ރިފްއަތު ޖަވާބުދާރީވީ ލިޔުމުން, އިތުބާރުގެ މައްސަލަ ސުވާލެއްގެ ތެރެއަށް!

މުހައްމަދު ވިޝާމް، މިހާރު

31 މެއި 2023 - 09:47

ރާއްޖޭގެ ކަނޑުގެ ސަރަހައްދުގެ ބައެއް ދޫކޮށްލި ކަމަށް ކުރާ ތުހުމަތުގައި އެޓާނީ ޖެނެރަލް އިބްރާހިމް ރިފްއަތުގެ އިތުބާރު ނެތް ކަމުގެ މައްސަލައިގެ ދިފާއުގައި މަޖިލީހަށް މިއަދު ވަޑައިނުގެން، ލިޔުމުން ދިފާއު ފޮނުއްވުމުން މައްސަލަ ކުރިއަށް ގެންދިއުމާ މެދު ސުވާލު އުފެދިއްޖެ އެވެ.

މިއަދުގެ ޖަލްސާގެ ރިޔާސަތުން، މަޖިލިހުގެ ރައީސް މުހައްމަދު ނަޝީދު އެ ސުވާލު އުފެއްދެވި ނަމަވެސް ގާނޫނުއަސާސީގައި ބުނަނީ ވަޒީރެއްގެ އިތުބާރު ނެތް ކަމުގެ މައްސަލަ ހުށަހަޅައި، މަޖިލިހުގައި އެ މައްސަލައާ ގުޅިގެން ކުރެވޭ ބަހުސްގައި، އަނގަބަހުންނާއި ލިޔުމުން ދިފާއުގައި މަސައްކަތް ކުރުމުގެ ހައްގު އެ ވަޒީރަކަށް ލިބިގެންވާ ކަމަށެވެ.

ބަންޑާރަ ނައިބުގެ އިތުބާރު ނެތް ކަމުގެ މައްސަލަ މިއަދުގެ ޖަލްސާ އަށް އެޖެންޑާ ކޮށްފައިވާއިރު، ޖަލްސާ ފެށުމާއެކު، ރިޔާސަތުން ނަޝީދު ވިދާޅުވީ، އިތުބާރު ނެތްކަމުގެ މައްސަލާގައި މަޖިލީހުގެ އާންމު ކޮމިޓީން ނިންމާފައިވަނީ ބަންޑާރަ ނައިބު މަޖިލީހަށް ހާޒިރުވެވަޑައިގެން ދިފާއުގައި ވާހަކަ ދެއްކެވުމަށް 30 މިނެޓުގެ ވަގުތެއް ދިނުމަށް ކަމަށެވެ.

ނަމަވެސް، މަޖިލިހަށް ހާޒިރުވެވަޑައިނުގެން، ރިފްއަތުގެ ދިފާއު ލިޔުމުން ފޮނުއްވާފައިވާތީ، އެ މައްސަލަ ކުރިއަށް ގެންދިއުމާ މެދު ސުވާލު އުފެދިފައިވާ ކަމަށް ނަޝީދު ވިދާޅުވި އެވެ.

"ގާނޫނުއަސާސީގައި އެބަ ބުނޭ، ވަޒީރެއްގެ އިތުބާރު ނެތްކަމުގެ މައްސަލަ ތަކުގައި ޖަވާބުދާރީވުމުގެ ފުރިހަމަ ފުރުސަތު އެ ވަޒީރަކަށް ދޭން ޖެހޭނެ ކަމަށް،" އެ މަނިކުފާނު ވިދާޅުވި އެވެ.

އެކަމާ ގުޅިގެން، ސަރުކާރަށް ނިސްބަތްވާ މެމްބަރުން ވަނީ ނިޒާމީ ނުކުތާ ނަންގަވައި، ވިދާޅުވީ މަޖިލިހުގެ މެޖޯރިޓީ ލީޑަރާއި މައިނޯރިޓީ ލީޑަރާ މަޝްވަރާ ކުރުމަށް ފަހު އެއްބަސްވެވޭ ގޮތަކަށް މައްސަލަ ކުރިއަށް ގެންދެވޭނެ ކަމަށެވެ.

އެއާ އެކު، ނަޝީދު ވަނީ އެ ނިޒާމީ ނުކުތާ ބަލައިގަންނަވައި، އެ މަޝްވަރާ ކުރުމަށްޓަކައި، މަޖިލީހުގެ ޖަލްސާ މެދުކަނޑާލައްވައިފަ އެވެ.

ބަންޑާރަ ނައިބާ ދެކޮޅަށް އިތުބާރުނެތް ކަމުގެ މައްސަލައެއް ހުށަހެޅީ، ޗާގޮސްގެ މައްސަލަ ކުރިއަށް ގެންދިޔަ އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) ގައި ބަންޑާރަ ނައިބުގެ ހައިސިއްޔަތުން ރިފްއަތު އިސްދައުރެއް އަދާކުރެއްވި ގާނޫނީ ޓީމުން ވަކާލާތު ކުރީ ރާއްޖޭގެ ހިމާޔަތުގައި ނޫން ކަމަށް ބުނެ އެވެ.

ރިފްއަތުގެ އިތުރުން ފޮރިން މިނިސްޓަރު އަބްދުﷲ ޝާހިދުގެ އިތުބާރު ނެތްކަމުގެ މައްސަލައެއް ވެސް އިދިކޮޅު ފަރާތްތަކުން ވަނީ މަޖިލީހަށް ވައްދައިފަ އެވެ.

ރައްޔިތުންގެ މަޖިލިސް އިތުބާރުނެތްކަމުގެ ވޯޓް އެޓާނީ ޖެނެރަލް އިބްރާހިމް ރިފްއަތު، އެޓާނީ ޖެނެރަލް މޮރިޝަސް ރާއްޖެ-މޮރިޝަސް

34 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖަޑިބު

31 May 2023

އަނގަބަހުން ނޫނި ލިޔުމުން ޖަވާބުދިނުމުގެ ހއްގު އޮތުމަކީ އޭނާ ޖަވާބުދާރީ ކުރުވާ ފަރާތުން ކަނޑައަޅަގޮތަށް ޖަވާބުދިނުން. މަޖިލީހަށް ހާޒިރުވާން ބުނެފިއްޔާ ޖެހޭނީ ހާޒިރުވެ ޖަވާބުދޭން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެކެކެކެ

02 June 2023

މާ މޮޅަށް އެނގިފަ ތިއޮތީ. އިތުބާރު ނެތްކަމުގެ މައްސަލަތަކުގައި، ޖަވާބުދާރީވުމަކީ ވަޒީރުންނަށް ލިބިފައި އޮންނަ ޙައްޤެއް (ފުރުޞަތެއް). އެއީ އޭނާ ދިފާއުގައި އެކަން ކުރަން ބޭނުން ނޫންނަމަ ނުކޮށް ދޫކޮށްލެވެން އޮތްކަމެއް. މަސައްކަތާ ގުޅިގެން ޖަވާބުދާރީ ކުރުވަން ބޭނުމިއްޔާ މަޖިލީހަށް އޮންނާނެ ވަޒީރުން ހާޒިރުކޮށް ސުވާލުކުރުމުގެ ބާރު. އެގޮތަށް ކުރަންވީ. އިތުބާރުނެތް ކަމުގެ މައްސަލަތަކަކީ ޖަވާބުދާރީކުރުވަން އޮންނަ ކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

31 May 2023

ދިފާއުވާން ދެއްކޭނެ ވާހަކައެއް ނެތީމާ ދެންޖެހޭނީ ގާނޫނީ ލޫޕްހޯލް ބޭނުންކުރަން..މިއަދު ތި މަޖްލީހަށް ދިޔަނަމަ މިކަމުގައި އެތައް ޖަރީމާތަކެއް ހިންގާފަހުރިކަން ފަޅާއަރާނެ..ކޯޓް މަރުހަލާ މެދުވެރިނުކޮށް 1.6 ބިލިއަން ރުފިޔާ ބަދަލަށް ދިން ބަޔަކު ތީމުގެވެސް ވިއްކާލަން ފަސްނުޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަގީނޭ

31 May 2023

ޔަގީން ހާޒިރުނުވީ ވަރަށް ބޮޑު މައްސަލަ އެއް އޮތީމައޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކިލީކްސް

31 May 2023

ޤާނޫނީ ލޮލުން ބަލާކަމުގައި ވަނީނަމަ މަޖިލިސްކުރާ ގެއަށް ބަންޑާރަނައިބު ހާޒިރު ނުވުން އެއީ މައްސަލައެއް ނޫން!ކުރިޔަށް އޮތްތަނުގައި ވަޒީރުން މަޖިލީހަށް ހާޒިރުކުރުން މަޖުބޫރުކުރުވަން ބޭނުންވާނަމަ އެކަމަށް އޮތް ހައްލަކީ ލިޔުމުން ޖަވާބުދާރީވުމަށް އޮތް އޮތުން ނިމުމަކަށް ގެނައުން! އެހެންނަމަވެސް ދަންނަން ޖެހޭނެ މިއީ ޕާލަމެންޓަރީ ވެރިކަމެއް ނޫންކަން! އިދިކޮޅުން ބޭނުންވާއިރަށް ވެރިކަން ވައްޓާލެވޭނެ ފުރުސަތު އޮންނަ ނިޒާމަކީ ބިރުވެރި ނިޒާމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހްސާސް..

31 May 2023

ހާދަ ގަޓެއްނެތޭދޯ. ނިކަން މަޖިލީހަށް ޖައްސާލާ ސުވާލުތަކަށްވެސް ޖަވާބުދީބަލަ ކަމެއް ގޯހުން ނުކުރާކަން ސާބިތުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެއްވާ މަޖާ

31 May 2023

މިއީ ސުވާލެއް އޮވެގެން ކުރާ ކަމެއް ނޫން ކަމަށް ބެލެވެނީ. އަޅުގަނޑަށް ފެންނަ ގޮތުގައި މިއުޅެނީ ގިނަ ދުވަހު އީވާ މަޤާމުގައި ބެހެއްޓޭނޭ ގޮތެއް ހަދާން. ބޮލުން ވަރަށް ކުޅޭން މަސައްކަތް ކުރާނެ. ނަމަވެސް ބޯ ރަނގަޅެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަތީނު

31 May 2023

އަހަންނަށް ގެޓުނުވާ ކަމަކީ، މިކަމާމެދު ސަރުކާރަށް ތާއީދުކުރާ ފަރާތްތަކުން "މަރަށްފުރާނައަށް" މިއުޅެނީ ކީއްވެގެންކަމެވެ. މިސާލަކަށް ހުރިހާ މަރުޙަލާއެއް ކަޑައްތުކޮށްގެންވެސް ޗާގޯސް ނުލިބުނިއްޔޯ. ނޫޅެ ނުލިބުމަށްވުރެ އުޅެގެން ނުލިބުންވެސް މާރަގަޅެވެ. ކޮބައިތަ ކަލޭމެންގެ މައްސަލައަކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕަންޕްޗެކާ

31 May 2023

އަހަރެންނަށް ގެޓު ނުވާ ކަމަކީ މިނިކާ ރާއްޖެ (އަންޑަމަން އައިލަންޑްސް) ހޯދަން ނޫޅެނީ ކީއްވެހޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަތީނު

31 May 2023

މިހާތަނަށް ޗާގޯސްގެ މައްސަލާގައި އެއްޗެކޭ ނުބުނަމެވެ. އެއީ އަހަރެންނަށް ނޭގޭތީއެވެ. ފޯޅަވައްސަކީ ރާއްޖޭގެ ބައެއްކަމެއް ނޫންކަމެއް އަހަންނަކަށް ނޭގެއެވެ. އެކަމަކު އެނގޭކަމަކީ ހިކިފަސްތަން މަދު މިރާއްޖެއަށް އެންމެ އިންޗިއެއްވެސް އިތުރުކުރެވުމުގެ ޒައްރެއްގެ މިންވަރުގެ ފުރުޞަތެއް އޮތަސް އެ ފުރުޞަތެއްގެ ބޭނުންހިފުމަކީ ޤައުމަށް ކިރިޔާވެސް ކުލުނެއް ހުރިމީހަކު ދޫކޮށްނުލާނެ ކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަތިން

31 May 2023

އެންމެ ކުރު ގޮތަކަށް މައްސަލަ އެނގެން ބޭނުންނަމަ މި ނޫހުގަވެސް އެބަ އޮތް ބައިވަރު ލިއުން އެ މައްސަލައިގަ ވާ ގޮތް ކިޔައިގެން ސާފުވާވަރަށް. އެހެން ގައުމެއްގެ ކަނޑުން ބައެއް މިގައުމުން ޒަމާނުއްސުރެ ބޭނުންކުރަމުން އައުމަކީ މި ގައުމުން އެބައި ދޫކޮށްލުމުން މިގައުމަށް އެބައި ގެއްލެނީއޭ ބުނެވޭނެ ކަމެއް ނޫން. އަނެއްކަމަކީ ޗާގޯސްއަކީ ދުވަހަކުވެސް ރާއްޖެއިން ހޯދަން ދައުވާކުރި ތަނެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިލާސްޓިކް

31 May 2023

ކީއްކުރަންދާތަނެއް. ޗަރުކޭސް ކުޅޭ ތަނަކަށްގޮސް ވަގުތު ބޭކާރު ކުރުމުގެ ބޭނުމެއް ނެތެވެ. މައްސަލައަކީ ސާފު މައްސަލައެއް. ޖަވާބެއް ދިނުމާއި ނުދިނުމަކީ އިހުތިޔާރުގައި އޮތްކަމެއް. މެމްބަރުން ގޮތެއް ނިންމީމަ ނިމުނީ. ގާނޫނު އަސާސީގަ ލިޔެފައެއްނެތް އިތުބާރުގެ މައްސަލައި މަޖިލީހަށް ޖަވާބުދާރީވާންޖެހޭނެއެކޭ އެ ފުރުސަތު ދޭންވާނޭއޮތީ. މަޖިލީހުންވަނީ ފުރުސަތު ދީފަ، އޭނާގެކަމެއް ފުރުސަތުގެ ބޭނުންކުރުމާއި ނުކުރުންއެއީ.