ޚަބަރު / ރިޔާސީ އިންތިޚާބު 2023

ރިޔާސީ އިންތިހާބަށް ކުރިމަތިލާން އިތުރު ހަތަރު ދުވަސް ލިބޭނެ

އިލެކްޝަންސް ކޮމިޝަނުން މީގެ ކުރިން ބޭއްވި ނިއުސް ކޮންފަރެންސްގައި އެ ކޮމިޝަންގެ މެމްބަރުންނާއި އިސްވެރިން ބައިވެރިވެވަޑައިގަންނަވަނީ.-- ފޮޓޯ: ފަޔާޒު މޫސާ/ މިހާރު

މުހައްމަދު ވިޝާމް، މިހާރު

23 ޖޫން 2023 - 11:06

8 comments

ރިޔާސީ އިންތިހާބަށް ކުރިމަތިލުމަށް ގާނޫނުގައި ކަނޑައަޅާފައިވާ މުއްދަތު އިތުރުކުރަން ގާނޫނަށް ގެނައި އިސްލާހު ރައީސް އިބްރާހިމް މުހައްމަދު ސޯލިހު ތަސްދީގު ކުރައްވައިފި އެވެ.

ރިޔާސީ އިންތިހާބުތަކާ ބެހޭ ގާނޫނުގެ ފަސް ވަނަ މާއްދާގައި މިހާރު ބުނާ ގޮތުން ރިޔާސީ އިންތިހާބަށް ކުރިމަތިލުމަށް އެދޭ މީހުން އެކަމަށް އެދި އިލެކްޝަންސް ކޮމިޝަން (އީސީ) އަށް ހުށަހެޅުމަށް މަދުވެގެން 10 ދުވަހުގެ މުއްދަތެއް ދޭން ވާނެ އެވެ.

ނަމަވެސް ސަރުކާރުގެ ފަރާތުން ކެލާ ދާއިރާގެ މެންބަރު އިބްރާހިމް ޝަރީފް ހުށަހަޅުއްވައި މަޖިލީހުން މިދިޔަ ހޯމަ ދުވަހު ފާސްކުރި އިސްލާހުގައި ވަނީ އެ މުއްދަތު 14 ދުވަހަށް އިތުރުކޮށްފަ އެވެ.

ގާނޫނަށް ގެނައި އިސްލާހު ތަސްދީގު ކުރައްވައި ގެޒެޓުގައި ޝާއިއުކުރުމާ އެކު އަންނަ ސެޕްޓެމްބަރު 9 ގައި އޮންނަ ރިޔާސީ އިންތިހާބަށް ކުރިމަތިލާން އިތުރު ހަތަރު ދުވަސް ލިބޭނެ އެވެ.

ރިޔާސީ އިންތިހާބާ ގުޅޭގޮތުން އިލެކްޝަންސް ކޮމިޝަނުން މީގެ ކުރިން ދީފައިވާ ތާރީހުތަކަށް ބަލާއިރު، އިންތިހާބުގައި ވާދަކުރުމުގެ ފުރުސަތު ހުޅުވާލަން އޮތީ ޖުލައި 23 އިން އޮގަސްޓު 3 އާ ހަމައަށެވެ. އެކަމަކު ގާނޫނަށް މި ގެނެވުނު އިސްލާހާއެކު އެ މުއްދަތަށް އިތުރު ހަތަރު ދުވަސް އިތުރުވެގެންދާނެ އެވެ.

މިހާރު އިންތިހާބަށް ކުރިމަތިލުމަށް އޮންނަ މުއްދަތަށް ހަތަރު ދުވަސް އިތުރު ކުރާ ސަބަބާ ގުޅޭ ގޮތުން ގިނަ މަޖިލީހުގައި ކުރި ބަހުސްގެ ތެރެއިން މެންބަރުން ވަނީ ސުވާލު އުފައްދަވައިފަ އެވެ.

އެ މެމްބަރުން މައިގަނޑު ގޮތެއްގައި ފާހަގަ ކުރެއްވީ މަދުވެގެން 10 ދުވަސް ދޭންޖެހޭނެ ކަމަށް ގާނޫނުގައި އެއިރުވެސް ބަޔާންކޮށްފައި އޮތް ކަމަށެވެ. އެހެންކަމުން، ގާނޫނު އިސްލާހު ނުކުރިޔަސް 14 ދުވަހުގެ މުއްދަތެއް އިލެކްޝަންސް ކޮމިޝަނުން އަމިއްލައަށް ކަނޑައެޅުމަށް ގާނޫނުގައި ހުރަހެއް ނެތް ކަމަށް ވިދާޅުވި އެވެ.

އެހެން ނަމަވެސް ބިލު ދިފާއު ކުރައްވައި ވާހަކަ ދެއްކެވި މެންބަރުން ވަނީ ގާނޫނުގައި އެކަން ބަޔާންކުރަން އިލެކްޝަންސްއިން ބޭނުންވާއިރު، އިންތިހާބަށް ކުރިމަތިލާން އިތުރު ފުރުސަތުތައް ތަނަވަސްކޮށްދިނުމަކީ ރަނގަޅު ކަމެއް ގޮތުގައި ފާހަގަ ކުރައްވައިފަ އެވެ.

ރައްޔިތުންގެ މަޖިލިސް އިލެކްޝަންސް ކޮމިޝަން ރިޔާސީ އިންތިޚާބު 2023

8 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަފްރާސިޔާބު

23 June 2023

އިންތިޚާބުން މީހަކު ހޮވެންދެން ކުރިމަތިލެވޭ ގޮތް ވެއްޖެއްޔާ އަދި މާރަގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

23 June 2023

ތީ ހުސްދޮގު ޑިމޮކްެޓިކް މިމަޅީ ގައި ނުޖެހޭތީ! ވީހާވެސް އަވަހަކަށް ކުރިމަތިލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިގެންނުވާނެއޭ

23 June 2023

ރިޔާސީ އިންތިހާބަށް ކުރިމަތިލާން އިތުރު ހަތަރު ދުވަސް ލިބުން އެއީ އެއް ނޫނޭ ބޭނުމަކީ މުހިއްމުކަމަކީ ދެފުށް ފެންނަ އިންތިޚާބު ތައް ބޭއްވުމޭ ދެފުށް ފެނުމަކީ އެއީ ވޯޓްލާ މީހާ އަށް އެނގުމޭ އޭނާ ލާ ވޯޓްގެ ނަތީޖާ އިއުލާން ކުރާއިރު އެއިއުލާން ކުރަނީ އެއީއޭނާ ވޯޓްލީ ގޮތަށް ކަން މިކަން ކަށަވަރުކުރެވޭނީ ވޯޓްލާ މީހާ އަށް ވޯޓް ލީ ކަރުދާސްކޮޅުގެ އައިޑީއެއްދީ އެއައިޑީ ވޯޓްގެ ނަތީޖާ އާއި އެކު އިއުލާންކުރުމޭ މި ނޫން ގޮތަކަށް މިފަހަރު ރިޔާސީ އިންތިޚާބުގެ ވޯޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާކުތޭ

23 June 2023

އީސީ މިނިވަން ކުރުމުގެ ކުރިން މަޖްލީސް އެބަޖެހޭ މިނިވަން ވާން ސަރުކާރުން ކުރާ ވައްކަމާއި ފޭރުމުގެ ތެރެއަށް އެމެން ނުބޭނި އެކަން އެބަޖެހޭ ފުރަތަމަ އިސްލާހްވާން މަޖްލީހުގެ މެމްބަރުންގެ ގޮތުގައި ތިބި ގިނަ މެމްބަރުންނަކީ ސަރުކާރުގެ އަތުން ބަތާ ކައިގެން ރޯބުހުތާނު ދޮގު ހަދައިގެން ރައްޔިތުންނަށް އޮޅުވާލާ މީހުންނޭ އައްޑޫ އަސްލަަމް ދައްކާ ވާހަކަ މިއުޑު ދަށުގައި ހުރި މީހަކު ގަބޫލު ނުކުރާނެއޭ ފުރަތަމަ ކަމަކީ އައްޑޫ މީހުންނަށް އިތުބާރުކުރަނީ ކާކުތޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޕްޓީވެސެލްސް

23 June 2023

މަމެން ބަލައިފީމޭ ތިޔާ އިލެކްޝަންސް ކަމިޝަން ގައި ތިބި މެމްބަރުންގެ އެޑިއު ކޮލިފިކޭޝަންސް އަދި ސިމިލަރ ޓައިޕް އޮފް އެކްސްޕީރިއެންސް ފުއާދު ތައުފީގު ނޫނިއްޔާ ނެތޭ ފެންވަރު ހުރި މީހެއް ހަގީގީ ފެންވަރު ހުންނަ މީހުން އަމިއްލަ ޒަމީރު ނުވިއްކާނެއޭ އެކަން ފެނިގެންދެއޭ ފުއާދުގެ ފަރާތުން ދެން އީސީގައި ތިބި މެމްބަރުންނަކީ އެތެރޭގައި އެއްޗެއް ނެތް ހޮއިހެދިފައިވާ ހުސް ތޮށިގަނޑު ތަކެކޭ އެމްޕްޓީ ވެސެލްސް މޭކް ދަ ލައުޑެސްޓް ނޮއިސް އައި ކޭން ފޯރސީ އިޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

23 June 2023

އިންތިހާބުގައި ވާދަކުރުމުގެ ފުރުސަތު ހުޅުވާލަން އޮތީ ޖުލައި 23 އިން އޮގަސްޓު 3 އާ ހަމައަށެވެ. މިހާރުވެސް ބޮޑެތި ޕާޓީ ތަކުން އެދަނީ ކެމްޕޭން ކުރަމުންނެވެ. އަޅައެއް ނުލަ އެވެ. އަމިއްލަ ގޮތުން ކުރިމަތިލާ މީޙުންނަށް އެފުރުސަތެއް ނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއްޓޭނެއޭ

23 June 2023

އިލެކްޝަންސް ކަމިޝަނަށް މެމްބަރުން އައްޔަން ކުރަން ޖެހޭނީ ސީދާ ރައްޔިތުންގެ ވޯޓަކަށް ގޮސްގެންނޭ ރައްޔިތުން ހޮވާ ބަޔެކޭ އަދި ސިޔާސީ ޕާރޓީ ތަކުން އަންނަ ބަޔަކަށް ވެސް ވެގެން ނުވާނެއޭ އިތުރަށް އެމީހުންނަކީ ކޮންމެވެސް އިންޖިނިއަރިންގް ދާއިރާއަކުން މާސްޓަރސް ހަދާފައިވާ ބަޔަކަށް ވާން ޖެހޭނެއޭ އެވެސް އިންޖިނިއަރިންގް މެނޭޖްމެންޓަށް ވެގެން ނުވާނެއޭ ހިސާބު އިލްމް އިންތިހާ އަށް ހިމެނޭ ސައެންސް ސަބްޖެކްޓްސް އަށް އެވާން ޖެހޭނެއޭ އެއިރުން އުނގުން ވިސްނުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްތިއުފާއޭ

23 June 2023

އިލެކްޝަންސް ކަމިޝަން ގައި ތިބި ސަރުކާރުގެ ޕަޕެޓުން ކަމަށްވާ އާސިފް އާއި އަދި ނަޝާތު އިސްތިއުފާ ދޭންވީއޭ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ އާސިފް އިސްތިއުފާ