ހުޅުމާލެ ދެވަނަ ފިޔަވަހީގެ ހުސް ބިމެއް: ގޯތި ލިބުނު މީހުންގެ ތެރޭގައި އިންޑިއާ ރައްޔިތެއް ހިމެނޭ ކަމުގެ ޝަކުވާ ވަނީ ބޮޑުވެފައި --- ފޮޓޯ/މިހާރު
28 ޖޫން 2023 - 00:24
123 comments
ސަރުކާރުން އިއުލާންކުރި މާލެ ސަރަހައްދުން ގޯތި ލިބޭ މީހުންގެ ލިސްޓުގައި އިންޑިއާގެ ރައްޔިތެއް ހިމެނޭ މައްސަލައެއް ފެންމަތިވެއްޖެ އެވެ.
މާލެ ސަރަހައްދުން ހިލޭ ބިން ދޫކުރާ "ބިންވެރިޔާ" ލިސްޓުގައި ބުނާ ގޮތުން އޭނާ އަށް ގޯތި ލިބުމުގެ ޝަރުތު ހަމަވެ އެވެ.
އެކަނި ކުރިމަތިލައިގެން އޭނާ އަށް ވަނީ 62 ޕޮއިންޓު ލިބިފަ އެވެ. އަދި ގުޅިގެން ހުށަހަޅައިފިނަމަ ގޯތި ލިބުމުގެ ފުރުސަތު އޮތް ކަމަށް އެ ލިސްޓުގައި ބުނެފައިވެ އެވެ.
އެނގިފައިވާ ގޮތުގައި އޭނާ އަކީ ދިވެއްސަކާ ކައިވެނި ކޮށްގެން އުޅޭ އިންޑިއާ ރައްޔިތެކެވެ. އޭނާ ރަށްވެހިކަން ހޯދާފައި ވަނީ 2019 ވަނަ އަހަރު އެވެ. އަދި ދިވެހި އައިޑީކާޑާއި ޕާސްޕޯޓެއް ވެސް އޮވެ އެވެ.
އަދި އޭނާއަކީ މާލޭގައި ފުޅާ ދާއިރާއެއްގައި ވިޔަފާރި ކުރަމުން އަންނަ މީހެކެވެ.
ނަމަވެސް ރާއްޖޭގެ ރަށްވެހިކަން ހޯދިތާ ފަސް އަހަރު ވެސް ނުވާ މީހަކަށް ގޯތި ލިބިފައިވާތީ ގިނަ ބައެއްގެ ފާޑު ކިޔުން ވަނީ އަމާޒުވެފަ އެވެ.
ބިންވެރިޔާ ސްކީމްގެ ދަށުން މާލެ ސަރަހައްދުން ބަންޑާރަ ގޯތި ދިނުމުގެ އުސޫލުގައި ބުނާ ގޮތުން ގޯތި ހޯދުމަށް އެދޭ މީހުންގެ ޝަރުތުތަކުގެ ތެރޭގައި މާލެ ރައްޔިތަކަށްވާން ޖެހެ އެވެ.
މާލެ ރައްޔިތެއް މާނަ ކުރާ ގޮތަށް މިދިޔަ އަހަރު ސެޕްޓެމްބަރު މަހު އެ އުސޫލަށް ގެނައި އިސްލާހުގައި ބުނާ ގޮތުން މާލެ ރައްޔިތެއް ކަމުގައި ބަލާނީ އެއްވެސް އިރެއްގައި މާލެ ފިޔަވައި އެހެން އެއްވެސް ތަނެއްގައި ރަޖިސްޓާވެފައި ނުވާ މީހުންނެވެ.
ނަމަވެސް އެ މީހެއްގެ މަންމަ އަކީ ނުވަތަ މަންމަ އަކީ މާލެ ރައްޔިތެއް ކަމަށްވެފައި ސަރުކާރުން ހިންގާފައިވާ ސިޔާސަތެއް ނުވަތަ ގަވާއިދެއްގެ ސަބަބުން ކުރިން އެހެން ތަނެއްގެ ރަޖިސްޓްރީގައި ޖެހުމަށްފަހު މިހާރު މާލެ މީހެއްގެ ގޮތުގައި ރަޖިސްޓްރީވެފައި ވާނަމަ އެފަދަ މީހުން ވެސް ބަލާނީ މާލެ ރައްޔިތެއް ކަމުގައި ކަމަށް އެ އުސޫލުގައި ބުނެފައިވެ އެވެ.
ހައުސިން މިނިސްޓްރީން ވަނީ ގޯތި ލިސްޓަށް ޝަކުވާ ހުށަހެޅުމަށް އަންނަ މަހުގެ 15 ވަނަ ދުވަހާ ހަމައަށް ފުރުސަތު ހުޅުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީ ބަލީ
29 June 2023
ދަފުތަރު ގަ ތިބި މާލޭ ރައްވެހިންނަށް ދަންނަވަން ތިބޭފުޅުން މާލޭ ރައްވެހިން ކަމުގަ ބަލާނީ ވޯޓްލާން ވީމާ އެކަނި ގޯތިދޭ އިރަކު މާލޭ ރައްވެހިންކަމުގަ ނުބަލާނަމެވެ.. އިހްތިރާމް ޤަބޫލު ކުރެއްވުން އެދެމެވެ.
ހުޒާ
28 June 2023
ރަށުގައި ނޫޅޭތީ އުފަން ރަށުން ގޯއްޗެއް ހަރާން. ޕޮއިންޓެއް ނުދޭ. މަޖުބޫރު ވެގެން ވަޒީފާ އަދާކުރަމުން މިއައީ ފާއިތުވި 10 އަހަރު މާލޭގައި، އުޅެނީ ބޮޑު ކުއްޔަށް. މާލެ މީހަކަށް ނުވީމަ ހުޅުމާލެން ދިން ގޯއްޗަކަށްވެސް ނުލެވޭ. ދަރިން ނެތީމަ ހުޅުމާލޭން ފުލެޓެއް ވެސް ނުދޭ އެކަމަކު މައިންބަފައިން މިބަލަނީ އަހަރެން ވަޒީފާ އަދާކޮއްގެން. މިކޮންކަހަލަ ވިޔާނުދާ ސިޔާސަތެއް؟ މާލޭ މީހުންނަށް ގޯތި ބަހާލި ދަރިން ނެތް އެތައް ބަޔަކަށްވެސް އެއޮތް.
ދިއްދޫމީހާ
28 June 2023
އަހަރެމެން ރަށު ސިއުނާ ކައިވެނިކޮއްގެން އުޅެނީ ސައުތް އެފްރިކާގެ ޖޯން މަންޑޭލާއާ މިހާރު ޖޯންގެ ނަން ވަނީ ސޯލިހްއަ ބަދަލްކޮއްފަ ތިޔަ ވީގޮތުން ސޯލިހްގެ ނަންވެސް ތިޔަ ލިސްޓުގައި އޮވެދާނެ…
ގޯތި ވޯޓާއިއެކު ގެއަށް
28 June 2023
މާލޭސަރަހައްދުގައި މުޅިއުމުރު ހޭދަކުރާ ގައުމަށް ޚްދުމައްތެރި އެތައްހާސް ދިވެހި ރައްޔިތުން ބާކީކޮށް އިންޑިޔާއަށް އުފަން ކުރީގެ އިންޑިޔާ މީހާ އާއި ރާއްޖޭގައި ތިބި އެންމެ ބޮޑެތި ކުއްވެރިންނަށް ދިވެހި ބިމުން ހިލޭ ދޫކުރާ ގޯއްޗަށް ޝަރުތު ފުރިހަމަވެ ގޯތި ދޭން ނީންމީމާ ވެރިކަމުގަ ހުރިމީހާ އެހެރީ ގެއަށްދާންޖެހިފަ. ނިކަން ރީއްޗަށް ގޯތިން ހޯދާވޯޓާއި އެކު އިބްރާހިމް ގެއްށްދާންޖެހޭނެ. އިންޝާ ﷲ
ނާޒިމް ހުސައިން
28 June 2023
ކަލޯ ތަ ގެއަށް ފޮނުވަނީ.
މައްކޫ އޮޑިޓަރެއް
28 June 2023
އަހަންނަކޫ އުމުރުން 9 އަހަރުން ފެށިގެންގޮހޯ މާލެއަކު އުޅެންނެ މީހަކާ އެކަމަމައްކޫ އިންޑިޔާ މީހެއްކޫ އަދި މިލިބެއްނޫ ގޯތި ކޮބާތޯ އިންސާފު
ދޯޕައްޓާ
28 June 2023
ސަރުކާރުން ގެންގުޅޭ ނަސްލީއިމްތިޔާޒުގެ ސިކާރައިގަ ޖެހިގެން ރަށްރަށު ނޫކަށިފުރާ ޒުވާނުން އެބަތިބި ހިތާދެކޮޅަށް މާލޭ މުސްކުޅިންނާ ކައިވެނިކޮށްގެން. އެމީހުނަށް ގޯތިނުލިބި އިންޑިއާމީހުނަށް ގޯތިލިބުނީމަ ތާކުންތާކުނުޖެހޭ.
ނަންވާނީ
28 June 2023
ގޯތިތައް ބަހާލުން ތިއީ އެމްއެމްޕީއާރުސީގެ ޖަރީމާއަށްވުރެ މާބޮޑު ޖަރީމާއެއް. ފަޅުތައް ވިއްކާފަ ފައިސާތައް ބަހާލުމާ ތިކަމާ އެއްވެސް ތަފާތެއް ނެތް. އެއްވެސް ހާމަކަމެއް ނެތް ގޮތަކަށް ވަކިބޔަށް މަންފާ ލިބޭގޮތަށް، ރާއްޖޭގެ އެންމެންގެ ޓެކްސް ފައިސާއިން ކުރާކަންތައް ބަހައެއް ނުލެވޭނެ. ތިކަން ހުއްޓުވެން ޖެހޭނެ. ތިމީހުންނަކަށް މާފެއް ނުކުރެވޭނެ
ކެރެލާ
28 June 2023
ލާރިއަޅައިގެން އެބަހުރި ތިއައްވުރެމާބޮޑެތި ކަންކަން ކޮއްފަ.
ވަލުދޮރޯށީގެ ކަމެއް
28 June 2023
ރަނގަޅަށް ވިއްޔާ ތިމީހާޔަށް ރައްޔަތުކަން ދީފައި އޮންނާނީ ވަލުދުރޯށިން. ދިވެހިރައްޔަތަކަށް ވެވެނީ އެޑިޔުކޭޝަނުން ދޭ ޓެސްޓަކާއި އޭޖީ އޮފީހުގެ ޓެސްޓެއްވެސް ހަދައިގެން. ޑރ އުސާމާ މިޓެސްޓްތައް ހަދައިގެން ހުށަހެޅީމަވެސް ރައްޔަތުކަން ނުދިން. އުސާމާ އަކީ ޓީވީންވެސް ދިވެހިބަހުން ޕްރޮގްރާމް ހުށަހަޅާ ޑރ އެއް. އެކަމަކު އޭނަޔަށް ދިވެހިރައްޔަތުކަން ނުދިން. އުސާމާގެ ދިވެހި އަތްނބަކާއި ދަރިން ތިބޭ.
ރައްޒާގު
28 June 2023
ޔާމީން ސަރުކާރުގަ ތިނޫންގޮތަކަށް ކަމެއްކޮއްފަ އެބައޮތްތަ؟
ގަމާރު
28 June 2023
މިހާތަނަށް ސަރުކާރަކުންހިންގި އެއްމެބޮޑު ޖަރީމާ އަލިފާންފޮށިތަކުން ސާފްވަޔޭކިޔައިގެން މުއްސަނދިއްނަށާއި ޕާޓީކުދިންކޮޅަށް ބަހާލީ