އަސްލަމް ވިދާޅުވީ ރާއްޖޭގައި އުޅޭ ބިދޭސީއެއްގެ ނަން ލިސްޓުގައި އޮތް މައްސަލަ ކޮމިޓީގެ ސަމާލުކަމަށް އައިސް އެކަން އިސްލާހު ކުރުމުގެ މަސައްކަތް ކުރަމުން އަންނަ ކަމަށް.
"ބިންވެރިޔާ" ސްކީމްގެ ދަށުން ގޯތި ލިބޭ މީހުން އިއުލާނުކުރުމަށް ރައީސް އޮފީހުގައި އިއްޔެ ބޭއްވި ޕްރެސް ކޮންފަރެންސްގައި މިނިސްޓަރު އަސްލަމް ބައިވެރިވެވަޑައިގަންނަވަނީ: ގޯތި ލިބޭ މީހުންގެ ލިސްޓުގައި އިންޑިއާގެ ރައްޔިތެއް ހިމެނޭ މައްސަލައެއް ފެންމަތިވެފައި ވަނީ އިއްޔެ.-- ފޮޓޯ: ރައީސް އޮފީސް
28 ޖޫން 2023 - 15:21
107 comments
ސަރުކާރުން އިއުލާންކުރި މާލެ ސަރަހައްދުން ގޯތި ލިބޭ މީހުންގެ ލިސްޓުގައި ވަރަށް ފަހުން ރާއްޖޭގެ ރަށްވެހިކަން ލިބުނު އިންޑިއާގެ ރައްޔިތެއްގެ ނަން އޮތީ އޮޅުމަކުން ކަމަށް ޕްލޭނިން މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.
މާލެ ސަރަހައްދުން ހިލޭ ބިން ދޫކުރާ "ބިންވެރިޔާ" ލިސްޓުން ގޯތި ލިބިފައި ވަނީ މއ. މަލިކުވިއު، ހަބީބު ރަހިމާން މުހައްމަދު ހަނީފާ، 46، އަށެވެ. އެނގިފައިވާ ގޮތުގައި އޭނާ އަކީ ދިވެއްސަކާ ކައިވެނި ކޮށްގެން އުޅޭ އިންޑިއާ ރައްޔިތެކެވެ. އޭނާ ރަށްވެހިކަން ހޯދާފައި ވަނީ 2019 ވަނަ އަހަރު އެވެ. އަދި ދިވެހި އައިޑީކާޑާއި ޕާސްޕޯޓެއް ވެސް އޮވެ އެވެ. އަދި އޭނާއަކީ މާލޭގައި ފުޅާ ދާއިރާއެއްގައި ވިޔަފާރި ކުރަމުން އަންނަ މީހެކެވެ.
މާލެ ސަރަހައްދުން ހިލޭ ބިން ދޫކުރާ "ބިންވެރިޔާ" ލިސްޓުގައި ބުނާ ގޮތުން އޭނާ އަށް ގޯތި ލިބުމުގެ ޝަރުތު ހަމަވެ އެވެ. އެކަނި ކުރިމަތިލައިގެން އޭނާ އަށް ވަނީ 62 ޕޮއިންޓު ލިބިފަ އެވެ. އަދި ގުޅިގެން ހުށަހަޅައިފިނަމަ ގޯތި ލިބުމުގެ ފުރުސަތު އޮތް ކަމަށް އެ ލިސްޓުގައި ބުނެފައިވެ އެވެ.
އެކަމާ ގުޅިގެން ސަރުކާރަށް ގިނަ ފާޑުކިޔުންތައް އަމާޒުވަމުންދާއިރު، މިނިސްޓަރު އަސްލަމް "މިހާރު" އަށް ވިދާޅުވީ ރާއްޖޭގައި އުޅޭ ބިދޭސީއެއްގެ ނަން ލިސްޓުގައި އޮތް މައްސަލަ ކޮމިޓީގެ ސަމާލުކަމަށް އައިސްފައިވާ ކަމަށެވެ. އަދި އެކަން އިސްލާހު ކުރުމުގެ މަސައްކަތް ކުރަމުން އަންނަ ކަމަށް ވެސް އޭނާ ވިދާޅުވި އެވެ.
"އަޅުގަނޑުމެން ބެލީ ޑީއެންއާރުގެ ސިސްޓަމަށް، އޭގައި އޭނާއަކީ މީގެ ކުރިން އެހެން ގައުމެއްގައި ރެޖިސްޓަރީވެފައި އޮތް މީހެއް ވީމާ އެކަން ސިސްޓަމުން ނުނަގާ އިނީ. އެކަން ސަމާލުކަމަށް އައީމަ އިސްލާހު ކުރުމުގެ މަސައްކަތް ކުރަމުން އެ ދަނީ،" އަސްލަމް ވިދާޅުވި އެވެ.
މިހާރު ނެރެފައިވަނީ ވަގުތީ ލިސްޓެއްކަން ފާހަގަކުރައްވައި އަސްލަމް ވިދާޅުވީ މި ލިސްޓުގެ ބޭނުމަކީ ވެސް ޝަކުވާ ހުށަހެޅުން ކަމަށާއި ދާއިމީ ލިސްޓް އަންނައިރު އެ ކަންކަން އިސްލާހު ވާނެ ކަމަށެވެ.
ބިންވެރިޔާ މަޝްރޫއުގެ ދަށުން ގޯތި ލިބޭ ހޯދުމަށް 15،164 ފޯމް ހުށަހެޅި އެވެ. އޭގެ ތެރޭގައި ސިންގަލް އެޕްލިކަންޓް އާއި އެކި މީހުން ގުޅިގެން ޖުމްލަ 23،088 މީހުން ހިމެނޭ ގޮތަށް ފޯމް ހުށަހެޅި އެވެ. އެތަނުން ޝަރުތު ހަމަވީ 12،794 ފޯމެވެ. އެއީ 19،857 މީހުންނެވެ.
ހައުސިން މިނިސްޓްރީން ވަނީ ގޯތި ލިސްޓަށް ޝަކުވާ ހުށަހެޅުމަށް އަންނަ މަހުގެ 15 ވަނަ ދުވަހާ ހަމައަށް ފުރުސަތު ހުޅުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަކުރަމު
30 June 2023
ރައްވެހިވެފައިވާ 5000 އެއްހާ ބިދޭސީންނައް ބިންދޭންވެއްޖެއްޔާ ދެން ދިވެހިންންއް ދޭނެ ބިމެއް މިރާއްޖެއަކު ނޯންނާނެ
އައިމިނާ
29 June 2023
ދިހަ ފަހަރަށް އޮޅިގެން ކުރެވިދާނެތޯ؟
ރަމްޒްް
29 June 2023
މާގިނަ ވާހަކަ ދެއްކުމުގެ ބޭނުމެއް ނެތް ގޯތި ބޭނުން ވެފައި ތިބި 25000 މީހުން މިވަގގުތަށް އެބަތިބި އެހުރިހާމީހުންނަށް ދެވޭ ވަރަށް ބިން މާލެ ސަރަހައްދުގައި އެބަހުރި ދޭން ބޭނުން ނަުވަނީ ސިޔާސީ މީހުންވެސް ވިޔަފާރިވެރިންވެސް އެންޏާ މީ މާބޮޑު ކަމެއްނޫން ކުރަން ބޭނުން ވާނަމަ 25000 ގެ ޒަމާނީ ލަކްޒަރީ ފެންވަރުގަ ހެދިޔަސް ހަރަދު 20 އަހަރަށް ބަހާލަމުން 1500 ރުފިޔާ ނުޖެހޭ އެންމެ ގެޔަކަށްވެސް މީބުރިޖު އެޅުމަށްވުރެ ފަސޭހަ އަވަސްކަމެއް ކުރަން ބޭނުންނަމަ
އިންޑިއާ ގެ އަވަށެއް
29 June 2023
ބިދޭސީ މީހާ އަށް ލިސްޓައް އެރުނު ގޮތައްވުރެ ބޮޑަށް ދިވެހި އައިޑީ، ޕާސްޕޯޓް ލިބުނު ގޮތެއް އެނގެން ބޭނުން. މި ސަރުކާރަކީ ދިވެހިންނަކީ ވެސް ދިވެހިން ކަމަށް ގަބޫލު ނުކުރާ ސަރަކާރެއް، އެމީހުންގެ ޕާޓީގަ ނެތިއްޔާ. މިހާރު ނޫހުން މިކަން އޮޅުންފިލުވަ ދީބަލަ. އަދި އެންމެ މީހެއް ނޫނޯ ދީފަ އޮތީ ބިދޭސީން ތެރޭން. އަދީބު އާ ޒިޔަތާ ހުމާމު ޝަރުތު ހަމަ ވި އިރު މާލޭގައި ވިހައި ބޮޑެތި ވެފަ ތިބި މީހުން އަހަރުމެންނަކީ އަހަރުމެން ޝަރުތު ހަމައެއް ނުވި.
އަސްލު...
29 June 2023
ތިޔަލިސްޓަކީ ވަގުތީ ލިސްޓެއް ތީގައި ހުރެދާނެ ތިކަހަލަ ގިނަގޯސްތަށް ތިލިސްޓް ހަދާއިރު މަސައްކަތުގައި އުޅުއްވާނެ ފިކުރު ގެ މީހުންވެސް އެމީހުން ވަރަށްބޭނުންވާނެ ފިތުނަކުރަން ވެސް އެހެންވީމަ ސަރުކާރުން ވެސް ކުއްހުރެދާނެ ކަމަށް ބަލާފަ ކޮމެންޓު ކުރަން ފުރުސަތުދެއްވީ.
އޮޅުވާލި ލިސްޓު
29 June 2023
ހެހެހެ ދެން ނެތްތަ ދައްކާނެ އިތުރު ބަހަނާއެއް؟
ކުރީ ސަރުކާރު ދޮގެ؟
29 June 2023
ނަސީބެއް ކައެ ކުރީ ސަރުކާރޭ ނުބުނިކަން ހީހީ ހަލާކު
ޖީހާން އަލީ
29 June 2023
ކެބިނެޓް ގައި އަސްލަންޓޭ ހުރީވެސް އޮޅުމަކުން ތަ.
ގެދޮރުވެރިޔާ
29 June 2023
ދެން މާދަން ބުނެފާނެ ލިސްޓްގަ ތިތިބަ އެެންމެންވެސް އެތިބީ އޮޅުމަކުންނޭ #ބަޔަކު އަވަދިވެދާނެ ހުވާ
1206
29 June 2023
އޭނާއަށް އެކަނި ކުރިމަތި ލައިގެން 60 ޕޮއިޓް. މާލޭގައި އުޅެ ބޮޑު އުފަން މާލެ ދިވެހިންނަށް 50 ޕޮއިންޓް. ވަރަށް ރަނގަޅަށް ފޯމުތައް ބެލިފައި ތިޔައޮތީ. އާ ކުކުޅަކަށް ގާ ބިހެއް އެޅިގެން އުޅޭ ފަދަ.
ކޮރަލް
29 June 2023
ރާއްޖޭގަ އެތައް ހާސް ބަޔަކު ދިވެހީންނާ ކައިވެނި ކޮށްގެން އެބަ އުޅެ އެވެ. ދެން މިހެން ވީމަ އެތައް ހާސް ބިދޭސީންނަށް ގޯތި ދޭން ޖެހި ދާނެ އެވެ. އިންޑިއާ ރައްޔިތެކެވެ. އޭނާ ރަށްވެހިކަން ހޯދާފައި ވަނީ 2019 ވަނަ އަހަރު އެވެ. އަދި ދިވެހި އައިޑީކާޑާއި ޕާސްޕޯޓެއް ވެސް އޮވެ އެވެ.
ރަށުމީހާ
29 June 2023
އެހެން ވީމަ ދެން ބަލާ މިމީހުންގެ ލިސްޓްގަ ސައްހަކަން އޮންނާނެ މިންވަރު. ރޮޒައިނާ އާއި އޭނަގެ ފިރިމީހާ އައްގޯތި ދެނީ އެ ދެމީހުންގެ 600 އަކަފޫޓައްވުރެ ބޮޑު ތަނެއް ނެތީތޯ. އަސްލަމް މެން ކުރާ އެްކަމެއްވެސް ނެތޭ ރަގަޅައް ގޮއްސަ.