އެފްއޭއެމްރައީސް ބައްސާމް އަދީލް ޖަލީލް؛ އެ އެސޯސިއޭޝަން ރިފޯމް ކުރުމަށް ގޮވާލާ ކެމްޕޭނެއް ފެށުމަށް ވަނީ ތައްޔާރު ވެފަ --. ފައިލް ފޮޓޯ: ނިޝާން އަލީ | މިހާރު
29 ޖޫން 2023 - 16:23
31 comments
އެފްއޭއެމް ރިފޯމް ކުރަން ގޮވާލައި ކެމްޕޭނެއް ފެށުމަށް ފުޓްބޯޅައިގެ އިސް މަސައްކަތެއް ކުރިން ކުރެއްވި ބޭފުޅުން ކޮޅެއް ތައްޔާރުވެއްޖެ އެވެ.
ސާފް ޗެމްޕިއަންޝިޕްގައި ގުރޫޕް ސްޓޭޖުން ރާއްޖެ ކެޓުމުން، އެފްއޭއެމްގެ ރައީސް ބައްސާމް އަދީލް ޖަލީލް އަށް އަމާޒުވެފައިވާ ފާޑު ކިޔުންތަކުގެ ތެރެއިން ބައެއް ފަރާތްތަކުން ދަނީ އޭނާ މަގާމުން އިސްތިއުފާ ދިނުމަށް ގޮވާލަމުންނެވެ.
ފުޓްބޯޅައިގެ އިސް މަގާމެއް ކުރިން ފުރުއްވި ބޭފުޅަކު ވިދާޅުވީ ރާއްޖޭގެ އެކި ސަރަހައްދުތަކުން ކްލަބް ޖަމިއްޔާތަކެއް އިސްނަގައިގެން ފަށާ ކެމްޕޭންގައި، ފުރަތަމަ ޑިވިޝަން އަދި ދެވަނަ ޑިވިޝަން ކްލަބްތަކާ ވެސް ވާހަކަ ދައްކަމުން އަންނަ ކަމަށެވެ.
މި ކެމްޕޭންގެ ސްލޯގަންއެއް ގޮތަށް ބޭނުން ކުރަނީ "ސޭވް އެފްއޭއެމް" އެވެ.
"ފުރަތަމަ ޑިވިޝަންގެ ބައެއް ކްލަބްތަކުގެ މެނޭޖްމެންޓާ އަޅުގަނޑުމެން ވާހަކަ ދެއްކީމަ އެބަ ބުނޭ ކޮންމެ ވެސް ބަޔަކު އިސް ނަގާށޭ. މަސައްކަތްތަކެއް އިސްވެ ބަޔަކު ފެށީމަ ތިމަންނަމެން ވެސް އެއްބާރުލުން ދޭނަމޭ،" އޭނާ ވިދާޅުވި އެވެ.
"އެ ކްލަބްތައް މި ވަގުތު އިސް ނަގަން ބޭނުން ނުވަނީ، އަޅުގަނޑު ގަބޫލުކުރާ ގޮތުގައި އެ ކްލަބްތަކަށް އިންކަމެއް ލިބެންޏާ ލިބެން އޮތީ ހަމައެކަނި އެފްއޭއިން ކަމަށްވާތީ. އެކަމަކު އެ ކްލަބްތަކުން ވެސް ބޭނުންވޭ އެފްއޭއެމް އިސްލާހު ކުރަން. ލީޑް ނަގަން ހިތްވަރު ނުލިބެނީ."
އޭނާ ވިދާޅުވީ ގައުމީ ޓީމުގެ ބައެއް ކުޅުންތެރިން ވެސް އެ ކެމްޕޭނަށް ތާއީދު ކުރާނެ ކަމުގެ ޔަގީންކަން އެބައޮތް ކަމަށެވެ. އެފްއޭއެމް އާ މެދު ހިތްހަމަނުޖެހޭކަން ކުރިން ވެސް ކުޅުންތެރިންނާ ވާހަކަ ދެއްކުމުން އެނގިފައިވާ ކަމަށް އޭނާ ވިދާޅުވި އެވެ.
"ގައުމީ ޓީމުން ފުރުސަތު ނުދީފާނެތީ ފާޅުގަ އުޅޭކަށް އެ ކުދިން ބޭނުމެއް ނުވޭ. އެކަމަކު އެ ޕްލޭއާސް ވެސް ގަބޫލު ކުރޭ. ކޮންމެ ވެސް ބަޔަކު އިސްވެ މަސައްކަތްތަކެއް ކުރަން ޖެހޭކަން މިކަން ބަދަލު ކުރަން،" އޭނާ ވިދާޅުވި އެވެ.
ކުރިއަށް އޮތް ދުވަސްތަކުގައި މީގެ ހަރަކާތްތަކެއް ސޯޝަލް މީޑިއާއިން ފެނިގެންދާނެ ކަމަށް އޭނާ ވިދާޅުވި އެވެ.
"މިހާރު ވެސް މަޝްވަރާތަކެއް އެބަ ހިނގާ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައްސާމް އެފް އޭ
30 June 2023
ޔަގީން ސޮއި ކުރާނަން. ތިބި އެންމެން ބޭރު ކުރަން ވާނެ.
ފުޓުބޯޅަ ސަޕޯޓަރުންގެ ތާއީދު އޮންނާނެ
30 June 2023
ރާއްޖެ މީ އާދަޔާ ޚިލާފުތަނެއް! ޥެރިން ކިތަންމެ ވަރަކަށް ފެއިލް ވިޔަސް އިސްރިއުފާ ނުދޭނެ!
އެޓޮލްލީގު
30 June 2023
މަހްލޫފް އިސްތިއުފާ ބައްސާމް އިސްތިއުފާ
ާފުޓްބޯޅަ ކުޅެންނޭގޭ
30 June 2023
އެފްއޭއެމް ވެސް އުވާލަންވީ ތި ކިކިޔާ ދިވެހި ފުޓްބޯޅަ ކުލަބުތައްވެސް އުވާލަންވީ..ބަލަންކެރޭ ފުޓްބޯޅަ އެއްކުޅެންނޭގޭ.ގައުމީޓީިމް ވެސް އުވާލަންވީ.ފުޓްބޯޅަ ކުޅެން އެގޭނަމަ ރަގަޅު ބޮޑެތި ހަރަދު ކޮއްފަ ބޭރު ގައުމު ތަކައްފޮނުވަން.ގައުމީ ޓީމް ކުޅޭ ފުޓްބޯޅަ ކުޅޭނެ ފަސް އަހަރު ކުދިން ދަނޑައް އެރުވީމަ ވެސް
އިބިރަހިމާ
30 June 2023
ޚަރަދަށް ބަލާއިރު ތިކަން ތިޔަމަގުން ކޮށްފިނަމަ އެތައް ތަނަކުން ހަރަދު ކުޑަވާނެ. އެކަމަކު ހުރިހާ ކަމަކީ ޚަރަދާ އަޅާ ކިޔާކަހަލަ ކަންކަމެއް ނޫން. އެހެންވީމާ ފުޓުބޯޅަ ކުޅޭ ކްލަބްތަކާ އެފްއޭއެމް އުވާލުމަކީ އެއީ އަދި އަސްލު މައްސަލައިގެ ހައްލެއްނޫން.
ސަސި
30 June 2023
މަހްލޫފު ހެދިހެން ބަައްސާމާ ދެކޮޅަށް ކެމްޕޭނަށް ނުކުންނަ މީހުން އެންމެ ފަހުން އޭނާއާ ބައިއަތު ހިފާނީއެއްނޫން.
އިބިރަހިމާ
30 June 2023
ނެތޭ އެނޫންގޮތެއް. ބައްސާމު އިންތިހާބު ކޮށްފައި އެހުރީ ކްލަބްތަކުން. އެފްއޭއެމް ގެ އެކްސްކޯގަ ވެސް ތިބީ ހަމަ އެ ކްލަބްތަކުގެ މަންދޫބުން. އެހެންވީމާ ދެން ކިހިނެއް އެކަން އެގޮތަށް ކުރާނީ؟ ދުނިޔޭގެ އެހެން ތަންނތަނުގެ ފުޓުބޯޅައިގެ ގަވަރނަންސް އޮންނަނީ ހަމަ މިރާއްޖޭގައި މި އޮންނަ ގޮތަށްބާ؟
ބަތާފުޅި
30 June 2023
އުއްޗުފައިސާ ދިނީކުޅުންތެރިންނަށް ދޭން. އެފައިސާ ނުދިނީމާ ތިތަނުގެ ކަންތައްހިގާގޮތް ވަޒަންކުރެވޭ.
އިބިރަހިމާ
30 June 2023
އެ ފައިސާ އެފްއޭއެމް އާ ހަވާލުކުރުން އެއީ އުއްޗުއަށް ވެސް ގޯސްކޮށް ކުރެވުނުކަމެއް. އެ ދުވަހު މެޗްކުޅެން ދިޔަ ކުދިންގެ އަތަށް ނޫނީ އެކުދިންގެ އެކައުންޓަށް ޖަމާކުރިމަނަ..
މޮހޮދޭ
30 June 2023
ބައްސާމް އައް އިއުތިމާސް ކުރަން، ވަޒީފާއިން ވަކި ނުވާން. މި ގައުމުގަ ވަޒީފާ ތަކާ ހަވާލުވާނީ އޭގެން ވާ ފައިދާއައް، މަސައްކަތް ކުރާކައް ނޫން.
އިބިރަހިމާ
30 June 2023
ޔާރައްބީ! އޭނަ އިސްތިއުފާ ދޭނެ ގޮތަކީ ނެތް ގޮތެއް. އޭނަ ހިތުގެ އަޑިން ގަބޫލުކުރެއޭ އެފްއޭއެމް މި ހިނގެނީ ވަރަށް މޮޅަށޭ. ހިންގުން ވަރަށް ހަރުދަނާއޭ. ދެން އޭނަ ދޭނެ އިސްތިއުފާއެއް އޮންނާނެތަ؟ ކޮންމެ އަހަރީ ޖަލްސާއެއްގައިވެސް އެ ދައްކާ މޮޅެތި ވާހަކަ ނިކަން ދެކިބަލަ.
ކޮކަޑި
29 June 2023
ބައްސާމު އާއެކު ޑީލެއްހާފަ ނިއްމާލާނީކީނޫން މިފަހަރު ވާނެ ކޮޅެއްގަ ޖައްސަން.
ހުސޭނުބޭ
29 June 2023
އަހަންނަކީ ފުޓް ބޯޅަ ކުޅޭ މީހެއް ނޫން. އެކަމަކު ކޮންމެސް ވަރަކަށް ފުޓްބޯޅަ ބަލަން. އިގޭ އެއްޗަކީ ބައްސާމު ތިޔަކަމަކާ ހަވާލުވި ހިސާބުން ރާއްޖޭގެ ފުޓްބޯޅައިގެ މާކަ ރަނގަޅު ވާހަކަ ތަކެއް އަޑެއް ނީވޭކަން. އިގޭ ކަމަކީ ނޫސްތަކުން ކިޔޭ އެއްޗަކީ ކޮރަޕްޝަނާ ފަސާދަ ތީގައި އެބަ އޮތްކަން. އިގޭ ކަމަކީ ނުފޫޒު އިންތިހާއަށް ވަދެ ފުޓްބޯޅަ ބަޔަކު ހަލާކުކޮށްފިކަން. އިގޭ ކަމަކީ ނުހައްގު މުއްސަދިކަމުން ބައްސާމުގައިމުވެސް ތަރި ޖަހައިފިކަން. ދެން ގެޔަށްދޭ!
ވެލެންސިޔާ
29 June 2023
ޒަމާންވީ ވެލެންސިޔާގެ ސަޕޯޓަރެއް މީ. އެކަމަކު ގަބޫލުކުރަން މިޖެހެނީ ބައްސާމުގެ ދަށުގައި ރާއްޖަެގެ ފުޓްބޯޅަ މަހުންމަހަށް ދަށްވާކަން. ބައްސާމުވެސް އިސްތިއުފާ ދެއްވާ އަދި މުޅި އެފްއޭއެމް ރިފޯމްކޮށް ހިތްވަރުލާފައި އާ ޗެޕްޓަރެއް ރާއްޖޭގެ ފުޓްބޯޅަ ތެރެއިން ފަށަން ހިތްވަރާއިއެކު ކެރިހުރެގެން ސަޕޯޓްދޭނަން!