ހަމައެކަނި ދިވެހިންނަށް ދޭ މި ޕާކިން ޖާގަތައް ލިބޭނީ އެންމެ މަތީ އަގެއް ހުށަހަޅާ މީހުންނަށް. ބިޑް ފެށޭ އަގަކީ 1،500ރ.
ހުޅުމާލޭގައި ހަދާފައިވާ ސްމާޓް ޕާކިން ޒޯން: ބިޑް އުސޫލުން އެތަނުން ޕާކިން ޖާގަތައް ކުއްޔަށް ދޫކުރުމަށް ވަނީ ހުޅުވާލައިފައި.-- ފޮޓޯ: އާބަންކޯ
17 މެއި 2023 - 10:29
6 comments
ބީލަމުގެ އުސޫލުން އެންމެ މަތީ އަގު ހުށަހަޅާ މީހުންނަށް ލިބޭ ގޮތަށް، ހުޅުމާލޭގެ ސްމާޓް ޕާކިންގެ 23 ޖާގަ ދޫކުރަން އިއްޔެ ހުޅުވާލައިފި އެވެ.
ސްމާޓް ޕާކިން ޒޯން ހެދީ ހުޅުމާލޭގެ ފެރީ ޓާމިނަލް ސަރަހައްދު ކައިރީގައި ހުންނަ ފިތުރޯނު ޕާކިން ޒޯނުގަ އެވެ. މިއީ ރާއްޖޭގެ ފުރަތަމަ ސްމާޓް ޕާކިން ޒޯނެވެ.
އާބަންކޯގެ އިއުލާނެއްގައި ބުނީ ޕާކިން ޖާގަ ބޭނުންވާ މީހުންނަށް ބީލަމުގައި ބައިވެރިވުމުގެ ފުރުސަތު އަންނަ މަހުގެ ހަތެއްގެ ނިޔަލަށް އޮންނާނެ ކަމަށެވެ. ބީލަން ހުޅުވުން އޮންނާނީ ވެސް ހަމަ އެ ދުވަހު ކަމަށް އެ ކުންފުނިން ބުންޏެވެ.
އާބަންކޯ އިން ބުނިގޮތުގައި، ބީލަން ފެށޭ އަގަކީ 1،500ރ. އެވެ. ތިން އަހަރުގެ މުއްދަތަކަށް ކުއްޔަށް ދޭ އެ ޖާގަތައް ލިބޭނީ ޕޮއިންޓް ދޭ އުސޫލުގައި ކަނޑައަޅާފައިވާ ގޮތަށް އެންމެ މަތިން ޕޮއިންޓް ހޯދާ މީހުންނަށް ކަމަށް އާބަންކޯ އިން ބުންޏެވެ.
ހުޅުމާލޭގައި ހަދާފައިވާ ސްމާޓް ޕާކިން ޒޯން: ބިޑް އުސޫލުން އެތަނުން ޕާކިން ޖާގަތައް ކުއްޔަށް ދޫކުރުމަށް ވަނީ ހުޅުވާލައިފައި.-- ފޮޓޯ: އާބަންކޯ
ޕޮއިންޓް ދޭ އުސޫލު:
• އެންމެ މަތިން އަގު ހުށަހަޅާ މީހުންނަށް 80 ޕޮއިންޓް.
• ކުރިން ހުޅުވާލި ބީލަން ކާމިޔާބު ކޮށްފައިވާ މީހުންނާއި މި ޕާކިން ޒޯން ހުންނަ ފިތުރޯނު މަގުގައި ދިރިއުޅޭ މީހުންނަށް 20 ޕޮއިންޓް.
މި ޕާކިން ޖާގަތައް ދެނީ ހަމައެކަނި ދިވެހިންނަށެވެ. ހުޅުމާލޭގައި މިހާރު ވެސް ޕާކިން ޖާގައެއް ކުއްޔަށް ނަގާފައި އޮތް މީހަކަށް ވެގެން ނުވާނެ އެވެ.
މި ޖާގަތަކަށް ހޮވޭ 23 މީހުންގެ އިތުރުން 10 މީހަކު ވެއިޓްލިސްޓް ކުރާނެ ކަމަށް ވެސް އާންބަކޯގެ އިއުލާނުގައިވެ އެވެ.
ހުޅުމާލޭގައި ހަދާފައިވާ ސްމާޓް ޕާކިން ޒޯން: ބިޑް އުސޫލުން އެތަނުން ޕާކިން ޖާގަތައް ކުއްޔަށް ދޫކުރުމަށް ވަނީ ހުޅުވާލައިފައި.-- ފޮޓޯ: އާބަންކޯ
ޕާކިން ޖާގަތައް ކުއްޔަށް ނަގާ މީހުން އެތަން ސަބްލީސް ކުރުމާއި ރަޖިސްޓަރީ ކުރާ އުޅަނދު ނޫން އެހެން އުޅަނދުތައް އެ ތަނުގައި ޕާކުކުރުން މަނާ ވާނެ އެވެ. އެ މީހެއްގެ ނަމުގައިވާ އެހެން އުޅަނދެއް ޕާކުކުރަން ބޭނުންވާ ނަމަ، އެކަމުގެ ހުއްދައަށް އެދެން ޖެހޭނެ އެވެ. އެ ޖާގަތަކުގައި އުޅަނދު ރަޖިސްޓަރީ ކުރުމުގެ ހުއްދަ ނުވަތަ ގަރާޖު ސިޓީ ދޫނުކުރެވޭނެ ކަމަށް އާބަންކޯ އިން ބުންޏެވެ.
ހަމައެކަނި ކާރު ޕާކް ކުރެވޭ ގޮތަށް ހަދާފައިވާ މި ސްމާޓް ޕާކިން ޒޯންގައި ކުރު މުއްދަތަށާއި ދިގު މުއްދަތަށް ޕާކުކުރަން ބޭނުންވާ ޖާގަތަކާއި ނުކުޅެދުންތެރިކަން ހުންނަ މީހުންނަށް ހާއްސަ ޖާގަތައް ވެސް ހުންނާނެ ކަމަށް އާބަންކޯ އިން ބުންޏެވެ. ކުރު މުއްދަތަށް ޕާކް ކުރަން ބޭނުންވާ މީހުންނަށް ހާއްސަ ކޮށްގެން ޕާކިން އެޕްލިކޭޝަނެއް ވެސް ތައްޔާރުކޮށްފައިވާ ކަމަށް އެ ކުންފުނިން ބުންޏެވެ.
އާބަންކޯ އިން ބުނީ ހުޅުމާލޭގެ އިތުރު ތަންތަނުގައި ވެސް ސްމާޓް ޕާކިން ޒޯން ހެދުމުގެ މަސައްކަތް ކުރަން ރާވާފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙުވާ
17 May 2023
ހުޅުމާލޭގަ އެބައުޅޭތަ ވެހޭހާވާރެޔަކާ ދޭހާ އައްވެއްގަ ޕާކުކޮއްލާފަ ބާއްވާނެ ތަނެއް ނުލިބިފަ ތިބި ބަޔަކުވެސް؟؟. ނޫޅޭނެ.. ލާރިނުދީ ޕާކުކުރާނެ ޖާގަ ބައިވަރު..
ހާސަރު
17 May 2023
ފުރީކޮށް ހުޅުމާލޭ ހުރިހާ ހިސާބެއްގާ އެއޮތީ ޕާރކްކުރެވެން! ބިޑް ނުކޮށް އޭރަކު ބޭނުންތަނަކު ޕާރކް ކޮށްލަންވީ އެއްވެސް މައްސަލައެއް ނެތް! އިމާރާތުގެ ވެރިމީހާގެ ވެހިކަލް މީހަކު އަރުވަން ވެސް މަޑުކޮށްލެވެން ނެތް ތަންތަން އެބަހުރި! ނިކަން ސްމާރޓް ކޮށް މަނާތަންތަނުގާ ޕާރކްކުރީމަ ފުރޮޅު ތަޅުލަން ފަށާބަލަ އޭރުން މައިތިރިވާނެ.
ބޭރުގޮލާ
17 May 2023
އާދަންކޮއިގެ އަނެއް ކޮރަޕްޝަން. ސްމާޓް ޕާކިންގައި އެވެއިލެބްލް ސްލޮޓް ފެންނަން ހުރުމުގެ ބޭނުމަކީ ކޮންމެ މީހަކަށްވެސް އެވެއިލެބްލް ސްލޮޓްގައި ޕާކް ކުރެވުން. ބިޑް އުސޫލުން ސްލޮޓް ވިއްކަންޏާ ތިޔަ ބޯޑުގެ އެއްވެސް ބޭނުމެއްނެތް. ބަޔަކަށް ލާރިތަކެއް ދޭންވެގެން ކޮށްފަ އޮތް ކަމެއް.. ނުވަތަ ތަން ހަދާނިމުނުފަހުން ޕޮލިސީ ބަދަލުވީ. މިކަންތައްތައް އިސްލާހުކުރަން ޖެހޭ. ކޮބާތޯ ހަސަން ކުރުސީ
ބޯދިގު އާސިއްޕެ
17 May 2023
ސުމާރޓު އެކަމަކު ވަށައިގެން އެއްވެސް ރައްކާތެރި ކަމެއް ނެތް ވެހޭހައި ވާރޭގަ ދޭހައި އަތްވެއްގަ ދެން ތިވަރަކަށް ސްމާރޓުވާނީ ބީލަން އުސޫލުން ގައުމު ވިއްކާ ހުސްކޮށް ލައިފި
ޢަހުމަދު އާސިފު ނޮޅިވަރަން
17 May 2023
ހުޅުމާލޭގެ އެކި ޕާކިން ޒޯންތަކަށް ޖަހާފަހުރި ބާދަނގަޑަށްވެފަ ހުންނަކާރުތަަށް ނަގާ މަގުތަށް ސާފުކުރުން މާ މުހިންމު. ގާނޫނުގަ އެ އޮތީ އެއް ޕާކިންގ ޒޯންގައި ބޭއްވޭނީ ގިނަވެގެން ހަފްތާއަކަށޭ ގައިމު
ކުޅުޖަހާ ހައްވަ
17 May 2023
މިދައުރުގައި ހުޅުމާލޭ ވިއްކައި ހުސްކޮށްލައިފި. ހުޅުމާލޭ 2 ވަނަފިޔަވަހީގެ ހިޔާ 14 އާއި ދިމާލުން އިރުމަތިީ ގައި ބީޗްއާއި ވީފަރާތުގައި އޮތް ތަންކޮޅުގައި ވެސް މިހާރު އެބަހަރު ނަންބަރުޖަހާފައި ގޯތިވިއްކަން. އިންތިހާބާއި ކާރިވާވަރަކަށް މިދަނީ މިކަން ހައްދުންނަށްޓާފައި. އިންތިހާބަށް ޓަކައި ހިޔާޓަވަރު ތަކުގެ ސިކުރިޓީއޭކިޔާފައި މާލޭގެ ތިބިހައި ބޯދިގު ގުރުޕަށް ވަޒީފާދީފައި އެއޮތީ. އެމީހުންޑިއުޓީގައި ތިބޭއިރު އެބަތިބޭ ރައްޓެހި އެތައްބަޔކު އެމީހުންނާއިއެކު.