ސިވިލް ސާވިސްއަކީ ރައްޔިތުން އިތުބާރުކުރާ ހިދުމަތަކަށް ވާން ޖެހޭނެ: ސީއެސްސީގެ ރައީސް

ސިވިލްސާވިސް ކޮމިޝަނުގެ ރައީސް ނާސިހް: އޭނާ ވިދާޅުވީ ރައްޔިތުން އިތުބާރުކުރާ ހިދުމަތަކަށް ސިވިލް ސާވިސް ވާން ޖެހޭނެ ކަމަށް --- ފޮޓޯ: ސީއެސްސީ

ހުސެއިން ހަބީބް، މިހާރު

01 މެއި 2023 - 11:59

32 comments

ސިވިލް ސާވިސްއަކީ ރައްޔިތުންނަށް އިތުބާރު އޮތް ހިދުމަތަކަށް ވާން ޖެހޭނެ ކަމަށް ސިވިލް ސާވިސް ކޮމިޝަން (ސީއެސްސީ) ރައީސް މުހައްމަދު ނާސިހް މިއަދު ވިދާޅުވެއްޖެ އެވެ.

މިއަދު ފާހަގަ ކުރާ މި އަހަރުގެ މަސައްކަތްތެރިންގެ ދުވަހާއި ރާއްޖޭގެ ސިވިލް ސާވިސް ދުވަހުގެ މުނާސަބަތުގައި ދެއްވި މެސެޖެއްގައި އޭނާ ވިދާޅުވީ، މިދިޔަ 15 އަހަރު ދުވަހުގެ ތެރޭގައި ރާއްޖޭގެ ސިވިލް ސާވިސް އިން ބޮޑެތި ކުރިއެރުންތަކެއް ހޯދާފައިވާ ކަމަށެވެ. ގާނޫނީ ގޮތުން ވަކި ހިދުމަތެއްގެ ގޮތުގައި ސިވިލް ސާވިސް ކަނޑައެޅި ފަހުން ދުވަހުން ދުވަހަށް ސިވިލް ސާވިސްގެ ހިދުމަތްދޭ ވައްޓަފާޅި އަށް ބަދަލުތަކެއް އައިސްފައިވާ ކަމަށް ވެސް ވިދާޅުވި އެވެ.

މީގެ ކުރިން ސަރުކާރުގެ އިދާރާތަކަށް ސީދާ ގޮސްގެން ނޫނީ ހޯދެން ނެތް ހިދުމަތްތައް އޮންލައިންކޮށް ހޯދުމުގެ އިންތިޒާމު ހަމަޖެހިގެން ދިއުން ނާސިހް ފާހަގަ ކުރެއްވި އެވެ.

"ނަތީޖާއެއްގެ ގޮތުން ބަދަލުވަމުން މިދާ ވަޒީފާގެ މާހައުލުގައި މުވައްޒަފުންނަށް ބޭނުންވާ ހުނަރުތައް ވެސް މި އަންނަނީ ތަފާތުވެ ބަދަލުވަމުން،" ސީއެސްސީގެ ރައީސް އެވެ.

"މިގޮތުން ބަލާއިރު ކޮމްޕިއުޓަރާއި އައިސީޓީގެ ހިދުމަތަކީ ހުރިހާ މުވައްޒަފުން ދަސްކޮށް، އުނގެނުމަށް ކޮންމެހެން ލާޒިމު ހުނަރުތަކަކަށް މިވަނީ ވެފައި."

ނާސިހް ވިދާޅުވިގޮތުގައި، ސިވިލް ސާވިސް މުވައްޒަފުންނަކީ ސަރުކާރުގެ ސިޔާސަތުތައް ތަންފީޒު ކުރުމަށް ކުރަން ޖެހޭ ހުރިހާ މަސައްކަތެއް ކުރުމުގައި ހަވާލުވެ ތިބި ބަޔަކަށް ވުމުން ރައްޔިތުންނަށް ދޭ ހިދުމަތްތަކުގައި ސާފު ސީދާ ގޮތެއް ގެންގުޅެ، މައްސަލަ ހައްލު ކުރުމަށް އިސްކަން ދޭން ޖެހެ އެވެ.

ސަރުކާރުގެ ކޮންމެ އިދާރާއެއްގައި ކަނޑައަޅައިފައިވާ ސާވިސް ޗާޓަރުގައި ބުނާ ފެންވަރަށް އަދި މުއްދަތަށް ހިދުމަތް ދިނުމަށް ހުރިހާ ސިވިލް ސާވިސް މުވައްޒަފުންނަށް އޭނާ އިލްތިމާސް ކުރެއްވި އެވެ.

ސިވިލް ސާވިސް ސިވިލް ސާވިސް ކޮމިޝަން މޭ ޑޭ މަސައްކަތްތެރިންގެ ދުވަސް ސިވިލް ސާވަންޓުން މުހައްމަދު ނާސިހު (ރައީސް، ސީއެސްސީ)

32 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮމިޝަން

02 May 2023

ކޮމީޝަން އުފެދުނީ ހުސް ހުވާތަކުގަ. ހަރާން މިހާތަނަށް ބޯނަސް ދެވުނީވެސް އެއް ފަހަރު. 15 އަހަރުވީ ކޮމިޝަން އުފެދުނުތާ މުވައްޒަފުންގެ ޙައްޤުގަ އެއްވެސް މަސައްކަތެއްކުރާ ބައެއްނޫން. ފިޔަވަޅު އެޅުމާ ވަޒީފާގެ ބިރުދެއްކުން ފިޔަވައި. މުވައްޒަފުން އަނގަ ބަންދުކުރަން. ސިވިލް ގެ ހުރިހާ މުވައްޒަފުން ހޭ އަރަންވީ ވަގުތު ޖެހިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިތަން

02 May 2023

"ސިވިލް ސާވިސް މުވައްޒަފުންނަކީ ސަރުކާރުގެ ސިޔާސަތުތައް ތަންފީޒު ކުރުމަށް ކުރަން ޖެހޭ ހުރިހާ މަސައްކަތެއް ކުރުމުގައި ހަވާލުވެ ތިބި ބަޔަކަށް ވުމުން." ސިވިލަ ސަރވިސް ކޮމިޝަނަކީ މުވައްޒަފުންގެ ޙައްޤުތައް ގެއްލުވާލާ ހަމައެކަނި ކޮމިޝަން ބޮޑު މުސާރަ ކަނީ ކޮމިޝަނުގެ މުވައްޒަފުން. ކޮމިޝަނުގެ ދަށުގައި ހުރި މުވައްސަސާތަކުގެ މުވައްޒަފުންނަށް 200 ރުފިޔާ ބޮޑުކޮށްލަދޭން ވެސް ލާރި ހުަންނަ ކަމަށްނުވޭ.ސަރުކާރުގެ ސިޔާސަތު ތަންފީޒު ކުރަންތިބި ހިނދު. ކޮމިޝަން އުވާލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

02 May 2023

ސިވިލް ސަރވިސް ކޮމިޝަނަކީ ސިވިލް ސަރވަންޓުންގެ އިތުބާރުލިބިފައިވާ ތަނަކަށް ވެސް ވާން ޖެހޭ. އެންމެ ކުޑަމިނުން ހުރި މަގާމުން މައްޗަށް ދެވެނީވެސް މަތިން ހުރި މީހާ ނެތިކޮށްލައިފިއްޔާ. އެހެންނޫނޫ ކިތަންމެ ދުވަހެއް ވިއަސް ހުރި ތާ ހުންނަންވީ ގާވެފަ. މުސާރަ ގަނޑުގެ ކުރިއެރުމެއްވެސް ނުލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަގު

02 May 2023

އިތުބާރު ހިފޭ ތަނަކަށް ހަދާދޭނެ ޓީޗަރުން ނާއި ނަރުހުން އަހަރެމެން އިދާރީ މުވައްޒަފުންގެ ފަހަތުފަޔަށް ބަރުވާތަން ދެން ފެންނާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުމާ

02 May 2023

ކީކޭ ތިކިޔަނީ.ފުރަތަމަ ތިމާމެންގެ ޒިންމާ އަދާކުރެވޭތޯ ބަލާބަލަ.ސިޓީ ތިތަނަށް ފޮނުވިޔަސް ޖަވާބެއް ލިބެނީ އަކީ.ތަނަތަނުގެ ތިބޭ ވެރިން މުވައްޒަފުން ލައަވާ ގަވާއިދާ ޚިލާފަށް މަސައްކަތް ކުރުވާއިރުވެސް ދެނަހުރިކަމަކަށްވެސް ނެހޭދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޭހެެޖެ

02 May 2023

ފިޔަވަޅު ކޮމިޝަނުން ހޭލީދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޔތޔހޖ

02 May 2023

އަހަރަކު 1 ފަހަރު ފުރާ އެޕްރައިސަލްގެ ބޭނުމެއް ބުނެދީބަލަ..10 އަހަރުވެއްޖެ އެޔެއް ފުރާތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލސކަ

02 May 2023

ނޫނޭ ތިހެން ނުބުނެ މާބޮޑު ކަމެއް ނުކުރާ ދާއިރާތަކަށް އަޅާލަންވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމް

01 May 2023

ޑިގްރީ ހަދައިގެން ސިވިލް ސާރވިސްގަ ހުރިހާ އެލަވަންސަކާއެކީ މިލިބެނީ އެންމެ 10000 ރުފިޔާ... މުޅި ދުވަހު އޮފީހުގަ... ރޭގަނޑު ވެސް އޮފީހަށް ނިކުންނަން ޖެހިދާނެ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކަލޯ

01 May 2023

ރައްޔިތުން އިތުބާރުނުކުރަނީ ސިވިލް ސާވެންޓުންނަކަށް ނޫން ސިވިލް ސާވިސްކޮމިޝަނަށް. އެހެންކަމުން ރައްޔިތުން އިތުބާރު ކުރާތަނަކަށް ސިވިލް ސާވިސްކޮމިޝަން ހައްދަވާދެއްވުން އެދެން.