އައްޑޫގައި ބިން ހިއްކުމުގެ މަސައްކަތް ކުރަނީ: މަރަދޫގައި ހިއްކަން ފަށާފައި އޮތް ސަރަހައްދުން ވެލި ނަގާ މައްސަލަ ވަނީ ބޮޑުވެފައި.-- ފޮޓޯ: ރައީސް އޮފީސް
10 ޖޫން 2023 - 21:10
16 comments
ސ. މަރަދޫގައި މިހާރު ހިއްކަމުން އަންނަ ސަރަހައްދުން އާންމުން ވެލި ނަގާ މައްސަލަ ބޮޑުވެއްޖެ އެވެ.
މަރަދޫ އަވަށު އޮފީހުން މިއަދު ކުރި އިއުލާނެއްގައި ބުނީ ހިއްކާ ސަރަހައްދަށް އަޅާފައިވާ ވެލިގަނޑުން އެކި މީހުން ވެލި ނަގަމުންދާ ކަމުގެ ޝަކުވާ އެ އޮފީހަށް ލިބިފައިވާ ކަމަށެވެ.
އެއީ މަނާކަމެއް ކަމަށާއި އެކަން ކުރާ މީހުންނާ މެދު ފިޔަވަޅު އަޅާނެ ކަމުގެ އިންޒާރު އެ އޮފީހުން ދިނެވެ.
މި ސަރުކާރުން އައްޑޫގައި ހިންގާ އެންމެ ބޮޑު އެއް މަޝްރޫއު ކަމަށްވާ އައްޑު އަށް ބިން އިތުރުކުރުމުގެ މަސައްކަތުގެ ދަށުން މަރަދޫ/މަރަދޫފޭދޫން 76 ހެކްޓަރުގެ ބިން ހިއްކައި އެ ރަށުގެ ފަޅު ތެރެއިން ޓޫރިޒަމްގެ ބޭނުމަށް 8.3 ހެކްޓަރުގެ ތިން ރަށާއި 3.3 ހެކްޓަރުގެ ދެ ރަށް ހިއްކާނެ އެވެ.
އައްޑޫގައި ބިން ހިއްކުމުގެ މަސައްކަތް ކުރަނީ: މަރަދޫގައި ހިއްކަން ފަށާފައި އޮތް ސަރަހައްދުން ވެލި ނަގާ މައްސަލަ ވަނީ ބޮޑުވެފައި.-- ފޮޓޯ: ރައީސް އޮފީސް
ބިން ހިއްކުމުގެ މަސައްކަތް ފެށީ ވެސް މަރަދޫންނެވެ.
އައްޑޫގެ ބިން ހިއްކުމުގެ އަމަލީ މަސައްކަތް ފެށީ މިދިޔަ މަހު އެވެ. އިންޑިއާގެ އެގްޒިމް ބޭންކްގެ 800 މިލިއަން ޑޮލަރުގެ ކްރެޑިޓް ލައިންގެ އެހީގައި ހިންގާ މި މަޝްރޫއުގެ ދަށުން އައްޑޫގައި 194.3 ހެކްޓަރުގެ ބިން ހިއްކާނެ އެވެ.
އައްޑޫގެ ބިން ހިއްކުމުގެ މަސައްކަތް ހަވާލުކުރީ ނެދަލެންޑްސްގެ ކުންފުންޏެއް ކަމަށްވާ ވެން އޫޑްއާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަވަގުންވާނީވަގުންނަށް
12 June 2023
800 މިލިއަންޑޮލަރެއް ނާރާނެ 194.3 ހެކްޓަރުގެ ބިން ހިއްކާކަށް.
ހީހީ ސުލީހް
11 June 2023
ތަރައްގީއާ މީހުންލާ ފޭރާމާ ރިވެތި އަހުލާގަކީ މުޅިންވެސް ތަފާތު ކަންކަން
ސޭކުބެ
11 June 2023
މީ އައްޑޫގަ އާކަމެއްނޫން. މަސައްކަތްކުރާމީހުން ބަހައްޓާފަހުންނަ ސިމެންތި، ވެލި، ހިލަ ފަދަ ތަކެތި މެނދުރު ކާން ގޮސްފަ އަންނައިރު ހުންނާނީ ވަގަށް ގެންގޮސްފަ. ވެދާނެ އައްޑޫ މީހުންގެ ނިކަމެތިކަމުން ވާގޮތެއް ކަމަސްވެސް...
ޙިނި
11 June 2023
މީގެންވެސް އެންގެނީ ރައްޔިޔުން އަންގަޔާ އަތާ ދިމަނުވާކަން. ސޯލިހު ފޭލިވިސަރުކާރު މި ނަގަހައްޓަނީ ރައްޔުން އަތުން ބޮޑުކުރި ޓެކުސް ފައިސާއިން.
ރަދީފްއޮފިޝަލް
11 June 2023
ރައްޔަތުން ވެލިކޮޅެއް ނެގީމަ ތިހާވަރު އަރުވާލަން ޖެހޭ!! ހުޅުމާލޭގެ ޕޭވްމެންޓްގަ ގޮނޑި ޖަހައިގެން ތިބީމަ އެއީ މައްސަލައެއް.މާލޭގެ ގަލޮޅު ކަންމަތީގަ ގޮނޑި ޖަހައިގެން ނުތިބޭ ދުވަސްވަރެއް އަހަރެން ނުދެކެން.އެއީ މައްސަލައެއް ނޫން.ވަޓް އަ ޖޯކް.
ހުވަދޫގެ
12 June 2023
ވައްކަން ވާނީ ވައްކަމަށް
މުޑަހަންޖާ
10 June 2023
އައްޑޫބަޔަކު ވެލިކޮޅެއް ގަވައިދާއި ހިލާފަށް ވިއްކިއަސް، ނުވަތަ އުތުރު ބަޔަކު ގަވާއިދާއި ހިލާފަށް ރިހާކުރުފުޅިއެއް ނެގިއަސް ރާއްޖޭގައި ހިންގި އެންމެ ބޮޑެތި ޖަރީމާތައް (ރަންނަމާރި ޖަރީމާ، އެމްއެމްޕީއާރުސީ ޖަރީމާ، އަމީނުދީދީ މެރި ޖަރީމާ، ތިނަދޫމީހުން މެރި ޖަރީމާ، 7 ފެބްރުއަރީ ބަގާވާތުގެ ޖަރީމާ.... ފަދަ) ހިންގާފަހުރީ ކޮންހިސާބެއްގެ ބައެއްތޯ ބަލާށޭ ބުނާކަށް އަހަރެމެނެއްނެތީމު.
ޝާނާމާ
10 June 2023
ހިތުން ތަހުޒީބު... އަމަލުން ނާަތަހުޒީބު....
ހިލިހިލާ777
10 June 2023
ރައްޔިތުން އެހާލަށް ވެއްޓީމަ ޕީއެޗްޑީ އޮތަސް އެކަންވާނީ އެހެން...މާލޭގެ ގެދޮރު ކުއްޔަށްދީފަ ގޮސް ލަންކާގަ ތިބޭބަޔަކަށް ނޫނީ ލާރި ގިނަވެގެން މާލޭގަ ކުއްޔަ އުޅޭމީހަކަށް އެކަން ނޭގުން އެއީ އެމީހެއްގެ އުނިކަން
ހިލިހިލާ777
10 June 2023
ހިލަވެލި ބަސްތާއެއް 90ރ މަތީގަ ހުރިކަން ސަރުކާރަށާއި ކައުންސިލަށް އެގޭބާ? އެވެސް ރަށަށް ސަޕްލައި ނުކުރެވޭ ބޭނުންވާވަރަށް...ދެން ވެލިނެގުން މަނާކޮށްފަ މިގައުމުގަ އުޅެންޖެހެނީ މަހުޖަނުން އެކަނިތޯ އެއީ ސުވާލެއް. ހިތަދޫއަށް ވެލިއަޅައިދެނީ 150ރ ގަންނަވެލި ޕިކަޕުގެ އަގަށް 200ރ ނެގުމަށްފަހު..ވެއްޔަށްވުރެ ޕިކަޕު ދަތުރު ބޮޑު...އެކަންވެސް ކޮށްދެނީ ކައުންސިލަރުން ދީފަ އޮންނަ ބަޔަކަށް...ވޯޓު ހޯދަންވީމަ އަންބޮޑި ހިފައިގެން އެމްޑީޕީ ބައިގަނޑު އަންނާނެ ގޭގެއަށް.
ވަގު ލޮޖިކް
11 June 2023
ދެން އެހެންވީމައި ވެލިފުނިން ވަގަށް ވެލިނަގަންވީތަ؟
ދިޔަވަރު
10 June 2023
އެއް ބަޔަކު ވެލި އަޅައި ހިއްކަނީ، އަނެއް ބަޔަކު އެ އަޅާ ވެލިކޮޅު ކޮޅާލައިގެން ރަށުތެރެއަށް ގޮސް ވިއްކައި ގެ ރާނަނީ... ޓޫރިޒަމް ފައްކާވާނެ ތިޔަވަރުން ތިޔަ ރަށުގައި...