކަބިލި
30 April 2023
ކުރިން ދަތުރުކުރިޔަސް ކުރެވުނީ ޤާނޫނާހިލާފަށް، ބަޔަކު އަޅާނުލާތީ ދަތުރުކުރެވުނީ.
ކުޑަމީހާ
30 April 2023
ޗާގޯސްއަކީ އެތަނުގެ އެންމެ ކުރީގެ ވަޒަންވެރިން އަލުން އާބާދުވާން އެދޭ ތަނެއް. އެހެންވީމަ އިނގިރޭސިންގެ އިސްތިއުމާރުން ނަގާ އެތަން މިނިވަންކޮށް ހޯދަން މޮރިޝަސްއިން އެއުޅެނީ. ތަނެއްގެ އަސްލު ވަޒަންވެރިން އެތަނެއްގަ ވަޒަންވެރިވުމުން އެމީހުންނަށްވެސް އެމީހުންގެ ގައުމުގެ ވަށައިގެން އޮންނަ ކަނޑަށް ހައްގު އޮންނާނެ. ކުރިން ދިވެހިންނަށް އެ ކަނޑު ބޭނުންކުރަން ލިބުމުގެ މާނައަކީ އެހެން ބަޔަކަށް ދޭންވާ އެއްޗެއް ނުދީ އަބަދު ހިފަހައްޓައިގެން ތިބުމެއްނޫންތާ.
ފޮނިފޮނިޓައްޕު ކުމާރު
30 April 2023
ނިޒާރުބޭގެ ބަދަލުގާ ސޯދުބޭ ހުރީ މޭޔާރުކަމުގާނަމަ ރައުޔު އައީސް ވަރަށް ތަފާތުކޮށް.
ބަލާމީހާ
30 April 2023
ނިޒާރޫ... ކަލޭ މަޖުލިހުގައި ދައުރެއް ފުރިހަމަ ކުރިތޯއެވެ. ގާނޫނު ނަންބަރު 6/96 ލޮލަށް ފެނި ކަލޭގެއަށް އެގާނޫނު މޭރުން ނުވަނީތޯ... ކަލެއަކީ ފައްކާ ކަނޑުކޮހެކެވެ. ކަލެއެކޭ ކަޅޭމުހައްމަދެކޭ ތަފާތެއް ނެތެވެ.
ސައްޙާފް
30 April 2023
މިކަހަލަ މީހުންނަށް އައްޑޫ މީހުން ކިޔަނީ "އޫބެއާއްކަލޯ" މީނައަކީ ގައުމުގެ ބޯޑަރަށް ކޮމެންޓްކުރަން ފޮރިން ޕޮލިސީދަންނަ، ޖިއޯޕޮލިޓިކްސް ގެ އިނގޭ، އަދި އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ ގެ އަޑު އިހައްދުވަހު ތިހުކުމް ކުރުމުގެ ކުރިން އަޑުވެސް އެހި މީހަކަށް ނުވާނެ. ނިޒާރެއެވެ. ސިޓީގެ މޭޔަރ ކަމަކީ މާބޮޑު ކަމެއްނޫނެވެ. ހައިސިއްޔަތު އޮޅިގެން މީހާއައި ނުވާ ވަރުން އަނގަގަދަނުކުރާށެވެ.