ކުވައިތުގެ ޓީމުން ކުރިން ކުޅުނު މެޗެއްގެ ތެރެއިން: މި އަހަރު ސާފް ޗެމްޕިއަންޝިޕްގައި އެ ޓީމު ވާދަ ކުރާނެ
04 މެއި 2023 - 12:24
2 comments
އިންޑިއާގައި މި އަހަރު ބާއްވާ، ސާފް ޗެމްޕިއަންޝިޕްގައި ކުވައިތު ވާދަ ކުރާ ގޮތަށް ހަމަޖެހިއްޖެ އެވެ.
އަންނަ މަހު ބާއްވާ މުބާރާތުގައި އަށް ޓީމު ބައިވެރި ކުރުމަށް އިންޑިއާއިން ދަނީ މަސައްކަތް ކުރަމުންނެވެ.
އެގޮތުން ކުވައިތަށް ދިން ދައުވަތު އެ ގައުމުގެ އެފްއޭއިން ވަނީ ގަބޫލުކޮށްފަ އެވެ. އަދި ވެސް އިތުރު ގައުމެއް މުބާރާތުގައި ވާދަ ކުރާނެ އެވެ. މި އަންނަ ހަފުތާގައި ބާއްވާ ސާފްގެ ބައްދަލުވުމުގައި އެ ޓީމު އިއުލާން ކުރާނެ އެވެ. ސާފް މެންބަރު ގައުމެއް ކަމަވާ ސްރީ ލަންކާ ފީފާގެ ސަސްޕެންޝަންގައި އޮތުމުން އެ ޓީމަށް ވާދަ ނުކުރެވޭނެ އެވެ.
އިންޑިއާއިން ވަނީ އުރުދުން އާއި ބަހްރެއިން އަދި ސިންގަޕޫރު އަދި އިންޑޮނޭޝި އަށް ވެސް މުބާރާތުގައި ދައުވަތު ދީފަ އެވެ.
ދުނިޔޭގެ ރޭންކިންގެ 143 ވަނައިގައި އޮތް ކުވައިތާ އެކު ސާފް ޗެމްޕިއަންޝިޕްގެ ފުޓްބޯޅައިގެ ފެންވަރު މަތިވާނެ ކަމަށް ސަރައްދީ ފުޓްބޯޅައިގެ ތަޖުރިބާކާރުން ބުނެ އެވެ.
ކުވައިތަކީ އަށްޑިހައިގެ އަހަރުތަކުގެ ކުރީކޮޅު އޭޝިއާގެ ފުޓްބޯޅައިގެ ގަދަ ބާރެކެވެ. އެ ގައުމުން ވަނީ ސްޕެއިން ގައި 1982 ގައި ބޭއްވި ވޯލްޑް ކަޕުގައި ވާދަކޮށްފަ އެވެ. އެކަމަކު ފަހުން އެ ގައުމުގެ ފުޓްބޯޅަ އަޑިއަޅާލި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިހްސާސް
04 May 2023
ނިކަން އީރާނުގެ ސީނިއާ ނުވަތަ ޔޫތު ޓީމެއް ނަމަވެސް ގެނެސްބަލަ.
ކުޅުޖަހާ ހައްވަ
04 May 2023
މިހާރު ސާފު ޗެމްޕިއަންޝިޕޭ ބުނީވާ ވެސް ދިވެހި ކުރާނެ އުންމީދެއްނެތް. މީގެ ކުރީގައިދިވެހިން ޖެހިލުމެއްނެތި އިންޑިއާ އާއި ބައްދަލުކޮށް ދިވެހިން މޮޅުވާނެ ކަމުގެ އުންމީދުގައި ތިޔަ މުބާރާތައްދަނީ. ދިވެހިންގެ ފުޓްބޯޅަ ސިޔަސީކޮށް ހަލާކުކޮށް ކޮށްލައިގެން ތިއްބައި ނޭޕާލް އާއި އިންޑިއާ މިހާރު މާބޮޑަށްވެސް ތަފާތު ދައްކާނެ. މިހާރު އިންޑިއާ ޔަގީންކަމާއި އެކު ކުޅެ ދިވެހިޓީމުކޮޅަށް 3 ވަރަކަށް ލަނޑު ނުޖަާނެ ގޮތެއްނޮއޮންނާނެ. މިފަހަރު ބޫޓާނު އަތުންވެސްމޮޅުނުވާނެ