މަޖިލީހުގެ ނައިބު ރައީސް އީވާ: އޭނާ އާއި ދެ ވަޒީރެއްގެ އިތުބާރު ނެތްކަމުގެ މައްސަލަ ވަނީ އެޖެންޑާ ކޮށްފައި --- ފޮޓޯ/މަޖިލިސް
25 މެއި 2023 - 16:09
18 comments
ރައްޔިތުންގެ މަޖިލީހުގެ ނައިބު ރައީސް އީވާ އަބްދުﷲ އާއި އެޓާނީ ޖެނެރަލް އިބްރާހިމް ރިފްއަތާއި ފޮރިން މިނިސްޓަރު އަބްދުﷲ ޝާހިދުގެ އިތުބާރު ނެތްކަމުގެ މައްސަލަ ރައްޔިތުންގެ މަޖިލީހަށް އެޖެންޑާކޮށްފި އެވެ.
އެމްޑީޕީގެ މެމްބަރުކަމުން އީވާ ވަކިވެ ވަޑައިގެންފައި ވަނިކޮށް ނައިބު ރައީސްކަމުން އޭނާ ވަކިކުރަން މަޖިލީހަށް ހުށަހެޅީ އެމްޑީޕީގެ ޕާލިމެންޓްރީ ގްރޫޕުންނެވެ. އަދި ރާއްޖެ އާއި މޮރިޝަސްގެ ކަނޑުގެ މައްސަލައާ ގުޅުވައިގެން ރިފްއަތާއި ޝާހިދުގެ އިތުބާރު ނެތްކަމުގެ މައްސަލަ ހުށަހެޅީ އިދިކޮޅު މެމްބަރުންނެވެ.
އެ މައްސަލަ މަޖިލީހުން އެޖެންޑާކޮށް، މެމްބަރުންނަށް ނޯޓިސް ފޮނުވާފައިވަނީ ރިފްއަތުގެ އިތުބާރު ނެތްކަމުގެ މައްސަލަ އަންނަ ހަފުތާގެ ބުދަ ދުވަހު ކުރިއަށް ގެންދިއުމަށެވެ. ޝާހިދުގެ އިތުބާރު ނެތްކަމުގެ މައްސަލަ އަންނަ މަހުގެ ހަ ވަނަ ދުވަހު ކުރިއަށް ގެންދަން ވެސް ވަނީ ހަމަޖައްސައިފަ އެވެ.
ފޮރިން މިނިސްޓަރު ޝާހިދާއި އެޓާނީ ޖެނެރަލް ރިއްފަތު --- ފޮޓޯ/މިހާރު
އީވާގެ އިތުބާރު ނެތްކަމުގެ މައްސަލަ ތާވަލް ކުރީ އަންނަ މަހުގެ 11 ވަނަ ދުވަހު އެވެ.
މަޖިލީހުގެ ރައީސް މުހައްމަދު ނަޝީދަށް ތާއީދު ކުރައްވާ އެމްޑީޕީގެ މަޖިލިސް މެމްބަރުންތަކެއް އެމްޑީޕީ އާއި ސަރުކާރަށް ފާޑު ވިދާޅުވެ، ޕާޓީން ވަކިވެ ވަޑައިގެން އާ ޕާޓީއެއް އުފެއްދުމުގެ މަސައްކަތް ފެށްޓެވިއިރު އެކަމުގައި އީވާ ވެސް އިސްކޮށް ހަރަކާތްތެރިވެ ވަޑައިގަންނަވަ އެވެ.
މަޖިލީހުގެ ރައީސާއި ނައިބު ރައީސްގެ އިތުބާރު ނެތްކަމަށް ފާސް ކުރެވޭނީ ޖަލްސާގައި ބައިވެރިވާ މެމްބަރުންގެ އަޣުލަބިއްޔަތުންނެވެ. މަޖިލީހުގެ ހުރިހާ މެމްބަރުން ބައިވެރިވާނަމަ، 43 މެމްބަރުންގެ ވޯޓުން ވަކި ކުރެވޭނެ އެވެ. އަދި އެމްޑީޕީން އެ މައްސަލަ ހުށަހެޅީ 50 މެމްބަރުންގެ ސޮޔާ އެކު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިވާން ޖަމީލް
26 May 2023
ރައްޔިތުން ނިކުމެ ޔާމީން ބަލިކޮށްފިއޭ އަދި ޖަޒީރާ ރައީސެއް ހޮވައިދީފިޔޭ މިކަމުގައި ބެރުޖަހާ ލަވަ ކިޔަން ވާނެޔޭ ނެށުމުގައި ހީ ހަދާ އަތް ޖަހަން ވާނެޔޭ #އިބޫ 2023 އޯގާތެރި ސަރުކާރު
އަންޑޭ
26 May 2023
ނަޝީދަކީ އެންމެން ޤުރުބާންކުރާ މީހެއް. ޔޫކޭ ގައި ގޮނޑި ދުއްވަން އުޅުނުއިރު ރައީސް އިބޫމެން މުޒާހަރާތަށް ޖެެއްސީ!
ސަކަރާތްޖަހަނީ
25 May 2023
ރައްޔަތުނަނަށް ޚިދްމަތް ކުރާށޭ ކިޔާފައި މިދެ ގުރޫޕްމީހުން މަޖްލީހުގައި ތިބެގެން ރައްޔަތުންގެލާރިން މުސާރަ ހޯދައިގެން ކޮން ސަކަރާތެއް ޖަހާކަށްތަ؟ މިދެބައިމިހުން! ލަދެއްވެސް ނުގަނޭދޯ.
ބޮޑުމީހާ
25 May 2023
ތި 3 މީހުންވެސް ބޭރުކުރަންވީ. ސަހަލުއެކަކުވެސް ނެތް މި ރާއްޖޭގެ ސިޔާސީ ދާއިރާގަ. ހުސް ރައްޔިތުންގެ ޚާދިމުން، ކަމަކާއިޖެހުނީމާ ރައްޔިތުން މަތިން ހަނދާނެއް ނުހެރޭ
އަރުތަ
26 May 2023
ކަންއޮތީ ތިޔަހެން، އެކަމަކު ދެން އެތަނަށް ލާ މީހަ ރަގަޅުވާނެތަ؟
އަލީ
25 May 2023
ޝާހިދުގެ ކަމަކީ ދިވެހިން ދުވަހަކުވެސް ދަތުރު ނުކުރާ އަޑުވެސް ނާހާ ގައުމުތަކަށް ދިއުމަށް އޮންއެރައިވަލް ވިސާ ލިބޭނެގޮތަ ހަދައިދިނުން ދޯ
ނާޒިމް ސ
25 May 2023
ހެހެހެހެ.. އީވާއަށް ނަޝީދަށްވުރެ ތާއީދު ބޮޑުވީމަ އެމަންޖެއަށް ގަސްތުގަ ނަޝީދު ދިން ލަނޑެއް. ހެޔޮ އެދޭކަމަށް ހެދިގެން އަދިވެސް އެހުންނަނީ މަޖިލިސް ރައީސްކަމުގަ..
ކަތްދައްތަ
25 May 2023
އީވާ ދެން ލަދުނުގަންނާތި އެ ހުންނަނީ، މަނަމަ މިހާރު އިސްތިއުފާ ދީފީމުސް. 50 މެމްބަރުން ސޮއިކުރީމަ ލަދެއްހުރި މީހަކުނަމަ ނަންފަތުގަ ހިފާ ބޭރު ނުކުތަނިސް އެތަނުން ނުކުންނާނެ.
ހުސެންް
25 May 2023
ޝާހިދު މީ ގައުމުގެ ބަޖެޓުގަ ބޭކާރު ގޮތުގަ ތަޅަނީ. ވަކިކުރަން މާ ލަސްވެސްވެއްޖެ.
އަރުތަ
26 May 2023
ކާކުހޭ، ބަޖެޓް ތަޅާ ހުސް ނުކުރަނީ. ކޮންމެ ސަރުކާރެއްގެވެސް ހަމަ ކުރަނީ އެކަން ނޫންތަ؟ ދެން ގެންނަ ސަރުކާރުންވެސް ކުރާނީ ހަމަ އެކަންތައް.
ފިޔޯރީ
25 May 2023
ޝާހިދެއް ނުގުޑާނެ
ސީޒަން ޖެކުހަން
25 May 2023
އަވަހަށް ތިކަންތައް ނިންމާންއުޅޭ. ޝާހިދުވެސް ބުރުތަޅާކަށް ނޯވޭ ހައްދެއް. ދުނިޔޭގެ ހުރިހާ ބިއްތަކަށް ދަތުރުކުރަމުންދާއިރު ގައުމަށް ވާ ފައިދާއަށްވުރެ ބޮޑީ ގެެއްލުން.