މީހެއްގެ އައިޑީ ކާޑު: ޑީއެންއާރުން ވަނީ އައިޑީ ކާޑު ދޫކުރާ ގަޑި އަވަސްކޮށް، ޓޯކެން ނަންބަރު ދޫކުރާ ވަރު އިތުރުކޮށްފައި.-- ފޮޓޯ: ފަޔާޒް މޫސާ | މިހާރު
29 މެއި 2023 - 09:54
9 comments
އައިޑީ ކާޑު ދޫކުރާ ގަޑި އަވަސްކޮށް، ޓޯކެން ނަންބަރު ދޫކުރާ އަދަދު ވެސް މިއަދުން ފެށިގެން އިތުރުކޮށްފި އެވެ.
ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން (ޑީއެންއާރު) އިން އިއްޔެ ކުރި އިއުލާނެއްގައި ބުނީ، އައިޑީ ކާޑުގެ ހިދުމަތް ދިނުން އަވަސްކުރުމުގެ ގޮތުން މިއަދުން ފެށިގެން ބައެއް ބަދަލުތައް ގެނެސްފައިވާ ކަމަށެވެ.
ޑީއެންއާރުން ބުނީ އައިޑީ ކާޑު ދޫކުރުމަށް ދޭ ޓޯކެން ނަންބަރު ދެން ދޫކުރާނީ ހެނދުނު 8:00 އިން ފެށިގެން ކަމަށެވެ. ހެނދުނު 8:30 އިން ފެށިގެން އައިޑީ ކާޑު ދޫކުރަން ފަށާނެ އެވެ. ކުރިން ޓޯކެން ނަންބަރު ދޫކުރަމުން އައީ ހެނދުނު 10:00 އިން ފެށިގެންނެވެ.
ކޮންމެ ދުވަހަކު ދޫކުރާ އައިޑީ ކާޑުގެ އަދަދު ވެސް އިތުރުކޮށްފައިވާ ކަމަށް އެ އިއުލާނުގައި ވެ އެވެ. ކުރިން ދުވާލަކު 400 އައިޑީ ކާޑު ދޫކުރަމުން އައި ނަމަވެސް މިއަދު ފެށިގެން ކޮންމެ ދުވަހަކު 600 ކާޑު ދޫކުރާނެ ކަމަށް ޑީއެންއާރުން ބުންޏެވެ.
އައިޑީ ކާޑުގެ ހިދުމަތް ހޯދަން ޓޯކެން ނަންބަރު ދޫކުރަނީ ކިއުބީ އެޕުންނެވެ.
މީގެ ކުރިން އެއް ދުވަސް ތެރޭގައި ދޫކުރަމުން އައި އައިޑީކާޑު ނުލިބި މަހަކަށް ވުރެ ގިނަ ދުވަސް ވާތީ، އާންމުންގެ ޝަކުވާ ވަރަށް ބޮޑުވި އެވެ. އައިޑީކާޑު ލިބުން ލަސްވުމުގެ ސަބަބުން ބައެއް އަސާސީ ހިދުމަތްތައް ހޯދަން އުނދަގޫވާ ހިސާބަށް ވެސް ކަންކަން ގޮސްފައިވާ ކަމަށް ބައެއް މީހުން ބުނެފައި ވެ އެވެ.
އެ ޝަކުވާތަކާ ގުޅިގެން "މިހާރު" އިން ސުވާލު ކުރުމުން ޑީއެންއާރުން ބުނެފައި ވަނީ، އައިޑީ ކާޑު ލިބުން އެންމެ ބޮޑަށް ލަސްވެފައި ހުރީ ފޮޓޯ ނަގައި ދިނުމުގެ ހިދުމަތްދޭ އެފްޑީއައި އާއި ރީތި ފޮޓޯ ކަހަލަ އެހެން ތަންތަން މެދުވެރިކޮށް ފޯމު ހުށަހަޅާފައި ތިބޭ މީހުންގެ އެވެ. އެހެންވެ، އެތަނުން އެދުނީ ކޮންމެ މީހަކު ވެސް ޑީއެންއާރުގެ ޕޯޓަލް މެދުވެރިކޮށް އަމިއްލައަށް ފޯމު ހުށަހެޅުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެނދިމަރިޔަނބު
29 May 2023
ތިތާ ގަޑިވެސް ހަމަކޮއްލާތި. ގަޑި ހަމައެއް ނޫން. އަނެއްހެން ވަރަށ ފަސޭހަ. އަހަރެން އެޕްލައިކޮށް ފައިސާ ދެއްކީ ޕޯޓަލްއިން. ހަފްތާއަކުން ނިމިއްޖެ. ޕޯޓަލްއިން ކާޑު ރެޑީއޭ ބުނީމަ ޖެހިގެން އައިދުވަހު ގޮސް ނެގުނު.
ބުޅިތުކާލް
29 May 2023
ތީ ށ. ފީވަކު މީހެއްގެ ކާޑެއް! ހައްހައްހައްހާ....
ކަނދޭ
29 May 2023
ތީ އާންމު މީހާއަށް ވުރެ މުވައްޒަފުންނަށް ފަސޭހަ ކޮށްދީފަ އޮންނަ އޮފީހެއް. ހައިރާނެށް ނުވޭ
ތަރައްގުއި
29 May 2023
މިދިވެހިރާއްޖޭގައި މިއޮންނަނީ ކޮންފަދަ ނިޒާމެއްތަ. އޮފީސްތައް ހުޅުވާ ބަންދުކުރާގަޑިއާ ހިދުމަތްދޭ ގަޑިތަފާތު. އެހެން ގައުމުތަކުގައި އޮފީސް ހުޅުވާފަ ހުންނަންޏާ ހުރިހާ އެއްޗެއްބަލާގަނެ ދޫކުރޭ. ރާއްޖޭ އެކި މިނިސްޓީރީން އެތާނގެ މީހުން ސައިބޯންދާން ފަސޭހަވާގޮތައް އޮންނަނީ. ބެންކުވެސް މީގަހިމެނޭ. ރާއްޖެ އެހެން ގައުމުތަކާ މުޅިންތަފާތު.
ހުސޭނުބެ
29 May 2023
ތިޔަ އައީޑީ ކާޑު ކައުންޓަރު ގައި ވާވަރަށް މީހުނއ ބައިތިއްބައިގެން ތިކަންވާނީ! 3 ކައުންޓަރު ގައި ތިބޭނީ ކުދިންތަށް ! އެހެންކައުންޓަރު ތައް ނަގާ އުކާލަންވީނު? ކޮންމެހެން ދައްކާކަށް ކިއްކުރަން ބަހައްޓާ ތަނެއް! ކާޑު ދޫކުރަން 08:30 ގައި ފަށާފައި ދެންވީ ކާޑުދޫކުރާމީހުން ތަށް ވސައިބޯންދާން!! 3 ހަތަރު ގަޑިއިރުވާ އިރުވެސް ނަމްބަރު ނުޖޭޙޭނެ!
ޙުދާ
29 May 2023
ޢަހަރުމެން ރަށްރަށުގައި އުޅޭ މީހުންނަށް ފަސޭހަވާނެގޮތެއްވެސް ހަމަޖައްސާލަ ދީބަލ! ކާޑަކަށްލައިގެން 3 މަސްވާއިރުވެސް ކައުންސިލުގައި ތިބޭ މީހުންނަކަށް ވާނުވާވެސް ނޭގޭ! 1000 މަތިިން ޓިކެޓް ނަގައިގެން ގޮސް ބޮޑުކުލިދީފައި ބަލާއިރު އައިޑީ ކާޑަކަށް 5000 ހޭދަވޭ!
ގުދުގުދުލީބެއްޔާގެ ތެދުބަސް
29 May 2023
އައީޑީކާޑަށްވުރެ ކަންތައްބޮޑީ ޓްރާންސްޕޯޓު. އެހެންބައެއްގެ ސުލޮޓުގާ އޮންނައިރު އިބޫއަކަށް ނުކެރޭ ގޮތެއްހަދާކަށް ހުރިހާ ޑިމޮކުރެޓުންތައް ބުރުވާލިއިރުވެސް.
ރަންނަ
29 May 2023
ކުރިން 10:00 ޖަހާއިރު ހުޅުވާއިރު އޮންނަނީ 100 ވަރަކަށް ނަންބަރުން ވައްކަން ކޮށްފަ. 10:00 ޖަހާއިރު ނަންބަރު ނެގީމަ ލިބެނީ 100 ވަރަކަށް ނަންބަރުން ފެށިގެން. ދެން އެނަންބަރު ޖެހެނީ މެންދުރުފަހު. ދެން މިކޮމެންޓަށް އަޑީކާޑު އޮފީހުގެ ބޮޑުމީހާ ކޮމެންޓްކުރާނެ އެކުދިން ވައްކަމެއް ނުކުރާނޭ ކިޔާފަ
އަބްލާ
29 May 2023
ތިޖެހުނީ ކަންތަކާއި.8:30ގަ ނަގާނަމްބަރ ދެން ޖެހޭނީ 3ޖަހާއިރު..ވަޒީފާއަަށް ސަލާމްބުނެފަ ކާޑް ނަގަން އުޅެން ޖެހޭނީ.2ކައުނޓަރުން ދޫކުރަނީ އިބޫ ސްޕީޑްގަ..