އެމްޕީއެލް އިން ޑިވިޑެންޑްގެ ގޮތުގައި 67.5 މިލިއަން ސަރުކާރަށް ދެނީ

އެމްޕީއެލްގެ އަހަރީ އާންމު ޖަލްސާ. އެ ޖަލްސާގައި ވަނީ އެކުންފުނީގެ ފައިދާ އިން 67.5 މިލިއަން ރުފިޔާ ޑިވިޑެންޑްގެ ގޮތުގައި ދިނުމަށް ނިންމާފައި-- ފޮޓޯ: އެމްޕީއެލް

ފާތިމަތު ޝަނާ މުހައްމަދު، މިހާރު

01 ޖޫން 2023 - 18:10

2 comments

މޯލްޑިވްސް ޕޯޓްސް ލިމިޓެޑް (އެމްޕީއެލް) އަށް މިދިޔަ އަހަރުގެ ޖުމްލަ ފައިދާގެ ގޮތުގައި 108 މިލިއަން ރުފިޔާ ލިބުނު އިރު ޑިވިޑެންޑްގެ ގޮތުގައި ސަރުކާރަށް 67.5 މިލިއަން ރުފިޔާ ދޭން އެ ކުންފުނީގެ ބޯޑުން ފާސްކޮށްފި އެވެ.

ރޭ ބޭއްވި އެމްޕީއެލްގެ އަހަރީ އާންމު ޖަލްސާގައި އެ ގޮތަށް ފާސްކުރީ، އެ ކުންފުނީގެ ބޯޑު މެންބަރުންގެ އަޣުލަބިއްޔަތުންނެވެ. މިދިޔަ އަހަރުގެ ފައިދާ އިން ޑިވިޑެންޑްގެ ގޮތުގައި ސަރުކާރަށް ދޭން ނިންމި އަދަދަކީ އޭގެ ކުރީ އަހަރަށް ވުރެ 78 ޕަސެންޓުގެ އިތުރުވުމެކެވެ.

ރޭގެ އަހަރީ އާންމު ޖަލްސާގައި އެމްޕީއެލް އިން ވަނީ އެ ކުންފުނީގެ މާލީ ހާލަތު ހާމަކޮށްފަ އެވެ. މިދިޔަ އަހަރު ފައިދާގެ ގޮތުގައި ލިބުނީ 2021 ވަނަ އަހަރަށް ވުރެ 43 ޕަސެންޓުގެ ކުރިއެރުމެކެވެ. އެމްޕީއެލް އަށް އާމްދަނީގެ ގޮތުގައި 809 މިލިއަން ރުފިޔާ ލިބިފައި ވެ އެވެ. އެއީ 2021 ވަނަ އަހަރާ ބަލާއިރު 15 ޕަސެންޓުގެ ކުރިއެރުމެކެވެ.

އެމްޕީއެލްގެ ސީއީއޯ ޝާހިދު އަލީ ވިދާޅުވީ، މާލީ ގޮތުން ލިބުނު ކާމިޔާބާ އެކު، މި އަހަރު އެކުންފުނީގެ ހާލަތު، ކޮވިޑުގެ ކުރީގެ ހާލަތަށް ވުރެ ރަނގަޅުވާނެ ކަމަށެވެ.

އެމްޕީއެލް މޯލްޑިވްސް ޕޯސްޓް ލިމިޓެޑް ޝާހިދު އަލީ، މެނޭޖިން ޑިރެކްޓަރު، އެމްޕީއެލް

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާވާ

03 June 2023

ތިޔަވަރުގެ ބޮޑު ކުންފުންޏަކާ ބަލާގައި ތިއީ ވަރަށް ކުޑަ ފައިދާއެއް! އެހެންތާ ވާނީ ދޯ، އަޑު އަހަނީ މިހާރު ހުރިހާ ބޯޑު މެންބަރުންނާއި އެޗްއޯޑީން ތައް އަބަދު ރާއްޖޭ އިން ބޭރަށް ބޭކާރު ދަތުރުތައް ކުރާ ވާހަކަ! ކުންފުނީގެ ފައިސާކޮޅު ތިޔަ ތަޅާ ބާލަނީވިޔަ!